|
|
| [1]ܐܵܡܲܪ ܐܲܚܝܼܬ̇ܘܿܦܹܝܠ ܠܐܲܒ̣ܫܵܠܘܿܡ: ܐܸܓ̣ܒܸ̇ܐ ܬܪܸܥܣܲܪ ܐܲܠܦ̈ܝܼܢ ܓܲܒ̣ܪ̈ܝܼܢ: ܘܐܹܩܘܼܡ ܐܸܪܕܘܿܦ ܒܵܬܲܪ ܕܵܘܝܼܕ݂ ܒܠܸܠܝܵܐ. |
[No book] |
| [2]ܘܐܲܕ݂ܪ̱ܟ݂ܝܼܘܗܝ ܥܲܕ݂ ܠܐܸܐ ܘܲܡܪ̈ܲܦܝܵܢ ܐܝܼܕ݂ܵܘ̈ܗܝ: ܘܐܸܕ݂ܠ̱ܚܝܼܘܗܝ: ܘܢܸܥܪܘܿܩ ܟܠܹܗ ܥܲܡܵܐ ܕܥܲܡܹܗ: ܘܐܸܩܛܠܝܼܘܗܝ ܠܡܲܠܟܵܐ ܒܲܠܚܘܿܕ݂ܵܘܗܝ. |
[No book] |
| [3]ܘܐܲܦܢܹܝܘܗܝ ܠܟ݂ܠܹܗ ܥܲܡܵܐ ܠܘܵܬ̣ܵܟ݂: ܐܲܝܟ݂ ܕܲܗܦܲܟ݂ ܟܠ ܐ̄ܢܵܫ ܕܲܨܒ̇ܝܬ̇. ܘܟ݂ܠܹܗ ܥܲܡܵܐ ܢܸܗܘܸܐ ܒܲܫܠܵܡܵܐ. |
[No book] |
| [4]ܘܫܸܦܪܲܬ̤ ܡܸܠܬ̣ܵܐ ܒܥܲܝ̈ܢܲܝ ܐܲܒ̣ܫܵܠܘܿܡ ܘܲܒ̣ܥܲܝ̈ܢܲܝ ܟܠܗܘܿܢ ܣܵܒܹ̈ܐ ܕܝܼܣܪܵܝܹܠ. |
[No book] |
| [5]ܘܐܸܡܲܪ ܐܲܒ̣ܫܵܠܘܿܡ: ܩܪܵܘ ܠܚܘܿܫܝܼ ܐܵܪܟܵܝܵܐ: ܘܢܸܫܡܲܥ ܡܵܢܵܐ ܐܵܡܲܪ ܐܵܦ ܗ̤ܘ. |
[No book] |
| [6]ܘܐܸܬ̣ܵܐ ܚܘܿܫܝܼ ܠܘܵܬ̣ ܐܲܒ̣ܫܵܠܘܿܡ. ܘܐܸܡܲܪ ܠܹܗ ܐܲܒ̣ܫܵܠܘܿܡ: ܗܵܟܲܢܵܐ ܘܗܵܟܲܢܵܐ ܐܸܡܲܪ ܐܲܚܝܼܬ̇ܘܿܦܹܝܠ: ܢܸܥܒܸ̇ܕ݂ ܡܸܕܸܡ ܕܐܸܡܲܪ. ܘܐܸܢ ܠܵܐ ܘܵܠܹܐ: ܐܸܡܲܪ ܐܲܢ̄ܬ̇. |
[No book] |
| [7]ܐܵܡܲܪ ܠܹܗ ܚܘܿܫܝܼ ܠܐܲܒ̣ܫܵܠܘܿܡ: ܠܵܐ ܗ̄ܘ̣ܵܐ ܫܲܦܝܼܪ ܡܸܠܟܵܐ ܕܲܡܠܲܟ݂ ܐܲܚܝܼܬ̇ܘܿܦܹܝܠ ܒܗܵܢܵܐ ܙܲܒ̣ܢܵܐ. |
[No book] |
| [8]ܐܵܡܲܪ ܠܹܗ ܚܘܿܫܝܼ: ܐܲܢ̄ܬ̇ ܝܵܕܲܥ ܐܲܢ̄ܬ̇ ܠܹܗ ܠܐܲܒ̣ܘܼܟ݂ ܘܲܠܥܲܒ̣ܕܵܘ̈ܗܝ ܕܓܲܢ̄ܒܵܪܹ̈ܐ ܐܸܢܘܿܢ: ܘܓܲܒ̣ܪܹ̈ܐ ܐܸܢܘܿܢ ܡܲܪܝܼܪܲܝ ܢܲܦ̮ܫܵܐ: ܐܲܝܟ݂ ܕܸܒܵܐ ܕܬ̣ܵܒܲܪܵܐ ܒܕܲܒ̣ܪܵܐ. ܓܲܒ̣ܪܵܐ ܗ̄ܘ̣ ܩܪܲܒ̣ܬ̣ܵܢܵܐ: ܘܠܵܐ ܒܵܐܹܬ̣ ܥܲܠ ܓܹܢ̄ܒ̣ ܥܲܡܵܐ. |
[No book] |
| [9]ܗܵܫܵܐ ܡܸܬ̇ܛܲܫܸܐ ܒܚܲܕ݂ ܡ̣ܢ ܐܲܬ̣ܪ̈ܵܘܵܬ̣ܵܐ: ܐܵܘ ܒܲܚܕ݂ܵܐ ܡ̣ܢ ܕܘܼ̈ܟ̇ܝܵܬ̣ܵܐ. ܘܡܵܐ ܕܲܢܦܲܠ̄ܢ ܒܗܘܿܢ ܐܲܝܟ݂ ܕܲܒ̣ܩܲܕ݂ܡܵܝܬܵܐ: ܘܲܫܡܲܥ ܛܸܒܵܐ ܕܲܗܘ̤ܵܬ̣ ܡܚܘܿܬ̣ܵܐ ܒܥܲܡܵܐ ܕܒ̣ܵܬܲܪ ܐܲܒ̣ܫܵܠܘܿܡ. |
[No book] |
| [10]ܐܵܦܸܢ ܓܲܒ̣ܪܵܐ ܗ̄ܘ̣ ܓܲܢ̄ܒܵܪ ܚܲܝܠܵܐ: ܕܠܸܒܹ̇ܗ ܐܲܝܟ݂ ܠܸܒܵܐ ܕܐܲܪܝܵܐ: ܡܸܬ̣̱ܡܣܵܝܘܼ ܠܵܐ ܡܸܬ̣ܡܣܸܐ. ܡܸܛܠ ܕܝܵܕ݂ܥ ܟܠܹܗ ܝܼܣܪܵܝܹܠ ܕܓܲܢ̄ܒܵܪܵܐ ܗ̄ܘ̣ ܐܲܒ̣ܘܼܟ݂: ܘܲܕ݂ܥܡܹܗ ܓܲܢ̄ܒܵܪܲܝ ܚܲܝܠܵܐ ܐܸܢܘܿܢ. |
[No book] |
| [11]ܡܵܠܹܟ݂ ܐ̄ܢܵܐ ܕܹܝܢ: ܕܡܵܐ ܕܐܸܬ̣ܟܲܢܲܫܘ ܟܠܹܗ ܝܼܣܪܵܝܹܠ ܠܘܵܬ̣ܵܟ݂: ܡ̣ܢ ܕܵܢ ܘܲܥܕܲܡܵܐ ܠܒܹܪ ܫܒܲܥ: ܘܐܲܢ̄ܬ̇ ܐܵܙܹܠ ܒܲܡܨܲܥܬ̣ܵܐ. |
[No book] |
| [12]ܘܐܵܙܠ̄ܝܼܢ ܚ̄ܢܲܢ ܥܠܵܘܗܝ ܒܚܲܕ݂ ܡ̣ܢ ܐܲܬ̣ܪ̈ܵܘܵܬ̣ܵܐ ܐܲܝܟܵܐ ܕܡܸܫܬ̇ܟܲܚ: ܘܫܵܪܹܝܢ ܚ̄ܢܲܢ ܥܠܵܘܗܝ: ܐܲܝܟ݂ ܕܢܵܦܹܠ ܛܲܠܵܐ ܥܲܠ ܐܲܪܥܵܐ. ܘܠܵܐ ܢܵܘܬܲܪ ܡܸܢܹܗ ܘܡ̣ܢ ܟܠ ܐ̄ܢܵܫ ܕܐܝܼܬ̣ ܥܡܹܗ: ܐܵܦܠܵܐ ܚܲܕ݂. |
[No book] |
| [13]ܘܐܸܢ ܠܲܩܪܝܼܬ̣ܵܐ ܢܸܥܘܿܠ: ܢܲܪܡܘܿܢ ܒܵܗ̇ ܟܠܹܗ ܝܼܣܪܵܝܹܠ ܚܲܒ̣̈ܠܹܗ: ܘܢܸܓܪܘܼܢܵܗ̇ ܥܕܲܡܵܐ ܠܢܲܚܠܵܐ: ܘܠܵܐ ܢܸܫܒ̇ܘܿܩ ܬܲܡܵܢ ܐܵܦܠܵܐ ܨܸܨܪܵܐ. |
[No book] |
| [14]ܐܵܡܲܪ ܐܲܒ̣ܫܵܠܘܿܡ ܘܟ݂ܠܹܗ ܝܼܣܪܵܝܹܠ: ܛܵܒ̣ ܗ̄ܘ̣ ܡܸܠܟܹ̇ܗ ܕܚܘܿܫܝܼ ܐܵܪܟܵܝܵܐ ܡ̣ܢ ܡܸܠܟܹ̇ܗ ܕܐܲܚܝܼܬ̇ܘܿܦܹܝܠ: ܘܡܵܪܝܵܐ ܦܩܲܕ݂ ܠܲܡܒܲܛܵܠܘܼ ܡܸܠܟܹ̇ܗ ܛܵܒ̣ܵܐ ܕܐܲܚܝܼܬ̇ܘܿܦܹܝܠ: ܡܸܛܠ ܕܢܲܝܬܸ̇ܐ ܡܵܪܝܵܐ ܥܲܠ ܐܲܒ̣ܫܵܠܘܿܡ ܒܝܼܫܬܵܐ. |
[No book] |
| [15]ܐܵܡܲܪ ܚܘܿܫܝܼ ܠܨܵܕ݂ܘܿܩ ܘܠܐܲܒ̣ܝܼܬܲܪ ܟܵܗ̈ܢܹܐ: ܗܵܟܲܢܵܐ ܘܗܵܟܲܢܵܐ ܡܠܲܟ݂ ܐܲܚܝܼܬ̇ܘܿܦܹܝܠ ܠܐܲܒ̣ܫܵܠܘܿܡ ܘܲܠܟ݂ܠܹܗ ܝܼܣܪܵܝܹܠ: ܘܗܵܟܲܢܵܐ ܘܗܵܟܲܢܵܐ ܡܸܠܟܹ̇ܬ̣ ܐܸܢܵܐ. |
[No book] |
| [16]ܗܵܫܵܐ ܫܲܕܲܪܘ ܒܲܥܓܲܠ ܚܵܘܵܘ ܠܕ݂ܵܘܝܼܕ݂: ܘܐܸܡܲܪܘ ܠܹܗ: ܠܵܐ ܬܒ̣ܘܼܬ̣ ܒܠܸܠܝܵܐ ܒܲܦܩܲܥܬ̣ܵܐ ܕܡܲܕ݂ܒ̇ܪܵܐ: ܐܸܠܵܐ ܥܒܲܪ ܠܵܟ݂: ܕܠܵܐ ܬܹܐܒܲܕ݂ ܐܲܢ̄ܬ̇ ܘܟ݂ܠܹܗ ܥܲܡܵܐ ܕܥܲܡܵܟ݂. |
[No book] |
| [17]ܘܢܵܬ̣ܵܢ ܘܐܲܚܝܼܡܥܸܨ ܩܵܝܡܝܼܢ ܥܠ ܓܹܢ̄ܒ̣ ܥܲܝܢܵܐ ܕܩܵܨܪܵܐ: ܘܐܸܙܲܠ̄ܬ̤ ܐܲܡܬ̣ܵܐ ܚܵܘܝܲܬ̤ ܐܸܢܘܿܢ. ܘܐܸܙܲܠ ܘܚܵܘܝܼܘ ܠܡܲܠܟܵܐ ܕܵܘܝܼܕ݂ ܡܸܛܠ ܕܠܵܐ ܐܸܫܟܲܚܘ ܠܡܸܬ̣ܚܙܵܝܘܼ ܘܲܠܡܸܥܲܠ ܠܲܩܪܝܼܬ̣ܵܐ. |
[No book] |
| [18]ܘܲܚܙܵܐ ܐܸܢܘܿܢ ܛܲܠܝܵܐ: ܘܚܵܘܝܼ ܠܐܲܒ̣ܫܵܠܘܿܡ. ܘܐܸܙܲܠܘ ܬܪ̈ܲܝܗܘܿܢ: ܘܥܲܠܘ ܠܒܲܝܬܹܗ ܕܓܲܒ̣ܪܵܐ ܚܲܕ݂ ܡ̣ܢ ܒܹܝܬ̣ ܚܘܿܪܝܼܡ. ܘܐܝܼܬ̣ ܗ̄ܘ̣ܵܐ ܠܹܗ ܒܹܪܵܐ ܒܕܵܪܬܹܗ: ܘܲܢܚܸܬ̣ܘ ܠܵܗ̇. |
[No book] |
| [19]ܘܢܸܣܒܲܬ̤ ܠܵܗ̇ ܐܲܢ̄ܬ̇ܬ̣ܵܐ ܦܪܵܣܵܐ: ܘܦܸܪܣܲܬ̤ ܠܥܸܠ ܡ̣ܢ ܒܹܪܵܐ: ܘܫܸܛܚܲܬ̤ ܥܠܵܘܗܝ ܪܘܼܫܵܐ: ܘܐ̄ܢܵܫ ܠܵܐ ܝܵܕܲܥ. |
[No book] |
| [20]ܘܐܸܬ̣ܵܘ ܥܲܒ̣ܕܵܘܗܗܝ ܕܐܲܒ̣ܫܵܠܘܿܡ ܠܒܲܝܬܵܗ̇ ܕܐܲܢ̄ܬ̇ܬ̣ܵܐ: ܘܐܵܡܪܝܼܢ: ܐܲܝܟܵܘ ܐܲܚܝܼܡܥܸܨ ܘܢܵܬ̣ܵܢ. ܬܵܡܪܵܐ ܠܗܘܿܢ ܐܲܢ̄ܬ̇ܬ̣ܵܐ: ܥܒܲܪܘ ܠܗܘܿܢ ܡܸܟܵܐ: ܡܸܛܠ ܕܡܲـ̈ܝܵܐ ܒܥܵܘ ܘܠܵܐ ܐܸܫܟܲܚܘ: ܘܲܗܦܲܟ݂ܘ ܠܗܘܿܢ ܠܐܘܿܪܸܫܠܸܡ. |
[No book] |
| [21]ܘܡ̣ܢ ܒܵܬܲܪ ܕܐܸܙܲܠܘ ܠܗܘܿܢ: ܣܠܸܩܘ ܗܵܢܘܿܢ ܡ̣ܢ ܒܹܪܵܐ. ܘܐܸܙܲܠܘ ܘܚܵܘܝܼܘ ܠܡܲܠܟܵܐ ܕܵܘܝܼܕ݂ ܘܐܸܡܲܪܘ ܠܹܗ: ܩܘܼܡܘ ܒܲܥܓܲܠ ܘܲܥܒܲܪܘ ܡܲـ̈ܵܝܵܐ: ܡܸܛܠ ܕܗܵܟܲܢܵܐ ܡܠܲܟ݂ ܥܠܲܝܟ̇ܘܿܢ ܐܲܚܝܼܬ̇ܘܿܦܹܝܠ. |
[No book] |
| [22]ܘܩܲܕܸܡ ܕܵܘܝܼܕ݂ ܘܟ݂ܠܹܗ ܥܲܡܵܐ ܕܥܲܡܹܗ: ܘܲܥܒܲܪܘ ܝܘܿܪܕܢܵܢ. ܘܟܲܕ݂ ܣܠܸܩ ܫܲܦܝܼܪܵܐ: ܠܑܵ ܦܵܫ ܐ̄ܢܵܫ ܕܠܵܐ ܥܒܲܪ ܝܘܿܪܕܢܵܢ. |
[No book] |
| [23]ܘܐܲܚܝܼܬ̇ܘܿܦܹܝܠ ܚܙܵܐ ܕܠܵܐ ܫܲܪ ܡܸܠܟܹ̇ܗ: ܘܐܲܪܡܝܼ ܥܲܠ ܚܡܵܪܹܗ: ܘܩܵܡ ܐܸܙܲܠ ܠܒܲܝܬܹ̇ܗ ܘܠܲܩܪܝܼܬܹܗ. ܘܦܲܩܸܕ݂ ܥܲܠ ܒܲܝܬܹ̇ܗ: ܘܲܚܢܲܩ ܢܲܦ̮ܫܹܗ ܘܡܝܼܬ̣: ܘܐܸܬ̣ܩܒܲܪ ܒܩܲܒ̣ܪܵܐ ܕܐܲܒ̣ܘܼܗܝ. |
[No book] |
| [24]ܘܕ݂ܵܘܝܼܕ݂ ܥܒܲܪ ܠܡܲܚܢܝܼܡ. ܘܐܲܒ̣ܫܵܠܘܿܡ ܥܒܲܪ ܝܘܿܪܕܢܵܢ: ܗ̤ܘ ܘܟ݂ܠܹܗ ܝܼܣܪܵܝܹܠ ܥܲܡܹܗ. |
[No book] |
| [25]ܘܲܠܥܲܡܣܵܐ ܐܲܩܝܼܡ ܐܲܒ̣ܫܵܠܘܿܡ ܚܠܵܦ ܝܘܿܐܵܒ̣ ܥܲܠ ܚܲܝܠܵܐ. ܘܥܲܡܣܵܐ ܒܲܪ ܓܲܒ̣ܪܵܐ ܗ̄ܘ̣ܵܐ ܝܼܣܲܪܠܵܝܵܐ ܘܲܫܡܹܗ ܝܲܬ̣ܪܵܐ: ܕܥܲܠ ܗ̄ܘ̣ܵܐ ܥܲܠ ܐܲܒ̣ܝܼܓܸܠ ܒܲܪܬ̣ ܢܵܚܵܫ ܚܵܬ̣ܵܗ̇ ܕܨܘܿܪܝܼܵܐ ܐܸܡܹܗ ܕܝܘܿܐܵܒ̣. |
[No book] |
| [26]ܘܲܫܪܵܐ ܝܼܣܪܵܝܹܠ ܘܐܲܒ̣ܫܵܠܘܿܡ ܒܐܲܪܥܵܐ ܕܓܸܠܥܵܕ݂. |
[No book] |
| [27]ܘܟܲܕ݂ ܐܸܬ̣ܵܐ ܕܵܘܝܼܕ݂ ܠܡܲܚܢܝܼܡ: ܘܐܲܒ̣ܝܼܫܲܝ ܒܲܪ ܢܵܚܵܡ ܡ̣ܢ ܪܲܒܲܬ̣ ܕܲܒ̣̈ܢܲܝ ܥܲܡܘܿܢ: ܘܡܵܟ݂ܝܼܪ ܒܲܪ ܓܡܝܼܠ ܡ̣ܢ ܠܘܼܕ݂ܒܲܪ: ܘܒܲܪܙܸܠܝܼ ܓܸܠܥܵܕ݂ܵܝܵܐ ܡ̣ܢ ܕܘܼܒ̣ܠܝܼܢ. |
[No book] |
| [28]ܩܲܪܸܒ̣ܘ ܥܲܪ̈ܣܵܬ̣ܵܐ: ܘܐܸܫ̱ܘ̈ܝܵܬ̣ܵܐ: ܘܡܵܐܢܹ̈ܐ ܕܦܲܚܵܪܵܐ: ܘܚܸܛܹ̈ܐ: ܘܲܣܥܵܪܹ̈ܐ: ܘܩܲܠܝܵـ̈ܬ̣ܵܐ: ܘܩܲܡܚܵܐ: ܘܓ̣ܘܼܡܹ̈ܐ: ܘܲܛܠܵܦ̮ܚܹ̈ܐ. |
[No book] |
| [29]ܘܕܸܒ̣ܫܵܐ: ܘܚܹܐܘܬ̣ܵܐ: ܘܥܵـ̈ܢܵܐ: ܘܓ̣ܘܼܒ̣ܢܹ̈ܐ ܕܬ̣ܵܘܪܹ̈ܐ: ܩܲܪܸܒ̣ܘ ܠܕ݂ܵܘܝܼܕ݂ ܘܲܠܥܲܡܵܐ ܕܐܝܼܬ̣ ܥܲܡܹܗ: ܠܡܹܐܟܲܠ. ܡܸܛܠ ܕܐܵܡܪܝܼܢ ܕܥܲܡܵܐ ܟܦܢ ܗ̄ܘ̣ ܘܲܡܛܲܪܲܦ ܘܲܨܗܸܐ ܒܡܲܕ݂ܒ̇ܪܵܐ. |
[No book] |