|
|
| [1]Senior Electæ dominæ, et natis ejus, quos ego diligo in veritate, et non ego solus, sed et omnes qui cognoverunt veritatem, |
[No book] |
| [2]propter veritatem, quæ permanet in nobis, et nobiscum erit in æternum. |
[No book] |
| [3]Sit vobiscum gratia, misericordia, pax a Deo Patre, et a Christo Jesu Filio Patris in veritate, et caritate. |
[No book] |
| [4]Gavisus sum valde, quoniam inveni de filiis tuis ambulantes in veritate, sicut mandatum accepimus a Patre. |
[No book] |
| [5]Et nunc rogo te domina, non tamquam mandatum novum scribens tibi, sed quod habuimus ab initio, ut diligamus alterutrum. |
[No book] |
| [6]Et hæc est caritas, ut ambulemus secundum mandata ejus. Hoc est enim mandatum, ut quemadmodum audistis ab initio, in eo ambuletis. |
[No book] |
| [7]Quoniam multi seductores exierunt in mundum, qui non confitentur Jesum Christum venisse in carnem: hic est seductor, et antichristus. |
[No book] |
| [8]Videte vosmetipsos, ne perdatis quæ operati estis: sed ut mercedem plenam accipiatis. |
[No book] |
| [9]Omnis qui recedit, et non permanet in doctrina Christi, Deum non habet: qui permanet in doctrina, hic et Patrem et Filium habet. |
[No book] |
| [10]Si quis venit ad vos, et hanc doctrinam non affert, nolite recipere eum in domum, nec Ave ei dixeritis. |
[No book] |
| [11]Qui enim dicit illi Ave, communicat operibus ejus malignis. |
[No book] |
| [12]Plura habens vobis scribere, nolui per cartam et atramentum: spero enim me futurum apud vos, et os ad os loqui: ut gaudium vestrum plenum sit. |
[No book] |
| [13]Salutant te filii sororis tuæ Electæ. |
[No book] |