|
|
| [1]ܘܟܲܕ݂ ܝܼܬ̤ܒ̣ ܡܲܠܟܵܐ ܒܒܲܝܬܹ̇ܗ: ܘܡܵܪܝܵܐ ܐܲܢܝܼܚ ܠܹܗ ܡ̣ܢ ܟܠܗܘܿܢ ܒܥܸܠܕ̇ܒ̣ܵܒ̣ܵܘ̈ܗܝ. |
[No book] |
| [2]ܘܐܸܡܲܪ ܡܲܠܟܵܐ ܠܢܵܬ̣ܵܢ ܢܒ̣ܝܼܵܐ: ܚܙܝܼ ܕܐܸܢܵܐ ܝܵܬܹܒ̣ ܒܒܲܝܬܵܐ ܕܐܲܪ̈ܙܹܐ: ܘܐܵܪܘܿܢܹܗ ܕܐܲܠܵܗܵܐ ܝܵܬܹܒ̣ ܒܓ̣ܵܘ ܝܵܪ̈ܝܼܥܵܬ̣ܵܐ. |
[No book] |
| [3]ܘܐܸܡܲܪ ܢܵܬ̣ܵܢ ܠܡܲܠܟܵܐ: ܟܠ ܕܲܒ̣ܠܸܒܵܟ݂ ܥܒܸܕ݂: ܡܸܛܠ ܕܡܵܪܝܵܐ ܥܲܡܵܟ݂. |
[No book] |
| [4]ܒܹܗ ܒܠܸܠܝܵܐ ܗܵܘ̇ ܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܥܲܠ ܢܵܬ̣ܵܢ ܢܒ̣ܝܼܵܐ ܠܡܹܐܡܲܪ. |
[No book] |
| [5]ܙܸܠ ܐܸܡܲܪ ܠܥܲܒ̣ܕܲܝ ܕܵܘܝܼܕ݂: ܗܵܟܲܢܵܐ ܐܵܡܲܪ ܡܵܪܝܵܐ: ܐܲܢ̄ܬ̇ ܠܵܐ ܬܸܒ̣ܢܸܐ ܠܝܼ ܒܲܝܬܵܐ ܠܡܵܘܬܲܒ̣ܝ. |
[No book] |
| [6]ܡܸܛܠ ܕܠܵܐ ܝܸܬ̣ܒܹ̇ܬ̣ ܡ̣ܢ ܝܵܘܡܵܐ ܕܐܲܣܩܹܬ̣ ܠܲܒ̣̈ܢܲܝ ܝܼܣܪܵܝܹܠ ܡ̣ܢ ܐܲܪܥܵܐ ܕܡܸܨܪܹܝܢ: ܘܲܥܕܲܡܵܐ ܠܝܵܘܡܵܢܵܐ. ܘܲܗܘܹܝܬ̣ ܡܗܲܠܸܟ݂ ܒܡܲܫܟ̇ܢܹ̈ܐ. |
[No book] |
| [7]ܒܟ݂ܠ ܕܗܲܠܟܹ̇ܬ̣ ܠܟ݂ܠܗܘܿܢ ܒ̈ܢܲܝ ܝܼܣܪܵܝܹܠ: ܕܲܠܡܵܐ ܡܸܠܬ̣ܵܐ ܐܸܡ̇ܪܹܬ̣ ܠܚܲܕ݂ ܡ̣ܢ ܫܲܒ̣̈ܛܹܐ ܕܝܼܣܪܵܝܹܠ: ܕܦܲܩܕܹܗ ܠܡܸܪܥܵܐ ܠܥܲܡܝ ܝܼܣܪܵܝܹܠ: ܕܲܠܡܵܐ ܐܸܡܪܹܬ̣ ܕܲܠܡܵܢܵܐ ܠܵܐ ܒܢܲܝܬ̇ܘܿܢ ܠܝܼ ܒܲܝܬܵܐ ܕܐܲܪ̈ܙܹܐ. |
[No book] |
| [8]ܘܗܵܫܵܐ ܗܵܟܲܢܵܐ ܬܹܐܡܲܪ ܠܥܲܒ̣ܕܲܝ ܕܵܘܝܼܕ݂: ܗܵܟܲܢܵܐ ܐܵܡܲܪ ܡܵܪܝܵܐ ܚܲܝܠܬ̣ܵܢܵܐ: ܐܸܢܵܐ ܕܒܲܪܬܵܟ݂ ܡ̣ܢ ܕܲܝܢܵܐ ܡ̣ܢ ܒܸܣܬܲܪ ܥܵـ̈ܢܵܐ: ܕܬܸܗܘܸܐ ܡܕܲܒ̇ܪܵܢܵܐ ܥܲܠ ܥܲܡܝ ܝܼܣܪܵܝܹܠ. |
[No book] |
| [9]ܘܲܗܘܹܝܬ̣ ܥܲܡܵܟ݂ ܠܟܲܪ ܕܐܸܙܲܠܬ̇: ܘܐܵܘܒ̇ܕܹܬ̣ ܠܟ݂ܠܗܘܿܢ ܒܥܸܠܕܒ̣ܵܒ̣ܵܝ̈ܟ ܡ̣ܢ ܩܕ݂ܵܡܲܝܟ: ܘܐܸܥܒܸ̇ܕ݂ ܠܵܟ݂ ܫܡܵܐ ܪܲܒܵܐ: ܐܲܝܟ݂ ܫܡܵܐ ܕܪܵܘ̱ܒ̣ܵܢܹܐ ܕܐܝܼܬ̣ ܒܐܲܪܥܵܐ. |
[No book] |
| [10]ܘܐܸܥܒܸ̇ܕ݂ ܐܲܬ̣ܪܵܐ ܠܥܲܡܝ ܝܼܣܪܵܝܹܠ: ܘܐܸܨܒ̣ܝܼܘܗܝ ܘܐܲܫܪܹܝܘܗܝ ܒܐܲܬ̣ܪܹܗ ܒܫܸܠܝܵܐ: ܘܬ̣ܘܼܒ̣ ܠܵܐ ܢܙܘܼܥ. ܘܠܵܐ ܢܵܘܣܦܘܼܢ ܬܘܼܒ̣ ܒ̈ܢܲܝ ܥܵܘܠܵܐ ܠܲܡܫܲܥܒܵܕ݂ܘܬܹܗ ܐܲܝܟ݂ ܕܲܒ̣ܩܲܕ݂ܡܵܝܬܵܐ. |
[No book] |
| [11]ܡ̣ܢ ܝܵܘܡܵܐ ܕܦܲܩܸܕܬܵܟ݂ ܕܲܝܵܢܵܐ ܥܲܠ ܥܲܡܝ ܝܼܣܪܵܝܹܠ: ܘܠܵܟ݂ ܐܲܢܚܹܬ̣ ܡ̣ܢ ܟܠܗܘܿܢ ܒܥܸܠܕܒ̣ܵܒܲܝ̈ܟ. ܘܚܵܘܝܵܟ݂ ܡܵܪܝܵܐ ܕܒܲܝܬܵܐ ܥܵܒܹܕ݂ ܠܵܟ݂ ܡܵܪܝܵܐ. |
[No book] |
| [12]ܘܡܵܐ ܕܲܫܠܸܡܘ ܝܵܘ̈ܡܵܬ̣ܵܟ݂: ܘܲܫܟܸܒ̣ܬ̇ ܥܲܡ ܐܲܒ̣ܵܗܲܝ̈ܟ: ܐܲܩܝܼܡ ܙܲܪܥܵܟ݂ ܡ̣ܢ ܒܵܬ̣ܪܵܟ݂ ܕܢܵܦܹܩ ܡ̣ܢ ܚܲܨܵܟ݂: ܘܐܲܬ̣ܩܸܢ ܡܲܠܟ̇ܘܼܬܹܗ. |
[No book] |
| [13]ܘܗ̤ܘ ܢܸܒ̣ܢܸܐ ܒܲܝܬܵܐ ܠܫܹܡܝ. ܘܐܲܬ̣ܩܸܢ ܟܘܼܪܣܝܵܐ ܕܡܲܠܟ̇ܘܼܬܹܗ: ܥܕܲܡܵܐ ܠܥܵܠܲܡ. |
[No book] |
| [14]ܐܸܢܵܐ ܐܸܗܘܸܐ ܠܹܗ ܠܐܲܒ̣ܵܐ: ܘܗ̤ܘ ܢܸܗܘܸܐ ܠܝܼ ܠܲܒ̣ܪܵܐ. ܘܲܒ̣ܣܲܟ݂ܠܘܼܬܹܗ ܐܲܟ̇ܣܝܼܘܗܝ: ܒܫܲܒ̣ܛܵܐ ܕܓܲܒ̣ܪܵܐ ܘܲܒ̣ܢܸܓ̣ܕܵܐ ܕܲܒ̣ܢܲܝ̈ܢܵܫܵܐ. |
[No book] |
| [15]ܘܚܸܣܕ݂ܝ ܠܵܐ ܐܲܥܒܲܪ ܡܸܢܹܗ: ܐܲܝܟܲܢܵܐ ܕܐܲܥܒ̇ܪܹܬ̣ ܡ̣ܢ ܫܵܐܘܿܠ: ܕܲܗܘ̤ܐ ܡ̣ܢ ܩܕ݂ܵܡܲܝܟ: ܕܐܲܥܒܲܪܬܹܗ ܡ̣ܢ ܩܕ݂ܵܡܲܝ. |
[No book] |
| [16]ܘܢܸܗܘܸܐ ܡܗܲܝܡܲܢ ܒܲܝܬܵܟ݂ ܘܡܲܠܟ̇ܘܼܬ̣ܵܟ݂ ܥܕܲܡܵܐ ܠܥܵܠܲܡ ܩܕ݂ܵܡܲܝ: ܘܟ݂ܘܼܪܣܝܵܟ݂ ܢܸܬ̣ܩܲܢ ܩܕ݂ܵܡܲܝ ܥܕܲܡܵܐ ܠܥܵܠܲܡ. |
[No book] |
| [17]ܟܠܗܹܝܢ ܡܸܠܹ̈ܐ ܗܵܠܹܝܢ: ܘܟ݂ܠܹܗ ܚܸܙܘܵܐ ܗܵܢܵܐ: ܗܵܟܲܢܵܐ ܐܸܡܲܪ ܢܵܬ̣ܵܢ ܢܒ̣ܝܼܵܐ ܠܕ݂ܵܘܝܼܕ݂. |
[No book] |
| [18]ܘܐܸܬ̣ܵܐ ܡܲܠܟܵܐ ܕܵܘܝܼܕ݂ ܘܝܼܬܸܒ̣ ܩܕ݂ܵܡ ܡܵܪܝܵܐ: ܘܐܸܡܲܪ: ܡ̇ܢ ܐ̄ܢܵܐ ܡܵܪܝܵܐ ܐܲܠܵܗܵܐ ܘܡܵܢܵܐ ܗ̄ܘ̣ ܒܲܝܬ̇ܝ: ܕܡܲܛܝܸܬܵܢܝ ܥܕܲܡܵܐ ܠܗܵܪܟܵܐ. |
[No book] |
| [19]ܒܨܝܼܪܵܐ ܗ̄ܝ̣ ܗܵܕܹܐ ܒܥܲܝܢܲܝ̈ܟ ܡܵܪܝܵܐ ܐܲܠܵܗܵܐ ܕܐܸܡܲܪܬ̇ ܥܲܠ ܒܹܝܬ̣ ܥܲܒ̣ܕܵܟ݂ ܡ̣ܢ ܪܘܼܚܩܵܐ ܗܵܢܵܘ ܝܘܼܠܦܵܢܹܗ ܕܐ̄ܢܵܫܵܐ: ܡܵܪܝܵܐ ܐܲܠܵܗܵܐ. |
[No book] |
| [20]ܙܡܵܢܵܐ ܬܘܼܒ̣ ܢܵܘܣܸܦ ܥܲܒ̣ܕܵܟ݂ ܕܵܘܝܼܕ݂ ܕܢܹܐܡܲܪ ܠܵܟ݂: ܐܲܢ̄ܬ̇ ܝܵܕ݂ܥ ܐܲܢ̄ܬ̇ ܠܹܗ ܠܥܲܒ̣ܕܵܟ݂ ܡܵܪܝܵܐ ܐܲܠܵܗܵܐ: ܡܸܛܠ ܦܸܬ̣ܓ̣ܵܡܲܝ̈ܟ. |
[No book] |
| [21]ܘܐܲܝܟ݂ ܠܸܒܵܟ݂ ܥܒܲܕܲܬ̇ ܗܵܕܹܐ ܟܠܵܗ̇ ܪܲܒ̇ܘܼـ̣ܵܐ ܠܡܵܘܕܵܥܘܼ ܠܥܲܒ̣ܕܵܟ݂. |
[No book] |
| [22]ܡܸܛܠ ܗܵܢܵܐ ܪܲܒ̇ ܐܲܢ̄ܬ̇ ܡܵܪܝܵܐ ܐܲܠܵܗܵܐ: ܡܸܛܠ ܕܠܲܝܬ̇ ܐܲܟ݂ܘܵܬ̣ܵܟ݂: ܘܠܲܝܬ̇ ܐܲܠܵܗ ܠܒܲܪ ܡܸܢܵܟ݂: ܕܲܫܡܲܥ̄ܢ ܒܐܸܕ݂ܢܲܝ̈ܟ. |
[No book] |
| [23]ܘܡܲܢܘܼ ܐܲܝܟ݂ ܥܲܡܵܟ݂ ܝܼܣܪܵܝܹܠ ܥܲܡܵܐ ܚܲܕ݂ ܒܐܲܪܥܵܐ: ܕܐܸܙܲܠ ܐܲܠܵܗܵܐ ܠܡܸܦܪܲܩ ܠܹܗ ܥܲܡܵܐ: ܘܲܠܡܸܥܒܲܕ݂ ܠܹܗ ܫܡܵܐ: ܘܲܠܡܸܥܒܲܕ݂ ܠܹܗ ܪܲܒ̇ܘܼܬ̣ܵܐ ܘܚܸܙ̈ܘܵܢܹܐ ܥܲܠ ܐܲܪܥܵܐ ܡ̣ܢ ܩܕ݂ܝܼܡ: ܥܲܠ ܥܲܡܵܟ݂ ܕܲܦܪܲܩܬ̇ ܠܵܟ݂ ܡ̣ܢ ܡܸܨܪܹܝܢ: ܥܲܡܵܐ ܕܐܲܢ̄ܬ̇ ܐܲܠܵܗܹܗ. |
[No book] |
| [24]ܘܬ̇ܩܸܢܬ̇ ܠܵܟ݂ ܠܥܲܡܵܟ݂ ܝܼܣܪܵܝܹܠ: ܕܢܸܗܘܸܐ ܠܵܟ݂ ܥܲܡܵܐ ܥܕܲܡܵܐ ܠܥܵܠܲܡ. ܘܐܲܢ̄ܬ̇ ܡܵܪܝܵܐ ܗ̤ܘܲܝܬ̇ ܠܗܘܿܢ ܐܲܠܵܗܑܵ. |
[No book] |
| [25]ܘܗܵܫܵܐ ܡܵܪܝܵܐ ܐܲܠܵܗܵܐ. ܡܸܠܬ̣ܵܐ ܕܐܸܡܲܪܬ̇ ܥܲܠ ܥܲܒ̣ܕܵܟ݂ ܘܥܲܠ ܒܲܝܬܹ̇ܗ: ܐܲܫܲܪ ܥܕܲܡܵܐ ܠܥܵܠܲܡ: ܘܲܥܒܸܕ݂ ܐܲܝܟ݂ ܕܐܸܡܲܪܬ̇. |
[No book] |
| [26]ܘܢܸܐܪܲܒ̣ ܫܡܵܟ݂ ܥܕܲܡܵܐ ܠܥܵܠܲܡ: ܐܲܝܟ݂ ܕܐܸܡܲܪܬ̇ ܡܵܪܝܵܐ ܚܲܝܠܬ̣ܵܢܵܐ ܐܲܠܵܗܵܐ ܕܝܼܣܪܵܝܹܠ. ܘܒܲܝܬܹ̇ܗ ܕܥܲܒ̣ܕܵܟ݂ ܕܵܘܝܼܕ݂: ܢܸܗܘܸܐ ܡܲܬ̣ܩܲܢ ܩܕ݂ܵܡܲܝܟ ܥܕܲܡܵܐ ܠܥܵܠܲܡ. |
[No book] |
| [27]ܡܸܛܠ ܕܐܲܢ̄ܬ̇ ܡܵܪܝܵܐ ܚܲܝܠ̱ܬ̣ܵܢܵܐ ܐܲܠܵܗܑܵ ܕܝܼܣܪܵܝܹܠ: ܓܠܲܝܬ̇ ܠܐܸܕ݂ܢܹܗ ܕܥܲܒ̣ܕܵܟ݂: ܘܐܸܡܲܪܬ̇ ܕܐܸܒ̣ܢܸܐ ܠܵܟ݂ ܒܲܝܬܵܐ: ܡܸܛܠ ܗܵܢܵܐ ܐܸܬ̣ܪܲܥܝܼ ܥܲܒ̣ܕܵܟ݂ ܒܠܸܒܹ̇ܗ: ܠܲܡܨܲܠܵܝܘܼ ܩܕ݂ܵܡܲܝܟ: ܨܠܘܿܬ̣ܵܐ ܗܵܕܹܐ. |
[No book] |
| [28]ܘܗܵܫܵܐ ܡܵܪܝܑܵ ܐܲܠܵܗܵܐ: ܐܲܢ̄ܬ̇ ܗ̄ܘ̣ ܐܲܠܵܗܵܐ: ܘܡܸܠܲܝ̈ܟ ܢܸܗ̱ܘ̈ܝܵܢ ܫܲܪܝܼܪ̈ܵܢ: ܕܐܸܡܲܪܬ̇ ܥܲܠ ܥܲܒ̣ܕܵܟ݂ ܛܵܒ̣ܬ̣ܵܐ ܗܵܕܹܐ. |
[No book] |
| [29]ܡܸܟܹ̇ܠ ܫܲܪܵܐ ܘܒܲܪܸܟ݂ ܒܲܝܬܹ̇ܗ ܕܥܲܒ̣ܕܵܟ݂: ܕܢܸܗܘܸܐ ܩܕ݂ܵܡܲܝܟ ܠܥܵܠܲܡ. ܡܸܛܠ ܕܬܲܢ̄ܬ̇ ܗ̄ܘ̣ ܡܵܪܝܵܐ ܐܲܠܵܗܵܐ ܡܲܠܸܠܬ̇: ܘܡ̣ܢ ܒܘܼܪܟ̇ܬ̣ܵܟ݂ ܢܸܬ̣ܒܲܪܲܟ݂ ܒܹܝܬ̣ ܥܲܒ̣ܕܵܟ݂ ܥܕܲܡܵܐ ܠܥܵܠܲܡ. |
[No book] |