➖ »
«
➖ ➕
Peshitta OT
PesOT
The First Book of Clement
1Clem
←
2 Kings
2Kg
12
→
[1]ܒܲܫܢܲܬ̣ ܫܒܲܥ ܠܝܵܗܘ̇ ܐܲܡ̣ܠܸܟ݂ ܝܘܼܐܵܫ: ܘܐܲܪܒ̇ܥܝܼܢ ܫܢ̈ܝܼܢ ܐܲܡܠܸܟ݂ ܒܐܘܿܪܸܫܠܸܡ ܘܲܫܡܵܐ ܕܐܸܡܹܗ ܨܘܼܒ̣ܵܐ ܡ̣ܢ ܒܹܪ ܫܒܲܥ. [No book]
[2]ܘܲܥܒܲܕ݂ ܝܘܼܐܵܫ ܕܫܲܦܝܼܪ ܩܕ݂ܵܡ ܡܵܪܝܵܐ ܟܠ ܝܵܘܡܵܘ̈ܗܝ: ܕܡܲܠܸܦ ܗ̄ܘ̣ܵܐ ܠܹܗ ܝܘܿܝܵܕ݂ܵܥ ܟܵܗܢܵܐ. [No book]
[3]ܒܪܲܡ ܥܠܵـ̈ـܘܵܬ̣ܵܐ ܠܵܐ ܐܲܥܒܲܪ: ܘܲܥܕܲܟܹ̇ܝܠ ܥܲܡܵܐ ܡܕܲܒ̇ܚܝܼܢ ܗ̄ܘ̣ܵܘ ܘܡܲܥܛܪܝܼܢ ܥܲܠ ܥܠܵـ̈ـܘܵܬ̣ܵܐ. [No book]
[4]ܘܐܸܡܲܪ ܝܘܼܐܵܫ ܠܟ݂ܵܗ̈ܢܹܐ: ܟܠ ܟܸܣܦܵܐ ܕܩܘܼܕ݂ܫܵܐ ܕܥܵܐܹ̇ܠ ܠܒܲܝܬܹ̇ܗ ܕܡܵܪܝܵܐ: ܟܸܣܦܵܐ ܕܝܵܗܹ̇ܒ̣ ܓܲܒ̣ܪܵܐ ܠܦܘܼܪܩܵܢܵܐ ܕܢܲܦ̮ܫܹܗ: ܟܠ ܟܸܣܦܵܐ ܕܡܸܬ̣ܪܲܥܸܐ ܓܲܒ̣ܪܵܐ ܒܠܸܒܹ̇ܗ ܕܢܲܥܸܠ ܠܒܲܝܬܹ̇ܗ ܕܡܵܪܝܵܐ. [No book]
[5]ܢܸܣܒ̣ܘܼܢ ܠܗܘܿܢ ܟܵܗ̈ܢܹܐ ܓܲܒ̣ܪܵܐ ܡ̣ܢ ܡ̇ܢ ܕܡܸܬ̣ܪܲܥܸܐ. ܘܗܸܢܘܿܢ ܢܸܗܘܘܿܢ ܡܲܦܩܝܼܢ ܥܲܠ ܒܕ݂ܵܩܵܐ ܕܒܲܝܬܵܐ: ܕܡܸܫܬ̇ܟܲܚ ܒܹܗ ܒܕ݂ܵܩܵܐ. [No book]
[6]ܘܒܲܫܢܲܬ̣ ܥܸܣܪܝܼܢ ܘܲܬ̣ܠܵܬ̣ ܫܢ̈ܝܼܢ ܠܡܲܠܟܵܐ ܝܘܼܐܵܫ: ܠܵܐ ܒܕܲܩ̣ܘ ܟܵܗ̈ܢܹܐ ܒܕ݂ܵܩܵܐ ܕܒܲܝܬܵܐ. [No book]
[7]ܘܲܩܪܵܐ ܡܲܠܟܵܐ ܝܘܿܐܵܫ ܠܝܘܿܝܵܕ݂ܵܥ ܟܵܗܢܵܐ: ܘܲܠܟ݂ܵܗ̈ܢܹܐ: ܘܐܸܡܲܪ ܠܗܘܿܢ: ܡܸܛܠ ܡܵܢܵܐ ܠܵܐ ܒܵܕ݂ܩܝܼܢ ܐܢ̄ܬ̇ܘܿܢ ܒܕ݂ܵܩܵܐ ܕܒܲܝܬܵܐ. ܗܵܫܵܐ ܠܵܐ ܬܸܣܒ̣ܘܼܢ ܟܸܣܦܵܐ ܡ̣ܢ ܐܲܝܠܹܝܢ ܕܝܵܗ̄ܒ̇ܝܼܢ ܠܟܘܿܢ ܠܲܒ̣ܕ݂ܵܩܵܐ ܕܒܲܝܬܵܐ ܗܲܒ̣ܘܼܗܝ. [No book]
[8]ܘܐܸܬ̇ܛܦܝܼܣܘ ܟܵܗܢܹܐ ܕܠܵܐ ܢܸܣܒ̣ܘܼܢ ܟܸܣܦܵܐ ܡ̣ܢ ܥܲܡܵܐ: ܘܠܵܐ ܢܸܒ̣ܕ̇ܩܘܼܢ ܒܕ݂ܵܩܵܐ ܕܒܲܝܬܵܐ. [No book]
[9]ܘܲܢܣܲܒ̣ ܝܘܿܝܵܕ݂ܵܥ ܟܵܗܢܵܐ ܐܵܪܘܿܢܵܐ ܚܲܕ݂: ܘܲܢܩܲܒ̣ ܢܸܩܒܵܐ ܒܬܲܪܥܹܗ. ܘܣܵܡܹܗ ܥܲܠ ܓܹܢ̄ܒ̣ ܡܲܕ݂ܒ̇ܚܵܐ ܡ̣ܢ ܝܲܡܝܼܢܵܐ: ܐܲܝܟܵܐ ܕܥܵܐܹ̇ܠ ܓܲܒ̣ܪܵܐ ܠܒܲܝܬܹ̇ܗ ܕܡܵܪܝܵܐ. ܘܪܵܡܹ̇ܝܢ ܬܲܡܵܢ ܟܵܗ̈ܢܹܐ ܢܵܛܪ̈ܲܝ ܬܲܪ̈ܥܹܐ: ܟܠܹܗ ܟܸܣܦܵܐ ܕܥܵܐܹ̇ܠ ܠܒܲܝܬܹ̇ܗ ܕܡܵܪܝܵܐ. [No book]
[10]ܘܟܲܕ݂ ܚܙܵܘ ܕܲܣܓ̣ܝܼ ܠܹܗ ܟܸܣܦܵܐ ܒܐܵܪܘܿܢܵܐ: ܣܠܸܩ̣ ܣܵܦܪܵܐ ܕܡܲܠܟܵܐ ܘܟ݂ܵܗܢܵܐ ܪܲܒܵܐ: ܘܲܣܠܸܩܘ: ܘܲܡܢܵܘ: ܘܨܲܪܘ ܟܸܣܦܵܐ ܕܐܸܫܬ̇ܟܲܚ ܒܒܲܝܬܹ̇ܗ ܕܡܵܪܝܵܐ. [No book]
[11]ܘܝܲܗ̄ܒ̇ܘܼܗܝ ܠܟܸܣܦܵܐ ܟܲܕ݂ ܨܪܝܼܪ ܠܥܵܒ̣ܕܲܝ̈ ܥܒ̣ܵܕ݂ܵܐ ܕܲܡܫܲܠܛܝܼܢ ܒܒܲܝܬܹ̇ܗ ܕܡܵܪܝܵܐ. ܘܝܲܗ̄ܒ̇ܘܼܗܝ ܠܢܲܓܵܪܹ̈ܐ ܘܠܲܐܪ̈ܓܘܼܒ̣ܠܹܐ: ܕܥܵܒ̣ܕ̇ܝܼܢ ܒܒܲܝܬܹ̇ܗ ܕܡܵܪܝܵܐ. [No book]
[12]ܘܠܲܐܪ̈ܕܸ̇ܟ݂ܠܹܐ ܘܲܠܦܣܠܲܝ̈ ܟܹܐ̈ܦܹܐ: ܘܲܠܡܸܙܒܲܢ ܩܲܝ̈ܣܹܐ. ܘܟܹܐ̈ܦܹܐ ܦܣ̈ܝܼܠܵܬ̣ܵܐ: ܠܡܸܒ̣ܕܲܩ ܒܕ݂ܵܩܵܐ ܕܒܲܝܬܹ̇ܗ ܕܡܵܪܝܵܐ: ܘܲܠܟ݂ܠ ܡܸܕܸ̇ܡ ܕܢܵܦܹܩ ܥܲܠ ܒܲܝܬܵܐ ܠܲܡܫܲܪܵܪܘܼܬܹܗ. [No book]
[13]ܘܠܵܐ ܐܸܬ̣ܥ̱ܒܸܕ݂ ܒܒܲܝܬܹ̇ܗ ܕܡܵܪܝܵܐ: ܠܵܐ ܠܲܩܢܹ̈ܐ ܕܟܸܣܦܵܐ: ܘܠܵܐ ܫܵܚ̈ܠܹܐ: ܘܠܵܐ ܩܲܛܪ̈ܘܿܩܹܐ: ܘܠܵܐ ܩܲܪ̈ܢܵܬ̣ܵܐ: ܘܠܵܐ ܟܠ ܡܵܐܢ ܕܕܲܗܒ̣ܵܐ ܘܡܵܐܢܹ̈ܐ ܕܟܸܣܦܵܐ: ܡ̣ܢ ܟܸܣܦܵܐ ܕܥܵܐܹ̇ܠ ܠܒܲܝܬܹ̇ܗ ܕܡܵܪܝܵܐ. [No book]
[14]ܐܸܠܵܐ ܠܥܵܒ̣ܕܲܝ̈ ܥܒ̣ܵܕ݂ܵܐ ܝܲܗ̄ܒ̇ܘܼܗܝ ܘܒ̣ܵܕ݂ܩܝܼܢ ܒܹܗ ܒܕ݂ܵܩܵܐ ܕܒܲܝܬܹ̇ܗ ܕܡܵܪܝܵܐ. [No book]
[15]ܘܠܵܐ ܚܵܫܒ̇ܝܼܢ ܥܲܡ ܓܲܒ̣ܪܹ̈ܐ ܕܝܵܗ̄ܒ̇ܝܼܢ ܠܗܘܿܢ ܟܸܣܦܵܐ ܕܢܸܬ̇ܠܘܼܢ ܠܥܵܒ̣ܕܲܝ̈ ܥܒ̣ܵܕ݂ܵܐ: ܡܸܛܠ ܕܲܒ̣ܗܲܝܡܵܢܘܼܬ̣ܵܐ ܝܵܗ̄ܒ̇ܝܼܢ ܟܸܣܦܵܐ ܕܲܒ̣ܕ݂ܵܩܵܐ. [No book]
[16]ܘܟܸܣܦܵܐ ܕܩܘܼܪܒܵܢܵܐ ܘܟܸܣܦܵܐ ܕܲܚܠܵܦ ܚܛܵܗܹ̈ܐ: ܠܵܐ ܥܵܐܹ̇ܠ ܠܒܲܝܬܹ̇ܗ ܕܡܵܪܝܵܐ: ܐܸܠܵܐ ܠܟ݂ܵܗ̈ܢܹܐ ܗܵܘܹ̇ܐ. [No book]
[17]ܗܵܝܕܹ̇ܝܢ ܣܠܸܩ ܚܙܵܐܹܝܠ ܡܲܠܟܵܐ ܕܐܲܕ݂ܘܿܡ: ܘܐܸܬ̣ܟܲܬܲܫ ܥܲܡ ܓܵܬ̣ ܘܟܲܒ̣ܫܵܗ̇. ܘܣܵܡ̣ ܚܙܵܐܹܝܠ ܐܲܦܵܘ̈ܗܝ ܠܡܸܣܲܒ̣ ܥܲܠ ܐܘܿܪܸܫܠܸܡ. [No book]
[18]ܘܲܢܣܲܒ̣ ܝܘܿܐܵܫ ܡܲܠܟܵܐ ܕܲܝܗܘܼܕ݂ܵܐ: ܟܠܗܘܿܢ ܩܘܼ̈ܕ݂ܫܹܐ ܕܩܲܕܸ̇ܫ̣ ܝܘܿܫܵܦܵܛ: ܘܝܘܿܪܵܡ: ܘܐܹܚܲܙܝܵܐ: ܐܲܒ̣ܵܗܵܘ̈ܗܝ ܡܲܠ̈ܟܹ̇ܐ ܕܲܝܗܘܼܕ݂ܵܐ: ܘܩܘܼܕ݂ܫܵܘ̈ܗܝ: ܘܟ݂ܠܹܗ ܕܲܗܒ̣ܵܐ ܕܐܸܫܬ̇ܟܲܚ ܒܒܹܝܬ̣ ܓܲܙܵܐ ܕܒܲܝܬܹ̇ܗ ܕܡܵܪܝܵܐ: ܘܲܒ̣ܒܹܝܬ̣ ܡܲܠܟܵܐ. ܘܫܲܕܲܪ ܠܲܚܙܵܐܹܝܠ ܡܲܠܟܵܐ ܕܐܲܕ݂ܘܿܡ. ܘܐܸܬ̣ܥܲܠܝܼ ܡ̣ܢ ܐܘܿܪܸܫܠܸܡ. [No book]
[19]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܝܘܿܐܵܫ ܘܟܸܠܡܸܕܸ̇ܡ ܕܲܥܒܲܕ݂: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܲܝܗܘܼܕ݂ܵܐ. [No book]
[20]ܘܩܵܡܘ ܥܲܒ̣ܕܵܘܗܝ ܕܝܘܿܐܵܫ: ܘܲܡܪܲܕ݂ܘ ܡܸܪܕܵܐ. ܘܩܲܛܠܘܼܗܝ ܠܝܘܿܐܵܫ ܒܹܝܬ̣ ܡܲܠܘܿ ܟܲܕ݂ ܢܵܚܹ̇ܬ̣ ܠܲܣܠܲܥ. [No book]
[21]ܝܘܿܙܵܟ݂ܵܪ ܒܲܪ ܫܸܡܥܲܬ̣: ܘܝܘܼܙܒ̣ܵܪ ܒܲܪ ܫܵܡܝܼܪ ܥܲܒ̣ܕܵܘ̈ܗܝ ܡܚܵܐܘܼܗܝ ܘܡܝܼܬ̣. ܘܩܲܒ̣ܪܘܼܗܝ ܥܲܡ ܐܲܒ̣ܵܗܵܘ̈ܗܝ ܒܲܩܪܝܼܬ̣ܵܐ ܕܕ݂ܵܘܝܼܕ݂ ܘܐܲܡ̣ܠܸܟ݂ ܐܵܡܘܿܨܝܼܵܐ ܒܪܹܗ ܒܵܬ̣ܪܹܗ. [No book]
Translation: Charles H. Hoole (1885)
Source: www.earlychristianwritings.com
Top