Warning: file_put_contents(/var/www/vhosts/firenewt.net/esb.bible/httpdocs/app/dat/scroll/Lao.en/cache.txt): Failed to open stream: Permission denied in /var/www/vhosts/firenewt.net/esb.bible/httpdocs/app/funcs.inc line 923

[1] file:  (line ): handle_error()
[2] file: /var/www/vhosts/firenewt.net/esb.bible/httpdocs/app/funcs.inc (line 923): file_put_contents()
[3] file: /var/www/vhosts/firenewt.net/esb.bible/httpdocs/app/funcs.inc (line 1519): Scroll->load()
[4] file: /var/www/vhosts/firenewt.net/esb.bible/httpdocs/app/page/scroll.inc (line 639): new_scroll()
[5] file: /var/www/vhosts/firenewt.net/esb.bible/httpdocs/app/page.inc (line 177): require()
[6] file: /var/www/vhosts/firenewt.net/esb.bible/httpdocs/app/app.php (line 112): require()
[7] file: /var/www/vhosts/firenewt.net/esb.bible/httpdocs/index.php (line 20): require()
ESB | 2Sa 4 | PesOT, Lao.en
➖ »
«
➖ ➕
Peshitta OT
PesOT
Epistle to the Laodiceans (English)
Lao[EN]
←
2 Samuel
2Sa
4
→
[1]ܘܲܫܡܲܥ ܐܲܫܒܵܫܘܿܠ ܒܲܪ ܫܵܐܘܿܠ ܕܡܝܼܬ̣ ܐܲܒ̣ܢܹܝܪ ܒܚܸܒ̣ܪܘܿܢ: ܘܐܸܬ̣ܪܲܫܲܠ ܐܝܼܕ݂ܵܘ̈ܗܝ: ܘܟ݂ܠܹܗ ܝܼܣܪܵܝܹܠ ܐܸܬ̇ܕܲܠܲܚܘ. [No book]
[2]ܘܲܬ̣ܪܹܝܢ ܓܲܒ̣ܪ̈ܝܼܢ ܪ̈ܲܒܲܝ ܓܲܝ̈ܣܹܐ ܗܘ̤ܵܐ ܥܲܡ ܒܪܹܗ ܕܫܵܐܘܿܠ: ܫܡܹܗ ܕܚܕ݂ ܒܲܥܢܵܐ: ܘܲܫܡܹܗ ܕܐܲܚܪܹܢܵܐ ܪܵܟ݂ܵܒ̣: ܒ̈ܢܲܝ ܪܲܡܘܿܢ ܒܪܘܿܬ̣ܵܝܵܐ ܡ̣ܢ ܒ̈ܢܲܝ ܒܸܢܝܵܡܹܝܢ: ܡܸܛܠ ܕܐܵܦ ܒܪܘܿܬ̣ܝܼ ܡܸܬ̣ܚܲܫܒܵܐ ܥܲܡ ܒ̈ܢܲܝ ܒܸܢܝܵܡܹܝܢ. [No book]
[3]ܘܲܥܪܲܩܘܼ ܒܪ̈ܘܿܬ̣ܵܝܹܐ ܠܓܹܝܼܡ: ܘܲܗܘ̤ܵܘ ܬܲܡܵܢ ܥܵܡܘܿܪܹ̈ܐ ܥܕܲܡܵܐ ܠܝܵܘܡܵܢܵܐ. [No book]
[4]ܘܲܠܝܼܘܿܢܵܬ̣ܵܢ ܒܲܪ ܫܵܐܘܿܠ ܐܝܼܬ̣ ܗ̄ܘ̣ܵܐ ܠܹܗ ܒܪܵܐ: ܘܲܡܣܲܪ̈ܚܵܢ ܗ̄ܘܲܝ̈ ܪܸ̈ܓ̣ܠܵܘܗܝ: ܘܒܲܪ ܚܲܡܸܫ ܗ̄ܘ̣ܵܐ ܫܢ̈ܝܼܢ: ܟܲܕ݂ ܐܸܬ̣ܵܬ̤ ܗ̄ܘ̣ܵܬ̣ ܫܡܘܿܥܬ̣ܵܐ ܕܫܵܐܘܿܠ ܘܲܕ݂ܝܘܿܬܢܵܬ̣ܵܢ ܡ̣ܢ ܐܝܼܙܲܪܥܹܝܠ. ܘܲܫܩܲܠـܹܗ ܡܪܲܒ̇ܝܵܢܝܼܬܹܗ ܘܥܸܪܩܲܬ̤. ܘܟܲܕ݂ ܡܸܣܬܲܪ̱ܗܒ̣ܵܐ ܠܡܸܥܪܲܩ: ܢܦܲܠ ܘܐܸܬ̣ܚܓܲܪ: ܘܲܫܡܹܗ ܡܲܦܝܼܒ̣ܵܫܬ̇. [No book]
[5]ܘܐܸܙܲܠܘ ܒ̈ܢܲܝ ܪܲܡܘܿܢ ܒܪܘܿܬ̣ܵܝܵܐ ܪܵܟ݂ܵܒ̣ ܘܒܲܥܢܵܐ: ܘܐܸܬ̣ܵܘ ܟܲܕ݂ ܚܲܡ ܝܵܘܡܵܐ ܠܒܲܝܬܹ̇ܗ ܕܐܲܫܒܵܫܘܿܠ. ܘܗ̤ܘ ܕܡܸܟ݂ ܡܲܕ݂ܡ̱ܟ݂ܵܐ ܕܛܲܗܪܵܐ. [No book]
[6]ܘܗܵܐ ܐܸܬ̣ܵܘ ܥܕܲܡܵܐ ܠܓ̣ܵܘ ܒܲܝܬܵܐ: ܘܲܢܣܲܒ̣ܘ ܒ̈ܢܲܝ ܚܛܵܐ ܘܲܡܚܵܐܘܼܗܝ ܥܲܠ ܚܘܼܡܫܹܗ: ܪܵܟ݂ܵܒ̣ ܘܒܲܥܢܵܐ ܐܲܚܘܼܗܝ. [No book]
[7]ܘܐܸܬ̣ܦܲܠܲܛܘ ܘܐܸܬ̣ܵܘ ܠܒܲܝܬܵܐ. ܘܗ̤ܘ ܕܵܡܹܟ݂ ܥܲܠ ܥܲܪܣܹܗ ܒܩܲܝܛܘܿܢܵܐ ܕܡܲܫܟ̇ܒܹܗ: ܘܲܡܚܵܐܘܼܗܝ ܘܩܲܛܠܠܘܼܗܝ: ܘܲܢܣܲܒ̣ܘ ܪܹܫܹܗ: ܘܐܸܙܲܠܘ ܒܐܘܼܪܚܵܐ ܕܥܵܪܒ̣ܵܐ ܟܠܹܗ ܠܸܠܝܵܐ. [No book]
[8]ܘܐܲܝܬ̇ܝܼܘ ܪܹܫܹܗ ܕܐܲܫܒܵܫܘܿܠ ܠܕ݂ܵܘܝܼܕ݂ ܠܚܸܒ̣ܪܘܿܢ. ܘܐܸܡܲܪܘ ܠܡܲܠܟܵܐ ܕܵܘܝܼܕ݂: ܗܵܐ ܪܹܫܹܗ ܕܐܲܫܒܵܫܘܿܠ ܒܲܪ ܫܵܐܘܿܠ ܒܥܸܠܕܒ̣ܵܒ̣ܵܟ݂ ܘܒ̣ܵܥܹܐ ܢܲܦ̮ܫܵܟ݂: ܘܢܸܬܸܠ ܡܵܪܝܵܐ ܠܡܵܪܲܢ ܡܲܠܟܵܐ ܬܒܲܥܬ̣ܵܐ ܝܵܘܡܵܢܵܐ: ܡ̣ܢ ܫܵܐܘܿܠ ܘܡ̣ܢ ܙܲܪܥܹܗ. [No book]
[9]ܘܲܥܢܵܐ ܕܵܘܝܼܕ݂ ܠܪܵܟ݂ܵܒ̣ ܘܲܠܒܲܥܢܵܐ ܐܲܚܘܼܗܝ ܒ̈ܢܲܝ ܪܲܡܘܿܢ ܒܪܘܿܬ̣ܵܝܵܐ ܘܐܸܡܲܪ: ܚܲܝ ܗ̄ܘ̣ ܡܵܪܝܵܐ ܕܲܦܪܲܩ ܢܲܦ̮ܫܝ ܡ̣ܢ ܟܠ ܥܵܩܵܐ. [No book]
[10]ܐܸܠܵܐ ܡ̇ܢ ܕܚܵܘܝܲܢܝ ܘܐܸܡܲܪ ܠܝܼ ܕܗܵܐ ܡܝܼܬ̣ ܫܵܐܘܿܠ: ܘܲܗܘ̤ܵܐ ܗ̤ܘ ܐܲܝܟ݂ ܡܣܲܒ̇ܪܵܢܵܐ ܒܥܲܝ̈ܢܲܝ: ܐܸܠܵܐ ܐܸܚܕܬܹܗ ܘܲܩܛܠܬܹܗ ܒܨܸܢܩܠܲܓ̣ ܚܠܵܦ ܕܐܸܬܸ̇ܠ ܠܹܗ ܕܲܣܒܲܪܬ̣ܵܐ. [No book]
[11]ܘܐܵܦ ܓܲܒ̣ܪܹ̈ܐ ܪ̈ܲܫܝܼܥܹܐ: ܩܛܲܠܘ ܠܓܲܒ̣ܪܵܐ ܒܒܲܝܬܹ̇ܗ ܥܲܠ ܡܲܫܟ̇ܒܹܗ. ܗܵܫܵܐ ܐܸܬ̣ܒܲܥ ܕܡܹܗ ܡ̣ܢ ܐܝܼܕܲܝ̈ܟ̇ܘܿܢ: ܘܐܵܘܒܸܕ݂ܟ݂ܘܿܢ ܡ̣ܢ ܐܲܪܥܵܐ. [No book]
[12]ܘܫܲܕܲܪ ܕܵܘܝܼܕ݂ ܠܲܥܠܲܝܡܹ̈ܐ ܘܫܲܛܸܠܘ ܐܸܢܘܿܢ: ܘܦܲܣܸܩܘ ܐܝܼܕܲܝ̈ܗܘܿܢ ܘܪܸ̈ܓ̣ܠܲܝܗܘܿܢ: ܘܲܬ̣ܠܵܘ ܥܲܠ ܪܵܡܬ̣ܵܐ ܒܚܸܒ̣ܪܘܿܢ. ܘܪܹܫܹܗ ܕܐܲܫܒܵܫܘܿܠ: ܢܣܲܒ̣ܘ ܩܲܒ̣ܪܘܼܗܝ ܒܩܲܒ̣ܪܵܐ ܕܐܲܒ̣ܢܹܝܪ ܒܚܸܒ̣ܪܘܿܢ. [No book]
 
Top