➖ »
«
➖ ➕
Peshitta OT
PesOT
The Writings of Ignatius
Ignatius
←
2 Kings
2Kg
21
→
[1]ܒܲܪ ܬܲܪܬܲܥܸܣܪܹ̈ܐ ܗ̄ܘ̣ܵܐ ܫܢ̈ܝܼܢ ܡܢܲܫܹܐ ܟܲܕ݂ ܐܲܡ̣ܠܸܟ݂. ܘܚܲܡܫܝܼܢ ܘܚܲܡܸܫ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ. ܘܲܫܡܵܗ̇ ܕܐܸܡܹܗ ܚܲܒ̣ܨܝܼܒ̣ܵܗ̇. [No book]
[2]ܘܲܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ: ܐܲܝܟ݂ ܛܲܢܦ̈ܘܵܬ̣ܵܐ ܕܥܲܡܡܹ̈ܐ ܕܐܵܘܒܸ̇ܕ݂ ܡܵܪܝܵܐ ܡ̣ܢ ܩܕ݂ܵܡ ܒܢܲܝ̈ ܝܼܣܪܵܝܹܠ. [No book]
[3]ܘܲܗܦܲܟ݂ ܘܲܒ̣ܢܵܐ ܥ̈ܠܵܘܵܬ̣ܵܐ ܕܲܥܩܲܪ ܚܹܙܲܩܝܵܐ ܐܲܒ̣ܘܼܗܝ ܘܐܲܩܝܼܡ ܡܲܕ݂ܒ̇ܚܹ̈ܐ ܠܒܲܥܠܵܐ. ܘܲܥܒܲܕ݂ ܕܸܚ̈ܠܵܬ̣ܵܐ ܐܲܝܟ݂ ܕܲܥܒܲܕ݂ ܐܵܚܵܒ̣ ܡܲܠܟܵܐ ܕܝܼܣܪܵܝܹܠ. ܘܲܣܓܸܕ݂ ܠܟ݂ܠ ܚܲܝ̈ܠܹܐ ܕܲܫܡܲܝܵܐ: ܘܲܦܠܲܚ ܐܸܢܘܿܢ. [No book]
[4]ܘܲܒ̣ܢܵܐ ܡܲܕ݂ܒ̇ܚܹ̈ܐ ܒܒܲܝܬܹ̇ܗ ܕܡܵܪܝܵܐ ܕܐܸܡܲܪ ܥܠܵܘܥܝ ܡܵܪܝܵܐ: ܕܒ̣ܐܘܿܪܸܫܠܸܡ ܐܹܣܝܼܡ ܫܹܡܝ. [No book]
[5]ܘܲܒ̣ܢܵܐ ܡܲܕ݂ܒ̇ܚܹ̈ܐ ܠܟ݂ܠ ܚܲܝ̈ܠܹܐ ܕܲܫܡܲܝܵܐ: ܒܬܲܪܬܹ̇ܝܢ ܕܵܪܹ̈ܐ ܕܒܲܝܬܹ̇ܗ ܕܡܵܪܝܵܐ. [No book]
[6]ܘܐܲܥܒܲܪ ܒܪܹܗ ܒܢܘܼܪܵܐ: ܘܲܩܨܲܡ: ܘܢܲܚܸܫ: ܘܲܥܒܲܕ݂ ܙܲܟܘܼܪܹ̈ܐ ܘܝܲܕ̇ܘܼ̈ܥܹܐ. ܘܐܲܣܓܝܼ ܠܡܸܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ ܠܡܲܪܓܵܙܘܼܬܹܗ. [No book]
[7]ܘܣܵܡ ܠܨܲܠܡܵܐ ܕܕܸܚ̱ܠܬ̣ܵܐ ܕܲܥܒܲܕ݂ ܒܒܲܝܬܵܐ ܕܐܸܡܲܪ ܡܵܪܝܵܐ ܠܕ݂ܵܘܝܼܕ݂ ܘܠܲܫܠܹܝܡܘܿܢ ܒܪܹܗ: ܒܒܲܝܬܵܐ ܗܵܢܵܐ ܘܒ̣ܐܘܿܪܸܫܠܸܡ ܕܲܓܒܹܝܬ̣ ܡ̣ܢ ܟܠܗܘܿܢ ܫܲܒ̣̈ܛܹܐ ܕܝܼܣܪܵܝܹܠ: ܐܹܣܝܼܡ ܫܹܡܝ ܬܲܡܢ ܠܥܵܠܲܡ. [No book]
[8]ܘܠܵܐ ܐܵܘܣܸܦ ܬܘܼܒ̣ ܠܲܡܢܵܕܲܘ ܪܸܓ̣ܠܹܗ ܕܝܼܣܪܵܝܹܠ: ܡ̣ܢ ܐܲܪܥܵܐ ܕܝܸܗ̄ܒܹܬ̣ ܠܐܲܒ̣ܵܗܲܝ̈ܗܘܿܢ. ܒܲܠܚܘܿܕ݂ ܐܸܢ ܢܸܛܪܘܿܢ ܘܢܸܥܒ̇ܕ݂ܘܼܢ ܟܠܡܸܕܸ̇ܡ ܕܦܲܩܕܹܬ̣ ܐܸܢܘܿܢ: ܘܟ݂ܠ ܢܵܡܘܿܣܵܐ ܕܦܲܩܸܕ݂ ܐܸܢܘܿܢ ܥܲܒ̣ܕ̇ܝ ܡܘܼܫܹܐ. [No book]
[9]ܘܠܵܐ ܫ̣ܡܲܥܘ: ܘܐܲܛܥܝܼ ܐܸܢܘܿܢ ܡܢܲܫܹܐ. ܘܲܥܒܲܕ݂ܘ ܕܒ̣ܝܼܫ ܡ̣ܢ ܥܲܡܡܹ̈ܐ ܕܐܵܘܒܸ̇ܕ݂ ܡܵܪܝܵܐ ܡ̣ܢ ܩܕ݂ܵܡ ܒܢܲܝ̈ ܝܼܣܪܵܝܹܠ. [No book]
[10]ܘܐܸܡܲܪ ܡܵܪܝܵܐ ܒܐܝܼܕ݂ܵܐ ܕܥܲܒ̣ܕܵܘ̈ܗܝ ܢܒ̣ܝܹ̈ܐ. [No book]
[11]ܥܲܠ ܕܲܥܒܲܕ݂ ܡܢܲܫܹܐ ܒܲܪ ܚܹܙܲܩܝܵܐ ܡܲܠܟܵܐ ܕܲܝܗܘܼܕ݂ܵܐ ܥܒ̣ܵܕܹ̈ܐ ܗܵܠܹܝܢ: ܘܐܲܒ̣ܐܸܫ ܡ̣ܢ ܟܠ ܕܲܥܒܲܕ݂ܘ ܐܵܡܘܿܪ̈ܵܝܹܐ ܕܲܩܕ݂ܵܡܵܘܗܝ: ܘܐܲܚܛܝܼ ܠܲܝܗܘܼܕ݂ܵܐ ܒܲܦܬܲܟ݂ܪ̈ܵܘܗܝ. [No book]
[12]ܡܸܛܠ ܗܵܢܵܐ ܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܗܵܐ ܡܲܝܬܹ̇ܐ ܐ̄ܢܵܐ ܒܝܼܫܬܵܐ ܥܲܠ ܝܼܗܘܼܕ݂ܵܐ ܘܥܲܠ ܐܘܿܪܸܫܠܸܡ. ܕܟ݂ܠ ܕܢܸܫ̱ܡܥܝܼܗ̇: ܢܸܨ̈ܠܵܢ ܬܲܪ̈ܬܲܝܗܹܝܢ ܐܸܕ݂ܢܵܘ̈ܗܝ. [No book]
[13]ܘܐܲܪܡܸܐ ܥܲܠ ܐܘܿܪܸܫܠܸܡ ܚܘܼܛܵܐ ܕܫܵܡ̇ܪܹܝܢ: ܘܡܲܬ̣ܩܘܼܠܬܵܐ ܕܒܹܝܬ̣ ܐܵܚܵܒ̣. ܘܐܸܡܚܹܐ ܠܐܘܿܪܸܫܠܸܡ: ܘܐܵܘܒ̇ܕܹܝܼܗ̇: ܡܸܛܠ ܟܠܵܗ̇ ܛܲܢܦܘܼܬ̣ܵܐ ܕܲܥܒܲܕ݂ ܡܢܲܫܹܐ ܒܲܝܗܘܼܕ݂ܵܐ. [No book]
[14]ܘܐܸܫܒ̇ܘܿܩ ܫܲܪܟܵܐ ܕܝܵܪܬ̇ܘܼܬ̣ܝ ܘܐܲܫܠܸܡ ܐܸܢܘܿܢ ܒܐܝܼܕ݂ܵܐ ܕܲܒ̣ܥܸܠܕ̇ܒ̣ܵܒܲܝ̈ܗܘܿܢ ܘܢܸܗܘܘܿܢ ܠܒܸܙܬ̣ܵܐ ܘܠܲܕ݂ܝܵܫܵܐ ܠܟ݂ܠܗܘܿܢ ܒܥܸܠܕ̇ܒ̣ܵܒܲܝ̈ܗܘܿܢ. [No book]
[15]ܥܲܠ ܕܲܥܒܲܕ݂ܘ ܒܝܼܫܬܵܐ ܩܕ݂ܵܡܲܝ: ܘܲܗܘ̤ܵܘ ܡܲܪܓ̇ܙܝܼܢ ܠܝܼ: ܡ̣ܢ ܝܵܘܡܵܐ ܕܲܢܦܲܩ̣ܘ ܐܲܒ̣ܵܗܲܝ̈ܗܘܿܢ ܡ̣ܢ ܡܸܨܪܹܝܢ ܘܲܥܕܲܡܵܐ ܠܝܵܘܡܵܢܵܐ. [No book]
[16]ܘܐܵܦ ܕܡܵܐ ܙܲܟܵܝܵܐ ܐܸܫܲܕ݂ ܡܢܲܫܹܐ ܣܘܿܓ̣ܵܐܐ ܕܛܵܒ̣: ܥܕܲܡܵܐ ܕܲܡܠܵܗ̇ ܠܐܘܿܪܸܫܠܸܡ ܣܦܵܐ ܒܲܣܦܵܐ: ܣܛܲܪ ܡ̣ܢ ܚܛܵܗܵܘ̈ܗܝ ܕܐܲܚܛܝܼ ܠܲܝܗܘܼܕ݂ܵܐ: ܘܲܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ. [No book]
[17]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܲܡܢܲܫܹܐ ܘܟ݂ܠܡܸܕܸ̇ܡ ܕܲܥܒܲܕ݂: ܘܲܚܛܵܗܵܘ̈ܗܝ ܕܲܚܛܵܐ: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܲܝܗܘܼܕ݂ܵܐ. [No book]
[18]ܘܲܫܟܸܒ̣ ܡܢܲܫܹܐ ܥܲܡ ܐܲܒ̣ܵܗܵܘ̈ܗܝ: ܘܐܸܬ̣ܩܒܲܪ ܒܓܲܢܲܬ̣ ܒܲܝܬܹ̇ܗ ܒܓܲܢܲܬ̣ ܓܲܙܵܐ ܘܐܲܡܠܸܟ݂ ܐܲܡܘܿܢ ܒܪܹܗ ܒܵܬ̣ܪܹܗ. [No book]
[19]ܒܲܪ ܥܸܣܪܝܼܢ ܗ̄ܘ̣ܵܐ ܘܬܲܪܬܹ̇ܝܢ ܫܢ̈ܝܼܢ ܐܲܡܘܿܢ ܟܲܕ݂ ܐܲܡܠܸܟ݂ ܘܬܲܪܬܹ̇ܝܢ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ ܘܲܫܡܵܗ̇ ܕܐܸܡܹܗ: ܡܲܫ̱ܠܡܲܬ̣ ܒܲܪܬ̣ ܚܲܕ݂ܘܿܨ ܕܡ̣ܢ ܝܲܛܒܲܬ̣. [No book]
[20]ܘܲܥܒܲܕ݂ ܕܒ̣ܝܼܫ ܩܕ݂ܵܡ ܡܵܪܝܵܐ: ܐܲܝܟ݂ ܕܲܥܒܲܕ݂ ܡܢܲܫܹܐ ܐܲܒ̣ܘܼܗܝ. [No book]
[21]ܘܗܲܠܸܟ݂ ܒܟ݂ܠܵܗ̇ ܐܘܼܪܚܵܐ ܕܗܲܠܸܟ݂ ܐܲܒ̣ܘܼܗܝ. ܘܲܦ̣ܠܲܚ ܠܲܦܬܲܟ݂ܪܹ̈ܐ ܕܲܦܠܲܚ ܐܲܒ̣ܘܼܗܝ: ܘܲܣܓܸܕ݂ ܠܗܘܿܢ. [No book]
[22]ܘܲܫܒܲܩ ܠܡܵܪܝܵܐ ܐܲܠܵܗܵܐ ܕܐܲܒ̣ܵܗܵܘ̈ܗܝ: ܘܠܵܐ ܗܲܠܸܟ݂ ܒܐܘܼܪܚܹܗ ܕܡܵܪܝܵܐ. [No book]
[23]ܘܲܡܪܲܕ݂ܘ ܥܲܒ̣ܕܵܘ̈ܗܝ ܕܐܲܡܘܿܢ ܥܠܵܘܗܝ: ܘܩܲܛܠܘܼܗܝ ܒܒܲܝܬܹ̇ܗ. [No book]
[24]ܘܩܲܛܸܠܘ ܥܲܡܵܐ ܕܐܲܪܥܵܐ ܠܟ݂ܠ ܕܲܡܪܲܕ݂ܘ ܥܲܠ ܡܲܠܟܵܐ ܐܲܡܘܿܢ. ܘܐܲܡܠܸܟ݂ܘ ܥܲܡܵܐ ܕܐܲܪܥܵܐ ܠܝܘܿܫܝܼܵܐ ܒܪܹܗ ܒܵܬ̣ܪܹܗ. [No book]
[25]ܘܫܲܪܟܵܐ ܕܦܸܬ̣ܓ̣ܵܡܵܘ̈ܗܝ ܕܐܲܡܘܿܢ. ܘܟ݂ܠܡܸܕܸ̇ܡ ܕܲܥܒܲܕ݂: ܗܵܐ ܟܬ̣ܝܼܒ̣ܝܼܢ ܒܲܣܦܲܪ ܕܒܸܪܝܵܡܹܝܢ ܕܡܲܠ̈ܟܹ̇ܐ ܕܲܝܗܘܼܕ݂ܵܐ. [No book]
[26]ܘܩܲܒ̣ܪܘܼܗܝ ܒܩܲܒ̣ܪܹܗ ܒܓܲܢܲܬ̣ ܓܲܙܵܐ. ܘܐܲܡ̣ܠܸܟ݂ ܝܘܿܫܝܼܵܐ ܒܪܹܗ ܒܵܬ̣ܪܹܗ. [No book]
Source: www.earlychristianwritings.com
Top