➖ »
«
➖ ➕
Peshitta OT
PesOT
The Sonnini Manuscript: The Lost Chapter 29 of Acts
Acts29
←
2 Kings
2Kg
11
→
[1]ܘܲܥܬܲܠܝܵܐ ܐܸܡܹܗ ܕܐܹܚܲܙܝܵܐ: ܚܙܵܬ̤ ܕܡ̣ܝܼܬ̣ ܒܪܵܗ̇. ܘܩܵܡܲܬ̤ ܘܐܵܘܒ̇ܕܲܬ̤ ܠܟ݂ܠܹܗ ܙܲܪܥܵܐ ܕܡܲܠܟ̇ܘܼܬ̣ܵܐ. [No book]
[2]ܘܕܸܒ̣ܪܲܬ̤ ܝܘܿܫܒܲܥ ܒܲܪܬ̣ ܡܲܠܟܵܐ ܝܘܿܪܵܡ: ܚܵܬܹܗ ܕܐܹܚܲܙܝܵܐ: ܠܝܘܿܐܵܫ ܒܲܪ ܐܹܚܲܙܝܵܐ: ܘܲܓ̣ܢܲܒ̣ܬܹܗ ܡ̣ܢ ܒܲܝܢܵܬ̣ ܒܢܲܝ̈ ܡܲܠܟܵܐ ܕܡܸܬ̣ܩܲܛܠܝܼܢ: ܘܛܲܫܝܵܬܹܗ ܠܹܗ ܘܲܠܡܲܝܢܲܩܬܹܗ ܒܩܲܝܛܘܿܢܵܐ ܕܡܲܫܟ̇ܒ̣ܵܗ̇. ܘܛܵܫܝܵܬܹܗ ܡ̣ܢ ܩܕ݂ܵܡ ܥܬܲܠܝܵܐ: ܘܠܵܐ ܡܝܼܬ̣. [No book]
[3]ܘܲܗܘ̤ܵܐ ܥܲܡܵܗ̇ ܒܒܲܝܬܹ̇ܗ ܕܡܵܪܝܵܐ ܡܸܬ̇ܛܲܫܹܐ ܫܸܬ̣ ܫܢ̈ܝܼܢ. ܘܲܥܬܲܠܝܵܐ ܐܲܡ̱ܠܟܲܬ̤ ܥܲܠ ܐܲܪܥܵܐ. [No book]
[4]ܘܲܒ̣ܫܲܢ̄ܬܵܐ ܫܒ̣ܝܼܥܷܵܬܵܐ: ܫܲܕܲܪ ܝܘܿܝܵܕ݂ܵܥ: ܘܲܕ݂ܒܲܪ ܠܪ̈ܲܒܲܝ ܡܵܐ̈ܘܵܬ̣ܵܐ ܘܲܠܪ̈ܲܗܵܛܹܐ: ܘܠܲܛܒܸܠܵܘܹ̈ܐ. ܘܐܲܥܸܠ ܐܸܢܘܿܢ ܠܘܵܬܹܗ ܠܒܲܝܬܹ̇ܗ ܕܡܵܪܝܵܐ: ܘܐܲܩܝܼܡ ܠܗܘܿܢ ܩܝܵܡܵܐ ܘܝܼܡܵܐ ܥܲܡܗܘܿܢ ܡܵܘ̈ܡܵܬ̣ܵܐ ܒܒܲܝܬܹ̇ܗ ܕܡܵܪܝܵܐ: ܘܚܵܘܝܼ ܐܸܢܘܿܢ ܠܲܒ̣ܪܹܗ ܕܡܲܠܟܵܐ. [No book]
[5]ܘܦܲܩܸܕ݂ ܐܸܢܘܿܢ ܘܐܸܡܲܪ ܠܗܘܿܢ: ܗܵܢܵܐ ܦܸܬ̣ܓ̣ܵܡܵܐ ܕܬܸܥܒ̇ܕ݂ܘܼܢ: ܬܘܼܠܬ̣ܵܐ ܡܸܢܟܘܿܢ ܢܸܗܘܘܿܢ ܢܵܛܪܝܼܢ ܒܡܲـ̈ـܥܵܠܲܝ ܫܲܒ̇ܬ̣ܵܐ ܒܡܲܛܲܪܬܵܐ ܕܒܹܝܬ̣ ܡܲܠܟܵܐ. [No book]
[6]ܘܬ̣ܘܼܠܬ̣ܵܐ ܒܬܲܪܥܵܐ ܕܩܹܐܪܣܵܐ. ܘܬ̣ܘܼܠܬ̣ܵܐ ܒܬܲܪܥܵܐ ܕܒܹܝܬ̣ ܪ̈ܲܗܵܛܹܐ. ܘܛܲܪܘ ܡܲܛܲܪܬܵܐ ܕܒܲܝܬܵܐ ܡ̣ܢ ܣܘܼܪܚܵܢܵܐ. [No book]
[7]ܘܬܲܪܬܹ̇ܝܢ ܡܢܵـ̈ـܘܵܢ ܡܸܢܟ݂ܘܿܢ ܒܟ݂ܠ ܡܲܦܵܩܲܝ̈ ܫܲܒ̇ܬ̣ܵܐ. ܘܛܲܪܘ ܡܲܛܲܪܬܵܐ ܕܒܹܝܬ̣ ܡܵܪܝܵܐ ܥܲܡ ܕܒܹܝܬ̣ ܡܲܠܟܵܐ. [No book]
[8]ܘܐܸܬ̣ܟ̇ܘܼܪܟ̇ܘܼܗܝ ܠܡܲܠܟܵܐ ܓܲܒ̣ܪܵܐ ܘܙܲܝܢܹܗ ܒܐܝܼܕܹܗ. ܘܡ̣ܢ ܕܥܵܐܹ̇ܠ ܠܣܸܕ݂ܪܹ̈ܐ: ܢܡܘܼܬ̣. ܘܲܗܘ̤ܵܘ ܥܲܡ ܡܲܠܟܵܐ ܒܡܲܦܩܹܗ ܘܲܒ̣ܡܲܥܠܹܗ. [No book]
[9]ܘܲܥܒܲܕ݂ܘ ܪ̈ܲܒܲܝ ܡܵܐ̈ܘܵܬ̣ܵܐ ܐܲܝܟ݂ ܕܦܲܩܸܕ݂ ܐܸܢܘܿܢ ܝܘܿܝܵܕ݂ܵܥ ܟܵܗܢܵܐ. ܘܲܕ݂ܒܲܪ ܓܲܒ̣ܪܵܐ ܐ̄ܢܵܫܵܘ̈ܗܝ ܒܡܲܥ̈ܠܲܝ ܫܲܒ̇ܬ̣ܵܐ ܥܲܡ ܡܲܦܵܩܲܝ̈ ܫܲܒ̇ܬ̣ܵܐ. ܘܐܸܬ̣ܵܐ ܠܘܵܬ̣ ܝܘܿܝܵܕ݂ܵܥ ܟܵܗܢܵܐ. [No book]
[10]ܘܝܲܗ̄ܒ̣ ܟܵܗܢܵܐ ܠܪ̈ܲܒܲܝ ܡܵܐ̈ܘܵܬ̣ܵܐ ܡܘܿܪ̈ܵܢܝܵܬ̣ܵܐ ܘܫܵܠ̈ܛܹܐ ܕܡܲܠܟܵܐ ܕܵܘܝܼܕ݂ ܕܲܒ̣ܒܲܝܬܹ̇ܗ ܕܡܵܪܝܵܐ. [No book]
[11]ܘܩܵܡ̣ܘ ܪ̈ܲܗܵܛܹܐ ܓܲܒ̣ܪܵܐ ܘܙܲܝܢܹܗ ܒܐܝܼܕܹܗ: ܡ̣ܢ ܣܸܛܪܹܗ ܕܒܲܝܬܵܐ: ܡ̣ܢ ܝܲܡܝܼܢܵܐ: ܘܲܥܕܲܡܵܐ ܠܣܸܛܪܹܗ ܕܒܲܝܬܵܐ ܡ̣ܢ ܣܸܡܵܠܵܐ. ܘܐܸܬ̣ܟ̇ܪܸܟ݂ܘ ܥܲܠ ܡܲܕ݂ܒ̇ܚܵܐ ܘܥܲܠ ܒܹܝܬ̣ ܡܲܠܟܵܐ. [No book]
[12]ܘܐܲܦܸܩܘ ܠܲܒ̣ܪܹܗ ܕܡܲܠܟܵܐ: ܘܣܵܡܘ ܒܪܹܫܹܗ ܟܠܝܼܠܵܐ ܕܣܵܗܕ̇ܘܼܬ̣ܵܐ. ܘܐܲܡ̱ܠܝܼܟ݂ܘܼܗܝ ܘܡܲܫܚܘܼܗܝ: ܘܲܢܩܲܫܘ ܟܲܦܵܐ ܘܐܸܡܲܪܘ: ܢܸܚܹܐ ܡܲܠܟܵܐ. [No book]
[13]ܘܫܸܡܥܲܬ̤ ܥܬܲܠܝܵܐ ܩܵܠ ܪܵܘܒܵܐ ܕܥܲܡܵܐ: ܘܥܲܡܵܐ ܟܲܕ݂ ܚܵܕܹܝܢ. ܘܐܸܬܲܬ̤ ܠܘܵܬ̣ ܥܲܡܵܐ ܠܒܲܝܬܹ̇ܗ ܕܡܵܪܝܵܐ. [No book]
[14]ܘܲܚܙܵܬ̤ ܡܲܠܟܵܐ ܟܲܕ݂ ܩܵܐܹ̇ܡ ܥܲܠ ܥܲܡܘܼܕ݂ܵܐ ܐܲܝܟ݂ ܢܵܡܘܿܣܵܐ ܕܡܲܠ̈ܟܹ̇ܐ. ܘܪܵܘ̱ܪ̈ܒ̣ܵܢܹܐ ܘܩܵܪ̈ܝܲܝ ܒܩܲܪ̈ܢܵܬ̣ܵܐ ܩܵܝܡܝܼܢ ܩܕ݂ܵܡ ܡܲܠܟܵܐ: ܘܟ݂ܠܹܗ ܥܲܡܵܐ ܕܐܲܪܥܵܐ ܚܵܕܹܝܢ ܘܩܵܪܹܝܢ ܒܩܲܪ̈ܢܵܬ̣ܵܐ. ܘܨܲܪܝܲܬ̤ ܥܬܲܠܝܵܐ ܠܒ̣ܘܼܫܹ̈ܝܗ̇: ܘܲܩܪܵܬ̤ ܡܸܪܕܵܐ: ܡܸܪܕܵܐ. [No book]
[15]ܘܲܦܩܲܕ݂ ܝܘܿܝܵܕ݂ܵܥ ܟܵܗܢܵܐ ܠܪ̈ܲܒܲܝ ܡܵܐ̈ܘܵܬ̣ܵܐ ܫܲܠܝܼܛܲܝ̈ ܚܲܝܠܵܐ: ܘܐܸܡܲܪ ܠܗܘܿܢ: ܐܲܦܩܘܼܗ̇ ܠܒܲܪ ܡ̣ܢ ܣܸܕ݂ܪܹ̈ܐ. ܘܟ݂ܠ ܡ̇ܢ ܕܥܵܐܹ̇ܠ ܒܵܬ̣ܪܵܗ̇: ܢܸܬ̣ܩܛܸܠ ܒܚܲܪܒܵܐ ܡܸܛܠ ܕܐܸܡܲܪ ܟܵܗܢܵܐ: ܠܵܐ ܬܸܬ̣ܩܛܸܠ ܒܒܲܝܬܹ̇ܗ ܕܡܵܪܝܵܐ. [No book]
[16]ܘܬܲܩܸܢ ܠܵܗ̇ ܕܘܼܟ̇ܬ̣ܵܐ. ܘܥܸܠܲܬ̤ ܒܐܘܼܪܚܵܐ ܕܡܲܥܠܵܢܵܐ ܕܪ̈ܲܟ݂ܫܵܐ ܕܡܲܠܟܵܐ: ܘܡܝܼܬܲܬ̤ ܬܲܡܵܢ. [No book]
[17]ܘܐܲܩܝܼܡ ܝܘܿܝܵܕ݂ܵܥ ܩܝܵܡܵܐ ܒܹܝܬ̣ ܡܵܪܝܵܐ ܠܡܲܠܟܵܐ ܘܲܠܥܲܡܵܐ: ܕܢܸܗܘܘܿܢ ܥܲܡܵܐ ܠܡܵܪܝܵܐ: ܘܒܹܝܬ̣ ܡܲܠܟܵܐ ܠܥܲܡܵܐ. [No book]
[18]ܘܥܲܠܘ ܟܠܹܗ ܥܲܡܵܐ ܕܐܲܪܥܵܐ: ܠܒܹܝܬ̣ ܒܲܥܠܵܐ. ܘܲܥܩܲܪܘ ܡܲܕ݂ܒ̇ܚܵܘ̈ܗܝ ܘܨܲܠܡܵܘ̈ܗܝ ܬܲܒܲܪܘ. ܘܲܠܡܵܬܲܢ ܟܘܼܡܪܵܐ ܕܒܲܥܠܵܐ ܩܛܲܠܘ ܩܕ݂ܵܡ ܡܲܕ݂ܒ̇ܚܵܐ. ܘܐܲܩܝܼܡ ܟܵܗܢܵܐ ܦܵܩܘܿܕܹ̈ܐ ܥܲܠ ܒܲܝܬܹ̇ܗ ܕܡܵܪܝܵܐ. [No book]
[19]ܘܲܕ݂ܒܲܪ ܠܪ̈ܲܒܲܝ ܡܵܐ̈ܘܵܬ̣ܵܐ ܘܲܠܪ̈ܲܗܵܛܹܐ ܘܠܲܛܒܸܠܵܘܹ̈ܐ: ܘܲܠܟ݂ܠܹܗ ܥܲܡܵܐ ܕܐܲܪܥܵܐ. ܘܐܲܚܬ̣ܘܼܗܝ ܠܡܲܠܟܵܐ ܡ̣ܢ ܒܲܝܬܹ̇ܗ ܕܡܵܪܝܵܐ. ܘܥܲܠ ܒܐܘܼܪܚܵܐ ܕܬܲܪܥܵܐ ܕܪ̈ܲܗܵܛܹܐ ܕܒܹܝܬ̣ ܡܲܠܟܵܐ. ܘܝܼܬܸܒ̣ ܥܲܠ ܟܘܼܪܣܝܵܐ ܕܡܲܠ̈ܟܹ̇ܐ. [No book]
[20]ܘܲܚܕ݂ܝܼ ܟܠܹܗ ܥܲܡܵܐ ܕܐܲܪܥܵܐ: ܘܲܩܪܝܼܬ̣ܵܐ ܫܸܠܝܲܬ̤. ܘܠܲܥܬܲܠܝܵܐ ܩܛܲܠ̣ܘ ܒܚܲܪܒܵܐ ܒܒܹܝܬ̣ ܡܲܠܟܵܐ. [No book]
[21]ܒܲܪ ܫܒܲܥ ܫܢ̈ܝܼܢ ܗ̄ܘ̣ܵܐ ܝܘܿܐܵܫ ܟܲܕ݂ ܐܲܡ̣ܠܸܟ݂. [No book]
 
Top