|
|
| [1]ܒܲܪ ܬܡܵܢܹܐ ܗ̄ܘ̣ܵܐ ܫܢ̈ܝܼܢ ܝܘܿܫܝܼܵܐ ܟܲܕ݂ ܐܲܡ̣ܠܸܟ݂. ܘܲܬ̣ܠܵܬ̣ܝܼܢ ܘܲܚܕ݂ܵܐ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ. ܘܲܫܡܵܐ ܕܐܸܡܹܗ ܝܲܕ̇ܝܼܕ݂ܵܐ ܒܲܪܬ̣ ܥܲܙܲܪܝܵܐ ܡ̣ܢ ܒܸܙܩܲܬ̣. |
[No book] |
| [2]ܘܲܥ̣ܒܲܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ. ܘܗܲܠܸܟ݂ ܒܟ݂ܠܵܗ̇ ܐܘܼܪܚܵܐ ܕܕ݂ܵܘܝܼܕ݂ ܐܲܒ̣ܘܼܗܝ: ܘܠܵܐ ܣ̣ܛܵܐ ܠܝܲܡܝܼܢܵܐ ܘܲܠܣܸܡܵܠܵܐ. |
[No book] |
| [3]ܘܒܲܫܢܲܬ̣ ܬܡܵܢܲܥܸܣܪܹ̈ܐ ܠܡܲܠܟܵܐ ܝܘܿܫܝܼܵܐ: ܫܲܕܲܪ ܡܲܠܟܵܐ ܠܫܵܦܵܢ ܒܲܪ ܐܲܠܲܨܝܼܵܐ ܒܲܪ ܡܲܫܠܵܡ ܣܵܦܪܵܐ: ܠܒܲܝܬܹ̇ܗ ܕܡܵܪܝܵܐ: ܠܡܹܐܡܲܪ. |
[No book] |
| [4]ܣܲܩ ܠܘܵܬ̣ ܚܹܠܲܩܝܵܐ ܟܵܗܢܵܐ ܪܲܒܵܐ. ܘܢܲܫܠܸܡ ܟܸܣܦܵܐ ܕܥܲܠ̣ ܠܒܲܝܬܹ̇ܗ ܕܡܵܪܝܵܐ: ܕܟܲܢܸܫ̣ܘ ܢܵܛܪ̈ܲܝ ܬܲܪܥܵܐ ܡ̣ܢ ܥܲܡܵܐ. |
[No book] |
| [5]ܘܢܲܫ̱ܠܡܘܼܢܹܗ ܠܥܵܒ̣ܕܲܝ̈ ܥܒ̣ܵܕ݂ܵܐ ܕܲܦܩܝܼܕ݂ܝܼܢ ܒܒܲܝܬܹ̇ܗ ܕܡܵܪܝܵܐ: ܘܢܲܫ̱ܠܡܘܼܢܹܗ ܠܥܵܒ̣ܕܲܝ̈ ܥܒ̣ܵܕ݂ܵܐ ܕܲܒ̣ܒܲܝܬܹ̇ܗ ܕܡܵܪܝܵܐ: ܠܡܸܒ̣ܕܲܩ ܒܕ݂ܵܩܵܐ ܕܒܲܝܬܹ̇ܗ ܕܡܵܪܝܵܐ. |
[No book] |
| [6]ܠܢܲܓܵܪܹ̈ܐ: ܘܠܲܐܪ̈ܓ̇ܘܼܒ̣ܠܹܐ: ܘܠܲܐܪ̈ܕܸ̇ܟ݂ܠܹܐ: ܘܲܠܡܸܙܒܲܢ ܩܲܝܣܹ̈ܐ: ܘܟܹܐܦܹ̈ܐ ܦܣܝܼ̈ܠܵܬ̣ܵܐ ܠܲܡܫܲܪܵܪܘܼܬܹܗ ܠܒܲܝܬܹ̇ܗ ܕܡܵܪܝܵܐ. |
[No book] |
| [7]ܒܪܲܡ ܕܹܝܢ ܠܵܐ ܡܸܬ̣ܚܫܸܒ̣ ܗ̄ܘ̣ܵܐ ܥܲܡܗܘܿܢ ܟܸܣܦܵܐ ܕܡܸܬ̣̱ܝܼܗܸܒ̣ ܗ̄ܘ̣ܵܐ ܥܲܠ ܐܝܼܕܲܝ̈ܗܘܿܢ: ܡܸܛܠ ܕܲܒ̣ܗܲܝܡܵܢܘܼܬ̣ܵܐ ܗ̄ܘ̣ ܥܵܒ̣ܕ̇ܝܼܢ ܗ̄ܘ̣ܵܘ. |
[No book] |
| [8]ܘܐܸܡܲܪ ܚܹܠܲܩܝܵܐ ܟܵܗܢܵܐ ܪܲܒܵܐ ܠܫܵܦܵܢ ܣܵܦܪܵܐ: ܣܸܦܪܵܐ ܕܢܵܡܘܿܣܵܐ ܐܸܫܟ̇ܚܹ̇ܬ̣ ܒܒܲܝܬܹ̇ܗ ܕܡܵܪܝܵܐ. ܘܝܲܗ̄ܒܹ̇ܗ ܚܹܠܲܩܝܵܐ ܟܵܗܢܵܐ ܠܣܸܦܪܵܐ ܕܢܵܡܘܿܣܵܐ ܠܫܵܦܵܢ ܣܵܦܪܵܐ: ܘܲܩ̣ܪܵܝܗܝ. |
[No book] |
| [9]ܘܐܸܬ̣ܵܐ ܫܵܦܵܢ ܣܵܦܪܵܐ ܠܘܵܬ̣ ܡܲܠܟܵܐ: ܕܲܢܬ̣ܝܼܒ̣ ܠܡܲܠܟܵܐ ܦܸܬ̣ܓ̣ܵܡܵܐ: ܘܐܸܡܲܪ: ܐܲܫܠܸܡܘ ܥܲܒ̣ܕܲܝ̈ܟ ܟܸܣܦܵܐ ܕܐܸܫܬ̇ܟܲܚ ܒܒܲܝܬܵܐ: ܘܐܲܫ̱ܠܡܘܼܗܝ ܠܥܵܒ̣ܕܲܝ̈ ܥܒ̣ܵܕ݂ܵܐ ܕܦܩܝܼܕ݂ܝܼܢ ܒܒܲܝܬܹ̇ܗ ܕܡܵܪܝܵܐ. |
[No book] |
| [10]ܘܚܵܘܝܼ ܫܵܦܵܢ ܣܵܦܪܵܐ ܠܡܲܠܟܵܐ: ܘܐܸܡܲܪ: ܣܸܦܪܵܐ ܝܲܗ̄ܒ̣ܠܝܼ ܚܹܠܲܩܝܵܐ ܟܵܗܢܵܐ. ܘܲܩܪܵܝܗܝ ܫܵܦܵܢ ܩܕ݂ܵܡ ܡܲܠܟܵܐ. |
[No book] |
| [11]ܘܟܲܕ݂ ܫ̣ܡܲܥ ܡܲܠܟܵܐ ܦܸܬ̣ܓ̣ܵܡܵܘ̈ܗܝ ܕܣܸܦܪܵܐ ܕܐܘܿܪܵܝܬܵܐ: ܨܲܪܝܼ ܠܒ̣ܘܼܫܵܘ̈ܗܝ. |
[No book] |
| [12]ܘܲܦܩܲܕ݂ ܡܲܠܟܵܐ ܠܚܹܠܲܩܝܵܐ ܟܵܗܢܵܐ: ܘܠܲܐܚܝܼܩܵܡ ܒܲܪ ܫܵܦܵܢ: ܘܠܲܥܒܲܟ̇ܘܿܪ ܒܲܪ ܡܝܼܟ݂ܵܐ: ܘܲܠܫܵܦܵܢ ܣܵܦܪܵܐ: ܘܠܲܥܫܵܝܵܐ ܥܲܒ̣ܕܵܐ ܕܡܲܠܟܵܐ: ܘܐܸܡܲܪ. |
[No book] |
| [13]ܙܸܠܘ ܫܐܲܠܘ ܡ̣ܢ ܡܵܪܝܵܐ ܥܠܲܝ: ܘܥܲܠ ܥܲܡܵܐ: ܘܥܲܠ ܟܠܹܗ ܝܼܗܘܼܕ݂ܵܐ: ܥܲܠ ܦܸܬ̣ܓ̣ܵܡܹ̈ܐ ܕܣܸܦܪܵܐ ܗܵܢܵܐ ܕܐܸܫܬ̇ܟܲܚ. ܡܸܛܠ ܕܪܲܒ̇ ܗ̄ܘ̣ ܪܘܼܓ̣ܙܹܗ ܕܡܵܪܝܵܐ ܕܲܪܓܸܙ ܥܠܲܝܢ: ܥܲܠ ܕܠܵܐ ܫ̣ܡܲܥܘ ܐܲܒ̣ܵܗܲܝ̈ܢ ܡܸܠܵܘ̈ܗܝ ܕܣܸܦܪܵܐ ܗܵܢܵܐ: ܠܡܸܥܒܲܕ݂ ܐܲܝܟ݂ ܕܲܟ݂ܬ̣ܝܼܒ̣ ܥܠܲܝܢ. |
[No book] |
| [14]ܘܐܸܙܲܠܘ ܚܹܠܲܩܝܵܐ ܟܵܗܢܵܐ: ܘܐܲܚܝܼܩܵܡ: ܘܲܥܒܲܟ̇ܘܿܪ: ܘܫܵܦܵܢ: ܘܲܥܫܵܝܵܐ: ܠܘܵܬ̣ ܚܘܼܠܕ̇ܝܼ ܢܒ̣ܝܼܬ̣ܵܐ ܐܲܢ̄ܬ̇ܬ̣ ܫܵܠܘܿܡ ܒܲܪ ܬܲܩܘܵܐ: ܒܲܪ ܚܲܕ݂ܚܲܣ ܢܵܛܲܪ ܡܵܐܢܹ̈ܐ. ܘܗ̤ܝ ܝܵܬ̣ܒܵܐ ܗ̄ܘ̣ܵܬ̣ ܒܐܘܿܪܸܫܠܸܡ ܒܬܸܢܝܵܢܘܼܬ̣ܵܐ ܘܡܲܠܸܠ̣ܘ ܥܲܡܵܗ̇. |
[No book] |
| [15]ܘܐܸܡܪܲܬ̤ ܠܗܘܿܢ: ܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ: ܐܸܡܲܪܘ ܠܓܲܒ̣ܪܵܐ ܕܫܲܕܲܪܟ݂ܘܿܢ ܠܘܵܬ̣. |
[No book] |
| [16]ܗܵܟܲܢܵܐ ܐܵܡܲܪ ܡܵܪܝܵܐ: ܗܵܐ ܡܲܝܬܸ̇ܐ ܐ̄ܢܵܐ ܒܝܼܫܬܵܐ ܥܲܠ ܐܲܬ̣ܪܵܐ ܗܵܢܵܐ ܘܥܲܠ ܥܵܡܘܿܪ̈ܵܘܗܝ: ܟܠܗܘܿܢ ܦܸܬ̣ܓ̣ܵܡܵܘ̈ܗܝ ܕܣܸܦܪܵܐ ܕܲܩܪܵܐ ܡܲܠܟܵܐ ܕܲܝܗܘܼܕ݂ܵܐ. |
[No book] |
| [17]ܥܲܠ ܕܫܲܒ̣ܩܘܼܢܝ ܘܣܵܡ̣ܘ ܒܸܣܡܹ̈ܐ ܠܐܲܠܵܗܹ̈ܐ ܐ̄ܚܪ̈ܵܢܹܐ: ܘܐܲܪܓ̇ܙܘܼܢܝ ܒܲܥܒ̣ܵܕ݂ ܐܝܼܕܲܝ̈ܗܘܿܢ: ܢܸܣܲܦ ܪܘܼܓ̣ܙܝܼ ܒܐܲܬ̣ܪܵܐ ܗܵܢܵܐ: ܘܐܵܘܒܸ̇ܕ݂ܟ݂ܘܿܢ. |
[No book] |
| [18]ܘܲܠܡܲܠܟܵܐ ܕܲܝܗܘܼܕ݂ܵܐ ܕܫܲܕܲܪܟ݂ܘܿܢ: ܠܡܸܫܐܲܠ ܡ̣ܢ ܡܵܪܝܵܐ: ܗܵܟܲܢܵܐ ܐܸܡܲܪܘ ܠܹܗ: ܗܵܟܲܢܵܐ ܐܵܡܲܪ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ. |
[No book] |
| [19]ܦܸܬ̣ܓ̣ܵܡܹ̈ܐ ܕܲܫܡܲܥ̣ܬ̇: ܚܠܵܦ ܕܐܸܬ̣ܟ̇ܪܲܗ ܠܸܒܵܟ݂: ܘܐܸܬ̇ܬ̇ܙܝܼܥܲܬ̇ ܡ̣ܢ ܩܕ݂ܵܡ ܡܵܪܝܵܐ: ܟܲܕ݂ ܫܡܲܥ̣ܬ̇ ܡܸܕܸ̇ܡ ܕܐܸܡ̇ܪܹܬ̣ ܥܲܠ ܐܲܬ̣ܪܵܐ ܗܵܢܵܐ ܘܥܲܠ ܥܵܡܘܿܪ̈ܵܘܗܝ: ܕܢܸܗܘܹܐ ܠܬܸܡܗܵܐ ܘܲܠܠܵܘܛܬ̣ܵܐ: ܘܨܲܪܝܼܬ̇ ܠܒ̣ܘܼܫܲܝ̈ܟ: ܘܲܒ̣ܟܲܝܬ̇ ܩܕ݂ܵܡܲܝ. ܘܐܵܦ ܐܸܢܵܐ ܫܸܡ̇ܥܹܬ̣ ܐܵܡܲܪ ܡܵܪܝܵܐ. |
[No book] |
| [20]ܡܸܛܠ ܗܵܢܵܐ ܗܵܐ ܟܵܢܹ̇ܫ ܐ̄ܢܵܐ ܠܵܟ݂ ܠܘܵܬ̣ ܐܲܒ̣ܵܗܲܝ̈ܟ. ܘܬܸܬ̣ܟ̇ܢܸܫ ܠܩܲܒ̣ܪܵܟ݂ ܒܲܫܠܵܡܵܐ. ܘܠܵܐ ܢܸܚ̈ܙܝܵܢ ܒܟ݂ܠܵܗ̇ ܒܝܼܫܬܵܐ ܕܡܲܝܬܸ̇ܐ ܐ̄ܢܵܐ ܥܲܠ ܐܲܬ̣ܪܵܐ ܗܵܢܵܐ. ܘܐܲܬ̣ܝܼܒ̣ܘ ܠܡܲܠܟܵܐ ܦܸܬ̣ܓ̣ܸܵܡܵܐ. |
[No book] |