|
|
| [1]Hæc ostendit mihi Dominus Deus: et ecce uncinus pomorum. |
[No book] |
| [2]Et dixit: Quid tu vides, Amos? Et dixi: Uncinum pomorum. Et dixit Dominus ad me: Venit finis super populum meum Israël; non adjiciam ultra ut pertranseam eum. |
[No book] |
| [3]Et stridebunt cardines templi in die illa, dicit Dominus Deus: multi morientur; in omni loco projicietur silentium. |
[No book] |
| [4]Audite hoc, qui conteritis pauperem, et deficere facitis egenos terræ, |
[No book] |
| [5]dicentes: Quando transibit mensis, et venundabimus merces? et sabbatum, et aperiemus frumentum, ut imminuamus mensuram, et augeamus siclum, et supponamus stateras dolosas, |
[No book] |
| [6]ut possideamus in argento egenos et pauperes pro calceamentis, et quisquilias frumenti vendamus? |
[No book] |
| [7]Juravit Dominus in superbiam Jacob: Si oblitus fuero usque ad finem omnia opera eorum. |
[No book] |
| [8]Numquid super isto non commovebitur terra, et lugebit omnis habitator ejus, et ascendet quasi fluvius universus, et ejicicetur, et defluet, quasi rivus Ægypti? |
[No book] |
| [9]Et erit in die illa, dicit Dominus Deus: occidet sol in meridie, et tenebrescere faciam terram in die luminis: |
[No book] |
| [10]et convertam festivitates vestras in luctum, et omnia cantica vestra in planctum, et inducam super omne dorsum vestrum saccum, et super omne caput calvitium: et ponam eam quasi luctum unigeniti, et novissima ejus quasi diem amarum. |
[No book] |
| [11]Ecce dies veniunt, dicet Dominus, et mittam famem in terram: non famem panis, neque sitim aquæ, sed audiendi verbum Domini. |
[No book] |
| [12]Et commovebuntur a mari usque ad mare, et ab aquilone usque ad orientem: circuibunt quærentes verbum Domini, et non invenient. |
[No book] |
| [13]In die illa deficient virgines pulchræ et adolescentes in siti, |
[No book] |
| [14]qui jurant in delicto Samariæ, et dicunt: Vivit Deus tuus, Dan, et vivit via Bersabee; et cadent, et non resurgent ultra. |
[No book] |