➖ »
«
➖ ➕
Aleppo Codex (~920)
Alep
Peshitta OT
PesOT
←
2 Samuel
2Sa
17
→
[1]ויאמר אחיתפל אל אבשלום אבחרה נא שנים עשר אלף איש ואקומה וארדפה אחרי דוד הלילה [1]ܐܵܡܲܪ ܐܲܚܝܼܬ̇ܘܿܦܹܝܠ ܠܐܲܒ̣ܫܵܠܘܿܡ: ܐܸܓ̣ܒܸ̇ܐ ܬܪܸܥܣܲܪ ܐܲܠܦ̈ܝܼܢ ܓܲܒ̣ܪ̈ܝܼܢ: ܘܐܹܩܘܼܡ ܐܸܪܕܘܿܦ ܒܵܬܲܪ ܕܵܘܝܼܕ݂ ܒܠܸܠܝܵܐ.
[2]ואבוא עליו והוא יגע ורפה ידים והחרדתי אתו ונס כל העם אשר אתו והכיתי את המלך לבדו [2]ܘܐܲܕ݂ܪ̱ܟ݂ܝܼܘܗܝ ܥܲܕ݂ ܠܐܸܐ ܘܲܡܪ̈ܲܦܝܵܢ ܐܝܼܕ݂ܵܘ̈ܗܝ: ܘܐܸܕ݂ܠ̱ܚܝܼܘܗܝ: ܘܢܸܥܪܘܿܩ ܟܠܹܗ ܥܲܡܵܐ ܕܥܲܡܹܗ: ܘܐܸܩܛܠܝܼܘܗܝ ܠܡܲܠܟܵܐ ܒܲܠܚܘܿܕ݂ܵܘܗܝ.
[3]ואשיבה כל העם אליך כשוב הכל־האיש אשר אתה מבקש כל העם יהיה שלום [3]ܘܐܲܦܢܹܝܘܗܝ ܠܟ݂ܠܹܗ ܥܲܡܵܐ ܠܘܵܬ̣ܵܟ݂: ܐܲܝܟ݂ ܕܲܗܦܲܟ݂ ܟܠ ܐ̄ܢܵܫ ܕܲܨܒ̇ܝܬ̇. ܘܟ݂ܠܹܗ ܥܲܡܵܐ ܢܸܗܘܸܐ ܒܲܫܠܵܡܵܐ.
[4]ויישר הדבר בעיני אבשלם ובעיני כל זקני ישראל [4]ܘܫܸܦܪܲܬ̤ ܡܸܠܬ̣ܵܐ ܒܥܲܝ̈ܢܲܝ ܐܲܒ̣ܫܵܠܘܿܡ ܘܲܒ̣ܥܲܝ̈ܢܲܝ ܟܠܗܘܿܢ ܣܵܒܹ̈ܐ ܕܝܼܣܪܵܝܹܠ.
[5]ויאמר אבשלום קרא נא גם לחושי הארכי ונשמעה מה בפיו גם הוא [5]ܘܐܸܡܲܪ ܐܲܒ̣ܫܵܠܘܿܡ: ܩܪܵܘ ܠܚܘܿܫܝܼ ܐܵܪܟܵܝܵܐ: ܘܢܸܫܡܲܥ ܡܵܢܵܐ ܐܵܡܲܪ ܐܵܦ ܗ̤ܘ.
[6]ויבא חושי אל אבשלום ויאמר אבשלום אליו לאמר כדבר הזה דבר אחיתפל הנעשה את דברו אם אין אתה דבר [6]ܘܐܸܬ̣ܵܐ ܚܘܿܫܝܼ ܠܘܵܬ̣ ܐܲܒ̣ܫܵܠܘܿܡ. ܘܐܸܡܲܪ ܠܹܗ ܐܲܒ̣ܫܵܠܘܿܡ: ܗܵܟܲܢܵܐ ܘܗܵܟܲܢܵܐ ܐܸܡܲܪ ܐܲܚܝܼܬ̇ܘܿܦܹܝܠ: ܢܸܥܒܸ̇ܕ݂ ܡܸܕܸܡ ܕܐܸܡܲܪ. ܘܐܸܢ ܠܵܐ ܘܵܠܹܐ: ܐܸܡܲܪ ܐܲܢ̄ܬ̇.
[7]ויאמר חושי אל אבשלום לא טובה העצה אשר יעץ אחיתפל בפעם הזאת [7]ܐܵܡܲܪ ܠܹܗ ܚܘܿܫܝܼ ܠܐܲܒ̣ܫܵܠܘܿܡ: ܠܵܐ ܗ̄ܘ̣ܵܐ ܫܲܦܝܼܪ ܡܸܠܟܵܐ ܕܲܡܠܲܟ݂ ܐܲܚܝܼܬ̇ܘܿܦܹܝܠ ܒܗܵܢܵܐ ܙܲܒ̣ܢܵܐ.
[8]ויאמר חושי אתה ידעת את אביך ואת אנשיו כי גברים המה ומרי נפש המה כדב שכול בשדה ואביך איש מלחמה ולא ילין את העם [8]ܐܵܡܲܪ ܠܹܗ ܚܘܿܫܝܼ: ܐܲܢ̄ܬ̇ ܝܵܕܲܥ ܐܲܢ̄ܬ̇ ܠܹܗ ܠܐܲܒ̣ܘܼܟ݂ ܘܲܠܥܲܒ̣ܕܵܘ̈ܗܝ ܕܓܲܢ̄ܒܵܪܹ̈ܐ ܐܸܢܘܿܢ: ܘܓܲܒ̣ܪܹ̈ܐ ܐܸܢܘܿܢ ܡܲܪܝܼܪܲܝ ܢܲܦ̮ܫܵܐ: ܐܲܝܟ݂ ܕܸܒܵܐ ܕܬ̣ܵܒܲܪܵܐ ܒܕܲܒ̣ܪܵܐ. ܓܲܒ̣ܪܵܐ ܗ̄ܘ̣ ܩܪܲܒ̣ܬ̣ܵܢܵܐ: ܘܠܵܐ ܒܵܐܹܬ̣ ܥܲܠ ܓܹܢ̄ܒ̣ ܥܲܡܵܐ.
[9]הנה עתה הוא נחבא באחת הפחתים או באחד המקומת והיה כנפל בהם בתחלה ושמע השמע ואמר היתה מגפה בעם אשר אחרי אבשלם [9]ܗܵܫܵܐ ܡܸܬ̇ܛܲܫܸܐ ܒܚܲܕ݂ ܡ̣ܢ ܐܲܬ̣ܪ̈ܵܘܵܬ̣ܵܐ: ܐܵܘ ܒܲܚܕ݂ܵܐ ܡ̣ܢ ܕܘܼ̈ܟ̇ܝܵܬ̣ܵܐ. ܘܡܵܐ ܕܲܢܦܲܠ̄ܢ ܒܗܘܿܢ ܐܲܝܟ݂ ܕܲܒ̣ܩܲܕ݂ܡܵܝܬܵܐ: ܘܲܫܡܲܥ ܛܸܒܵܐ ܕܲܗܘ̤ܵܬ̣ ܡܚܘܿܬ̣ܵܐ ܒܥܲܡܵܐ ܕܒ̣ܵܬܲܪ ܐܲܒ̣ܫܵܠܘܿܡ.
[10]והוא גם בן חיל אשר לבו כלב האריה־המס ימס כי ידע כל ישראל כי גבור אביך ובני חיל אשר אתו [10]ܐܵܦܸܢ ܓܲܒ̣ܪܵܐ ܗ̄ܘ̣ ܓܲܢ̄ܒܵܪ ܚܲܝܠܵܐ: ܕܠܸܒܹ̇ܗ ܐܲܝܟ݂ ܠܸܒܵܐ ܕܐܲܪܝܵܐ: ܡܸܬ̣̱ܡܣܵܝܘܼ ܠܵܐ ܡܸܬ̣ܡܣܸܐ. ܡܸܛܠ ܕܝܵܕ݂ܥ ܟܠܹܗ ܝܼܣܪܵܝܹܠ ܕܓܲܢ̄ܒܵܪܵܐ ܗ̄ܘ̣ ܐܲܒ̣ܘܼܟ݂: ܘܲܕ݂ܥܡܹܗ ܓܲܢ̄ܒܵܪܲܝ ܚܲܝܠܵܐ ܐܸܢܘܿܢ.
[11]כי יעצתי האסף יאסף עליך כל ישראל מדן ועד באר שבע כחול אשר על הים לרב ופניך הלכים בקרב [11]ܡܵܠܹܟ݂ ܐ̄ܢܵܐ ܕܹܝܢ: ܕܡܵܐ ܕܐܸܬ̣ܟܲܢܲܫܘ ܟܠܹܗ ܝܼܣܪܵܝܹܠ ܠܘܵܬ̣ܵܟ݂: ܡ̣ܢ ܕܵܢ ܘܲܥܕܲܡܵܐ ܠܒܹܪ ܫܒܲܥ: ܘܐܲܢ̄ܬ̇ ܐܵܙܹܠ ܒܲܡܨܲܥܬ̣ܵܐ.
[12]ובאנו אליו באחת [Q: באחד] המקומת אשר נמצא שם ונחנו עליו כאשר יפל הטל על האדמה ולא נותר בו ובכל האנשים אשר אתו גם אחד [12]ܘܐܵܙܠ̄ܝܼܢ ܚ̄ܢܲܢ ܥܠܵܘܗܝ ܒܚܲܕ݂ ܡ̣ܢ ܐܲܬ̣ܪ̈ܵܘܵܬ̣ܵܐ ܐܲܝܟܵܐ ܕܡܸܫܬ̇ܟܲܚ: ܘܫܵܪܹܝܢ ܚ̄ܢܲܢ ܥܠܵܘܗܝ: ܐܲܝܟ݂ ܕܢܵܦܹܠ ܛܲܠܵܐ ܥܲܠ ܐܲܪܥܵܐ. ܘܠܵܐ ܢܵܘܬܲܪ ܡܸܢܹܗ ܘܡ̣ܢ ܟܠ ܐ̄ܢܵܫ ܕܐܝܼܬ̣ ܥܡܹܗ: ܐܵܦܠܵܐ ܚܲܕ݂.
[13]ואם אל עיר יאסף־והשיאו כל ישראל אל העיר ההיא חבלים וסחבנו אתו עד הנחל עד אשר לא נמצא שם גם צרור [13]ܘܐܸܢ ܠܲܩܪܝܼܬ̣ܵܐ ܢܸܥܘܿܠ: ܢܲܪܡܘܿܢ ܒܵܗ̇ ܟܠܹܗ ܝܼܣܪܵܝܹܠ ܚܲܒ̣̈ܠܹܗ: ܘܢܸܓܪܘܼܢܵܗ̇ ܥܕܲܡܵܐ ܠܢܲܚܠܵܐ: ܘܠܵܐ ܢܸܫܒ̇ܘܿܩ ܬܲܡܵܢ ܐܵܦܠܵܐ ܨܸܨܪܵܐ.
[14]ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה [14]ܐܵܡܲܪ ܐܲܒ̣ܫܵܠܘܿܡ ܘܟ݂ܠܹܗ ܝܼܣܪܵܝܹܠ: ܛܵܒ̣ ܗ̄ܘ̣ ܡܸܠܟܹ̇ܗ ܕܚܘܿܫܝܼ ܐܵܪܟܵܝܵܐ ܡ̣ܢ ܡܸܠܟܹ̇ܗ ܕܐܲܚܝܼܬ̇ܘܿܦܹܝܠ: ܘܡܵܪܝܵܐ ܦܩܲܕ݂ ܠܲܡܒܲܛܵܠܘܼ ܡܸܠܟܹ̇ܗ ܛܵܒ̣ܵܐ ܕܐܲܚܝܼܬ̇ܘܿܦܹܝܠ: ܡܸܛܠ ܕܢܲܝܬܸ̇ܐ ܡܵܪܝܵܐ ܥܲܠ ܐܲܒ̣ܫܵܠܘܿܡ ܒܝܼܫܬܵܐ.
[15]ויאמר חושי אל צדוק ואל אביתר הכהנים כזאת וכזאת יעץ אחיתפל את אבשלם ואת זקני ישראל וכזאת וכזאת יעצתי אני [15]ܐܵܡܲܪ ܚܘܿܫܝܼ ܠܨܵܕ݂ܘܿܩ ܘܠܐܲܒ̣ܝܼܬܲܪ ܟܵܗ̈ܢܹܐ: ܗܵܟܲܢܵܐ ܘܗܵܟܲܢܵܐ ܡܠܲܟ݂ ܐܲܚܝܼܬ̇ܘܿܦܹܝܠ ܠܐܲܒ̣ܫܵܠܘܿܡ ܘܲܠܟ݂ܠܹܗ ܝܼܣܪܵܝܹܠ: ܘܗܵܟܲܢܵܐ ܘܗܵܟܲܢܵܐ ܡܸܠܟܹ̇ܬ̣ ܐܸܢܵܐ.
[16]ועתה שלחו מהרה והגידו לדוד לאמר אל תלן הלילה בערבות המדבר וגם עבור תעבור־פן יבלע למלך ולכל העם אשר אתו [16]ܗܵܫܵܐ ܫܲܕܲܪܘ ܒܲܥܓܲܠ ܚܵܘܵܘ ܠܕ݂ܵܘܝܼܕ݂: ܘܐܸܡܲܪܘ ܠܹܗ: ܠܵܐ ܬܒ̣ܘܼܬ̣ ܒܠܸܠܝܵܐ ܒܲܦܩܲܥܬ̣ܵܐ ܕܡܲܕ݂ܒ̇ܪܵܐ: ܐܸܠܵܐ ܥܒܲܪ ܠܵܟ݂: ܕܠܵܐ ܬܹܐܒܲܕ݂ ܐܲܢ̄ܬ̇ ܘܟ݂ܠܹܗ ܥܲܡܵܐ ܕܥܲܡܵܟ݂.
[17]ויהונתן ואחימעץ עמדים בעין רגל והלכה השפחה והגידה להם והם ילכו והגידו למלך דוד כי לא יוכלו להראות לבוא העירה [17]ܘܢܵܬ̣ܵܢ ܘܐܲܚܝܼܡܥܸܨ ܩܵܝܡܝܼܢ ܥܠ ܓܹܢ̄ܒ̣ ܥܲܝܢܵܐ ܕܩܵܨܪܵܐ: ܘܐܸܙܲܠ̄ܬ̤ ܐܲܡܬ̣ܵܐ ܚܵܘܝܲܬ̤ ܐܸܢܘܿܢ. ܘܐܸܙܲܠ ܘܚܵܘܝܼܘ ܠܡܲܠܟܵܐ ܕܵܘܝܼܕ݂ ܡܸܛܠ ܕܠܵܐ ܐܸܫܟܲܚܘ ܠܡܸܬ̣ܚܙܵܝܘܼ ܘܲܠܡܸܥܲܠ ܠܲܩܪܝܼܬ̣ܵܐ.
[18]וירא אתם נער ויגד לאבשלם וילכו שניהם מהרה ויבאו אל בית איש בבחורים ולו באר בחצרו־וירדו שם [18]ܘܲܚܙܵܐ ܐܸܢܘܿܢ ܛܲܠܝܵܐ: ܘܚܵܘܝܼ ܠܐܲܒ̣ܫܵܠܘܿܡ. ܘܐܸܙܲܠܘ ܬܪ̈ܲܝܗܘܿܢ: ܘܥܲܠܘ ܠܒܲܝܬܹܗ ܕܓܲܒ̣ܪܵܐ ܚܲܕ݂ ܡ̣ܢ ܒܹܝܬ̣ ܚܘܿܪܝܼܡ. ܘܐܝܼܬ̣ ܗ̄ܘ̣ܵܐ ܠܹܗ ܒܹܪܵܐ ܒܕܵܪܬܹܗ: ܘܲܢܚܸܬ̣ܘ ܠܵܗ̇.
[19]ותקח האשה ותפרש את המסך על פני הבאר ותשטח עליו הרפות ולא נודע דבר [19]ܘܢܸܣܒܲܬ̤ ܠܵܗ̇ ܐܲܢ̄ܬ̇ܬ̣ܵܐ ܦܪܵܣܵܐ: ܘܦܸܪܣܲܬ̤ ܠܥܸܠ ܡ̣ܢ ܒܹܪܵܐ: ܘܫܸܛܚܲܬ̤ ܥܠܵܘܗܝ ܪܘܼܫܵܐ: ܘܐ̄ܢܵܫ ܠܵܐ ܝܵܕܲܥ.
[20]ויבאו עבדי אבשלום אל האשה הביתה ויאמרו איה אחימעץ ויהונתן ותאמר להם האשה עברו מיכל המים ויבקשו ולא מצאו וישבו ירושלם [20]ܘܐܸܬ̣ܵܘ ܥܲܒ̣ܕܵܘܗܗܝ ܕܐܲܒ̣ܫܵܠܘܿܡ ܠܒܲܝܬܵܗ̇ ܕܐܲܢ̄ܬ̇ܬ̣ܵܐ: ܘܐܵܡܪܝܼܢ: ܐܲܝܟܵܘ ܐܲܚܝܼܡܥܸܨ ܘܢܵܬ̣ܵܢ. ܬܵܡܪܵܐ ܠܗܘܿܢ ܐܲܢ̄ܬ̇ܬ̣ܵܐ: ܥܒܲܪܘ ܠܗܘܿܢ ܡܸܟܵܐ: ܡܸܛܠ ܕܡܲـ̈ܝܵܐ ܒܥܵܘ ܘܠܵܐ ܐܸܫܟܲܚܘ: ܘܲܗܦܲܟ݂ܘ ܠܗܘܿܢ ܠܐܘܿܪܸܫܠܸܡ.
[21]ויהי אחרי לכתם ויעלו מהבאר וילכו ויגדו למלך דוד ויאמרו אל דוד קומו ועברו מהרה את המים־כי ככה יעץ עליכם אחיתפל [21]ܘܡ̣ܢ ܒܵܬܲܪ ܕܐܸܙܲܠܘ ܠܗܘܿܢ: ܣܠܸܩܘ ܗܵܢܘܿܢ ܡ̣ܢ ܒܹܪܵܐ. ܘܐܸܙܲܠܘ ܘܚܵܘܝܼܘ ܠܡܲܠܟܵܐ ܕܵܘܝܼܕ݂ ܘܐܸܡܲܪܘ ܠܹܗ: ܩܘܼܡܘ ܒܲܥܓܲܠ ܘܲܥܒܲܪܘ ܡܲـ̈ܵܝܵܐ: ܡܸܛܠ ܕܗܵܟܲܢܵܐ ܡܠܲܟ݂ ܥܠܲܝܟ̇ܘܿܢ ܐܲܚܝܼܬ̇ܘܿܦܹܝܠ.
[22]ויקם דוד וכל העם אשר אתו ויעברו את הירדן עד אור הבקר עד אחד לא נעדר אשר לא עבר את הירדן [22]ܘܩܲܕܸܡ ܕܵܘܝܼܕ݂ ܘܟ݂ܠܹܗ ܥܲܡܵܐ ܕܥܲܡܹܗ: ܘܲܥܒܲܪܘ ܝܘܿܪܕܢܵܢ. ܘܟܲܕ݂ ܣܠܸܩ ܫܲܦܝܼܪܵܐ: ܠܑܵ ܦܵܫ ܐ̄ܢܵܫ ܕܠܵܐ ܥܒܲܪ ܝܘܿܪܕܢܵܢ.
[23]ואחיתפל ראה כי לא נעשתה עצתו ויחבש את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו [23]ܘܐܲܚܝܼܬ̇ܘܿܦܹܝܠ ܚܙܵܐ ܕܠܵܐ ܫܲܪ ܡܸܠܟܹ̇ܗ: ܘܐܲܪܡܝܼ ܥܲܠ ܚܡܵܪܹܗ: ܘܩܵܡ ܐܸܙܲܠ ܠܒܲܝܬܹ̇ܗ ܘܠܲܩܪܝܼܬܹܗ. ܘܦܲܩܸܕ݂ ܥܲܠ ܒܲܝܬܹ̇ܗ: ܘܲܚܢܲܩ ܢܲܦ̮ܫܹܗ ܘܡܝܼܬ̣: ܘܐܸܬ̣ܩܒܲܪ ܒܩܲܒ̣ܪܵܐ ܕܐܲܒ̣ܘܼܗܝ.
[24]ודוד בא מחנימה ואבשלם עבר את הירדן־הוא וכל איש ישראל עמו [24]ܘܕ݂ܵܘܝܼܕ݂ ܥܒܲܪ ܠܡܲܚܢܝܼܡ. ܘܐܲܒ̣ܫܵܠܘܿܡ ܥܒܲܪ ܝܘܿܪܕܢܵܢ: ܗ̤ܘ ܘܟ݂ܠܹܗ ܝܼܣܪܵܝܹܠ ܥܲܡܹܗ.
[25]ואת עמשא שם אבשלם תחת יואב־על הצבא ועמשא בן איש ושמו יתרא הישראלי אשר בא אל אביגל בת נחש אחות צרויה אם יואב [25]ܘܲܠܥܲܡܣܵܐ ܐܲܩܝܼܡ ܐܲܒ̣ܫܵܠܘܿܡ ܚܠܵܦ ܝܘܿܐܵܒ̣ ܥܲܠ ܚܲܝܠܵܐ. ܘܥܲܡܣܵܐ ܒܲܪ ܓܲܒ̣ܪܵܐ ܗ̄ܘ̣ܵܐ ܝܼܣܲܪܠܵܝܵܐ ܘܲܫܡܹܗ ܝܲܬ̣ܪܵܐ: ܕܥܲܠ ܗ̄ܘ̣ܵܐ ܥܲܠ ܐܲܒ̣ܝܼܓܸܠ ܒܲܪܬ̣ ܢܵܚܵܫ ܚܵܬ̣ܵܗ̇ ܕܨܘܿܪܝܼܵܐ ܐܸܡܹܗ ܕܝܘܿܐܵܒ̣.
[26]ויחן ישראל ואבשלם ארץ הגלעד [26]ܘܲܫܪܵܐ ܝܼܣܪܵܝܹܠ ܘܐܲܒ̣ܫܵܠܘܿܡ ܒܐܲܪܥܵܐ ܕܓܸܠܥܵܕ݂.
[27]ויהי כבוא דוד מחנימה ושבי בן נחש מרבת בני עמון ומכיר בן עמיאל מלא דבר וברזלי הגלעדי מרגלים [27]ܘܟܲܕ݂ ܐܸܬ̣ܵܐ ܕܵܘܝܼܕ݂ ܠܡܲܚܢܝܼܡ: ܘܐܲܒ̣ܝܼܫܲܝ ܒܲܪ ܢܵܚܵܡ ܡ̣ܢ ܪܲܒܲܬ̣ ܕܲܒ̣̈ܢܲܝ ܥܲܡܘܿܢ: ܘܡܵܟ݂ܝܼܪ ܒܲܪ ܓܡܝܼܠ ܡ̣ܢ ܠܘܼܕ݂ܒܲܪ: ܘܒܲܪܙܸܠܝܼ ܓܸܠܥܵܕ݂ܵܝܵܐ ܡ̣ܢ ܕܘܼܒ̣ܠܝܼܢ.
[28]משכב וספות וכלי יוצר וחטים ושערים וקמח וקלי ופול ועדשים וקלי [28]ܩܲܪܸܒ̣ܘ ܥܲܪ̈ܣܵܬ̣ܵܐ: ܘܐܸܫ̱ܘ̈ܝܵܬ̣ܵܐ: ܘܡܵܐܢܹ̈ܐ ܕܦܲܚܵܪܵܐ: ܘܚܸܛܹ̈ܐ: ܘܲܣܥܵܪܹ̈ܐ: ܘܩܲܠܝܵـ̈ܬ̣ܵܐ: ܘܩܲܡܚܵܐ: ܘܓ̣ܘܼܡܹ̈ܐ: ܘܲܛܠܵܦ̮ܚܹ̈ܐ.
[29]ודבש וחמאה וצאן ושפות בקר הגישו לדוד ולעם אשר אתו לאכול כי אמרו־העם רעב ועיף וצמא במדבר [29]ܘܕܸܒ̣ܫܵܐ: ܘܚܹܐܘܬ̣ܵܐ: ܘܥܵـ̈ܢܵܐ: ܘܓ̣ܘܼܒ̣ܢܹ̈ܐ ܕܬ̣ܵܘܪܹ̈ܐ: ܩܲܪܸܒ̣ܘ ܠܕ݂ܵܘܝܼܕ݂ ܘܲܠܥܲܡܵܐ ܕܐܝܼܬ̣ ܥܲܡܹܗ: ܠܡܹܐܟܲܠ. ܡܸܛܠ ܕܐܵܡܪܝܼܢ ܕܥܲܡܵܐ ܟܦܢ ܗ̄ܘ̣ ܘܲܡܛܲܪܲܦ ܘܲܨܗܸܐ ܒܡܲܕ݂ܒ̇ܪܵܐ.
Source: unbound.biola.edu
Top