➖ »
«
➖ ➕
Peshitta OT
PesOT
The Book of Enoch (1917)
1Eno(Cha)
←
2 Samuel
2Sa
8
→
[1]ܘܲܗܘ̤ܵܐ ܡ̣ܢ ܒܵܬܲܪܟܸ̇ܢ: ܘܲܡܚܵܐ ܕܵܘܝܼܕ݂ ܠܦܠܸܫ̈ܬܵܝܹܐ: ܘܲܬ̣ܒܲܪ ܐܸܢܘܿܢ. ܘܲܢܣܲܒ̣ ܕܵܘܝܼܕ݂ ܠܪܵܡܲܬ̣ ܓܵܡܵܐ ܡ̣ܢ ܦܠܸܫ̈ܬܵܝܹܐ. [No book]
[2]ܘܲܡܚܵܐ ܠܡܘܼܐܒ̣ܵܝܹ̈ܐ: ܘܲܡܫܲܚ ܐܸܢܘܿܢ ܒܚܲܒ̣̈ܠܹܐ: ܘܐܲܫܟܸ̇ܒ̣ ܐܸܢܘܿܢ ܥܲܠ ܐܲܪܥܵܐ. ܘܲܡܫܲܚ ܬܪܹܝܢ ܚܲܒ̣̈ܠܝܼܢ ܠܡܸܩܛܲܠ: ܘܲܡܠܸܐ ܚܲܒ̣ܠܵܐ ܠܡܲܚܵܝܘ. ܘܲܗܘ̤ܵܘ ܡܘܼܐ̈ܒ̣ܵܝܹܐ ܥܲܒ̣̈ܕܹܐ ܠܕ݂ܵܘܝܼܕ݂ ܡܩܲܪ̈ܒܲܝ ܩܘܼܪܒܵܢܵܐ. [No book]
[3]ܘܲܡܚܵܐ ܕܵܘܝܼܕ݂ ܠܲܗܕܲܪܥܙܲܪ ܒܲܪ ܪܵܚܘܿܒ̣ ܡܲܠܟܵܐ ܕܨܘܿܒ̣ܵܐ: ܟܲܕ݂ ܐܸܙܲܠ ܕܢܲܗܦܸܟ݂ ܐܝܼܕܹܗ ܒܢܲܗܪܵܐ ܦܪܵܬ̣. [No book]
[4]ܘܲܚܪܲܒ̣ ܕܵܘܝܼܕ݂ ܡܸܢܹܗ ܐܵܠܹܦ ܘܫܒܲܥܡܐܵܐ ܡܲܪ̈ܟ̇ܒ̣ܵܢ: ܘܥܸܣܪܝܼܢ ܐܲܠܦ̈ܝܼܢ ܓܲܒ̣ܪ̈ܝܼܢ ܪܸ̈ܓ̣ܠܵܝܝܼܢ. ܘܲܥܩܲܪ ܕܵܘܝܼܕ݂ ܟܠܗܹܝܢ ܡܲܪ̈ܟ̇ܒ̣ܵܬ̣ܵܐ: ܘܲܫܒܲܩ ܡܸܢܗܹܝܢ ܡܐܵܐ ܡܲܪ̈ܟ̇ܒ̣ܵܢ. [No book]
[5]ܘܐܸܬ̣ܵܬ̤ ܐܲܕ݂ܘܿܡ ܘܕܲܪܡܣܘܿܩ ܠܲܡܥܲܕܵܪܘܼ ܠܲܗܕܲܪܥܙܲܪ ܡܲܠܟܵܐ ܕܨܘܿܒ̣ܵܐ. ܘܲܡܚܵܐ ܕܵܘܝܼܕ݂ ܒܐܲܕ݂ܘܿܡ: ܥܸܣܪܝܼܢ ܘܲܬ̣ܪܹܝܢ ܐܲܠܦ̈ܝܢ. [No book]
[6]ܘܐܲܩܝܼܡ ܕܵܘܝܼܕ݂ ܩܲܝܘܼܡܹ̈ܐ ܒܐܲܕ݂ܘܿܡ ܘܲܒ̣ܕܲܪܡܣܘܿܩ: ܘܲܗܘ̤ܵܐ ܐܲܕ݂ܘܿܡܵܝܹ̈ܐ ܥܲܒ̣̈ܕܹܐ ܠܕ݂ܵܘܝܼܕ݂: ܡܣ̈ܩܲܝ ܡܕܲܐܬ̣ܵܐ. ܘܲܦܪܲܩ ܡܵܪܝܵܐ ܠܕ݂ܵܘܝܼܕ݂ ܠܟܪ ܕܐܸܙܲܠ. [No book]
[7]ܘܲܢܣܲܒ̣ ܕܵܘܝܼܕ݂ ܫܲܠܛܹ̈ܐ ܕܕܲܗܒ̣ܵܐ ܕܐܝܼܬ̣ ܗ̄ܘ̣ܵܘ ܥܲܠ ܥܲܒ̣ܕܵܘ̈ܗܝ ܕܲܗܕܲܪܥܙܲܪ. [No book]
[8]ܘܲܢܣܲܒ̣ ܡܲܠܟܵܐ ܕܵܘܝܼܕ݂ ܢܚܵܫܵܐ ܣܘܿܓ̣ܵܐܐ ܕܛܵܒ̣: ܘܐܲܝܬ̇ܝܼ ܐܸܢܘܿܢ ܠܐܘܿܪܸܫܠܸܡ: ܡ̣ܢ ܛܒܲܚ: ܘܡ̣ܢ ܒܪܘܿܬ̣ܝܼ: ܩܘܼܪ̈ܝܹܗ̇ ܕܲܗܕܲܪܥܙܲܪ. [No book]
[9]ܘܲܫܡܲܥ ܬܘܿܥ ܡܲܠܟܵܐ ܕܲܚܡܵܬ̣: ܕܲܡܚܵܐ ܕܵܘܝܼܕ݂ ܠܟ݂ܠܹܗ ܚܲܝܠܵܐ ܕܲܗܕܲܪܥܙܲܪ. [No book]
[10]ܘܫܲܕܲܪ ܬܘܿܥ ܠܝܘܿܪܵܡ ܒܪܹܗ ܠܘܵܬ̣ ܡܲܠܟܵܐ ܕܵܘܝܼܕ݂: ܕܢܸܫܐܲܠ ܒܲܫܠܵܡܹܗ ܘܲܢܒܲܪܟ݂ܝܼܘܗܝ: ܡܸܛܠ ܕܓܲܒ̣ܪܵܐ ܗ̄ܘ̣ܵܐ ܩܪܲܒ̣ܬ̣ܵܢܵܐ ܗܕܲܪܥܙܲܪ. ܘܲܢܣܲܒ̣ ܒܐܝܼܕܹܗ ܝܘܿܡ ܒܲܪ ܬܘܿܥ: ܡܵܐܢܲܝ̈ ܟܸܣܦܵܐ ܘܡܵܐܢܲܝ̈ ܕܲܗܒ̣ܵܐ: ܘܡܵܐܢܲܝ̈ ܢܚܵܫܵܐ: ܘܐܲܝܬ̇ܝܼ ܠܕ݂ܵܘܝܼܕ݂. [No book]
[11]ܘܐܵܦ ܠܗܘܿܢ ܩܲܕܸܫ ܡܲܠܟܵܐ ܕܵܘܝܼܕ݂ ܠܡܵܪܝܵܐ: ܥܲܡ ܟܸܣܦܵܐ ܘܕܲܗܒ̣ܵܐ ܕܩܲܕܸܫ ܡ̣ܢ ܟܠܗܘܿܢ ܥܲܡܡܹ̈ܐ ܕܲܟ݂ܒܲܫ. [No book]
[12]ܡ̣ܢ ܐܲܕ݂ܘܿܡ: ܘܡ̣ܢ ܡܘܼܐܵܒ̣: ܘܡ̣ܢ ܒ̈ܢܲܝ ܥܲܡܘܿܢ: ܘܡ̣ܢ ܦܠܸܫ̈ܬܵܝܹܐ: ܘܡ̣ܢ ܥܡܵܠܩܵܝܹ̈ܐ: ܘܡ̣ܢ ܫܘܼܠܛܵܢܹܗ ܕܲܗܕܲܪܥܙܲܪ: ܒܲܪ ܪܵܚܘܿܒ̣ ܡܲܠܟܵܐ ܕܨܘܿܒ̣ܵܐ. [No book]
[13]ܘܲܥܒܲܕ݂ ܬܲܡܵܢ ܕܵܘܝܼܕ݂ ܩܪܵܒ̣ܵܐ ܟܲܕ݂ ܗܦܲܟ݂: ܡ̣ܢ ܒܵܬܲܪ ܕܲܡܚܵܐ ܗ̄ܘ̣ܵܐ ܠܐܲܕ݂ܘܿܡ ܒܢܲܚܠܵܐ ܕܡܸܠܚܵܐ: ܘܲܚܪܲܒ̣ ܬܡܵܢܬܲܥܣܲܪ ܐܲܠܦ̈ܝܼܢ. [No book]
[14]ܘܐܲܩܝܼܡ ܕܵܘܝܼܕ݂ ܩܲܝܘܼܡܹ̈ܐ ܒܟ݂ܠܵܗ̇ ܐܲܕ݂ܘܿܡ: ܘܲܗܘ̤ܵܐ ܟܠܗܘܿܢ ܐܲܕ݂ܘܿܡܵܝܹ̈ܐ ܥܲܒ̣̈ܕܹܐ ܠܕ݂ܵܘܝܼܕ݂. ܘܲܦܪܲܩ ܡܵܪܝܵܐ ܠܕ݂ܵܘܝܼܕ݂ ܠܟܲܪ ܕܐܸܙܲܠ. [No book]
[15]ܘܐܲܡܠܸܟ݂ ܕܵܘܝܼܕ݂ ܥܲܠ ܟܠܹܗ ܝܼܣܪܵܝܹܠ: ܘܲܗܘ̤ܵܐ ܕܵܘܝܼܕ݂ ܥܵܒܹܕ݂ ܕܝܼܢܵܐ ܘܙܲܕܝܼܩܘܼܬ̣ܵܐ ܥܲܠ ܟܠܹܗ ܥܲܡܹܗ. [No book]
[16]ܘܝܘܿܐܵܒ̣ ܒܲܪ ܨܘܿܪܝܼܵܐ ܥܲܠ ܚܲܝܠܵܐ ܘܝܘܿܫܵܦܵܛ ܒܲܪ ܐܲܚܝܼܠܘܿܕ݂ ܡܥܲܗܕ݂ܵܢܵܐ. [No book]
[17]ܘܨܵܕ݂ܘܿܩ ܒܲܪ ܐܲܚܝܼܛܘܿܒ̣ ܓܸܠܝܘܿܢܵܝܵܐ: ܘܐܲܒ̣ܝܼܬܲܪ ܒܲܪ ܐܲܚܝܼܡܲܠܟ ܟܵܗܢܹ̈ܐ: ܘܲܫܪܵܝܵܐ ܣܵܦܪܵܐ. [No book]
[18]ܘܲܒ̣ܢܵܝܵܐ ܒܲܪ ܝܘܿܝܵܕܲܥ ܥܲܠ ܚܹܐܪܹ̈ܐ ܘܥܲܠ ܦܵܠܚܹ̈ܐ. ܘܲܒ̣̈ܢܲܝ ܕܵܘܝܼܕ݂ ܪܵܘ̱ܪܒ̣ܝܼܢ ܗ̄ܘ̣ܵܘ. [No book]
Legend
[Gg: Text found only in Greek Akhmim]]
[E: Text found only in Ethiopic]]
<Restored text>
[Interpolation or note]
(Editor's addition or note)
Translation: R. H. Charles, D. Litt., D.D. (1917)
Source: sacred-texts.com
Top