|
|
| [No book] |
[1]Dixit autem princeps sacerdotum: Si hæc ita se habent? |
| [No book] |
[2]Qui ait: Viri fratres et patres, audite: Deus gloriæ apparuit patri nostro Abrahæ cum esset in Mesopotamia, prius quam moraretur in Charan, |
| [No book] |
[3]et dixit ad illum: Exi de terra tua, et de cognatione tua, et veni in terram quam monstravero tibi. |
| [No book] |
[4]Tunc exiit de terra Chaldæorum, et habitavit in Charan. Et inde, postquam mortuus est pater ejus, transtulit illum in terram istam, in qua nunc vos habitatis. |
| [No book] |
[5]Et non dedit illi hæreditatem in ea, nec passum pedis: sed repromisit dare illi eam in possessionem, et semini ejus post ipsum, cum non haberet filium. |
| [No book] |
[6]Locutus est autem ei Deus: Quia erit semen ejus accola in terra aliena, et servituti eos subjicient, et male tractabunt eos annis quadringentis: |
| [No book] |
[7]et gentem cui servierint, judicabo ego, dixit Dominus: et post hæc exibunt, et servient mihi in loco isto. |
| [No book] |
[8]Et dedit illi testamentum circumcisionis: et sic genuit Isaac, et circumcidit eum die octavo: et Isaac, Jacob: et Jacob, duodecim patriarchas. |
| [No book] |
[9]Et patriarchæ æmulantes, Joseph vendiderunt in Ægyptum, et erat Deus cum eo: |
| [No book] |
[10]et eripuit eum ex omnibus tribulationibus ejus: et dedit ei gratiam et sapientiam in conspectu pharaonis regis Ægypti, et constituit eum præpositum super Ægyptum, et super omnem domum suam. |
| [No book] |
[11]Venit autem fames in universam Ægyptum, et Chanaan, et tribulatio magna: et non inveniebant cibos patres nostri. |
| [No book] |
[12]Cum audisset autem Jacob esse frumentum in Ægypto, misit patres nostros primum: |
| [No book] |
[13]et in secundo cognitus est Joseph a fratribus suis, et manifestatum est Pharaoni genus ejus. |
| [No book] |
[14]Mittens autem Joseph accersivit Jacob patrem suum, et omnem cognationem suam in animabus septuaginta quinque. |
| [No book] |
[15]Et descendit Jacob in Ægyptum: et defunctus est ipse, et patres nostri. |
| [No book] |
[16]Et translati sunt in Sichem, et positi sunt in sepulchro, quod emit Abraham pretio argenti a filiis Hemor filii Sichem. |
| [No book] |
[17]Cum autem appropinquaret tempus promissionis, quam confessus erat Deus Abrahæ, crevit populus, et multiplicatus est in Ægypto, |
| [No book] |
[18]quoadusque surrexit alius rex in Ægypto, qui non sciebat Joseph. |
| [No book] |
[19]Hic circumveniens genus nostrum, afflixit patres nostros ut exponerent infantes suos, ne vivificarentur. |
| [No book] |
[20]Eodem tempore natus est Moyses et fuit gratus Deo, qui nutritus est tribus mensibus in domo patris sui. |
| [No book] |
[21]Exposito autem illo, sustulit eum filia Pharaonis, et nutrivit eum sibi in filium. |
| [No book] |
[22]Et eruditus est Moyses omni sapientia Ægyptiorum, et erat potens in verbis, et in operibus suis. |
| [No book] |
[23]Cum autem impleretur ei quadraginta annorum tempus, ascendit in cor ejus ut visitaret fratres suos filios Israël. |
| [No book] |
[24]Et cum vidisset quemdam injuriam patientem, vindicavit illum, et fecit ultionem ei qui injuriam sustinebat, percusso Ægyptio. |
| [No book] |
[25]Existimabat autem intelligere fratres, quoniam Deus per manum ipsius daret salutem illis: at illi non intellexerunt. |
| [No book] |
[26]Sequenti vero die apparuit illis litigantibus: et reconciliabat eos in pace, dicens: Viri, fratres estis, ut quid nocetis alterutrum? |
| [No book] |
[27]Qui autem injuriam faciebat proximo, repulit eum, dicens: Quis te constituit principem et judicem super nos? |
| [No book] |
[28]Numquid interficere me tu vis, quemadmodum interfecisti heri Ægyptium? |
| [No book] |
[29]Fugit autem Moyses in verbo isto: et factus est advena in terra Madian, ubi generavit filios duos. |
| [No book] |
[30]Et expletis annis quadraginta, apparuit illi in deserto montis Sina angelus in igne flammæ rubi. |
| [No book] |
[31]Moyses autem videns, admiratus est visum. Et accedente illo ut consideraret, facta est ad eum vox Domini, dicens: |
| [No book] |
[32]Ego sum Deus patrum tuorum, Deus Abraham, Deus Isaac, et Deus Jacob. Tremefactus autem Moyses, non audebat considerare. |
| [No book] |
[33]Dixit autem illi Dominus: Solve calceamentum pedum tuorum: locus enim in quo stas, terra sancta est. |
| [No book] |
[34]Videns vidi afflictionem populi mei, qui est in Ægypto, et gemitum eorum audivi, et descendi liberare eos. Et nunc veni, et mittam te in Ægyptum. |
| [No book] |
[35]Hunc Moysen, quem negaverunt, dicentes: Quis te constituit principem et judicem? hunc Deus principem et redemptorem misit, cum manu angeli qui apparuit illi in rubo. |
| [No book] |
[36]Hic eduxit illos faciens prodigia, et signa in terra Ægypti, et in rubro mari, et in deserto annis quadraginta. |
| [No book] |
[37]Hic est Moyses, qui dixit filiis Israël: Prophetam suscitabit vobis Deus de fratribus vestris, tamquam me, ipsum audietis. |
| [No book] |
[38]Hic est qui fuit in ecclesia in solitudine cum angelo, qui loquebatur ei in monte Sina, et cum patribus nostris: qui accepit verba vitæ dare nobis. |
| [No book] |
[39]Cui noluerunt obedire patres nostri: sed repulerunt, et aversi sunt cordibus suis in Ægyptum, |
| [No book] |
[40]dicentes ad Aaron: Fac nobis deos, qui præcedant nos: Moyses enim hic, qui eduxit nos de terra Ægypti, nescimus quid factum sit ei. |
| [No book] |
[41]Et vitulum fecerunt in diebus illis, et obtulerunt hostiam simulacro, et lætabantur in operibus manuum suarum. |
| [No book] |
[42]Convertit autem Deus, et tradidit eos servire militiæ cæli, sicut scriptum est in libro prophetarum: Numquid victimas et hostias obtulistis mihi annis quadraginta in deserto, domus Israël? |
| [No book] |
[43]Et suscepistis tabernaculum Moloch, et sidus Dei vestri Rempham, figuras quas fecistis adorare eas et transferam vos trans Babylonem. |
| [No book] |
[44]Tabernaculum testimonii fui cum patribus nostris in deserto, sicut disposuit illis Deus, loquens ad Moysen, ut faceret illud secundum formam quam viderat. |
| [No book] |
[45]Quod et induxerunt, suscipientes patres nostri cum Jesu in possessionem gentium, quas expulit Deus a facie patrum nostrorum, usque in diebus David, |
| [No book] |
[46]qui invenit gratiam ante Deum, et petiit ut inveniret tabernaculum Deo Jacob. |
| [No book] |
[47]Salomon autem ædificavit illi domum. |
| [No book] |
[48]Sed non Excelsus in manufactis habitat, sicut propheta dicit: |
| [No book] |
[49]Cælum mihi sedes est: terra autem scabellum pedum meorum. Quam domum ædificabitis mihi, dicit Dominus? aut quis locus requietionis meæ est? |
| [No book] |
[50]Nonne manus mea fecit hæc omnia? |
| [No book] |
[51]Dura cervice, et incircumcisis cordibus, et auribus, vos semper Spiritui Sancto resistitis; sicut patres vestri, ita et vos. |
| [No book] |
[52]Quem prophetarum non sunt persecuti patres vestri? Et occiderunt eos qui prænuntiabant de adventu Justi, cujus vos nunc proditores et homicidæ fuistis: |
| [No book] |
[53]qui accepistis legem in dispositione angelorum, et non custodistis. |
| [No book] |
[54]Audientes autem hæc dissecabantur cordibus suis, et stridebant dentibus in eum. |
| [No book] |
[55]Cum autem esset plenus Spiritu Sancto, intendens in cælum, vidit gloriam Dei, et Jesum stantem a dextris Dei. Et ait: Ecce video cælos apertos, et Filium hominis stantem a dextris Dei. |
| [No book] |
[56]Exclamantes autem voce magna continuerunt aures suas, et impetum fecerunt unanimiter in eum. |
| [No book] |
[57]Et ejicientes eum extra civitatem lapidabant: et testes deposuerunt vestimenta sua secus pedes adolescentis qui vocabatur Saulus. |
| [No book] |
[58]Et lapidabant Stephanum invocantem, et dicentem: Domine Jesu, suscipe spiritum meum. |
| [No book] |
[59]Positis autem genibus, clamavit voce magna, dicens: Domine, ne statuas illis hoc peccatum. Et cum hoc dixisset, obdormivit in Domino. Saulus autem erat consentiens neci ejus. |