➖ »
«
➖ ➕
Aleppo Codex (~920)
Alep
The Epistle of Barnabas
EpiBar
←
2 Samuel
2Sa
2
→
[1]ויהי אחרי כן וישאל דוד ביהוה לאמר האעלה באחת ערי יהודה ויאמר יהוה אליו עלה ויאמר דוד אנה אעלה ויאמר חברנה [No book]
[2]ויעל שם דוד וגם שתי נשיו־אחינעם היזרעלית ואביגיל אשת נבל הכרמלי [No book]
[3]ואנשיו אשר עמו העלה דוד איש וביתו וישבו בערי חברון [No book]
[4]ויבאו אנשי יהודה וימשחו שם את דוד למלך על בית יהודה ויגדו לדוד לאמר אנשי יביש גלעד אשר קברו את שאול [No book]
[5]וישלח דוד מלאכים אל אנשי יביש גלעד ויאמר אליהם ברכים אתם ליהוה אשר עשיתם החסד הזה עם אדניכם עם שאול ותקברו אתו [No book]
[6]ועתה יעש יהוה עמכם חסד ואמת וגם אנכי אעשה אתכם הטובה הזאת אשר עשיתם הדבר הזה [No book]
[7]ועתה תחזקנה ידיכם והיו לבני חיל־כי מת אדניכם שאול וגם אתי משחו בית יהודה למלך־עליהם [No book]
[8]ואבנר בן נר שר צבא אשר לשאול־לקח את איש בשת בן שאול ויעברהו מחנים [No book]
[9]וימלכהו אל הגלעד ואל האשורי ואל יזרעאל ועל אפרים ועל בנימן ועל ישראל כלה [No book]
[10]בן ארבעים שנה איש בשת בן שאול במלכו על ישראל ושתים שנים מלך אך בית יהודה היו אחרי דוד [No book]
[11]ויהי מספר הימים אשר היה דוד מלך בחברון על בית יהודה־שבע שנים וששה חדשים [No book]
[12]ויצא אבנר בן נר ועבדי איש בשת בן שאול ממחנים גבעונה [No book]
[13]ויואב בן צרויה ועבדי דוד יצאו ויפגשום על ברכת גבעון יחדו וישבו אלה על הברכה מזה ואלה על הברכה מזה [No book]
[14]ויאמר אבנר אל יואב יקומו נא הנערים וישחקו לפנינו ויאמר יואב יקמו [No book]
[15]ויקמו ויעברו במספר־שנים עשר לבנימן ולאיש בשת בן שאול ושנים עשר מעבדי דוד [No book]
[16]ויחזקו איש בראש רעהו וחרבו בצד רעהו ויפלו יחדו ויקרא למקום ההוא חלקת הצרים אשר בגבעון [No book]
[17]ותהי המלחמה קשה עד מאד ביום ההוא וינגף אבנר ואנשי ישראל לפני עבדי דוד [No book]
[18]ויהיו שם שלשה בני צרויה־יואב ואבישי ועשהאל ועשהאל קל ברגליו כאחד הצבים אשר בשדה [No book]
[19]וירדף עשהאל אחרי אבנר ולא נטה ללכת על הימין ועל השמאול מאחרי אבנר [No book]
[20]ויפן אבנר אחריו ויאמר האתה זה עשהאל ויאמר אנכי [No book]
[21]ויאמר לו אבנר נטה לך על ימינך או על שמאלך ואחז לך אחד מהנערים וקח לך את חלצתו ולא אבה עשהאל לסור מאחריו [No book]
[22]ויסף עוד אבנר לאמר אל עשהאל סור לך מאחרי למה אככה ארצה ואיך אשא פני אל יואב אחיך [No book]
[23]וימאן לסור ויכהו אבנר באחרי החנית אל החמש ותצא החנית מאחריו ויפל שם וימת תחתו ויהי כל הבא אל המקום אשר נפל שם עשהאל וימת־ויעמדו [No book]
[24]וירדפו יואב ואבישי אחרי אבנר והשמש באה־והמה באו עד גבעת אמה אשר על פני גיח דרך מדבר גבעון [No book]
[25]ויתקבצו בני בנימן אחרי אבנר ויהיו לאגדה אחת ויעמדו על ראש גבעה אחת [No book]
[26]ויקרא אבנר אל יואב ויאמר הלנצח תאכל חרב־הלוא ידעתה כי מרה תהיה באחרונה ועד מתי לא תאמר לעם לשוב מאחרי אחיהם [No book]
[27]ויאמר יואב־חי האלהים כי לולא דברת כי אז מהבקר נעלה העם איש מאחרי אחיו [No book]
[28]ויתקע יואב בשופר ויעמדו כל העם ולא ירדפו עוד אחרי ישראל ולא יספו עוד להלחם [No book]
[29]ואבנר ואנשיו הלכו בערבה כל הלילה ההוא ויעברו את הירדן וילכו כל הבתרון ויבאו מחנים [No book]
[30]ויואב שב מאחרי אבנר ויקבץ את כל העם ויפקדו מעבדי דוד תשעה עשר איש־ועשהאל [No book]
[31]ועבדי דוד הכו מבנימן ובאנשי אבנר שלש מאות וששים איש מתו [No book]
[32]וישאו את עשהאל ויקברהו בקבר אביו אשר בית לחם וילכו כל הלילה יואב ואנשיו ויאר להם בחברון [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top