|
|
| [1]ܦܸܬ̣ܓ̣ܵܡܵܘ̈ܗܝ ܕܥܵܡܘܿܣ ܕܲܗܘ̤ܵܐ ܡ̣ܢ ܢܵܩ̈ܕܹ̇ܐ ܕܲܒ̣ܢܲܝ̈ ܬܩܘܿܥ: ܕܲܚܙ̣ܵܐ ܥܲܠ ܒܢܲܝ̈ ܝܑܼܣܪܵܝܹܠ: ܒܝܵܘ̈ܡܵܘܗܝ ܕܥܘܿܙܝܼܵܐ ܡܲܠܟܵܐ ܕܲܝܗܘܼܕ݂ܵܐ: ܘܲܒ̣ܝܵܘ̈ܡܵܘܗܝ ܕܝܘܿܪܲܒ̣ܥܲܡ ܒܲܪ ܝܘܿܐܵܫ ܡܲܠܟܵܐ ܕܝܼܣܪܵܝܹܠ: ܬܲܪܬܹ̇ܝܢ ܫܢ̈ܝܼܢ ܡ̣ܢ ܩܕ݂ܵܡ ܙܵܘܥܵܐ. |
[No book] |
| [2]ܘܐܸܡܲܪ ܡܵܪܝܵܐ ܡ̣ܢ ܨܸܗܝܘܿܢ ܢܸܢܗܲܡ: ܘܡ̣ܢ ܐܘܿܪܸܫܠܸܡ ܢܸܬܸ̇ܠ ܩܵܠܹܗ: ܘܢܸـ̈ـܬ̇ܒ̣ܵܢ ܒܐܸܒ̣ܠܵܐ ܕܲܝܪܹ̈ܐ ܕܪ̈ܵܥܘܼܬ̣ܵܐ: ܘܢܹܐܒܲܫ ܪܹܫܹܗ ܕܟܲܪܡ̄ܠܵܐ. |
[No book] |
| [3]ܗܵܟܲܢܵܐ ܐܵܡܲܪ ܡܵܪܝܵܐ: ܥܲܠ ܬܠܵܬ̣ܵܐ ܚܵܘ̈ܒܹ̇ܝܗ̇ ܕܕܲܪܡܣܘܿܩ: ܘܕܲܐܪܒ̇ܥܵܐ ܠܵܐ ܐܲܗܦܸܟ݂ ܡܸܢܗܘܿܢ: ܥܲܠ ܕܕ݂ܵܫ̣ܘ ܒܣܸ̈ܟܹ̇ܐ ܕܦܲܪܙܠܵܐ ܠܓܸܠܥܵܕ݂. |
[No book] |
| [4]ܐܹܫܲܕܲܪ ܢܘܼܪܵܐ ܠܒܲܝܬܹ̇ܗ ܕܲܚܙܵܐܹܝܠ: ܘܬܹܐܟ݂ܘܿܠ ܣܵܚܪ̈ܵܬܹܗ ܕܒܲܪ ܗܕ݂ܵܕ݂. |
[No book] |
| [5]ܘܐܹܬܲܒܲܪ ܡܘܼܟ݂̈ܠܹܐ ܕܕܲܪܡܣܘܿܩ: ܘܐܵܘܒܸ̇ܕ݂ ܥܵܡܘܿܪܵܐ ܡ̣ܢ ܦܩܲܥܬ̣ܵܐ ܕܐܘܿܢ: ܘܣܵܡܹ̇ܟ݂ ܫܲܒ̣ܛܵܐ ܡ̣ܢ ܒܹܝܬ̣ ܥܲܕܵܢ: ܘܢܸܫܬ̇ܒ̣ܘܿܢ ܥܲܡܵܐ ܕܐܵܪܵܡ ܠܩܝܼܪ ܐܵܡܲܪ ܡܵܪܝܵܐ. |
[No book] |
| [6]ܗܵܟܲܢܵܐ ܐܵܡܲܪ ܡܵܪܝܵܐ: ܥܲܠ ܬܠܵܬ̣ܵܐ ܚܵܘ̈ܒܹ̇ܝܗ̇ ܕܥܵܐܙܵܐ: ܘܕܲܐܪܒ̇ܥܵܐ ܠܵܐ ܐܲܗܦܸܟ݂ ܡܸܢܗܘܿܢ: ܥܲܠ ܕܲܫ̣ܒ̣ܵܘ ܫܒ̣ܝܼܬ̣ܵܐ ܫܲܠܡܬ̣ܵܐ ܕܢܲܫ̱ܠܡܘܼܢ ܠܐܲܕ݂ܘܿܡ. |
[No book] |
| [7]ܐܹܫܲܕܲܪ ܢܘܼܪܵܐ ܒܫܘܼܪܹ̈ܝܗ̇ ܕܥܵܐܙܵܐ: ܘܬܹܐܟ݂ܘܿܠ ܣܵܚܪ̈ܵܬ̣ܵܗ̇. |
[No book] |
| [8]ܘܐܵܘܒܸ̇ܕ݂ ܥܵܡܘܿܪܵܐ ܡ̣ܢ ܐܲܫܕ̇ܘܿܕ݂: ܘܣܵܡܹ̇ܟ݂ ܫܲܒ̣ܛܵܐ ܡ̣ܢ ܐܲܫܩܵܠܘܿܢ: ܘܐܲܗܦܸܟ݂ ܐܝܼܕ݂ܝ ܥܲܠ ܥܸܩܪܘܿܢ: ܘܢܹܐܒ̣ܕ̇ܘܼܢ ܫܲܪܟܵܐ ܕܲܦܠܸܫ̈ܬܵܝܹܐ: ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ. |
[No book] |
| [9]ܗܵܟܲܢܵܐ ܐܵܡܲܪ ܡܵܪܝܵܐ: ܥܲܠ ܬܠܵܬ̣ܵܐ ܚܵܘ̈ܒܹ̇ܝܗ̇ ܕܨܘܿܪ: ܘܕܲܐܪܒ̇ܥܵܐ ܠܵܐ ܐܲܗܦܸܟ݂ ܡܸܢܗܘܿܢ: ܥܲܠ ܕܐܲܫܠܸܡܘ ܫܒ̣ܝܼܬ̣ܵܐ ܫܲܠܡܬ̣ܵܐ ܠܐܲܕ݂ܘܿܡ: ܘܠܵܐ ܥ̣ܗܲܕ݂ܘ ܩܝܵܡܵܐ ܕܐܲܚܘܼܬ̣ܵܐ. |
[No book] |
| [10]ܐܹܫܲܕܲܪ ܢܘܼܪܵܐ ܒܫܘܼܪܹ̈ܝܗ̇ ܕܨܘܿܪ: ܘܬܹܐܟ݂ܘܿܠ ܣܵܚܪ̈ܵܬ̣ܵܗ̇. |
[No book] |
| [11]ܗܵܟܲܢܵܐ ܐܵܡܲܪ ܡܵܪܝܵܐ: ܥܲܠ ܬܠܵܬ̣ܵܐ ܚܵܘܒܵܘ̈ܗܝ ܕܐܲܕ݂ܘܿܡ: ܘܕܲܐܪܒ̇ܥܵܐ ܠܵܐ ܐܲܗܦܸܟ݂ ܡܸܢܗܘܿܢ: ܥܲܠ ܕܲܪܕܲܦ̣ ܒܚܲܪܒܵܐ ܠܐܲܚܘܼܗܝ: ܘܚܲܒܸ̇ܠ ܪ̈ܲܚܡܵܘܗܝ: ܘܲܢܛܲܪ ܠܥܵܠܲܡ ܪܘܼܓ̣ܙܹܗ: ܘܐܲܟ̇ܬܹܗ ܢ̣ܛܲܪ ܠܥܵܠܡܝܼܢ. |
[No book] |
| [12]ܐܹܫܲܕܲܪ ܢܘܼܪܵܐ ܠܬܲܝܡܵܢ: ܘܬܹܐܟ݂ܘܿܠ ܣܵܚܪ̈ܵܬ̣ܵܗ̇ ܕܒ̣ܘܼܨ̄ܪ. |
[No book] |
| [13]ܗܵܟܲܢܵܐ ܐܵܡܲܪ ܡܵܪܝܵܐ: ܥܲܠ ܬܠܵܬ̣ܵܐ ܚܵܘ̈ܒܲܝܗܘܿܢ ܕܲܒ̣ܢܲܝ̈ ܥܲܡܘܿܢ: ܘܕܲܐܪܒ̇ܥܵܐ ܠܵܐ ܐܲܗܦܸܟ݂ ܡܸܢܗܘܿܢ: ܥܲܠ ܕܦܲܪܸܬ̣ܘ ܒܲܛ̈ܢܵܬ̣ܵܐ ܕܓܸܠܥܵܕ݂: ܕܢܲܪ̱ܘܚܘܼܢ ܬܚܘܼܡܗܘܿܢ. |
[No book] |
| [14]ܐܸܫܒ̇ܘܿܩ ܢܘܼܪܵܐ ܒܫܘܼܩܹ̈ܝܗ̇ ܕܪܲܒܲܬ̣: ܘܬܹܐܟ݂ܘܿܠ ܣܵܚܪ̈ܵܬ̣ܵܗ̇: ܒܲܩܥܵܬ̣ܵܐ ܒܝܵܘܡܵܐ ܕܲܩܪܵܒ̣ܵܐ: ܒܥܲܠܥܵܠܵܐ ܒܝܵܘܡܵܐ ܕܲܥܪܘܼܪܵܐ. |
[No book] |
| [15]ܘܢܹܐܙܲܠ ܡܲܠܟ̇ܘܿܡ ܒܲܫܒ̣ܝܼܬ̣ܵܐ: ܘܟ݂ܘܼܡܪ̈ܵܘܗܝ ܘܪܵܘܪ̈ܒ̣ܵܢܵܘܗܝ ܐܲܟ݂ܚ̄ܕ݂ܵܐ ܐܵܡܲܪ ܡܵܪܝܵܐ. |
[No book] |