➖ »
«
➖ ➕
Aleppo Codex (~920)
Alep
Byzantine GNT Majority Text (2000)
Byz
←
Amos
Amo
3
→
[1]שמעו את הדבר הזה אשר דבר יהוה עליכם־בני ישראל על כל המשפחה אשר העליתי מארץ מצרים לאמר [No book]
[2]רק אתכם ידעתי מכל משפחות האדמה על כן אפקד עליכם את כל עונתיכם [No book]
[3]הילכו שנים יחדו בלתי אם נועדו [No book]
[4]הישאג אריה ביער וטרף אין לו היתן כפיר קולו ממענתו בלתי אם לכד [No book]
[5]התפל צפור על פח הארץ ומוקש אין לה היעלה פח מן האדמה ולכוד לא ילכוד [No book]
[6]אם יתקע שופר בעיר ועם לא יחרדו אם תהיה רעה בעיר ויהוה לא עשה [No book]
[7]כי לא יעשה אדני יהוה דבר כי אם גלה סודו אל עבדיו הנביאים [No book]
[8]אריה שאג מי לא יירא אדני יהוה דבר מי לא ינבא [No book]
[9]השמיעו על ארמנות באשדוד ועל ארמנות בארץ מצרים ואמרו האספו על הרי שמרון וראו מהומת רבות בתוכה ועשוקים בקרבה [No book]
[10]ולא ידעו עשות נכחה נאם יהוה האוצרים חמס ושד בארמנותיהם [No book]
[11]לכן כה אמר אדני יהוה צר וסביב הארץ והוריד ממך עזך ונבזו ארמנותיך [No book]
[12]כה אמר יהוה כאשר יציל הרעה מפי הארי שתי כרעים או בדל אזן־כן ינצלו בני ישראל הישבים בשמרון בפאת מטה ובדמשק ערש [No book]
[13]שמעו והעידו בבית יעקב־נאם אדני יהוה אלהי הצבאות [No book]
[14]כי ביום פקדי פשעי ישראל־עליו ופקדתי על מזבחות בית אל ונגדעו קרנות המזבח ונפלו לארץ [No book]
[15]והכיתי בית החרף על בית הקיץ ואבדו בתי השן וספו בתים רבים־נאם יהוה [No book]
Source: unbound.biola.edu
 Author: Maurice A. Robinson, William G. Pierpont
Source: unboundbible.org

See information...
Top