|
|
| [1]ܒܲܫܢܲܬ̣ ܬܠܵܬ̣ ܠܗܘܿܫܲܥ ܒܲܪ ܐܲܠܵܐ ܡܲܠܟܵܐ ܕܝܼܣܪܵܝܹܠ: ܐܲܡ̣ܠܸܟ݂ ܚܹܙܲܩܝܵܐ ܒܲܪ ܐܵܚܵܙ ܡܲܠܟܵܐ ܕܲܝܗܘܼܕ݂ܵܐ. |
[No book] |
| [2]ܒܲܪ ܥܸܣܪܝܼܢ ܗ̄ܘ̣ܵܐ ܘܚܲܡܸܫ ܫܢ̈ܝܼܢ ܟܲܕ݂ ܐܲܡ̣ܠܸܟ݂. ܘܥܸܣܪܝܼܢ ܘܲܬ̣ܫܲܥ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ. ܘܲܫܡܵܗ̇ ܕܐܸܡܹܗ ܐܲܟ݂ܝܼ ܒܲܪܬ̣ ܙܟܲܪܝܵܐ. |
[No book] |
| [3]ܘܲܥ̣ܒܲܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ: ܐܲܝܟ݂ ܕܲܥܒܲܕ݂ ܕܵܘܝܼܕ݂ ܐܲܒ̣ܘܼܗܝ. |
[No book] |
| [4]ܘܗ̤ܘ ܐܲܥ̣ܒܲܕ݂ ܥ̈ܠܵܘܵܬ̣ܵܐ: ܘܬܲܒܲܪ ܩܵܝ̈ܡܵܬ̣ܵܐ: ܘܦܲܣܸܩ ܕܸܚ̈ܠܵܬ̣ܵܐ. ܘܲܦܣܵܩ ܚܸܘܝܵܐ ܕܲܢܚܵܫܵܐ ܕܲܥܒܲܕ݂ ܡܘܼܫܹܐ. ܡܸܛܠ ܕܲܛܥܵܘ ܒܢܲܝ̈ ܝܼܣܪܵܝܹܠ ܒܵܬ̣ܪܹܗ: ܘܣܵܝܡ̇ܝܼܢ ܗ̄ܘ̣ܵܘ ܠܹܗ ܒܸܣܡܹ̈ܐ ܥܕܲܡܵܐ ܠܝܵܘ̈ܡܵܬ̣ܵܐ ܗܵܢܘܿܢ: ܘܲܩܪܵܐܘܼܗܝ ܢܸܚ̄ܫܬ̣ܵܢ. |
[No book] |
| [5]ܘܲܒ̣ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ ܣܲܒܲܪ: ܘܒ̣ܵܬ̣ܪܹܗ ܠܵܐ ܗܘ̤ܵܐ ܐܲܟ݂ܘܵܬܹܗ ܒܟ݂ܠܗܘܿܢ ܡܲܠ̈ܟܹ̇ܐ ܕܲܝܗܘܼܕ݂ܵܐ: ܘܐܵܦܠܵܐ ܒܕܲܗܘ̤ܵܘ ܩܕ݂ܵܡܵܘܗܝ. |
[No book] |
| [6]ܘܐܸܬ̇ܕܲܒܲܩ ܒܡܵܪܝܵܐ: ܘܠܵܐ ܣܛ̣ܵܐ ܡ̣ܢ ܒܵܬ̣ܪܹܗ. ܘܲܢ̣ܛܲܪ ܦܘܼܩܕܵܢܵܘ̈ܗܝ ܐܲܝܟ݂ ܕܦܲܩܸܕ݂ ܡܵܪܝܵܐ ܠܡܘܼܫܹܐ. |
[No book] |
| [7]ܘܲܗܘ̤ܵܐ ܡܵܪܝܵܐ ܥܲܡܹܗ. ܘܠܲܐܝܟܵܐ ܕܐܵܙܹ̇ܠ ܗ̄ܘ̣ܵܐ: ܙܵܟܹ̇ܐ ܗ̄ܘ̣ܵܐ. ܘܲܡܪܲܕ݂ ܥܲܠ ܡܲܠܟܵܐ ܕܐܵܬ̣ܘܿܪ ܘܠܵܐ ܦܲܠܚܹܗ. |
[No book] |
| [8]ܘܗ̤ܘ ܡܚ̣ܵܐ ܠܲܦܠܸܫܬܵܝܹ̈ܐ ܥܕܲܡܵܐ ܠܥܵܐܙܵܐ: ܘܠܲܬ̣ܚܘܼܡܹ̈ܝܗ̇: ܡ̣ܢ ܡܲܓܕܲܠ ܢܵܛܘܿܪܹ̈ܐ ܘܲܥܕܲܡܵܐ ܠܲܩܪܝܼܬ̣ܵܐ ܥܲܫܝܼܢܬܵܐ. |
[No book] |
| [9]ܘܲܒ̣ܫܲܢ̄ܬܵܐ ܪܒ̣ܝܼܥܵܝܬܵܐ ܠܡܲܠܟܵܐ ܚܹܙܲܩܝܵܐ: ܗ̤ܝ ܗ̄ܝ̣ ܫܲܢ̄ܬܵܐ ܫܒ̣ܝܼܥܵܝܬܵܐ ܠܗܘܿܫܲܥ ܒܲܪ ܐܲܠܵܐ ܡܲܠܟܵܐ ܕܝܼܣܪܵܝܹܠ: ܣܠܸܩ ܫܲܠܡܵܢܸܥܣܲܪ ܡܲܠܟܵܐ ܕܐܵܬ̣ܘܿܪ ܥܲܠ ܫܵܡܪܹܝܢ: ܘܲܫܪܵܐ ܥܠܹܝܗ̇. |
[No book] |
| [10]ܘܟܲܒ̣ܫܵܗ̇ ܡ̣ܢ ܒܵܬܲܪ ܬܠܵܬ̣ ܫܢ̈ܝܼܢ: ܒܲܫܢܲܬ̣ ܫܸܬ̣ ܠܚܹܙܲܩܝܵܐ ܡܲܠܟܵܐ ܕܲܝܗܘܼܕ݂ܵܐ: ܗ̤ܝ ܗ̄ܝ̣ ܫܢܲܬ̣ ܬܫܲܥ ܠܗܘܿܫܲܥ ܡܲܠܟܵܐ ܕܝܼܣܪܵܝܹܠ: ܐܸܬ̣ܟܲܒ̣ܫܲܬ̣ ܫܵܡܪܹܝܢ. |
[No book] |
| [11]ܘܓܲܠܝܼ ܡܲܠܟܵܐ ܕܐܵܬ̣ܘܿܪ ܠܝܼܣܪܵܝܹܠ ܠܐܵܬ̣ܘܿܪ: ܘܐܲܫܪܝܼ ܐܸܢܘܿܢ ܒܲܚܠܲܚ ܘܲܒ̣ܚܵܒ̣ܵܪ ܢܗܲܪ ܓܵܘܙܵܢ ܩܘܼܪ̈ܝܵܐ ܕܡܵܕܲܝ. |
[No book] |
| [12]ܥܲܠ ܕܠܵܐ ܫ̣ܡܲܥܘ ܒܩܵܠܹܗ ܕܡܵܪܝܵܐ ܐܲܠܵܗܗܘܿܢ: ܘܲܥ̣ܒܲܕ݂ܘ ܥܲܠ ܩܝܵܡܹܗ. ܘܟ݂ܠ ܕܦܲܩܸܕ݂ ܐܸܢܘܿܢ ܡܘܼܫܹܐ ܥܲܒ̣ܕܹ̇ܗ ܕܡܵܪܝܵܐ: ܠܵܐ ܫ̣ܡܲܥܘ ܘܠܵܐ ܥ̣ܒܲܕ݂ܘ. |
[No book] |
| [13]ܘܒܲܫܢܲܬ̣ ܐܲܪܒܲܥܸܣܪܹ̈ܐ ܠܡܲܠܟܵܐ ܚܹܙܲܩܝܵܐ: ܣܠܸܩ ܣܲܢܚܹܝܪܝܼܒ̣ ܡܲܠܟܵܐ ܕܐܵܬ̣ܘܿܪ ܥܲܠ ܟܠܗܹܝܢ ܩܘܼܪ̈ܝܵܐ ܕܲܝܗܘܼܕ݂ܵܐ ܥܲܫܝܼ̈ܢܵܬ̣ܵܐ: ܘܐܸܚܲܕ݂ ܐܸܢܹܝܢ. |
[No book] |
| [14]ܘܲܫܠܲܚ ܚܹܙܲܩܝܵܐ ܡܲܠܟܵܐ ܕܝܗܘܼܕ݂ܵܐ ܠܡܲܠܟܵܐ ܕܐܵܬ̣ܘܿܪ ܠܲܠܟ݂ܝܼܫ: ܘܐܸܡܲܪ ܠܹܗ: ܚܛܹ̇ܝܬ̣ ܗܦܘܿܟ݂ ܡܹܢܝ. ܘܡܸܕܸ̇ܡ ܕܪܵܡܹ̇ܐ ܐܲܢ̄ܬ̇ ܥܠܲܝ: ܫܵܩܹ̇ܠ ܐ̄ܢܵܐ. ܘܐܲܪܡܝܼ ܡܲܠܟܵܐ ܕܐܵܬ̣ܘܿܪ ܥܲܠ ܚܹܙܲܩܝܵܐ ܡܲܠܟܵܐ ܕܲܝܗܘܼܕ݂ܵܐ: ܬܠܵܬ̣ܡܵܐܐ ܟܲܟ̇ܪ̈ܝܼܢ ܕܟܸܣܦܵܐ: ܘܲܬ̣ܠܵܬ̣ܝܼܢ ܟܲܟ̇ܪ̈ܝܼܢ ܕܕܲܗܒ̣ܵܐ. |
[No book] |
| [15]ܘܝܲܗ̄ܒ̣ ܚܹܙܲܩܝܵܐ ܟܠܹܗ ܟܸܣܦܵܐ ܕܐܸܫܬ̇ܟܲܚ ܒܒܲܝܬܹ̇ܗ ܕܡܵܪܝܵܐ: ܘܲܒ̣ܒܹܝܬ̣ ܓܲܙܵܐ ܕܡܲܠܟܵܐ. |
[No book] |
| [16]ܒܙܲܒ̣ܢܵܐ ܗܵܘ̇: ܩܠܲܦ ܚܹܙܲܩܝܵܐ ܬܲܪ̈ܥܹܐ ܕܗܲܝܟ̇ܠܹܗ ܕܡܵܪܝܵܐ: ܘܐܹܣ̈ܟ̇ܦܵܬ̣ܵܐ ܕܲܩܪܲܡ ܗ̄ܘ̣ܵܐ ܚܹܙܲܩܝܵܐ ܡܲܠܟܵܐ ܕܲܝܗܘܼܕ݂ܵܐ. ܘܝܲܗ̄ܒ̣ ܐܸܢܘܿܢ ܠܡܲܠܟܵܐ ܕܐܵܬ̣ܘܿܪ. |
[No book] |
| [17]ܘܲܗܦܲܟ݂ ܫܲܕܲܪ ܡܲܠܟܵܐ ܕܐܵܬ̣ܘܿܪ: ܠܬܹܐܪܬܵܢ: ܘܲܠܪܲܒ̇ ܣܝܼܣܲܩ: ܘܲܠܪܲܒ̇ ܫܵܩܹ̈ܐ: ܡ̣ܢ ܠܟ݂ܝܼܫ ܠܘܵܬ̣ ܚܹܙܲܩܝܵܐ ܡܲܠܟܵܐ: ܥܲܡ ܚܲܝܠܵܐ ܥܲܫܝܼܢܵܐ ܠܐܘܿܪܸܫܠܸܡ. ܘܲܣܠܸܩܘܘ ܘܥܲܠܘ ܠܐܘܿܪܸܫܠܸܡ ܘܩܵܡ̣ܘ ܒܡܲܣܩܵܢܵܐ ܕܝܲܡܬ̣ܵܐ ܥܸܠܵܝܬܵܐ ܕܒܲܫܒ̣ܝܼܠ ܚܲܩܠܹܗ ܕܩܵܨܪܵܐ. |
[No book] |
| [18]ܘܲܩܪܵܘ ܠܡܲܠܟܵܐ. ܘܲܢܦܲܩ̣ܘ ܠܘܵܬ̣ܗܘܿܢ: ܐܸܠܝܵܩܝܼܡ ܒܲܪ ܚܹܠܲܩܝܵܐ ܪܲܒ̇ܒܲܝܬܵܐ: ܘܫܲܒ̣ܢܵܐ ܣܵܦܪܵܐ: ܘܝܘܿܐܵܚ ܒܲܪ ܐܵܣܵܦ ܡܥܲܗܕ݂ܵܢܵܐ. |
[No book] |
| [19]ܘܐܸܡܲܪ ܠܗܘܿܢ ܪܲܒ̇ ܫܵܩܹ̈ܐ: ܐܸܡܲܪܘ ܠܚܹܙܲܩܝܵܐ: ܗܵܟܲܢܵܐ ܡܲܠܟܵܐ ܪܲܒܵܐ ܡܲܠܟܵܐ ܕܐܵܬ̣ܘܿܪ: ܡܵܢܵܘ ܬܘܼܟ݂ܠܵܢܵܐ ܗܵܢܵܐ ܕܐܸܬ̇ܬܲܟ݂ܠܬ̇. |
[No book] |
| [20]ܘܐܸܡܲܪܬ̇: ܕܐܝܼܬ̣ ܒܵܟ݂ ܡܲܡܠܠܵܐ ܕܣܸܦ̈ܘܵܬ̣ܵܐ ܘܬܲܪܥܝܼܬ̣ܵܐ ܘܓܲܢ̄ܒܵܪܘܼܬ̣ܵܐ ܠܲܩܪܵܒ̣ܵܐ ܗܵܫܵܐ ܥܲܠ ܡܲܢܘܼ ܐܸܬ̇ܬܲܟ݂ܠܲܬ̇ ܕܲܡܪܲܕ̇ܬ̇ ܥܠܲܝ. |
[No book] |
| [21]ܗܵܐ ܐܸܬ̇ܬܲܟ݂ܠܲܬ̇ ܥܲܠ ܣܵܡܟܵܐ ܕܩܲܢܝܵܐ ܪܥܝܼܥܵܐ: ܥܲܠ ܡܸܨܪܵܝܵܐ. ܕܡܵܐ ܕܐܸܣܬ̇ܡܵܟ݂ ܓܲܒ̣ܪܵܐ ܥܠܵܘܗܝ: ܥܵܐܹ̇ܠ ܒܐܝܼܕܹܗ: ܘܒ̣ܵܙܲܥ ܠܵܗ̇. ܗܵܟܲܢܵܐ ܗ̄ܘ̣ ܦܸܪܥܘܿܢ ܡܲܠܟܵܐ ܕܡܸܨܪܹܝܢ ܠܟ݂ܠ ܕܡܸܬ̇ܬܲܟ݂ܠܝܼܢ ܥܠܵܘܗܝ. |
[No book] |
| [22]ܘܐܸܢ ܬܹܐܡܲܪ ܠܝܼ: ܕܥܲܠ ܡܵܪܝܵܐ ܐܲܠܵܗܲܢ ܐܸܬ̇ܬܲܟ݂ܠ̄ܢ: ܠܵܐ ܗ̄ܘ̣ܵܐ ܗܵܘ̇ ܕܐܲܥܒܲܪ ܚܹܙܲܩܝܵܐ ܥ̈ܠܵܘܵܬܹܗ ܘܡܲܕ݂ܒ̇ܚܵܘ̈ܗܝ ܘܐܸܡܲܪ ܠܲܝܗܘܼܕ݂ܵܐ: ܘܠܐܘܿܪܸܫܠܸܡ: ܕܲܩܕ݂ܵܡ ܡܲܕ݂ܒ̇ܚܵܐ ܚܲܕ݂ ܬܸܣܓ̇ܕ݂ܘܼܢ ܒܐܘܿܪܸܫܠܸܡ. |
[No book] |
| [23]ܘܗܵܫܵܐ ܐܸܬ̣ܚܲܠܲܛ ܥܲܡ ܡܵܪܝ ܡܲܠܟܵܐ ܐܵܬ̣ܘܿܪܵܝܵܐ. ܘܐܸܬܸ̇ܠ ܠܵܟ݂ ܬܪܹܝܢ ܐܲܠܦ̈ܝܼܢ ܪ̈ܲܟ݂ܫܵܐ: ܐܸܢ ܐܝܼܬ̣ ܠܵܟ݂ ܦܲܪ̈ܵܫܹܐ ܕܬܲܪܟܸ̇ܒ̣ ܥܠܲܝܗܘܿܢ. |
[No book] |
| [24]ܘܐܲܝܟܲܢܵܐ ܡܲܗܦܲܟ݂ ܐܲܢ̄ܬ̇ ܐܲܦܹ̈ܐ ܕܚܲܕ݂ ܡ̣ܢ ܚܹܐܪܹ̈ܐ ܕܥܲܒ̣ܕܵܘ̈ܗܝ ܕܡܵܪܝ ܙܥܘܿܪܹ̈ܐ: ܘܐܸܬ̇ܬ̇ܟܸܠܬ̇ ܠܵܟ݂ ܥܲܠ ܡܸܨܪܵܝܵܐ ܥܲܠ ܡܲܪ̈ܟ̇ܒ̣ܵܬ̣ܵܐ ܘܦܲܪ̈ܵܫܹܐ. |
[No book] |
| [25]ܘܗܵܫܵܐ ܠܡܵܐ ܒܸܠܥܵܕ݂ ܡ̣ܢ ܡܵܪܝܵܐ ܣܸܠܩܹ̇ܬ̣ ܥܲܠ ܐܲܪܥܵܐ ܗܵܕܹܐ ܠܡܲܚܪܒ̣ܘܼܬ̣ܵܗ̇. ܡܵܪܝܵܐ ܗ̄ܘ̣ ܐܸܡܲܪ ܠܝܼ ܣܲܩ ܥܲܠ ܐܲܪܥܵܐ ܗܵܕܹܐ: ܘܐܲܚ̱ܪܒ̣ܝܼܗ̇. |
[No book] |
| [26]ܘܐܸܡܲܪ ܐܹܠܝܵܩܝܼܡ ܒܲܪ ܚܹܠܲܩܝܵܐ: ܘܫܲܒ̣ܢܵܐ: ܘܝܘܿܐܵܚ ܠܪܲܒ̇ ܫܵܩܹ̈ܐ: ܡܲܠܸܠ ܥܲܡ ܥܲܒ̣ܕܲܝ̈ܟ ܐܲܪܡܵܐܝܼܬ̣. ܡܸܛܠ ܕܫܵܡ̇ܥܝܼܢ ܚ̄ܢܲܢ: ܘܠܵܐ ܬܡܲܠܸܠ ܥܲܡ̇ܢ ܝܗ̄ܘܼܕ݂ܵܐܝܼܬ̣ ܩܕ݂ܵܡ ܥܲܡܵܐ ܕܥܲܠ ܫܘܼܪܵܐ. |
[No book] |
| [27]ܘܐܸܡܲܪ ܠܗܘܿܢ ܪܲܒ̇ ܫܵܩܹ̈ܐ: ܠܵܐ ܗ̄ܘ̣ܵܐ ܠܘܵܬ̣ܟ݂ܘܿܢ ܘܲܠܘܵܬ̣ ܡܵܪܟ݂ܘܿܢ ܫܲܕܲܪܲܢܝ ܡܵܪܝ ܠܡܹܐܡܲܪ ܡܸܠܹ̈ܐ ܗܵܠܹܝܢ: ܐܸܠܵܐ ܠܓܲܒ̣ܪܹ̈ܐ ܕܝܵܬ̣ܒ̇ܝܼܢ ܥܲܠ ܫܘܼܪܵܐ. ܕܠܵܐ ܢܹܐܟ݂ܠܘܼܢ ܬܸܒ̣ܬ̇ܗܘܿܢ: ܘܢܸܫܬ̇ܘܿܢ ܬܝܵܢܲܝ̈ܗܘܿܢ ܥܲܡܟ݂ܘܿܢ. |
[No book] |
| [28]ܘܩܵܡ ܪܲܒ̇ ܫܵܩܹ̈ܐ: ܘܲܩܪܵܐ ܒܩܵܠܵܐ ܪܵܡܵܐ ܝܗ̄ܘܼܕ݂ܵܐܝܼܬ̣: ܘܡܲܠܸܠ ܘܐܸܡܲܪ: ܫܡܲܥܘ ܦܸܬ̣ܓ̣ܵܡܹܗ ܕܡܲܠܟܵܐ ܪܲܒܵܐ ܡܲܠܟܵܐ ܕܐܵܬ̣ܘܿܪ. |
[No book] |
| [29]ܗܵܟܲܢܵܐ ܐܵܡܲܪ ܡܲܠܟܵܐ: ܠܵܐ ܢܲܛܥܹܝܟ݂ܘܿܢ ܚܹܙܲܩܝܵܐ: ܡܸܛܠ ܕܠܵܐ ܡܸܫܟܲܚ ܠܲܡܦܲܨܵܝܘܼܬ̣ܟ݂ܘܿܢ ܡ̣ܢ ܐܝܼܕܲܝ̈. |
[No book] |
| [30]ܘܠܵܐ ܢܲܬ̣ܟܸ̇ܠܟ݂ܘܿܢ ܚܹܙܲܩܝܵܐ ܥܲܠ ܡܵܪܝܵܐ: ܘܢܹܐܡܲܪ ܕܲܡܦܲܨܵܝܘܼ ܡܦܲܨܹܐ ܠܲܢ ܡܵܪܝܵܐ: ܘܠܵܐ ܡܸܫܬܲܠܡܵܐ ܩܪܝܼܬ̣ܵܐ ܗܵܕܹܐ ܒܐܝܼܕ݂ܵܘ̈ܗܝ ܕܡܲܠܟܵܐ ܕܐܵܬ̣ܘܿܪ. |
[No book] |
| [31]ܠܵܐ ܬܸܫ̱ܡܥܘܿܢ ܠܚܹܙܲܩܝܵܐ: ܡܸܛܠ ܕܗܵܟܲܢܵܐ ܐܵܡܲܪ ܡܲܠܟܵܐ ܕܐܵܬ̣ܘܿܪ. ܥܒܸܕ݂ܘ ܥܲܡܝ ܒܘܼܪܟ̇ܬ̣ܵܐ ܘܦܘܿܩܘ ܠܘܵܬ̣ܝ. ܘܐܲܟ݂ܘܿܠܘ ܐ̄ܢܵܫ ܓܘܼܦܢܵܘ̈ܗܝ. ܘܐ̄ܢܵܫ ܬܹܐܢܵܘ̈ܗܝ. ܘܐܸܫܬܵܘ ܐ̄ܢܵܫ ܡܲـ̈ـܝܵܐ ܕܓ̣ܘܼܒܹ̇ܗ. |
[No book] |
| [32]ܥܕܲܡܵܐ ܕܐܹܬܹܐ ܘܐܸܕ݂ܒܲܪܟ݂ܘܿܢ ܠܐܲܪܥܵܐ ܕܐܲܝܟ݂ ܐܲܪ̱ܥܟ݂ܘܿܢ: ܐܲܪܥܵܐ ܕܐܵܕ݂ܫܹ̈ܐ ܘܕܸܐ̈ܒܹ̇ܐ: ܐܲܪܥܵܐ ܕܲܥܒ̣ܘܼܪܵܐ ܘܲܕ݂ܟܲܪ̈ܡܹܐ: ܐܲܪܥܵܐ ܕܙܲܝ̈ܬܹ̇ܐ ܘܲܕ݂ܫܘܼܡܵܢܵܐ ܘܲܕ̇ܕܸܒ̣ܫܵܐ. ܘܵܚܝܵܘ ܘܠܵܐ ܬܡܘܼܬ̣ܘܼܢ ܘܠܵܐ ܬܸܫ̱ܡܥܘܼܢ ܠܚܹܙܲܩܝܵܐ ܘܠܵܐ ܢܲܛܥܹܝܟ݂ܘܿܢ ܚܹܙܲܩܝܵܐ: ܘܢܹܐܡܲܪ ܕܡܵܪܝܵܐ ܡܦܲܨܹܐ ܠܲܢ. |
[No book] |
| [33]ܕܲܠܡܵܐ ܐܸܫܟܲܚ̣ܘ ܠܲܡܦܲܨܵܝܘܼ ܐܲܠܵܗܲܝ̈ܗܘܿܢ ܕܥܲܡܡܹ̈ܐ: ܐܲܠܵܗ ܐܲܪܥܹܗ: ܡ̣ܢ ܐܝܼܕ݂ܵܘܗܝ ܕܡܲܠܟܵܐ ܕܐܵܬ̣ܘܿܪ. |
[No book] |
| [34]ܐܲܝܟܵܐ ܐܸܢܘܿܢ ܐܲܠܵܗܹ̈ܐ ܕܲܚܡܵܬ̣ ܘܕܲܪܦܵܕ݂. ܐܲܝܟܵܐ ܐܸܢܘܿܢ ܐܲܠܵܗܹ̈ܐ ܕܲܣܦܲܪܘܹܝܡ: ܘܲܕ݂ܢܵܥ: ܘܲܕ݂ܥ̄ܘܵܐ. ܕܲܠܡܵܐ ܦܵܨܝܼܘ ܠܫܵܡܪܹܝܢ ܡ̣ܢ ܐܝܼ̈ܕܲܝ. |
[No book] |
| [35]ܡ̇ܢ ܡ̣ܢ ܟܠܗܘܿܢ ܐܲܠܵܗܹ̈ܐ ܕܐܲܪ̈ܥܵܬ̣ܵܐ ܗܵܠܹܝܢ ܦܲܨܝܼ ܐܲܪܥܹܗ ܡ̣ܢ ܐܝܼܕܲܝ̈: ܕܲܡܦܲܨܹܐ ܡܵܪܝܵܐ ܠܐܘܿܪܸܫܠܸܡ ܡ̣ܢ ܐܝܼܕܲܝ̈. |
[No book] |
| [36]ܘܲܫܬܸܩ̣ܘ ܥܲܡܵܐ: ܘܠܵܐ ܝܲܗ̄ܒ̣ܘ ܠܹܗ ܦܸܬ̣ܓ̣ܵܡܵܐ: ܡܸܛܠ ܕܡܲܠܟܵܐ ܦܲܩܸܕ݂: ܘܐܸܡܲܪ ܠܵܐ ܬܸܬ̇ܠܘܼܢ ܠܹܗ ܦܸܬ̣ܓ̣ܵܡܵܐ. |
[No book] |
| [37]ܘܐܸܬ̣ܵܐ ܐܹܠܝܵܩܝܼܡ ܒܲܪ ܚܹܠܲܩܝܵܐ ܪܲܒ̇ܒܲܝܬܵܐ: ܘܫܲܒ̣ܢܵܐ ܣܵܦܪܵܐ: ܘܝܘܿܐܵܚ ܒܲܪ ܐܵܣܵܦ ܡܥܲܗܕ݂ܵܢܵܐ: ܠܘܵܬ̣ ܚܹܙܲܩܝܵܐ ܟܲܕ݂ ܡܨܲܪܹܝܢ ܠܒ̣ܘܼܫܲܝ̈ܗܘܿܢ. ܘܚܵܘܝܼܘܗܝ ܡܸܠܵܘ̈ܗܝ ܕܪܲܒ̇ܫܵܩܹ̈ܐ. |
[No book] |