|
|
| [1]ܘܐܸܡܲܪ ܐܹܠܝܼܫܲܥ: ܫܡܲܥܘ ܦܸܬ̣ܓ̣ܵܡܹܗ ܕܡܵܪܝܵܐ: ܗܵܟܲܢܵܐ ܐܵܡܲܪ ܡܵܪܝܵܐ: ܡܚܵܪ ܠܗܵܢܵܐ ܥܸܕܵܢܵܐ: ܣܲܐܬ̣ܵܐ ܕܲܢܫܝܼܦܵܐ ܒܣܲܠܥܵܐ: ܘܣܲܐܬ̣̈ܝܼܢ ܣܥܵܪ̈ܝܼܢ ܒܣܲܠܥܵܐ: ܒܬܲܪܥܵܐ ܕܫܵܡܪܹܝܢ. |
[No book] |
| [2]ܘܲܥܢܵܐ ܓܲܢ̄ܒܵܪܵܐ: ܕܡܲܠܟܵܐ ܡܸܣܬܲܡܲܟ݂ ܥܲܠ ܐܝܼܕ݂ܵܘ̈ܗܝ: ܘܐܸܡܲܪ: ܐܸܢ ܡܵܪܝܵܐ ܢܸܥܒܸ̇ܕ݂ ܟܵܘܹ̈ܐ ܒܲܫܡܲܝܵܐ: ܢܸܗܘܹܐ ܦܸܬ̣ܓ̣ܵܡܵܐ ܗܵܢܵܐ. ܘܐܸܡܲܪ ܠܹܗ ܐܹܠܝܼܫܲܥ: ܗܵܐ ܚܵܙܹ̇ܐ ܐܲܢ̄ܬ̇ ܒܥܲܝܢܲܝ̈ܟ: ܘܡܸܢܹܗ ܠܵܐ ܬܹܐܟ݂ܘܿܠ. |
[No book] |
| [3]ܘܐܲܪܒ̇ܥܵܐ ܓܲܒ̣ܪ̈ܝܼܢ ܓܲܪ̈ܒ̇ܝܼܢ ܝܵܬ̣ܒ̇ܝܼܢ ܗ̄ܘ̣ܵܘ ܠܒܲܪ ܡ̣ܢ ܫܘܼܪܵܐ. ܘܐܸܡܲܪ ܓܒܲܪ ܠܚܲܒ̣ܪܹܗ: ܡܵܢܵܐ ܝܵܬ̣ܒ̇ܝܼܢ ܚ̄ܢܲܢ ܗܵܪܟܵܐ ܥܕܲܡܵܐ ܕܲܢܡܘܼܬ̣. |
[No book] |
| [4]ܐܸܢ ܐܵܡ̇ܪܝܼܢ ܚ̄ܢܲܢ ܕܢܸܥܘܿܠ ܠܓ̣ܵܘ ܩܪܝܼܬ̣ܵܐ: ܟܲܦܢܵܐ ܥܲܫܝܼܢ ܒܓ̣ܵܘ ܩܪܝܼܬ̣ܵܐ: ܡܵܝܬ̇ܝܼܢ ܚ̄ܢܲܢ ܬܲܡܵܢ. ܐܸܢ ܘܝܵܬ̣ܒ̇ܝܼܢ ܚ̄ܢܲܢ ܗܵܪܟܵܐ: ܡܵܝܬ̇ܝܼܢ ܚ̄ܢܲܢ. ܐܸܠܵܐ ܬܵܘ ܢܹܐܙܲܠ ܠܡܲܫܪܝܼܬ̣ܵܐ: ܕܐܹܕ݂ܘܿܡ ܐܸܢ ܢܲܚܘܿܢܵܢ: ܢܸܚܹܐ. ܘܐܸܢ ܢܡܝܼܬ̣ܘܼܢܵܢ: ܢܡܘܼܬ̣. |
[No book] |
| [5]ܘܩܵܡ̣ܘ ܒܫܲܦܪܵܐ ܠܡܹܐܙܲܠ ܠܡܲܫܪܝܼܬ̣ܵܐ ܕܐܲܕ݂ܘܿܡ: ܘܡܲܛܝܼܘ ܥܕܲܡܵܐ ܠܣܵܘܦܵܐ ܕܡܲܫܪܝܼܬ̣ܵܐ: ܘܠܲܝܬ̇ ܬܲܡܵܢ ܐ̄ܢܵܫ. |
[No book] |
| [6]ܘܡܵܪܝܵܐ ܐܲܫܡܲܥ ܠܡܲܫܪܝܼܬ̣ܵܐ ܕܐܲܕ݂ܘܿܡ ܩܵܠ ܪ̈ܲܟ݂ܫܵܐ ܘܩܵܠ ܪ̈ܲܟܵܒܹܐ ܘܩܵܠ ܚܲܝܠܵܐ ܥܲܫܝܼܢܵܐ ܘܐܸܡܲܪ ܓܒܲܪ ܠܚܲܒ̣ܪܹܗ: ܗܵܐ ܐܸܓܲܪ ܥܠܲܝܢ ܡܲܠܟܵܐ ܕܝܼܣܪܵܝܹܠ: ܠܡܲܠܟܵܐ ܕܚܹܬ̣ܵܝܹ̈ܐ: ܘܲܠܡܲܠܟܵܐ ܕܡܸܨܪ̈ܵܝܹܐ ܕܢܹܐܬ̣ܘܿܢ ܥܠܲܝܢ. |
[No book] |
| [7]ܘܩܵܡܘ ܥܪܲܩ̣ܘ ܠܗܘܿܢ ܒܨܲܦܪܵܐ: ܘܲܫܒܲܩܘ ܡܲܫܟ̇ܢܲܝ̈ܗܘܿܢ: ܘܪ̈ܲܟ݂ܫܗܘܿܢ: ܘܚܸܡ̱ܪܗܘܿܢ: ܘܡܲܫܪܝܼܬ̣ܗܘܿܢ ܐܲܝܟ݂ ܕܲܥܒ̣ܝܼܕ݂ܵܐ. ܘܲܥܪܲܩ̣ܘ ܒܢܲܦ̮ܫܗܘܿܢ. |
[No book] |
| [8]ܘܐܸܬ̣ܵܘ ܓܲܪ̈ܒܹ̇ܐ ܗܵܢܘܿܢ ܥܕܲܡܵܐ ܠܣܵܘܦܵܗ̇ ܕܡܲܫܪܝܼܬ̣ܵܐ: ܘܥܲܠܘ ܠܡܲܫܟ̇ܢܵܐ ܚܲܕ݂: ܘܐܸܟܲܠܘ ܘܐܸܫܬ̇ܝܼܘ ܘܲܢܣܲܒ̣ܘ ܡ̣ܢ ܬܲܡܵܢ ܟܸܣܦܵܐ ܘܕܲܗܒ̣ܵܐ ܘܲܠܒ̣ܘܼܫܹ̈ܐ: ܘܐܸܙܲܠ ܘܲܛܡܲܪܘ. ܘܲܗܦܲܟ݂ܘ ܘܥܲܠ̣ܘ ܠܡܲܫܟ̇ܢܵܐ ܐ̄ܚܪܹܢܵܐ: ܘܲܫܩܲܠܘ ܡ̣ܢ ܬܲܡܵܢ: ܘܐܸܙܲܠܘ ܘܲܛܡܲܪܘ. |
[No book] |
| [9]ܘܐܸܡܲܪܘ ܓܒܲܪ ܠܚܲܒ̣ܪܹܗ: ܠܵܐ ܟܹܐܢܵܐܝܼܬ̣ ܥܵܒ̣ܕ̇ܝܼܢ ܚܢܲܢ: ܝܵܘܡܵܢܵܐ ܝܵܘܡܵܐ ܗ̄ܘ̣ ܕܲܣܒܲܪܬ̣ܵܐ ܘܲܥܕܲܡܵܐ ܠܐܸܡܲܬ̣ܝ ܫܲܬ̇ܝܼܩܝܼܢ ܚ̄ܢܲܢ: ܘܲܡܟܲܬ̇ܪܝܼܢ ܚ̄ܢܲܢ ܥܕܲܡܵܐ ܕܢܸܢܗܲܪ ܨܲܦܪܵܐ: ܘܢܸܡܛܹܝܢ ܚܛܵܗܵܐ. ܗܵܫܵܐ ܬܵܘ ܢܹܐܙܲܠ ܘܲܢܚܵܘܹܐ ܒܒܹܝܬ̣ ܡܲܠܟܵܐ. |
[No book] |
| [10]ܘܐܸܬ̣ܵܘ ܘܲܩܪܵܘ ܠܬܲܪ̈ܥܹܐ ܕܲܩܪܝܼܬ̣ܵܐ: ܘܚܵܘܝܘܿ ܐܸܢܘܿܢ: ܘܐܸܡܲܪܘ: ܐܸܙܲܠ̄ܢ ܠܡܲܫܪܝܼܬ̣ܵܐ ܕܐܲܕ݂ܘܿܡ. ܘܠܲܝܬ̇ ܬܲܡܵܢ ܓܒܲܪ ܘܩܵܠ ܐ̄ܢܵܫ: ܐܸܠܵܐ ܪ̈ܲܟ݂ܫܵܐ ܟܲܕ݂ ܐܲܣܝܼܪܝܼܢ: ܘܚܸܡܪܹ̈ܐ ܟܲܕ݂ ܐܲܣܝܼܪܝܼܢ: ܘܡܲܫܟܢܹ̈ܐ ܐܲܝܟ݂ ܕܗܸܢܘܿܢ. |
[No book] |
| [11]ܘܲܩܪܵܘ ܬܲܪ̈ܥܹܐ ܘܚܵܘܝܼܘ ܠܓ̣ܵܘ ܒܹܝܬ̣ ܡܲܠܟܵܐ. |
[No book] |
| [12]ܘܩܵܡ ܡܲܠܟܵܐ ܒܠܸܠܝܵܐ ܘܐܸܡܲܪ ܠܥܲܒ̣ܕܵܘ̈ܗܝ. ܐܹܚܵܘܹܝܟ݂ܘܿܢ ܡܸܕܸ̇ܡ ܕܲܥܒ̣ܕ݂ܘ ܠܲܢ ܐܲܕ݂ܘܿܡܵܝܹ̈ܐ: ܝܼܕܲܥܝ ܕܟܲܦܢܝܼܢ ܚ̄ܢܲܢ: ܘܲܢܦܲܩ̣ܘ ܡ̣ܢ ܡܲܫܪܝܼܬ̣ܵܐ ܠܡܸܬܛܲܫܵܝܘܼ ܒܕܲܒ̣ܪܵܐ. ܘܐܵܡ̇ܪܝܼܢ: ܡܵܐ ܕܲܢܦܲܩ̣ܘ ܡ̣ܢ ܩܪܝܼܬ̣ܵܐ: ܢܹܐܚܘܿܕ݂ ܐܸܢܘܿܢ ܟܲܕ݂ ܚܲܝܝܼܢ: ܘܠܲܩܪܝܼܬ̣ܵܐ ܢܸܥܘܿܠ. |
[No book] |
| [13]ܘܲܥܢܵܐ ܚܲܕ݂ ܡ̣ܢ ܥܲܒ̣ܕܵܘ̈ܗܝ: ܘܐܸܡܲܪ: ܢܸܕ݂ܒܪܘܿܢ ܚܲܡܫܵܐ ܡ̣ܢ ܪ̈ܲܟܵܒܹܐ ܕܐܸܫܬ̇ܚܲܪܘ ܐܸܢ ܐܸܬ̇ܬ̇ܚܸܕ݂ܘ: ܚܫܝܼܒ̣ܝܼܢ ܐܲܝܟ݂ ܚܲܝܠܵܐ ܟܠܹܗ ܕܝܼܣܪܵܝܹܠ ܕܣܵܦ: ܘܲܢܫܲܕܲܪ ܘܢܸܚܙܹܐ. |
[No book] |
| [14]ܘܲܪܟܸܒ̣ܘ ܬܪܹܝܢ ܙܵܘ̈ܓ̇ܝܼܢ ܕܪ̈ܲܟܵܒܹܐ ܕܪ̈ܲܟ݂ܫܵܐ. ܘܫܲܕܲܪ ܡܲܠܟܵܐ ܒܵܬܲܪ ܡܲܫܪܝܼܬ̣ܵܐ ܕܐܲܕ݂ܘܿܡ: ܘܐܸܡܲܪ ܙܸܠܘ ܚܙܵܘ. |
[No book] |
| [15]ܘܐܸܙܲܠܘ ܒܵܬܲܪܗܘܿܢ ܥܕܲܡܵܐ ܠܝܘܿܪܕܢܵܢ: ܘܚܵܙܹܝ݁ܢ ܟܠܵܗ̇ ܐܘܼܪܚܵܐ ܡܲܠܝܵܐ ܢܲܚ̈ܬܹ̇ܐ ܘܡܵܐܢܹ̈ܐ: ܕܲܫܒܲܩܘ ܐܲܕ݂ܘܿܡܵܝܹ̈ܐ ܒܣܘܼܪܗܵܒ̣ܗܘܿܢ. ܘܲܗܦܲܟ݂ܘ ܐܝܼܙ̈ܓܲܕܹ̇ܐ: ܘܚܵܘܝܼܘ ܠܡܲܠܟܵܐ. |
[No book] |
| [16]ܘܲܢܦܲܩܘ ܥܲܡܵܐ: ܘܒܲܙܘ ܠܡܲܫܪܝܼܬ̣ܵܐ ܕܐܲܕ݂ܘܿܡ ܘܲܗܘ̤ܵܬ̣ ܣܲܐܬ̣ܵܐ ܕܲܢܫܝܼܦܵܐ ܒܣܲܠܥܵܐ: ܘܣܲܐܬ̣̈ܝܼܢ ܣܥܵܪ̈ܝܼܢ ܒܣܲܠܥܵܐ: ܐܲܝܟ݂ ܕܐܸܡܲܪ ܡܵܪܝܵܐ. |
[No book] |
| [17]ܘܡܲܠܟܵܐ ܐܲܩܝܼܡ ܠܓܲܢ̄ܒܵܪܵܐ ܕܡܲܠܟܵܐ ܡܸܣܬܲܡܲܟ݂ ܗ̄ܘ̣ܵܐ ܥܲܠ ܐܝܼܕ݂ܵܘܗܝ ܥܲܠ ܬܲܪܥܵܐ. ܘܕ݂ܵܫܘܼܗܝ ܥܲܡܵܐ ܒܬܲܪܥܵܐ ܘܡܝܼܬ̣: ܐܲܝܟ݂ ܕܐܸܡܲܪ ܢܒ̣ܝܹܗ ܕܐܲܠܵܗܵܐ: ܟܲܕ݂ ܢܚܸܬ̣ ܐܝܼܙܓܲܕܵܐ ܥܠܵܘܗܝ. |
[No book] |
| [18]ܘܲܗܘ̤ܵܐ ܦܸܬ̣ܓ̣ܵܡܹܗ ܕܲܢܒ̣ܝܹܗ ܕܐܲܠܵܗܵܐ ܕܐܸܡܲܪ ܠܡܲܠܟܵܐ: ܕܣܲܐܬ̣ܵܐ ܕܲܢܫܝܼܦܵܐ ܒܣܲܠܥܵܐ: ܘܣܲܐܬ̣̈ܝܼܢ ܣܥܵܪ̈ܝܼܢ ܒܣܲܠܥܵܐ: ܢܸܙܕܲܒ̇ܢ̈ܝܼܢ ܡܚܵܪ ܒܗܵܢܵܐ ܥܸܕܵܢܵܐ ܒܬܲܪܥܵܐ ܕܫܵܡܪܹܝܢ. |
[No book] |
| [19]ܘܲܥܢܵܐ ܗ̄ܘ̣ܵܐ ܓܲܢ̄ܒܵܪܵܐ ܗܵܘ̇ ܘܐܸܡܲܪ ܠܲܢܒ̣ܝܹܗ ܕܐܲܠܵܗܵܐ. ܐܸܢ ܡܵܪܝܵܐ ܥܵܒܹ̇ܕ݂ ܟܵܘܹ̈ܐ ܒܲܫܡܲܝܵܐ: ܗܵܘܹ̇ܐ ܦܸܬ̣ܓ̣ܵܡܵܐ ܗܵܢܵܐ. ܘܐܸܡܲܪ ܗ̄ܘ̣ܵܐ ܠܹܗ: ܗܵܐ ܚܵܙܹ̇ܐ ܐܲܢ̄ܬ̇ ܒܥܲܝܢܲܝ̈ܟ: ܘܡܸܢܹܗ ܠܵܐ ܬܹܐܟ݂ܘܿܠ. |
[No book] |
| [20]ܘܲܗܘ̤ܵܐ ܠܹܗ ܗܵܟܲܢܵܐ: ܘܕ݂ܵܫܘܼܗܝ ܥܲܡܵܐ ܒܬܲܪܥܵܐ: ܘܡܝܼܬ̣. |
[No book] |