|
|
| [1]ܘܝܼܕܲܥ ܝܘܿܐܵܒ̣ ܒܲܪ ܨܘܿܪܝܼܵܐ: ܕܐܸܬ̣ܪܲܥܝܼ ܠܸܒܹ̇ܗ ܕܕ݂ܵܘܝܼܕ݂ ܡܲܠܟܵܐ ܠܐܲܒ̣ܫܵܠܘܿܡ. |
[No book] |
| [2]ܘܫܲܕܲܪ ܝܘܿܐܵܒ̣ ܠܲܬ̣ܩܘܿܥ: ܘܲܕ݂ܒܲܪ ܡ̣ܢ ܬܲܡܵܢ ܐܲܢ̄ܬ̇ܬ̣ܵܐ ܚܲܟ̇ܝܼܡܬܵܐ: ܘܐܸܡܲܪ ܠܵܗ̇: ܐܸܬ̣ܐܲܒ̣̄ܠܝ ܘܲܠܒܲܫܝ ܠܒ̣ܘܼܫܵܐ ܕܐܸܒ̣ܠܵܐ: ܘܠܵܐ ܬܸܡܫܚܝܼܢ ܡܸܫܚܵܐ. ܘܲܗܘ̤ܵܐ ܐܲܝܟ݂ ܐܲܢ̄ܬ̇ܬ̣ܵܐ ܕܗܵܐ ܝܵܘܗܡܵܬ̣ܵܐ ܣܲܓ̇ܝܹ̈ܐܐ ܡܸܬܐ̣ܐܲܒ̣ܠܵܐ ܥܲܠ ܡܝܼܬ̣ܐ. |
[No book] |
| [3]ܘܥܘܿܠܝ ܠܘܵܬ̣ ܡܲܠܟܵܐ ܘܐܸܡܲܪܝ ܠܹܗ ܡܸܠܬ̣ܵܐ ܗܵܕܹܐ. ܘܬܲܩܸܢ ܝܘܿܐܵܒ̣ ܡܸܠܹ̈ܐ ܘܣܵܡ ܒܦܘܼܡܵܗ̇. |
[No book] |
| [4]ܘܥܸܠܲܬ̤ ܐܲܢ̄ܬ̇ܬ̣ܵܐ ܐܩܘܿܥܵܝܬܵܐ ܠܘܵܬ̣ ܡܲܠܟܵܐ: ܘܢܸܦܠܲܬ̤ ܥܲܠ ܐܲܦܹ̈ܝܗ̇ ܥܲܠ ܐܲܪܥܵܐ ܘܣܸܓ̣ܕܲܬ̣: ܘܐܸܡܪܲܬ̤: ܦܪܘܿܩܲܝܢܝ ܡܵܪܝ ܡܲܠܟܵܐ. |
[No book] |
| [5]ܐܵܡܲܪ ܠܵܗ̇ ܡܲܠܟܵܐ ܡܵܐ ܠܹܟ݂ܝ: ܐܵܡܪܵܐ ܠܹܗ ܫܲܪܝܼܪܵܐܝܼܬ̣ ܐܲܢ̄ܬ̇ܬ̣ܵܐ ܐ̄ܢܵܐ ܐܲܪܡܲܠܬܵܐ: ܒܲܥܠ̄ܝ ܡܝܼܬ̣ ܠܹܗ. |
[No book] |
| [6]ܘܠܐܲܡܬ̣ܵܟ݂ ܐܝܼܬ̣ ܗ̄ܘܟܵܘ ܬܪܹܝܢ ܒ̈ܢܝܼܢ: ܘܲܢܨܵܘ ܬܪ̈ܲܝܗܘܿܢ ܒܕܲܒ̣ܪܵܐ: ܘܠܵܐ ܗܘ̤ܵܐ ܡܦܲܨܝܵܢܵܐ ܒܲܝܢܵܬ̣ܗܘܿܢ. ܘܲܚܣܲܢ ܚܲܕ݂ ܠܚܲܒ̣ܪܹܗ ܘܩܲܛܠܹܗ. |
[No book] |
| [7]ܘܗܑܵ ܩܵܡܲܬ̤ ܠ܆ܟܠܵܗ̇ ܫܲܪܒ̇ܬ̣ܵܐ ܥܲܠ ܐܲܡܬ̣ܵܟ݂: ܘܐܵܡܪܝܼܢ ܗܲܒ̣ܝܼܘܗܝ ܠܲܢ ܠܗܵܘ̇ ܕܲܩܛܲܠ ܠܐܲܚܘܼܗܝ: ܘܢܸܩܛܠܝܼܘܗܝ ܥܲܠ ܐܲܦܲܝ̈ ܐܲܚܘܼܗܝ ܕܲܩܛܲܠ. ܘܒ̣ܵܥܹܝܢ ܕܢܵܘܒ̇ܕ݂ܘܼܢܹܗ ܠܝܵܪܘܿܬ̣ܵܐ. ܘܒܟܵܥܹܝܢ ܕܲܢܕܲܥܟ݂ܘܼܢ ܓܡܘܼܪܬܵܐ ܕܐܸܫܬܲܚܪܲܬ̤ ܠܝܼ: ܕܠܵܐ ܢܸܫܒ̇ܩܘܼܢ ܠܐܲܒܟܘܼܗܝ ܫܸܡܵܐ ܘܫܲܪܒ̇ܬ̣ܵܐ ܥܲܠ ܐܲܦܲܝ̈ ܐܲܪܥܵܐ. |
[No book] |
| [8]ܐܵܡܲܪ ܠܵܗ̇ ܡܲܠܟܑܵ: ܙܸܠܝ ܠܒܲܝܬܹ̇ܟ݂ܝ: ܐܸܢܵܐ ܐܸܦܩܘܿܕ݂ ܥܠܲܝܟ̇ܝ. |
[No book] |
| [9]ܐܵܡܪܵܐ ܐܲܢ̄ܬ̇ܬ̣ܵܐ ܬܩܘܿܥܵܝܬܵܐ ܠܡܲܠܟܵܐ: ܡܵܪܝ ܡܲܠܟܵܐ: ܗܵܕܹܐ ܣܲܟܠܘܼܬ̣ܵܐ ܥܠܲܝ ܘܥܲܠ ܒܹܝܬ̣ ܐܵܒ̣ܝ: ܘܡܲܠܟܵܐ ܘܟ݂ܘܼܪܣܝܹܗ ܡܦܲܨܲܝ. |
[No book] |
| [10]ܐܵܡܲܪ ܠܵܗ̇ ܡܲܠܟܵܐ: ܡ̇ܢ ܕܐܵܡܲܪ ܠܹܟ݂ܝ ܡܸܕܸܡ: ܐܲܝܬܵܐܘܼܗܝ ܠܘܵܬ̣ܝ: ܘܬ̣ܘܼܒ̣ ܠܵܐ ܡܸܬ̣ܩܲܪܲܒ̣ ܠܹܟ݂ܝ. |
[No book] |
| [11]ܘܐܸܡܪܲܬ̤: ܢܸܬ̇ܕܲܟܲܪ ܡܵܪܝ ܡܲܠܟܵܐ ܕܡܵܪܝܵܐ ܐܲܠܵܗܵܟ݂ ܒܣܘܿܓ̣ܵܐܐ ܕܚܘܼܕܬ̣ܵܐ ܕܲܕ݂ܡܵܐ ܠܵܐ ܡܚܲܒܸ̇ܠ: ܘܠܵܐ ܢܵܘܒ̇ܕ݂ܘܼܢ ܠܒܹܪܝ: ܐܵܡܲܪ ܡܲܠܟܵܐ: ܚܲܝ ܗ̄ܘ̣ ܡܵܪܝܵܐ ܐܲܠܵܗܵܐ: ܐܸܢ ܢܸܦܸܠ ܡ̣ܢ ܣܲܥܪܵܐ ܕܪܸܫܹܗ ܕܲܒ̣ܪܹܟ݂ܝ ܥܲܠ ܐܲܪܥܵܐ. |
[No book] |
| [12]ܘܐܸܡܪܲܬ̤ ܐܲܢ̄ܬ̇ܬ̣ܵܐ: ܬܹܐܡܲܪ ܐܲܡܬ̣ܵܟ݂ ܡܸܠܬ̣ܵܐ ܠܡܲܠܟܵܐ: ܐܵܡܲܪ ܠܵܗ̇ ܡܲܠܟܵܐ ܐܸܡܲܪܝ. |
[No book] |
| [13]ܐܵܡܲܪ ܠܹܗ ܐܲܢ̄ܬ̇ܬ̣ܵܐ: ܠܡܵܢܵܐ ܐܸܬ̣ܚܲܫܲܒ̣ܬ ܗܵܕܹܐ ܥܲܠ ܥܲܡܹܗ ܕܐܲܠܵܗܵܐ: ܘܲܠܡܵܢܵܐ ܐܸܡܲܪܬܚ ܡܲܠܟܵܐ ܐܲܝܟ݂ ܚܲܝܵܒ̣ܵܐ: ܘܠܵܐ ܡܲܗܦܸܟ݂ ܐܲܢ̄ܬ̇ ܡܲܠܟܵܐ ܛܵܥܝܵܟ݂. |
[No book] |
| [14]ܕܲܡܡܵܬ̣ ܡܵܝܬ̇ܝܼܢ ܚ̄ܢܵܢ: ܘܐܲܝܟ݂ ܡܲـ̈ܝܵܐ ܚܢܲܢ ܕܡܸܬ̣ܐܲܫܕܝܼܢ ܒܐܲܪܥܵܐ: ܘܠܵܐ ܡܸܬ̣ܟܲܢܫܝܼܢ. ܘܠܵܐ ܫܵܩܹܠ ܐܲܠܵܗܵܐ ܢܲܦ̮ܫܵܐ: ܘܡܸܬ̣ܚܲܫܲܒ̣ ܡܲܚܫܲܒ̣ܬ̣ܵܐ: ܕܠܵܐ ܢܸܛܥܸܐ ܡܸܢܹܗ ܐ̄ܢܵܫ. |
[No book] |
| [15]ܘܗܵܫܵܐ ܗܵܐ ܐܸܡܪܹܬ̣ ܠܡܵܪܝ ܡܲܠܟܵܐ ܡܸܠܬ̣ܵܐ ܗܵܕܹܐ: ܕܲܠܚܘܼܢܝ ܓܹܝܪ ܥܲܡܵܐ: ܘܐܸܡܪܲܬ̤ ܐܲܡܬ̣ܵܟ݂ ܐܸܢܵܐ ܐܹܡܲܪ ܠܡܲܠܟܵܐ: ܟܒܲܪ ܢܦܲܨܹܐ ܠܐܲܡܬܹܗ ܡ̣ܢ ܐܝܼܕܲܝ̈ ܐ̄ܢܵܫܵܐ. |
[No book] |
| [16]ܕܠܵܐ ܢܵܘܒ̇ܕ݂ܘܼܢܵܢܝ ܠܝܼ ܘܲܠܒܹܪܝ ܡ̣ܢ ܝܵܪܬܚܘܼܬܹܗ ܕܐܲܠܵܗܵܐ. |
[No book] |
| [17]ܘܐܸܡܪܲܬ̤ ܐܲܡܝܼܬ̣ܵܟ݂: ܬܸܫܲܪ ܡܸܠܬܹܗ ܕܡܵܪܝ ܡܲܠܟܵܐ ܘܬܸܗܘܸܐ ܩܘܼܪܒܵܢܵܐ: ܡܸܛܠ ܕܐܲܝܟ݂ ܡܲܠܲܐܟܹܗ ܕܐܲܠܵܗܵܐ: ܗܵܟܲܢܵܐ ܡܵܪܝ ܡܲܠܟܵܐ ܠܡܸܫܡܲܥ ܛܵܒ̣ ܘܒ̣ܝܼܫ. ܘܡܵܪܝܵܐ ܐܲܠܵܗܵܟ݂ ܢܸܗܘܸܐ ܥܲܡܵܟ݂. |
[No book] |
| [18]ܘܲܥܢܵܐ ܡܲܠܟܵܐ ܘܐܸܡܲܪ ܠܵܗ̇ ܠܐܲܢ̄ܬ̇ܬ̣ܵܐ: ܠܵܐ ܬܛܲܫܹܝܢ ܡܸܢܝ ܡܸܕܸܡ ܕܫܵܐܹܠ ܐ̄ܢܵܐ ܠܹܟ݂ܝ. ܐܵܡܪܵܐ ܠܹܗ ܐܲܢ̄ܬ̇ܬ̣ܵܐ: ܐܸܡܲܪ ܡܵܪܝ ܡܲܠܟܵܐ. |
[No book] |
| [19]ܐܵܡܲܪ ܠܵܗ̇ ܡܲܠܟܵܐ: ܐܝܼܕܹܗ ܕܝܘܿܐܵܒ̣ ܐܝܼܬ̣ ܥܲܡܹ̣ܟ݂ܝܼ ܠܗܵܠܹܝܢ ܟܠܗܹܝܢ. ܥܢܵܬ̤ ܐܲܢ̄ܬ̇ܬ̣ܵܐ ܘܐܸܡܪܲܬ̤ ܠܹܗ: ܚܲܝܵܐ ܗ̄ܝ̣ ܢܲܦ̮ܫܵܟ݂ ܡܵܪܝ ܡܲܠܟܵܐ: ܕܠܵܐ ܠܝܲܡܝܼܢܵܐ ܘܠܵܐ ܠܣܸܡܵܠܵܐ ܣܛܹܝܬ̣ ܡ̣ܢ ܟܠ ܡܸܕܸܡ ܕܐܸܡܲܪ ܡܵܪܝ ܡܲܠܟܵܐ. ܥܲܒ̣ܕܵܟ݂ ܗ̄ܘ̣ ܝܘܿܐܵܒ̣ ܦܲܩܕܲܢܝ: ܘܗ̤ܘ ܣܵܡ ܒܦܘܼܡܵܗ̇ ܕܐܲܡܬ̣ܵܟ݂ ܟܠܗܹܝܢ ܡܸܠܹ̈ܐ ܗܵܠܹܝܢ. |
[No book] |
| [20]ܡܸܛܠ ܕܬܸܥܒܸ̇ܕ݂ ܒܐܲܦܲܝ̈: ܡܸܛܠ ܗܵܘ̇ ܥܒܲܕ݂ ܥܲܒ̣ܕܵܟ݂ ܝܘܿܐܵܒ̣̱ ܗܵܟܲܢܵܐ: ܘܡܵܪܝ ܚܲܟ̇ܝܼܡ ܐܲܝܟ݂ ܚܸܟ݂ܡ̱ܬ̣ܵܐ ܕܡܲܠܲܐܟ݂ܵܘ̈ܗܝ ܕܐܲܠܵܗܵܐ ܠܡܕܲܥ ܟܠ ܕܐܝܼܬ̣ ܒܐܲܪܥܵܐ. |
[No book] |
| [21]ܐܵܡܲܪ ܠܹܗ ܡܲܠܟܵܐ ܠܝܘܿܬܵܒ̣: ܗܵܐ ܥܸܒ̣ܕܹܬ̣ ܐܲܝܟ݂ ܕܐܸܡܲܪܬ̇: ܙܸܠ ܐܲܝܬܵܝܗܝ ܠܐܲܒ̣ܫܵܠܘܿܡ ܛܲܠܝܵܐ. |
[No book] |
| [22]ܘܲܢܦܲܠ ܝܘܿܐܵܒ̣ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ ܘܲܣܓܸܕ݂: ܘܒܲܪܸܟ݂ ܠܡܲܠܟܵܐ. ܘܐܸܡܲܪ ܝܘܿܐܵܒ̣: ܝܵܘܡܵܢܵܐ ܝܼܕܲܥ ܥܲܒ̣ܕܵܟ݂ ܕܐܸܫܟܹܚܬ̣ ܪܲܚܡܹܐ ܒܥܲܝܢܲܝ̈ܟ ܡܵܪܝ ܡܲܠܟܵܐ: ܕܲܥܒܲܕ݂ ܡܲܠܟܵܐ ܡܸܠܬ̣ܵܐ ܕܥܲܒ̣ܕܹܗ. |
[No book] |
| [23]ܘܩܵܡ ܝܘܿܐܵܒ̣ ܘܐܸܙܲܠ ܠܓܲܫܘܿܪ: ܘܐܲܝܬ̇ܝܹܗ ܠܐܲܒ̣ܫܵܠܘܿܡ ܠܐܘܿܪܸܫܠܸܡ. |
[No book] |
| [24]ܘܐܸܡܲܪ ܡܲܠܟܵܐ ܢܹܐܙܲܠ ܠܒܲܝܬܹ̇ܗ: ܘܲܩܕ݂ܵܡܲܝ ܠܵܐ ܢܸܬ̣ܚ̄ܙܸܐ. ܘܐܸܙܲܠ ܐܲܒ̣ܫܵܠܘܿܡ ܠܒܲܝܬܹ̇ܗ: ܘܐܲܦܲܝ̈ ܡܲܠܟܵܐ ܠܵܐ ܚܙܵܐ. |
[No book] |
| [25]ܘܐܲܝܟ݂ ܐܲܒ̣ܫܵܠܘܿܡ ܠܲܝܬ̇ ܗ̄ܘ̣ܵܐ ܓܲܒ̣ܪܵܐ ܒܝܼܣܪܵܝܹܠ: ܕܡܸܫܬܲܒܲܚ ܗ̄ܘ̣ܵܐ ܛܵܒ̣ܘ. ܡ̣ܢ ܦܲܣܬ̣ܵܐ ܕܪܸܓ̣ܠܹܗ ܘܲܥܕܲܡܵܐ ܠܡܘܼܚܹܗ: ܠܲܝܬ̇ ܗ̄ܘ̣ܵܐ ܒܹܗ ܡܘܼܡܵܐ. |
[No book] |
| [26]ܘܡܑܵ ܕܲܡܣܲܦܲܪ ܗ̄ܘ̣ܵܐ ܪܹܫܹܗ: ܡ̣ܢ ܥܸܕܵܢ ܠܥܸܕܵܢ ܡܣܲܦܲܪ ܗ̄ܘ̣ܵܐ: ܡܸܛܠ ܕܥܵܫܹܢ ܗ̄ܘ̣ܵܐ ܥܠܵܘܗܝ ܡܣܲܦܲܪ ܗ̄ܘ̣ܵܐ ܠܹܗ: ܘܬ̣ܵܩܹܠ ܗ̄ܘ̣ܵܐ ܣܲܥܪܵܐ ܕܪܹܫܹܗ ܡܲܐܬܹܝܢ ܡܲܬ̣ܩܵܠ̈ܝܼܢ ܒܡܲܬ̣ܩܵܠܵܐ ܕܡܲܠܟܵܐ. |
[No book] |
| [27]ܘܐܸܬ̣̱ܝܼܠܸܕ݂ܘ ܠܐܲܒ̣ܫܵܠܘܿܡ ܬܠܵܬ̣ܵܐ ܒܢ̈ܝܼܢ ܘܒܲܪܬ̣ܵܐ ܚܕ݂ܵܐ ܘܲܫܡܵܗ̇ ܬܵܡܵܪ: ܐܵܦ ܗ̤ܝ ܗ̄ܘ̤ܵܬ̣ ܐܲܢ̄ܬ̇ܬ̣ܵܐ ܫܲܦܝܼܪܲܬ̣ ܒܚܸܙܘܵܐ. |
[No book] |
| [28]ܘܝܼܬܸܒ̣ ܐܲܒ̣ܫܵܠܘܿܡ ܒܐܲܘܿܪܸܫܠܸܡ ܬܲܪܬܹܝܢ ܫܢ̈ܝܼܢ. |
[No book] |
| [29]ܘܐܲܦܲܝ̈ ܡܲܠܟܵܐ ܠܵܐ ܚܙܵܐ. ܘܫܲܕܲܪ ܐܲܒ̣ܫܵܠܘܿܡ ܥܲܠ ܝܘܿܐܵܒ̣ ܕܲܢܫܲܕܪܝܼܘܗܝ ܠܘܵܬ̣ ܡܲܠܟܵܐ: ܘܠܵܐ ܨܒ̣ܵܐ ܠܡܹܐܬ̣ܵܐ. ܘܫܲܕܲܪ ܬܘܼܒ̣ ܕܬܲܪܬܹܝܢ ܙܲܒ̣ܢ̈ܝܼܢ: ܘܠܵܐ ܨܒ̣ܵܐ ܠܡܹܐܬ̣ܵܐ. |
[No book] |
| [30]ܘܐܸܡܲܪ ܐܲܒ̣ܫܵܠܘܿܡ ܠܥܲܒ̣ܕܵܘ̈ܗܝ: ܚܙܵܘ ܚܲܩܠܵܐ ܐܲܝܟܵܐ ܕܐܝܼܬ̣ ܠܝܘܿܐܵܒ̣ ܥܲܠ ܓܹܢ̄ܒ̣ܝ: ܕܚܸܛܹ̈ܐ ܐܵܘ ܕܲܣܥܵܪܹ̈ܐ: ܙܸܠܘ ܐܵܘܩܕ݂ܘܼܗ̇ ܒܢܘܼܪܵܐ. ܘܐܵܘܩܸܕ݂ܘ ܥܲܒ̣ܕܵܘ̈ܗܝ ܕܐܲܒ̣ܫܵܠܘܿܡ ܠܚܲܩܠܵܐ ܕܝܘܿܐܵܒ̣. |
[No book] |
| [31]ܘܩܵܡ ܝܘܿܐܵܒ̣ ܘܐܸܙܲܠ ܠܒܲܝܬܹ̇ܗ ܕܐܲܒ̣ܫܵܠܘܿܡ: ܘܐܸܡܲܪ ܠܹܗ ܝܘܿܐܵܒ̣ ܠܐܲܒ̣ܫܵܠܘܿܡ: ܠܡܵܢܵܐ ܐܵܘܩܸܕ݂ܘ ܥܲܒ̣ܕܲܝ̈ܟ ܚܲܩܠܝ ܒܢܘܼܪܵܐ. |
[No book] |
| [32]ܐܵܡܲܪ ܠܹܗ ܐܲܒ̣ܫܵܠܘܿܡ ܠܝܘܿܐܵܒ̣: ܗܵܐ ܫܲܕܲܪܹܬ̣ ܥܠܲܝܟ: ܘܐܸܡܪܹܬ̣ ܕܬ̣ܵܐ ܐܹܫܲܕܪܵܟ݂ ܠܘܵܬ̣ ܡܲܠܟܵܐ ܕܬܹܐܡܲܪ ܠܡܵܢܵܐ ܐܸܬܹܝܬ̣ ܡ̣ܢ ܓܵܫܘܿܪ: ܦܲܩܵܚ ܗ̄ܘ̣ܵܐ ܠܝܼ ܟܲ!!!! ܐܸܢܵܐ ܬܲܡܵܢ. ܘܗܵܫܵܐ ܨܵܒܹܐ ܐ̄ܢܵܐ ܕܐܸܬ̣ܚܙܸܐ ܩܕ݂ܵܡ ܡܲܠܟܵܐ. ܘܐܸܢ ܐܝܼܬ̣ ܠܝܼ ܣܲܟ݂ܠܘܼܬ̣ܵܐ: ܢܸܩܛܠܲܢܝ. |
[No book] |
| [33]ܘܐܸܬ̣ܵܐ ܝܘܿܐܵܒ̣ ܩܕ݂ܵܡ ܡܲܠܟܵܐ ܘܚܵܘܝܹܗ ܡܸܠܵܘ̈ܗܝ ܕܐܲܒ̣ܫܵܠܘܿܡ. ܘܲܩܪܵܝܗܝ ܠܐܲܒ̣ܫܵܠܘܿܡ: ܘܥܲܠ ܐܲܒܟܫܵܠܘܿܡ ܩܕ݂ܵܡ ܡܲܠܟܵܐ: ܘܲܣܓ̣ܕ݂ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ ܩܕ݂ܵܡ ܡܲܠܟܵܐ: ܘܢܲܫܩܹܗ ܡܲܠܟܵܐ ܠܐܲܒ̣ܫܵܠܘܿܡ. |
[No book] |