|
|
| [1]ܘܕ݂ܵܘܝܼܕ݂ ܦܪܲܩ ܩܲܠܝܼܠ ܡ̣ܢ ܕܘܼܟ̇ܬ̣ܵܐ ܐܲܬܲܪ ܕܣܵܓܹܕ݂ ܗ̄ܘ̣ܵܐ. ܘܨܝܼܒ̣ܵܐ ܛܲܠܝܹܗ ܕܡܲܦܝܼܒ̣ܵܫܬ̇ ܐܸܬ̣ܵܐ ܠܐܘܼܪܥܹܗ. ܘܐܲܝܬ̇ܝܼ ܥܲܡܹܗ ܬܪܹܝܢ ܚܡܵܪ̈ܝܼܢ ܟܲܕ݂ ܛܥܝܼܢܝܼܢ: ܘܐܝܼܬ̣ ܥܠܲܝܗܘܿܢ ܡܲܐܬܹܝܢ ܓܪ̈ܝܼܨܵܢ: ܘܲܡܵܐܐ ܕܸܒ̣̈ܠܝܼܢ: ܘܲܡܵܐܐ ܓܘܼܒ̣̈ܢܝܼܢ: ܘܙܸܩܵܐ ܕܚܲܡܪܵܐ. |
[No book] |
| [2]ܐܵܡܲܪ ܠܹܗ ܡܲܠܟܵܐ ܠܨܝܼܒ̣ܵܐ: ܗܵܠܹܝܢ ܡ̣ܢ ܐܲܝܡܸܟܵܐ ܠܵܟ݂. ܐܵܡܲܪ ܠܹܗ ܨܝܼܒ̣ܵܐ: ܚܸܡܪܵܐ ܕܢܸܫܩܠܘܼܢ ܛܥܘܼܢܬܵܐ ܕܒܹܝܬ̣ ܡܲܠܟܵܐ: ܘܠܲܚܡܵܐ ܘܓ̣ܘܼܒ̣̈ܢܹܐ ܕܢܹܐܟ݂ܠܘܼܢ ܛܠܵܝܹ̈ܐ: ܘܚܲܡܪܵܐ ܕܢܸܫܬ̇ܘܿܢ ܐܲܝܠܹܝܢ ܕܲܡܛܲܪܦܝܼܢ ܒܡܲܕ݂ܒ̇ܪܵܐ. |
[No book] |
| [3]ܘܐܸܡܲܪ ܠܹܗ ܡܲܠܟܵܐ: ܐܲܝܟ̇ܵܘ ܒܲܪ ܡܵܪܵܟ݂. ܐܵܡܲܪ ܠܹܗ ܨܝܼܒ̣ܵܐ: ܗܵܐ ܝܵܬܹܒ̣ ܒܐܘܿܪܸܫܠܸܡ: ܘܐܵܡܲܪ: ܝܵܘܡܵܢܵܐ ܢܲܦܢܘܿܢ ܠܝܼ ܒ̈ܢܲܝ ܝܼܣܪܵܝܹܠ ܡܲܠܟ̇ܘܼܬܹܗ ܕܫܵܐܘܿܠ ܐܵܒ̣ܝ. |
[No book] |
| [4]ܐܵܡܲܪ ܠܹܗ ܕܵܘܝܼܕ݂ ܠܨܝܼܒ̣ܵܐ: ܝܼܗܝܼܒ̣ ܠܵܟ݂ ܟܠ ܡܕܸܡ ܕܐܝܼܬ̣ ܠܡܲܦܝܼܒ̣ܵܫܬ̇: ܘܐܸܡܲܪ ܨܝܼܒ̣ܵܐ: ܣܲܓܝܼ ܐܝܼܬ̣ ܠܝܼ: ܐܸܢܵܐ ܐܸܫܟ̇ܚܹܬ̣ ܪ̈ܲܚܡܹܐ ܒܥܲܝ̈ܢܲܝܟ ܡܵܪܝ ܡܲܠܟܵܐ. |
[No book] |
| [5]ܘܐܸܬ̣ܵܐ ܡܲܠܟܵܐ ܕܵܘܝܼܕ݂ ܥܕܲܡܵܐ ܠܒܹܝܬ̣ ܚܘܿܪܝܼܡ. ܘܲܢܦܲܩ ܡ̣ܢ ܬܲܡܵܢ ܓܲܒ̣ܪܵܐ ܚܲܕ݂ ܡ̣ܢ ܫܲܪܒܚܬ̣ܵܐ ܕܒܹܝܬ̣ ܫܵܐܘܿܠ: ܘܲܫܡܹܗ ܫܲܡܥܝܼ ܒܲܪ ܓܹܐܪܵܐ: ܢܦܲܩ ܘܲܡܨܲܚܸܐ ܠܹܗ ܠܕ݂ܵܘܝܼܕ݂. |
[No book] |
| [6]ܘܪܵܓܹܡ ܠܹܗ ܒܟܹܐܦܹ̈ܐ: ܠܹܗ ܘܲܠܟ݂ܠܗܘܿܢ ܥܲܒ̣ܕܵܘ̈ܗܝ: ܘܲܠܟ݂ܠܹܗ ܥܲܡܵܐ: ܘܲܠܟ݂ܠܗܘܿܢ ܥܲܒ̣ܕܵܘ̈ܗܝ ܕܡ̣ܢ ܝܲܡܝܼܢܹܗ ܘܡ̣ܢ ܣܸܡܵܠܹܗ. |
[No book] |
| [7]ܘܗܵܟܲܢܵܐ ܐܵܡܲܪ ܗ̄ܘ̣ܵܐ ܫܲܡܥܝܼ ܠܕ݂ܵܘܝܼܕ݂ ܟܲܕ݂ ܡܨܲܚܸܐ ܗ̄ܘ̣ܵܐ ܠܹܗ: ܦܘܿܩ ܦܘܿܩ ܓܲܒ̣ܪܵܐ ܐܵܫܹܕ݂ ܕܡܵܐ ܘܥܵܘܵܠܵܐ. |
[No book] |
| [8]ܢܸܦ̱ܪܥܵܟ݂ ܡܵܪܝܵܐ ܟܠܹܗ ܕܡܵܐ ܕܒܹܝܬ̣ ܫܵܐܘܿܠ: ܕܐܲܡܠܸܟ݂ܬ̇ ܒܵܬܟܪܹܗ: ܘܢܲܫ̱ܠܡܝܼܗ̇ ܡܵܪܝܵܐ ܡܲܠܟ̇ܘܼܬ̣ܵܐ ܒܐܝܼܕܹܗ ܕܐܲܒ̣ܫܵܠܘܿܡ ܒܪܵܟ݂. ܘܗܵܐ ܐܸܬ̣ܦܪܲܥܬ̇ ܒܝܼܫܬܵܟ݂: ܡܸܛܠ ܕܓܲܒ̣ܪܵܐ ܐܲܢ̄ܬ̇ ܐܵܫܹܕ݂ ܕܡܵܐ. |
[No book] |
| [9]ܐܵܡܲܪ ܠܹܗ ܐܲܒ̣ܫܲܝ ܒܲܪ ܨܘܿܪܝܼܵܐ ܠܕ݂ܵܘܝܼܕ݂: ܠܡܵܢܵܐ ܡܨܲܚܸܐ ܗܵܢܵܐ ܟܲܠܒܵܐ ܡܝܼܬ̣ܵܐ ܠܡܵܪܝ ܡܲܠܟܵܐ: ܐܸܥܒܲܪ ܐܸܣܒ̣ܝܼܘܗܝ ܪܹܫܹܗ. |
[No book] |
| [10]ܐܵܡܲܪ ܠܹܗ ܡܲܠܟܵܐ ܕܵܘܝܼܕ݂: ܡܵܐ ܠܝܼ ܘܲܠܟ݂ܘܿܢ ܒ̈ܢܲܝ ܨܘܿܪܝܼܵܐ: ܫܘܼܒ̣ܩܘܼܗܝ ܡܨܚܸܐ: ܡܵܪܝܵܐ ܗ̄ܘ̣ ܐܸܡܲܪ ܠܹܗ ܕܨܲܚܵܐ ܠܕ݂ܵܘܝܼܕ݂. ܡ̇ܢ ܕܹܝܢ ܐܸܡܲܪ ܠܝܼ ܠܡܵܢܵܐ ܗܘܲܢܝ ܗܵܟܲܢܵܐ. |
[No book] |
| [11]ܐܵܡܲܪ ܠܹܗ ܕܵܘܝܼܕ݂ ܠܐܲܒ̣ܫܲܝ: ܘܲܠܟ݂ܠܗܘܿܢ ܥܲܒ̣ܕܵܘ̈ܗܝ: ܗܵܐ ܒܹܪܝ ܕܲܢܦܲܩ ܡ̣ܢ ܡܥܲܝ̈ ܒܵܥܹܐ ܕܢܸܣܲܒ̣ ܢܲܦ̮ܫܝ: ܘܐܵܦ ܗܵܫܵܐ ܒ̈ܢܲܝ ܝܲܡܝܼܝ. ܫܘܼܒ̣ܩܘܼܗܝ ܡܨܲܚܸܐ: ܡܵܪܝܵܐ ܗ̄ܘ̣ ܐܸܡܲܪ ܠܹܗ. |
[No book] |
| [12]ܛܵܟ݂ ܢܸܚܙܸܐ ܡܵܪܝ ܒܫܘܼܥܒܵܕ݂ܝ: ܘܢܸܦܪ̱ܥܲܢܝ ܛܵܒܵـ̈ܬ̣ܵܐ ܚܠܵܦ ܨܘܿܚ̈ܝܵܬ̣ܝ ܕܝܵܘܡܵܢܵܐ. |
[No book] |
| [13]ܘܐܵܙܹܠ ܗ̄ܘ̣ܵܐ ܕܵܘܝܼܕ݂ ܘܥܲܒ̣ܕܵܘ̈ܗܝ ܒܐܘܼܪܚܵܐ: ܘܫܲܡܥܝܼ ܐܵܙܹܠ ܗ̄ܘ̣ܵܐ ܒܲܛܦܵܝܵܐ ܕܛܘܼܪܵܐ ܒܩܘܼܒ̣ܠܹܗ. ܡܨܲܚܸܐ ܗ̄ܘ̣ܵܐ ܠܹܗ: ܘܪܵܓܹܡ ܗ̄ܘ̣ܵܐ ܠܹܗ ܒܟܹܐܦܹ̈ܐ: ܘܫܵܕܹܐ ܗ̄ܘ̣ܵܐ ܒܹܗ ܥܲܦܪܵܐ. |
[No book] |
| [14]ܘܐܸܬ̣ܵܐ ܡܲܠܟܵܐ ܘܟ݂ܠܹܗ ܥܲܡܵܐ ܕܥܲܡܹܗ ܟܲܕ݂ ܡܛܲܪܦܝܼܢ: ܘܐܸܬ̇ܬ̇ܢܝܼܚܘ ܬܲܡܵܢ. |
[No book] |
| [15]ܘܐܲܒ̣ܫܵܠܘܿܡ ܘܟ݂ܠܹܗ ܥܲܡܵܐ ܕܥܲܡܹܗ: ܘܟ݂ܠܹܗ ܝܼܣܪܵܝܹܠ ܐܸܬ̣ܵܘ ܠܐܘܿܪܸܫܠܸܡ: ܘܐܲܚܝܼܬ̇ܘܿܦܹܠ ܥܲܡܹܗ. |
[No book] |
| [16]ܘܟܲܕ݂ ܐܸܬ̣ܵܐ ܚܘܿܫܝܼ ܐܵܪܟܵܝܵܐ ܪܵܚܡܹܗ ܕܕ݂ܵܘܝܼܕ݂ ܠܘܵܬ̣ ܐܲܒ̣ܫܵܠܘܿܡ: ܐܵܡܲܪ ܠܹܗ ܚܘܿܫܝܼ ܠܐܲܒ̣ܫܵܠܘܿܡ: ܚܝܼ ܡܲܠܟܵܐ: ܚܝܼ ܡܲܠܟܵܐ. |
[No book] |
| [17]ܐܵܡܲܪ ܠܹܗ ܐܲܒ̣ܫܵܠܘܿܡ ܠܚܘܿܫܝܼ: ܗܵܕܲܐ ܗ̄ܝܼ ܪܵܚܡܘܼܬܹܗ ܕܪܵܚܡܵܟ݂: ܠܡܵܢܵܐ ܠܵܐ ܐܸܙܲܠܬ̇ ܥܲܡ ܪܵܚܡܵܟ݂. |
[No book] |
| [18]ܐܵܡܲܪ ܠܹܗ ܫܘܿܫܝܼ ܒܐܲܒ̣ܫܵܠܘܿܡ: ܠܵܐ ܗ̄ܘ̣ܵܐ ܥܲܡ ܡ̇ܢ ܕܲܓ̣ܒ̣ܵܐ ܡܵܪܝܵܐ: ܘܥܲܡܵܐ ܗܵܢܵܐ ܘܟ݂ܠܹܗ ܝܼܣܪܵܝܹܠ ܕܝܼܠܹܗ: ܥܲܡܹܗ ܐܸܬܸܒ̣ ܘܕ݂ܠܹܗ ܐܸܗܘܸܐ. |
[No book] |
| [19]ܘܲܕܬ̇ܪܬܹܝܢ ܙܲܒ̣̈ܢܝܼܢ ܕܡ̇ܢ ܐ̄ܢܵܐ ܥܲܒ̣ܕܵܐ: ܠܵܐ ܗ̄ܘ̣ܵܬ̣ ܒܐܝܼܕܲܝ̈. ܐܲܝܟ݂ ܕܦܸܠܚܹ̇ܬ̣ ܩܕ݂ܵܡ ܐܲܒ̣ܘܼܟ݂: ܗܵܟܲܢܵܐ ܐܸܦܠܘܿܚ ܩܕ݂ܵܡܲܝܟ. |
[No book] |
| [20]ܐܵܡܲܪ ܐܲܒ̣ܫܵܠܘܿܡ ܠܐܲܚܝܼܬ̇ܘܿܦܹܝܠ: ܡܠܘܿܟܲܝܢܝ ܡܵܢܵܐ ܐܸܥܒܸ̇ܕ݂. |
[No book] |
| [21]ܐܵܡܲܪ ܠܹܗ ܐܲܚܝܼܬ̇ܘܿܦܹܝܠ ܠܐܲܒ̣ܫܵܠܘܿܡ: ܥܘܿܠ ܥܲܠ ܕܪ̈ܘܼܟ݂ܵܬܹܗ ܕܐܲܒ̣ܘܼܟ݂ ܕܲܫܒܲܩ ܕܢܸܛܪܵܢ ܒܲܝܬܹ̇ܗ. ܘܡܵܐ ܕܲܫܡܲܥܘ ܟܠܹܗ ܝܼܣܪܵܝܹܠ ܕܲܗ̤ܘܲܝܬ̇ ܥܲܡ ܕܪ̈ܘܼܟ̇ܵܬܹܗ ܕܐܲܒ̣ܘܼܟ݂: ܡܸܬ̣ܚܲܝ̈ܠܵܢ ܐܝܼܕܲܝܵܐ ܕܟ݂ܠ ܡ̇ܢ ܕܥܲܡܵܟ݂. |
[No book] |
| [22]ܘܲܢܩܲܫܘ ܠܹܗ ܠܐܲܒ̣ܫܵܠܘܿܡ ܡܲܫܟ̇ܢܵܐ ܥܲܠ ܐܸܓܵܪܵܐ: ܘܥܲܠ ܐܲܒ̣ܫܵܠܘܿܡ ܥܲܠ ܕܪ̈ܘܟ݂ܵܬܹܗ ܕܐܲܒ̣ܘܼܗܝ ܠܥܹܝܢ ܟܠܹܗ ܝܼܣܪܵܝܹܠ. |
[No book] |
| [23]ܘܡܸܠܟܵܐ ܕܡܵܠܹܟ݂ ܗ̄ܘ̣ܵܐ ܐܲܚܝܼܬ̇ܘܿܦܹܝܠ ܒܝܵܘ̈ܡܵܬ̣ܵܐ ܗܵܢܘܿܢ: ܐܲܝܟ݂ ܐ̄ܢܵܫ ܕܢܸܫܐܲܠ ܒܡܸܠܬܹܗ ܕܐܲܠܵܗܵܐ. ܗܵܟܲܢܵܐ ܟܠܗܘܿܢ ܡܸܠܟܵܘ̈ܗܝ ܕܐܲܚܝܼܬ̇ܘܿܦܹܝܠ: ܐܵܦ ܠܕ݂ܵܘܝܼܕ݂ ܐܵܦ ܠܐܲܒ̣ܫܵܠܘܿܡ. |
[No book] |