|
|
| [1]Senior Gajo carissimo, quem ego diligo in veritate. |
[No book] |
| [2]Carissime, de omnibus orationem facio prospere te ingredi, et valere sicut prospere agit anima tua. |
[No book] |
| [3]Gavisus sum valde venientibus fratribus, et testimonium perhibentibus veritati tuæ, sicut tu in veritate ambulas. |
[No book] |
| [4]Majorem horum non habeo gratiam, quam ut audiam filios meos in veritate ambulare. |
[No book] |
| [5]Carissime, fideliter facis quidquid operaris in fratres, et hoc in peregrinos, |
[No book] |
| [6]qui testimonium reddiderunt caritati tuæ in conspectu ecclesiæ: quos, benefaciens, deduces digne Deo. |
[No book] |
| [7]Pro nomine enim ejus profecti sunt, nihil accipientes a gentibus. |
[No book] |
| [8]Nos ergo debemus suscipere hujusmodi, ut cooperatores simus veritatis. |
[No book] |
| [9]Scripsissem forsitan ecclesiæ: sed is qui amat primatum genere in eis, Diotrephes, non recipit nos: |
[No book] |
| [10]propter hoc si venero, commonebo ejus opera, quæ facit, verbis malignis garriens in nos: et quasi non ei ista sufficiant, neque ipse suscipit fratres: et eos qui suscipiunt, prohibet, et de ecclesia ejicit. |
[No book] |
| [11]Carissime, noli imitari malum, sed quod bonum est. Qui benefacit, ex Deo est: qui malefacit, non vidit Deum. |
[No book] |
| [12]Demetrio testimonium redditur ab omnibus, et ab ipsa veritate, sed et nos testimonium perhibemus: et nosti quoniam testimonium nostrum verum est. |
[No book] |
| [13]Multa habui tibi scribere: sed nolui per atramentum et calamum scribere tibi. |
[No book] |
| [14]Spero autem protinus te videre, et os ad os loquemur. Pax tibi. Salutant te amici. Saluta amicos nominatim. |
[No book] |