|
|
| [No book] |
[1]Audite verbum istud, quod ego levo super vos planctum: domus Israël cecidit, et non adjiciet ut resurgat. |
| [No book] |
[2]Virgo Israël projecta est in terram suam, non est qui suscitet eam. |
| [No book] |
[3]Quia hæc dicit Dominus Deus: Urbs de qua egrediebantur mille, relinquentur in ea centum; et de qua egrediebantur centum, relinquentur in ea decem in domo Israël. |
| [No book] |
[4]Quia hæc dicit Dominus domui Israël: Quærite me, et vivetis. |
| [No book] |
[5]Et nolite quærere Bethel, et in Galgalam nolite intrare, et in Bersabee non transibitis, quia Galgala captiva ducetur, et Bethel erit inutilis. |
| [No book] |
[6]Quærite Dominum, et vivite (ne forte comburatur ut ignis domus Joseph, et devorabit, et non erit qui extinguat Bethel: |
| [No book] |
[7]qui convertitis in absinthium judicium, et justitiam in terra relinquitis): |
| [No book] |
[8]facientem Arcturum et Orionem, et convertentem in mane tenebras, et diem in noctem mutantem; qui vocat aquas maris, et effundit eas super faciem terræ; Dominus nomen est ejus: |
| [No book] |
[9]qui subridet vastitatem super robustum, et depopulationem super potentem affert. |
| [No book] |
[10]Odio habuerunt corripientem in porta, et loquentem perfecte abominati sunt. |
| [No book] |
[11]Idcirco, pro eo quod diripiebatis pauperem, et prædam electam tollebatis ab eo, domos quadro lapide ædificabitis, et non habitabitis in eis; vineas plantabis amantissimas, et non bibetis vinum earum. |
| [No book] |
[12]Quia cognovi multa scelera vestra, et fortia peccata vestra: hostes justi, accipientes munus, et pauperes deprimentes in porta. |
| [No book] |
[13]Ideo prudens in tempore illo tacebit, quia tempus malum est. |
| [No book] |
[14]Quærite bonum, et non malum, ut vivatis; et erit Dominus Deus exercituum vobiscum, sicut dixistis. |
| [No book] |
[15]Odite malum et diligite bonum, et constituite in porta judicium: si forte misereatur Dominus Deus exercituum reliquiis Joseph. |
| [No book] |
[16]Propterea hæc dicit Dominus Deus exercituum, dominator: In omnibus plateis planctus; et in cunctis quæ foris sunt, dicetur: Væ, væ ! et vocabunt agricolam ad luctum, et ad planctum eos qui sciunt plangere. |
| [No book] |
[17]Et in omnibus vineis erit planctus, quia pertransibo in medio tui, dicit Dominus. |
| [No book] |
[18]Væ desiderantibus diem Domini ! ad quid eam vobis? Dies Domini ista, tenebræ, et non lux. |
| [No book] |
[19]Quomodo si fugiat vir a facie leonis, et occurrat ei ursus; et ingrediatur domum, et innitatur manu sua super parietem, et mordeat eum coluber. |
| [No book] |
[20]Numquid non tenebræ dies Domini, et non lux; et caligo, et non splendor in ea? |
| [No book] |
[21]Odi, et projeci festivitates vestras, et non capiam odorem cœtuum vestrorum. |
| [No book] |
[22]Quod si obtuleritis mihi holocautomata, et munera vestra, non suscipiam; et vota pinguium vestrorum non respiciam. |
| [No book] |
[23]Aufer a me tumultum carminum tuorum; et cantica lyræ tuæ non audiam. |
| [No book] |
[24]Et revelabitur quasi aqua judicium, et justitia quasi torrens fortis. |
| [No book] |
[25]Numquid hostias et sacrificium obtulistis mihi in deserto quadraginta annis, domus Israël? |
| [No book] |
[26]et portastis tabernaculum Moloch vestro, et imaginem idolorum vestrorum, sidus dei vestri, quæ fecistis vobis. |
| [No book] |
[27]Et migrare vos faciam trans Damascum, dicit Dominus: Deus exercituum nomen ejus. |