|
|
| [1]Rogamus autem vos, fratres, per adventum Domini nostri Jesu Christi, et nostræ congregationis in ipsum: |
[No book] |
| [2]ut non cito moveamini a vestro sensu, neque terreamini, neque per spiritum, neque per sermonem, neque per epistolam tamquam per nos missam, quasi instet dies Domini. |
[No book] |
| [3]Ne quis vos seducat ullo modo: quoniam nisi venerit discessio primum, et revelatus fuerit homo peccati filius perditionis, |
[No book] |
| [4]qui adversatur, et extollitur supra omne, quod dicitur Deus, aut quod colitur, ita ut in templo Dei sedeat ostendens se tamquam sit Deus. |
[No book] |
| [5]Non retinetis quod cum adhuc essem apud vos, hæc dicebam vobis? |
[No book] |
| [6]et nunc quid detineat scitis, ut reveletur in suo tempore. |
[No book] |
| [7]Nam mysterium jam operatur iniquitatis: tantum ut qui tenet nunc, teneat, donec de medio fiat. |
[No book] |
| [8]Et tunc revelabitur ille iniquus, quem Dominus Jesus interficiet spiritu oris sui, et destruet illustratione adventus sui eum: |
[No book] |
| [9]cujus est adventus secundum operationem Satanæ in omni virtute, et signis, et prodigiis mendacibus, |
[No book] |
| [10]et in omni seductione iniquitatis iis qui pereunt: eo quod caritatem veritatis non receperunt ut salvi fierent. Ideo mittet illis Deus operationem erroris ut credant mendacio, |
[No book] |
| [11]ut judicentur omnes qui non crediderunt veritati, sed consenserunt iniquitati. |
[No book] |
| [12]Nos autem debemus gratias agere Deo semper pro vobis, fratres dilecti a Deo, quod elegerit vos Deus primitias in salutem in sanctificatione spiritus, et in fide veritatis: |
[No book] |
| [13]in qua et vocavit vos per Evangelium nostrum in acquisitionem gloriæ Domini nostri Jesu Christi. |
[No book] |
| [14]Itaque fratres, state: et tenete traditiones, quas didicistis, sive per sermonem, sive per epistolam nostram. |
[No book] |
| [15]Ipse autem Dominus noster Jesus Christus, et Deus et Pater noster, qui dilexit nos, et dedit consolationem æternam, et spem bonam in gratia, |
[No book] |
| [16]exhortetur corda vestra, et confirmet in omni opere et sermone bono. |
[No book] |