|
|
| [1]ܘܐܵܘܣܦܲܬ̤ ܚܸܡܬܹܗ ܕܡܵܪܝܵܐ ܠܡܸܬ̣ܩܲܦ ܒܝܼܣܪܵܝܹܠ: ܘܓܲܪܝܼ ܒܗܘܿܢ ܠܕ݂ܵܘܝܼܕ݂: ܘܐܸܡܲܪ ܠܹܗ: ܙܸܠ ܡܢܝܼ ܠܝܼܣܪܵܝܹܠ ܘܠܲܝܗܘܼܕ݂ܵܐ. |
[No book] |
| [2]ܘܐܸܡܲܪ ܕܵܘܝܼܕ݂ ܠܝܘܿܐܵܒ̣ ܪܲܒ̇ ܚܲܝܠܵܐ ܕܥܲܡܹܗ: ܗܲܠܸܟ݂ ܒܟ݂ܠܗܘܿܢ ܫܲܒ̣ܛܹ̈ܐ ܕܝܼܣܪܵܝܹܠ: ܡ̣ܢ ܕܵܢ ܘܲܥܕܲܡܵܐ ܠܒܹܪ ܫܒܲܥ: ܘܲܡܢܝܼ ܠܝܼ ܥܲܡܵܐ: ܘܐܲܝܬܵܐ ܡܸܢܝܵܢܗܘܿܢ ܘܚܘܼܫܒܵܢܹܗ ܕܥܲܡܵܐ. |
[No book] |
| [3]ܘܐܸܡܲܪ ܝܘܿܐܵܒ̣ ܠܡܲܠܟܵܐ: ܢܵܘܣܸܦ ܡܵܪܝܵܐ ܐܲܠܵܗܵܟ݂ ܥܲܠ ܥܲܡܵܐ ܐܲܟ݂ܘܵܬ̣ܗܘܿܢ ܡܵܐܐ ܙܲܒ̣̈ܢܝܼܢ: ܘܥܲܝܢܵܘ̈ܗܝ ܕܡܵܪܝ ܡܲܠܟܵܐ ܢܸܚܙ̈ܝܵܢ: ܘܡܵܪܝ ܡܲܠܟܵܐ ܠܡܵܢܵܐ ܨܵܒܹ̇ܐ ܒܦܸܬ̣ܓ̣ܵܡܵܐ ܗܵܢܵܐ. |
[No book] |
| [4]ܘܥܸܫܢܲܬ̤ ܡܸܠܬܹܗ ܕܡܲܠܟܵܐ ܥܲܠ ܝܘܿܐܵܒ̣: ܘܥܲܠ ܪ̈ܲܒܲܝ ܚܲܝ̈ܠܹܐ. ܘܲܢܦܲܩ ܝܘܿܐܵܒ̣ ܘܪܵܘ̱ܪ̈ܒ̣ܵܢܲܝ ܚܲܝ̈ܠܹܐ ܡ̣ܢ ܩܕ݂ܵܡ ܡܲܠܟܵܐ: ܠܡܸܡܢܵܐ ܠܥܲܡܵܐ ܕܝܼܣܪܵܝܹܠ. |
[No book] |
| [5]ܘܲܥܒܲܪܘ ܝܘܿܪܕܢܵܢ: ܘܐܸܬ̣ܵܘ ܠܫܵܪܘܿܒ̣ ܕܲܒ̣ܝܲܡܝܼܢܵܐ ܕܲܩܪܝܼܬ̣ܵܐ: ܕܐܝܼܬ̣ ܒܓ̣ܵܘ ܢܲܚܠܵܐ ܕܓ̣ܵܕ݂ ܘܕ݂ܐܹܠܝܼܥܵܙܲܪ. |
[No book] |
| 6[No verse] |
[No book] |
| [7]ܘܐܸܬ̣ܵܘ ܥܕܲܡܵܐ ܠܨܘܿܪ ܘܲܠܨܲܝܕܵܢ: ܠܐܲܪܥܵܐ ܕܲܟ݂ܢܲܥ̈ܢܵܝܹܐ: ܘܠܲܐܪܥܵܐ ܕܚܹ̈ܬ̣ܵܝܸܐ: ܘܠܲܐܪܥܵܐ ܕܝܵܒ̣ܘܿܣܵܝܹ̈ܐ. |
[No book] |
| [8]ܘܗܲܠܸܟ݂ܘ ܒܟ݂ܠܵܗ̇ ܐܲܪܥܵܐ: ܘܐܸܬ̣ܵܘ ܠܐܲܪܥܵܐ ܕܲܝܗܘܼܕ݂ܵܐ: ܠܲܬ̣ܠܵܬ̣ܝܼ ܘܲܬ̣ܡܵܢܝܵܐ ܝܵܘ̈ܡܝܼܢ. ܘܐܸܬ̣ܵܘ ܠܕ݂ܵܢ ܘܐܸܬ̣ܟ̇ܪܸܟ݂ܘ ܠܨܲܝܕܘܿܢ: ܘܗܲܠܸܟ݂ܘ ܒܟ݂ܠܵܗ̇ ܐܲܪܥܵܐ: ܘܐܸܬ̣ܵܘ ܠܬܸܫܥܵܐ ܝܲܪ̈ܚܝܼܢ ܘܥܸܣܪܝܼܢ ܝܵܘ̈ܡܝܼܢ ܠܐܘܿܪܸܫܠܸܡ. |
[No book] |
| [9]ܘܐܲܝܬܲܝܼ ܝܘܿܐܵܒ̣ ܡܸܢܝܵܢܵܐ ܘܚܘܼܫܒܵܢܵܐ ܕܥܲܡܵܐ ܠܡܲܠܟܵܐ: ܘܲܗܘ̤ܵܐ ܡܸܢܝܵܢܵܐ ܕܒܹܝܬ̣ ܝܼܣܪܵܝܹܠ ܬܡܵܢܹܡܵܐܐ ܐܲܠܦ̈ܝܼܢ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܫܵܡܛܲܝ̈ ܣܲܝܦܵܐ. ܘܐ̄ܢܵܫܲܝ̈ ܝܼܗܘܼܕ݂ܵܐ ܗܵܘܹܝܢ ܚܲܡܫܡܵܐܐ ܐܲܠܦ̈ܝܼܢ ܓܲܒ̣ܪ̈ܝܼܢ. |
[No book] |
| [10]ܘܲܗܘ̤ܵܐ ܡܛܲܪܲܦ ܕܵܘܝܼܕ݂ ܒܠܸܒܹ̇ܗ: ܡ̣ܢ ܒܵܬܲܪ ܕܲܡܢܵܐ ܠܥܲܡܵܐ. ܘܐܸܡܲܪ ܕܵܘܝܼܕ݂ ܩܕ݂ܵܡ ܡܵܪܝܵܐ ܚܛܹܝܬ̣ ܒܡܸܕܸܡ ܕܥܸܒ̣ܕܹܬ̣: ܐܵܦ ܗܵܫܵܐ ܒܵܥܹܐ ܐ̄ܢܵܐ ܡܸܢܵܟ݂ ܕܐܲܣܟܚܠܹܬ̣ ܛܵܒ̣. |
[No book] |
| [11]ܘܩܲܕܸܡ ܕܵܘܝܼܕ݂ ܒܨܲܦܪܵܐ: ܘܡܸܠܬܹܗ ܕܡܵܪܝܵܐ ܗ̄ܘ̣ܵܬ̣ ܥܲܠ ܓܵܕ݂ ܢܒ̣ܝܵܐ: ܘܐܸܡܲܪ ܠܹܗ. |
[No book] |
| [12]ܙܸܠ ܐܸܡܲܪ ܠܕ݂ܵܘܝܼܕ݂: ܗܵܟܲܢܵܐ ܐܵܡܲܪ ܡܵܪܝܵܐ: ܬܠܵܬ̣ ܒܝܼ̈ܫܵܢ ܡܲܝܬܸܐ ܐ̄ܢܵܐ ܥܠܲܝܟ: ܓܒ̣ܝܼ ܠܵܟ݂ ܘܐܸܥܒܸ̇ܕ݂ ܠܵܟ݂. |
[No book] |
| [13]ܘܐܸܬ̣ܵܐ ܓܵܕ݂ ܢܒ̣ܝܼܵܐ ܠܘܵܬ̣ ܕܵܘܝܼܕ݂ ܘܐܸܡܲܪ ܠܹܗ: ܡܚܘܿܬ̣ܵܐ ܩܲܕ݂ܡܵܝܬܵܐ ܕܐܵܬ̣ܝܵܐ ܥܠܲܝܟ: ܗܵܘ̈ܝܵܢ ܫܒܲܥ ܫܢ̈ܝܼܢ ܟܲܦܢܵܐ ܒܐܲܪܥܵܟ݂: ܐܵܘ ܬܠܵܬ̣ܵܐ ܝܲܪ̈ܚܝܼܢ ܬܸܬ̣ܡ̱ܣܲܪ ܩܕ݂ܵܡ ܒܥܸܠܕܒ̣ܵܒ̣ܵܟ݂: ܘܗ̤ܘ ܢܸܗܘ̤ܐ ܪܵܕܹܦ ܠܵܟ݂: ܐܵܘ ܕܢܸܗܘܸܐ ܬܠܵܬ̣ܵܐ ܝܵܘ̈ܡܝܼܢ ܡܵܘܬܵܢܵܐ ܒܐܲܪܥܵܟ݂. ܐܵܦ ܗܵܫܵܐ ܚܙܝܼ ܡܵܢܵܐ ܦܸܬ̣ܓ̣ܵܡܵܐ ܡܬ̣ܝܼܒ̣ ܐܲܢ̄ܬ̇ ܠܘܵܬ̣ ܡ̇ܢ ܕܫܲܕܲܪܲܢܝ ܠܘܵܬ̣ܵܟ݂. |
[No book] |
| [14]ܥܢܵܐ ܕܵܘܝܼܕ݂ ܘܐܸܡܲܪ ܠܓܵܕ݂ ܢܒ̣ܝܼܵܐ: ܥܵܩܲܬ̤ ܠܝܼ ܛܵܒ̣ ܦܲܩܵܚ ܠܲܢ ܕܢܸܬ̣ܡ̱ܣܲܪ ܒܐܝܼܕ݂ܵܘ̈ܗܝ ܕܡܵܪܝܵܐ ܐܲܠܵܗܲܢ: ܕܣܲܓܝܼܐܝܼܢ ܪ̈ܲܚܡܵܘܗܝ: ܘܒ̣ܐܝܼܕ݂ܵܐ ܕܲܒ̣ܢܲܝ̈ܢܵܫܵܐ ܠܵܐ ܢܸܬ̣ܡ̱ܣܲܪ. |
[No book] |
| [15]ܘܝܲܗ̄ܒ̣ ܡܵܪܝܵܐ ܡܵܘܬܵܢܵܐ ܒܝܼܣܪܵܝܹܠ: ܡ̣ܢ ܨܲܦܪܵܐ ܘܲܥܕܲܡܵܐ ܠܫܸܬ̣ ܫܵܥ̈ܝܼܢ. ܘܡܝܼܬ̣ ܡ̣ܢ ܟ݂ܵܢ ܘܲܥܕܲܡܵܐ ܠܒܹܪ ܫܒܲܥ: ܫܲܒ̣ܥܝܼܢ ܐܲܠܦ̈ܝܼܢ ܓܲܒ̣ܪ̈ܝܼܢ. |
[No book] |
| [16]ܘܐܵܘܫܸܛ ܐܝܼܕܹܗ ܡܲܠܲܐܟ݂ܵܐ ܠܐܘܿܪܸܫܠܸܡ ܠܲܡܚܲܒܵܠܘܼܬܹܗ̇. ܘܡܵܪܝܵܐ ܟܠܵܐ ܠܡܲܠܲܐܟ݂ ܡܵܘܬܵܐ ܕܲܗܘ̤ܵܐ ܚܵܪܹܒ̣ ܠܥܲܡܵܐ: ܘܐܸܡܲܪ ܠܹܗ: ܣܲܓܝܼ ܚܪܲܒ̣ܬ̇ ܗܵܫܵܐ: ܩܦܘܿܣ ܐܝܼܕ݂ܵܟ݂. ܘܡܲܠܲܐܟܹܗ ܕܡܵܪܝܵܐ ܩܵܐܹܡ ܗ̄ܘ̣ܵܐ ܠܘܵܬ̣ ܐܸܟ݂ܪܹܗ ܕܐܵܪܵܢ ܝܵܒ̣ܘܿܣܵܝܵܐ. |
[No book] |
| [17]ܘܐܸܡܲܪ ܕܵܘܝܼܕ݂ ܩܕ݂ܵܡ ܡܵܪܝܵܐ: ܟܲܕ݂ ܚܙܵܐ ܠܡܲܠܲܐܟ݂ܵܐ ܕܚܵܪܹܒ̣ ܠܥܲܡܵܐ: ܥܢܵܐ ܘܐܸܡܲܪ ܠܹܗ ܠܡܲܠܲܐܟ݂ܵܐ ܗܵܘ: ܐܸܢ ܐܸܢܵܐ ܚܛܹܝܬ̣ ܘܐܲܪܓܙܹܬ̣: ܗܵܠܹܝܢ ܥܵـ̈ܢܵܐ ܬܲܡܝܼ̈ܡܵܬ̣ܵܐ ܡܵܢܵܐ ܥܒܲܕ݂. ܬܸܗܘܸܐ ܠܵܗ̇ ܐܝܼܕ݂ܵܟ݂ ܒܝܼ ܘܲܒ̣ܒܹܝܬ̣ ܐܵܒ̣ܝ. |
[No book] |
| [18]ܘܐܸܬ̣ܵܐ ܓܵܕ݂ ܢܒ̣ܝܼܵܐ ܠܘܵܬ̣ ܕܵܘܝܼܕ݂ ܒܹܗ ܒܝܵܘܡܵܐ ܗܵܘ̇: ܘܐܸܡܲܪ ܠܹܗ: ܣܲܩ ܒܢܝܼ ܡܲܕ݂ܒ̇ܚܵܐ ܠܡܵܪܝܵܐ ܒܐܸܕܪܹܗ ܕܐܵܪܵܢ ܝܵܒ̣ܘܿܣܵܝܵܐ. |
[No book] |
| [19]ܘܲܣܠܸܩ ܕܵܘܝܼܕ݂ ܒܡܸܠܬܹܗ ܕܓ̣ܵܕ݂: ܐܲܝܟ݂ ܕܐܸܡܲܪ ܠܹܗ ܡܵܪܝܵܐ. |
[No book] |
| [20]ܘܐܸܬ̣ܦܢܝܼ ܐܵܪܵܢ: ܘܲܚܙܵܐ ܠܡܲܠܟܵܐ ܕܵܘܝܼܕ݂ ܘܲܠܥܲܒ̣ܕܵܘ̈ܗܝ ܟܲܕ݂ ܥܵܒ̣ܪܝܼܢ ܒܐܘܼܪܚܵܐ. ܘܲܢܦܲܠ ܐܵܪܵܢ ܘܲܣܓ̣ܕ݂ ܥܲܠ ܐܲܦܵܘ̈ܗܝ ܥܲܠ ܐܲܪܥܵܐ ܩܕ݂ܵܡ ܡܲܠܟܵܐ. |
[No book] |
| [21]ܘܐܸܡܲܪ: ܡܸܛܠ ܡܵܢܵܐ ܐܸܬ̣ܵܐ ܡܵܪܝ ܡܲܠܟܵܐ ܠܘܵܬ̣ ܥܲܒ̣ܕܹܗ. ܘܐܸܡܲܪ ܕܵܘܝܼܕ݂: ܠܡܸܙܒܲܢ ܡܸܢܵܟ݂ ܐܸܕܪܵܐ ܠܡܸܒ̣ܢܵܐ ܡܲܕ݂ܒ̇ܚܵܐ ܠܡܵܪܝܵܐ: ܘܢܸܬ̣ܟ̇ܠܑܸ ܡܵܘܬܵܢܵܐ ܡ̣ܢ ܥܲܡܵܐ. |
[No book] |
| [22]ܘܐܸܡܲܪ ܐܵܪܵܢ ܠܕ݂ܵܘܝܼܕ݂: ܢܸܣܲܒ̣ ܡܵܪܝ ܡܲܠܟܵܐ: ܘܗܵܐ ܬܵܘܪܹ̈ܐ ܠܲܥܠܵܬ̣ܵܐ: ܘܩܸܩܢܵܐ ܘܢܝܼܪܵܐ ܠܩܲܝܣܹ̈ܐ. |
[No book] |
| [23]ܗܵܢܵܐ ܟܠܹܗ ܝܲܗ̄ܒ̣ ܐܵܪܵܢ ܠܡܲܠܟܵܐ ܕܵܘܝܼܕ݂. ܘܐܸܡܲܪ ܐܵܪܵܢ ܠܡܲܠܟܵܐ ܕܵܘܝܼܕ݂: ܡܵܪܝܵܐ ܐܲܠܵܗܵܟ݂ ܢܒܲܪܟ݂ܵܟ݂. |
[No book] |
| [24]ܘܐܸܡܲܪ ܕܵܘܝܼܕ݂ ܠܐܵܪܵܢ: ܡܸܙܒܲܢ ܙܵܒܹܢ ܐ̄ܢܵܐ ܡܸܢܵܟ݂ ܒܲܕ݂ܡܲـ̈ܝܵܐ: ܘܠܵܐ ܡܩܲܪܸܒ̣ ܐ̄ܢܵܐ ܠܡܵܪܝܵܐ ܐܲܠܵܗܝ ܥܠܵܬ̣ܵܐ ܕܡܲܓܵܢ. ܘܲܙܒܲܢ ܕܵܘܝܼܕ݂ ܐܸܕܪܵܐ ܕܓܲܢܬ̣ܵܐ ܘܬ̣ܵܘܪܹ̈ܐ ܒܚܲܡܫܝܼܢ ܐܸܣܬܹܪ̈ܝܼܢ. |
[No book] |
| [25]ܘܲܒ̣ܢܵܐ ܬܲܡܵܢ ܕܵܘܝܼܕ݂ ܡܲܕ݂ܒ̇ܚܵܐ ܠܡܵܪܝܵܐ: ܘܩܲܪܸܒ̣ ܥܠܵـ̈ܘܵܬ̣ܵܐ ܘܫܲܠܡܹ̈ܐ. ܘܐܸܬ̣ܓ̇ܠܝܼ ܡܵܪܝܵܐ ܥܲܠ ܐܲܪܥܵܐ: ܘܐܸܬ̣ܟ̇ܠܝܼ ܡܵܘܬܵܢܵܐ ܡ̣ܢ ܒܹܝܬ̣ ܝܼܣܪܵܝܹܠ. |
[No book] |