|
|
| [1]Post quinque autem dies descendit princeps sacerdotum, Ananias, cum senioribus quibusdam, et Tertullo quodam oratore, qui adierunt præsidem adversus Paulum. |
[No book] |
| [2]Et citato Paulo cœpit accusare Tertullus, dicens: Cum in multa pace agamus per te, et multa corrigantur per tuam providentiam, |
[No book] |
| [3]semper et ubique suscipimus, optime Felix, cum omni gratiarum actione. |
[No book] |
| [4]Ne diutius autem te protraham, oro, breviter audias nos pro tua clementia. |
[No book] |
| [5]Invenimus hunc hominem pestiferum, et concitantem seditiones omnibus Judæis in universo orbe, et auctorem seditionis sectæ Nazarenorum: |
[No book] |
| [6]qui etiam templum violare conatus est, quem et apprehensum voluimus secundum legem nostram judicare. |
[No book] |
| [7]Superveniens autem tribunus Lysias, cum vi magna eripuit eum de manibus nostris, |
[No book] |
| [8]jubens accusatores ejus ad te venire: a quo poteris ipse judicans, de omnibus istis cognoscere, de quibus nos accusamus eum. |
[No book] |
| [9]Adjecerunt autem et Judæi, dicentes hæc ita se habere. |
[No book] |
| [10]Respondit autem Paulus (annuente sibi præside dicere): Ex multis annis te esse judicem genti huic sciens, bono animo pro me satisfaciam. |
[No book] |
| [11]Potes enim cognoscere quia non plus sunt mihi dies quam duodecim, ex quo ascendi adorare in Jerusalem: |
[No book] |
| [12]et neque in templo invenerunt me cum aliquo disputantem, aut concursum facientem turbæ, neque in synagogis, neque in civitate: |
[No book] |
| [13]neque probare possunt tibi de quibus nunc me accusant. |
[No book] |
| [14]Confiteor autem hoc tibi, quod secundum sectam, quam dicunt hæresim, sic deservio Patri, et Deo meo, credens omnibus quæ in lege et prophetis scripta sunt: |
[No book] |
| [15]spem habens in Deum, quam et hi ipsi exspectant, resurrectionem futuram justorum et iniquorum. |
[No book] |
| [16]In hoc et ipse studeo sine offendiculo conscientiam habere ad Deum, et ad homines semper. |
[No book] |
| [17]Post annos autem plures eleemosynas facturus in gentem meam, veni, et oblationes, et vota, |
[No book] |
| [18]in quibus invenerunt me purificatum in templo: non cum turba, neque cum tumultu. |
[No book] |
| [19]Quidam autem ex Asia Judæi, quos oportebat apud te præsto esse, et accusare si quid haberent adversum me: |
[No book] |
| [20]aut hi ipsi dicant si quid invenerunt in me iniquitatis cum stem in concilio, |
[No book] |
| [21]nisi de una hac solummodo voce, qua clamavi inter eos stans: Quoniam de resurrectione mortuorum ego judicor hodie a vobis. |
[No book] |
| [22]Distulit autem illos Felix, certissime sciens de via hac, dicens: Cum tribunus Lysias descenderit, audiam vos. |
[No book] |
| [23]Jussitque centurioni custodire eum, et habere requiem, nec quemquam de suis prohibere ministrare ei. |
[No book] |
| [24]Post aliquot autem dies veniens Felix cum Drusilla uxore sua, quæ erat Judæa, vocavit Paulum, et audivit ab eo fidem, quæ est in Christum Jesum. |
[No book] |
| [25]Disputante autem illo de justitia, et castitate, et de judicio futuro, tremefactus Felix, respondit: Quod nunc attinet, vade: tempore autem opportuno accersam te: |
[No book] |
| [26]simul et sperans, quod pecunia ei daretur a Paulo, propter quod et frequenter accersens eum, loquebatur cum eo. |
[No book] |
| [27]Biennio autem expleto, accepit successorem Felix Portium Festum. Volens autem gratiam præstare Judæis Felix, reliquit Paulum vinctum. |
[No book] |