➖ »
«
➖ ➕
Peshitta OT
PesOT
The Fragments of Papias
Papias
←
Amos
Amo
6
→
[1]ܘܵܝ ܠܲܕ݂ܫܵܝܛܝܼܢ ܠܨܸܗܝܘܿܢ: ܘܲܬ̣ܟ݂ܝܼܠܝܼܢ ܒܛܘܼܪܵܐ ܕܫܵܡܪܹܝܢ: ܦܵܪ̈ܫܲܝ ܠܪܹ̈ܫܹܐ ܕܥܲܡܡܹ̈ܐ: ܘܓܲܠܝܼܘ ܠܗܘܿܢ ܒܢܲܝ̈ ܝܑܼܣܪܵܝܹܠ. [No book]
[2]ܥܒܲܪܘ ܠܟܲܠܝܵܐ ܘܲܚܙܵܘ: ܘܙܸܠܘ ܡ̣ܢ ܬܲܡܵܢ ܠܲܚܡܵܬ̣ ܪܲܒܵܐ: ܘܚܘܿܬ̣ܘ ܠܓ̣ܵܬ̣ ܕܲܦܠܸܫ̈ܬܵܝܹܐ: ܕܛܵܒ̣ܵܐ ܗ̄ܝܼ ܡ̣ܢ ܟܠܗܹܝܢ ܡܲܠ̈ܟ̇ܘܵܬ̣ܵܐ ܗܵܠܹܝܢ: ܐܸܢ ܣܲܓ̇ܝܼ ܬܚܘܼܡܗܘܿܢ ܡ̣ܢ ܬܚܘܼܡܟ݂ܘܿܢ. [No book]
[3]ܕܲܡܣܲܟܹ̇ܝܢ ܠܝܵܘܡܵܐ ܒܝܼܫܵܐ: ܘܲܡܩܲܪܒ̣ܝܼܢ ܠܫܲܒ̇ܬ̣ܵܐ ܕܲܚܛܘܼܦܝܵܐ. [No book]
[4]ܘܫܵܟ݂ܒ̇ܝܼܢ ܥܲܠ ܥܲܪ̈ܣܵܬ̣ܵܐ ܕܫܸܢܵܐ: ܘܡܸܬ̣ܠܲܥܒ̣ܝܼܢ ܥܲܠ ܬܸܫ̱ܘ̈ܝܵܬ̣ܗܘܿܢ: ܕܐܵܟ݂ܠܝܼܢ ܡܦܲܛܡܹ̈ܐ ܡ̣ܢ ܥܵـ̈ـܢܵܐ: ܘܥܸܓ̣̈ܠܹܐ ܡ̣ܢ ܓܵܘ ܒܲܩܪܹ̈ܐ. [No book]
[5]ܕܢܵܩܫܝܼܢ ܥܲܠ ܦܘܼܡܵܐ ܕܟܸܢܵܪܹ̈ܐ: ܘܐܲܝܟ݂ ܕܵܘܝܼܕ݂ ܚܫܝܼܒ̣ܝܼܢ ܠܗܘܿܢ ܡܵܐܢܲܝ̈ ܙܡܵܪܵܐ. [No book]
[6]ܕܫܵܬܹ̇ܝܢ ܚܲܡܪܵܐ ܡܨܲܠܠܵܐ: ܘܡܸܫܚܵܢܹ̈ܐ ܪܹ̈ܫܵܝܹܐ ܡܵܫ̇ܚܝܼܢ: ܘܠܵܐ ܒܛܝܼܠ ܠܗܘܿܢ ܥܲܠ ܬܒ̣ܵܪܹܗ ܕܝܵܘܣܸܦ. [No book]
[7]ܡܸܛܠܗܵܢܵܐ ܢܸܫܬ̇ܒ̣ܘܿܢ ܒܪܹܫ ܫܒ̣ܝܼܬ̣ܵܐ: ܘܢܸܫܬ̇ܩܸܠ ܪܘܵܙܵܐ ܡ̣ܢ ܫܲܠܝܼܛܵܢܲܝ̈ܗܘܿܢ. [No book]
[8]ܝܑܼܡܵܐ ܡܵܪܹܐ ܡܵܪ̈ܵܘܵܬ̣ܵܐ ܒܢܲܦ̮ܫܹܗ: ܘܐܸܡܲܪ ܡܵܪܝܵܐ ܐܲܠܵܗܵܐ ܚܲܝܠܬ̣ܵܢܵܐ: ܕܡܲܣܠܸܐ ܐ̄ܢܵܐ ܠܐܝܼܩܵܪܹܗ ܕܝܲܥܩܘܿܒ̣: ܘܲܠܣܵܚܪ̈ܵܬܹܗ ܣܢܹ̇ܝܬ̣: . ܐܲܫܠܸܡ ܡܕ݂ܝܼܢ̄ܬܵܐ ܒܲܡܠܹܐܵܗ̇. [No book]
[9]ܘܐܸܢ ܢܸܫܬܲܚܪܘܼܢ ܥܸܣܪܵܐ ܓܲܒ̣ܪ̈ܝܼܢ ܒܒܲܝܬܵܐ ܚܲܕ݂ ܢܡܘܼܬ̣ܘܼܢ. [No book]
[10]ܘܢܸܫܩܠܝܼܘܗܝ ܕܵܕܹܗ ܐܵܘ ܡܲܢ ܕܩܲܪܝܼܒ̣ ܠܹܗ ܕܢܲܦܸܩ ܓܲܪ̈ܡܹܐ ܡ̣ܢ ܒܲܝܬܵܐ: ܘܢܹܐܡܲܪ ܠܡܲܢ ܕܐܝܼܬ̣ ܒܹܗ ܒܒܲܝܬܵܐ: ܐܝܼܬ̣ ܐ̄ܢܵܫ ܬܘܼܒ̣ ܥܲܡܵܟ݂ ܒܒܲܝܬܵܐ: ܘܢܹܐܡܲܪ ܠܹܗ ܠܲܝܬ̇: ܡܸܛܠ ܕܣܵܦ̣ܘ ܠܗܘܿܢ: ܥܲܠ ܕܠܵܐ ܡܲܕ݂ܟ̇ܪܝܼܢ ܗ̄ܘܼܵܘ ܒܲܫܡܹܗ ܕܡܵܪܝܵܐ. [No book]
[11]ܡܸܛܠ ܕܗܵܐ ܡܵܪܝܵܐ ܢܵܦܹ̇ܩ: ܘܢܸܡܚܸܐ ܠܒܲܝܬܵܐ ܪܵܡܵܐ ܘܢܲܪܥ̄ܠܝܼܘܗܝ: ܘܲܠܒܲܝܬܵܐ ܙܥܘܿܪܵܐ ܘܢܲܨܕܹ̇ܝܘܗܝ. [No book]
[12]ܕܲܠܡܵܐ ܪܵܗܛ̇ܝܼܢ ܥܲܠ ܫܘܿܥܵܐ ܪ̈ܲܟ݂ܫܵܐ: ܐܵܘ ܕܵܒ̣ܪܝܼܢ ܒܗܘܿܢ ܦܲܕܵܢܵܐ: ܡܸܛܠ ܕܲܗܦܲܟ݂ܬ̇ܘܿܢ ܕܝܼܢܵܐ ܠܲܡܪܵܪܹ̈ܐ: ܘܦܹܪܹ̈ܐ ܕܙܲܕ̇ܝܼܩܘܼܬ̣ܵܐ ܠܓܸ̈ܕ̇ܕܹ̇ܐ. [No book]
[13]ܕܚܵܕ݂ܝܼܢ ܥܲܠ ܠܵܐ ܡܸܕܹ̇ܡ: ܘܐܵܡܪܝܼܢ: ܕܲܠܡܵܐ ܠܵܐ ܗ̄ܘܼܵܐ ܒܚܲܝܠܲܢ ܢ̣ܣܲܒ̣ܢ ܠܲܢ ܩܪܝܼܬ̣ܵܐ. [No book]
[14]ܡܸܛܠ ܕܗܵܐ ܐܸܢܵܐ ܡܩܝܼܡ ܐ̄ܢܵܐ ܥܠܲܝܟ̇ܘܿܢ ܒܹܝܬ̣ ܝܑܼܣܪܵܝܹܠ: ܥܲܡܵܐ ܐܵܡܲܪ ܡܵܪܝܵܐ ܐܲܠܵܗܵܐ ܚܲܝܠܬ̣ܵܢܵܐ: ܘܢܸܕ݂ܚ̄ܩܘܼܢܵܟ݂ܘܿܢ ܡ̣ܢ ܡܲܥܠܵܢܵܐ ܕܲܚܡܵܬ̣: ܘܲܥܕܲܡܵܐ ܠܢܲܚܠܵܐ ܕܥܵܪܵܒ̣ܵܐ. [No book]
Source: www.earlychristianwritings.com
Top