➖ »
«
➖ ➕
Tregelles’ 2nd ed. from Alexandrinus, et al (1879)
Tregelles GNT
Peshitta OT
PesOT
←
Amos
Amo
8
→
[No book] [1]ܗܵܟܲܢܵܐ ܚܵܘܝܲܢܝ ܡܵܪܹܐ ܡܵܪ̈ܵܘܵܬ̣ܵܐ: ܘܗܵܐ ܢܝܼܫܵܐ ܕܩܸܨܵܐ.
[No book] [2]ܘܐܸܡܲܪ ܠܝܼ ܡܵܪܝܵܐ: ܡܵܢܵܐ ܚ̣ܙܲܝܬ̇ ܥܵܡܘܿܣ: ܘܐܸܡ̇ܪܹܬ̣ ܢܝܼܫܵܐ ܕܩܸܨܵܐ: ܘܐܸܡܲܪ ܠܝܼ ܡܵܪܝܵܐ: ܡܲܛܝܼ ܩܸܨܵܐ ܥܲܠ ܥܲܡܝ ܝܑܼܣܪܵܝܹܠ: ܘܠܵܐ ܐܵܘܣܸܦ ܬܘܼܒ̣ ܠܡܲܥܒܵܪܘܼܬܹܗ ܡܸܢܗܘܿܢ.
[No book] [3]ܘܢܸܦ̈ܠܵܢ ܬܸܫܒ̇ܚܵܬܹܗ ܕܗܲܝܟܠܵܐ ܒܝܵܘܡܵܐ ܗܵܘܿ: ܒܹܗ ܒܝܵܘܡܵܐ ܗܵܘܿ ܐܵܡܲܪ ܡܵܪܹܐ ܡܵܪ̈ܵܘܵܬ̣ܵܐ: ܢܸܣ̈ܓ̇ܝܵܢ ܫ̈ܠܲܕܹ̇ܐ ܒܟ݂ܠ ܐܲܬܲܪ: ܘܢܸܫ̈ܬܲܕ݂ܝܵܢ ܠܐܲܒ̣ܕܵܢܵܐ.
[No book] [4]ܫܡܲܥܘ ܗܵܠܹܝܢ ܕܫܵܝ̇ܛܝܼܢ ܠܡܸܣܟܹ̇ܢܹ̈ܐ: ܘܲܡܒܲܛܠܝܼܢ ܠܒ̣ܵܝܫܹ̈ܐ ܕܐܲܪܥܵܐ.
[No book] [5]ܘܐܵܡ̇ܪܝܼܢ ܕܐܸܡܲܬ̣ܝ ܢܸܥܒܲܪ ܝܲܪܚܵܐ ܘܲܢܙܲܒܸ̇ܢ ܥܒ̣ܘܼܪܵܐ: ܘܬܸܥܒܲܪ ܫܲܒ̇ܬ̣ܵܐ ܘܢܸܦ̮ܬܲܚ ܐܵܘܨܪܹ̈ܐ: ܘܢܲܙܥܲܪ ܟ̈ܝܵܠܵܬ̣ܵܐ: ܘܢܵܘܪܸܒ̣ ܡܲܬ̣̈ܩܵܠܹܐ: ܘܢܸܥܒܸ̇ܕ݂ ܡܲܣܲܐܬ̣ܵܐ ܕܢܸܟ݂ܠܵܐ.
[No book] [6]ܘܲܢܙܲܒܸ̇ܢ ܒܟܸܣܦܵܐ ܠܡܸܣܟܹ̇ܢܹ̈ܐ ܘܒ̣ܵܝܫܹ̈ܐ ܚܠܵܦ ܡܫܵܝܹ̈ܐ: ܘܫܲܬ̣ ܐܵܘܪܹ̈ܐ ܢܙܲܒܸ̇ܢ.
[No book] [7]ܘܝܡܵܐ ܡܵܪܝܵܐ ܬܲܩܝܼܦܹܗ ܕܝܲܥܩܘܿܒ̣: ܕܠܵܐ ܐܸܛܥܸܐ ܠܥܵܠܲܡ ܟܠܗܘܿܢ ܥܒ̣ܵܕܲܝ̈ܗܘܿܢ.
[No book] [8]ܡܸܛܠ ܗܵܠܹܝܢ ܠܵܐ ܬܙܘܼܥ ܐܲܪܥܵܐ: ܘܢܸܫܬ̇ܒ̣ܘܼܢ ܒܐܸܒ̣ܠܵܐ ܟܠܗܘܿܢ ܥܵܡܘܿܪܹ̈ܝܗ̇: ܘܢܸܣܲܩ ܩܸܨܵܗ̇ ܐܲܝܟ݂ ܢܲܗܪܵܐ: ܘܢܸܕ݂ܚܘܿܩ ܘܢܸܚܘܿܬ̣ ܐܲܝܟ݂ ܢܲܗܪܵܐ ܕܡܸܨܪܹܝܢ.
[No book] [9]ܘܢܸܗܘܹܐ ܒܝܵܘܡܵܐ ܗܵܘܿ ܐܵܡܲܪ ܡܵܪܝܵܐ: ܐܲܥܪܸܒ̣ ܫܸܡܫܵܐ ܒܛܲܗܪܵܐ: ܘܐܲܚܫܸܟ݂ ܠܐܲܪܥܵܐ ܒܝܵܘܡܵܐ ܢܲܗܝܼܪܵܐ.
[No book] [10]ܘܐܲܗܦܸܟ݂ ܥܲܕ݂ܥܹܕܲܝ̈ܟ̇ܘܿܢ ܠܐܸܒ̣ܠܵܐ: ܘܟ݂ܠܗܹܝܢ ܙܡܝܼܪ̈ܵܬ̣ܟ݂ܘܿܢ ܠܐܘܿܠܝܵـ̈ـܬ̣ܵܐ: ܘܐܸܚܙܘܿܩ ܣܲܩܹ̈ܐ ܒܟ݂ܠܗܘܿܢ ܚܲܨܲܝ̈ܟ̇ܘܿܢ: ܘܥܲܠ ܟܠܗܘܿܢ ܪܹ̈ܫܲܝܟ̇ܘܿܢ ܩܘܼܕ݂ܚܵـ̈ـܬ̣ܵܐ: ܘܐܸܥܒ̇ܕ݂ܝܼܗ̇ ܐܲܝܟ݂ ܐܸܒ̣ܠܵܐ ܕܝܼܚܝܼܕ݂ܵܝܵܐ: ܘܚܲܪܬ̣ܵܗ̇ ܐܲܝܟ݂ ܝܵܘܡܵܐ ܡܲܪܝܼܪܵܐ.
[No book] [11]ܗܵܐ ܝܵܘ̈ܡܵܬ̣ܵܐ ܐܵܬܹ̇ܝܢ ܐܵܡܲܪ ܡܵܪܝܵܐ: ܘܐܹܫܲܕܲܪ ܟܲܦܢܵܐ ܒܐܲܪܥܵܐ: ܠܵܐ ܕܲܟ݂ܦܸܢ ܠܠܲܚܡܵܐ: ܘܠܵܐ ܕܲܨܗܸܐ ܠܡܲـ̈ـܝܵܐ: ܐܸܠܵܐ ܠܡܸܫܡܲܥ ܦܸܬ̣ܓ̣ܵܡܹܗ ܕܡܵܪܝܵܐ.
[No book] [12]ܘܢܸܬ̣ܟܲܢܫܘܼܢ ܡ̣ܢ ܝܲܡܵܐ ܘܲܥܕܲܡܵܐ ܠܝܲܡܵܐ: ܘܡ̣ܢ ܓܲܪܒ̇ܝܵܐ ܘܲܥܕܲܡܵܐ ܠܡܲܕ݂ܢ̱ܚܵܐ: ܘܢܸܪܗ̱ܛܘܼܢ ܠܡܸܒ̣ܥܵܐ ܦܸܬ̣ܓ̣ܵܡܹܗ ܕܡܵܪܝܵܐ ܘܠܵܐ ܢܸܫܟ̇ܚܘܼܢ.
[No book] [13]ܒܹܗ ܒܝܵܘܡܵܐ ܗܵܘ̇: ܢܸܬ̇ܛܲܪ̈ܦܵܢ ܒܬ̣ܘܼ̈ܠܵܬ̣ܵܐ ܫܲܦܝܼܪ̈ܵܬ̣ܵܐ: ܘܓܲܕ̇ܘܼ̈ܕܹܐ ܒܨܲܗܝܵܐ.
[No book] [14]ܕܝܵܡܹ̇ܝܢ ܗ̄ܘܼܵܘ ܒܲܦܬܲܟ݂ܪܹ̈ܐ ܕܫܵܡܪܹܝܢ ܘܐܵܡ̇ܪܝܼܢ: ܚܲܝ ܐܵܠܵܗܵܟ݂ ܕܵܢ: ܘܚܲܝܵܐ ܐܘܼܪܚܵܐ ܕܒܹܪܫܒܲܥ: ܘܢܸܦܠܘܼܢ ܘܠܵܐ ܢܩܘܼܡܘܼܢ.
Author: Samuel Prideaux Tregelles, LL. D. (1813–1875)
Source: www.hagiascriptura.com

See information...
Top