|
|
| [No book] |
[1]ܒܲܫܢܲܬ̣ ܚܕܼܵܐ ܕܕܲܪܝܵܘܵܫ ܡܵܕܼܵܝܵܐ: ܩܵܡ̣ ܠܲܡܚܲܝܵܠܘܼܬܲܢܝ ܘܠܲܡܥܲܫܵܢܘܼܬܲܢܝ. |
| [No book] |
[2]ܡܸܟܹ̇ܝܠ ܒܩܘܼܫܬܵܐ ܐܹܚܵܘܹܝܟ: ܬܘܼܒ̣ ܬܠܵܬ̣ܵܐ ܡܲܠܟ̇ܝܼ̈ܢ ܢܩܘܼܡܘܿܢ ܒܦܵܪܹܣ: ܘܲܪܒ̣ܝܼܥܵܝܵܐ ܢܸܥܬܲܪ ܥܘܼܬ̣ܪܵܐ ܪܲܒܵܐ: ܝܲܬ̇ܝܼܪ ܡ̣ܢ ܟܠܗܘܿܢ: ܘܡܵܐ ܕܲܥܫܸܢ ܒܐܲܬ̣ܪܹܗ: ܢܥܝܼܪ ܟܠ ܡܲܠܟ̇ـ̈ـܘܵܬ̣ܗܘܿܢ ܕܝܵܘܢܵܝܹ̈ܐ. |
| [No book] |
[3]ܘܲܢܩܘܼܡ ܡܲܠܟܵܐ ܓܲܢ̄ܒܵܪܵܐ: ܘܢܸܫܠܲܛ ܫܘܼܠܛܵܢ ܪܲܒ̇: ܘܢܸܥܒܸ̇ܕܼ ܐܲܝܟ ܨܸܒ̣ܝܵܢܹܗ. |
| [No book] |
[4]ܘܟܲܕܼ ܩܵܐܹ̇ܡ ܬܸܬ̇ܒܲܪ ܡܲܠܟ̇ܘܼܬܹܗ: ܘܬܸܬ̣ܒܲܕܲܪ ܠܐܲܪܒܲܥ ܪ̈ܘܼܚܲܝ ܫܡܲܝܵܐ: ܘܠܵܐ ܐܲܝܟ ܣܵܘܦܵܗ̇: ܘܠܵܐ ܐܲܝܟ ܫܘܼܠܛܵܢܹܗ ܕܐܸܫܬܲܠܲܛ: ܐܸܠܵܐ ܬܸܬ̣ܥ̱ܩܲܪ ܡܲܠܟ̇ܘܼܬܹܗ: ܘܠܲܝܬ̇ ܐ̄ܚܪܹܝܢ ܠܒܲܪ ܡ̣ܢ ܗܵܠܹܝܢ. |
| [No book] |
[5]ܘܢܸܥܫܲܢ ܡܲܠܟܵܐ ܕܬܲܝܡܢܵܐ: ܘܪܵܘܪ̈ܒ̣ܵܢܵܘܗܝ: ܘܢܸܬ̣ܩܲܦ ܥܠܵܘܗܝ ܘܢܸܫܠܲܛ ܫܘܼܠܛܵܢ ܪܲܒ̇. |
| [No book] |
[6]ܘܲܠܣܘܿܦ ܫܢܲـ̈ـܝܵܐ ܢܸܫܬ̇ܘܘܿܢ: ܘܒܲܪܬ̣ ܡܲܠܟܵܐ ܕܬܲܝܡܢܵܐ: ܬܹܐܙܲܠ ܠܘܵܬ̣ ܡܲܠܟܵܐ ܕܓܲܪܒ̇ܝܵܐ ܠܡܸܥܒܲܕܼ ܫܲܝܢܵܐ ܒܲܝܢܵܬ̣ܗܘܿܢ: ܘܠܵܐ ܢܸܗܘܹܐ ܒܵܗ̇ ܚܹܝܠ ܡ̣ܢ ܕܸܚ̱ܠܬ̣ܵܐ ܕܬܸܕܼܚܲܠ: ܘܬܸܫܬ̇ܠܸܡ ܗ̤ܝ ܘܡܲܝܬ̇ܝܵܢܹ̈ܝܗ̇: ܘܲܥܠܲܝ̈ܡܵܬ̣ܵܗ̇ ܘܲܡܬܲܩܦܵܢܹ̈ܝܗ̇ ܒܙܲܒ̣ܢܵܐ ܗܵܘܿ. |
| [No book] |
[7]ܘܲܢܩܘܼܡ ܡ̣ܢ ܥܸܩܵܪܵܐ ܕܙܲܪܥܹܗ: ܥܲܠ ܐܲܬ̣ܪܹܗ: ܘܢܹܐܬܹܐ ܒܚܲܝܠܵܐ ܘܢܹܐܬܹܐ ܒܬ̣ܘܼܩܦܵܐ: ܥܲܠ ܡܲܠܟܵܐ ܕܓܲܪܒ̇ܝܵܐ: ܘܢܸܥܒܲܪ ܒܗܘܿܢ ܘܢܸܬ̣ܩܲܦ. |
| [No book] |
[8]ܘܐܵܦ ܕܸܚ̈ܠܵܬ̣ܗܘܿܢ: ܘܡܵܐܢܲܝ̈ ܪܸܓܲܬ̣ܗܘܿܢ: ܟܸܣܦܵܐ: ܘܕܲܗܒ̣ܵܐ ܘܲܫܒ̣ܝܼܬ̣ܵܐ: ܢܲܚܸܬ̣ ܠܡܸܨܪܹܝܢ: ܘܗ̤ܘ ܚܲܕܼ ܬܪܹܝܢ ܢܩܘܼܡ ܥܲܠ ܡܲܠܟܵܐ ܕܓܲܪܒ̇ܝܵܐ. |
| [No book] |
[9]ܘܢܸܥܘܿܠ ܒܲܬ̣ܩܘܿܦ ܡܲܠܟܵܐ ܕܬܲܝܡܢܵܐ ܘܢܸܗܦܘܿܟ ܠܐܲܪܥܹܗ. |
| [No book] |
[10]ܘܲܒ̣ܢܵܘ̈ܗܝ ܢܸܬ̣ܓܲܪܘܿܢ: ܘܲܢܟܲܢܫܘܼܢ ܚܲܝ̈ܠܝܼܢ ܣܲܓܝܼܐܝܼܢ: ܘܢܸܥܠܘܼܢ ܥܠܵܘܗܝ: ܘܢܸܓܪ̱ܦܘܼܢ ܘܢܸܥܒ̇ܕܘܼܢ: ܘܢܸܗܦܟ̣ܘܿܢ ܘܢܸܬ̣ܓܲܪܘܿܢ ܥܕܲܡܵܐ ܠܥܘܼܫܢܵܐ. |
| [No book] |
[11]ܘܢܸܬ̣ܡܲܪܡܲܪ ܡܲܠܟܵܐ ܕܬܲܝܡܢܵܐ: ܘܢܸܦܘܿܩ ܢܹܐܪܥܝܼܘܗܝ ܠܡܲܠܟܵܐ ܕܓܲܪܒ̇ܝܵܐ. ܘܲܢܩܝܼܡ ܚܹܝܠ ܪܲܒ̇. ܘܢܸܫܬ̇ܠܸܡ ܚܲܝܠܵܐ ܗܵܘܿ ܒܐܝܼܕܹܗ. |
| [No book] |
[12]ܘܢܵܘܒ̇ܕܼܝܼܘܗܝ ܠܚܲܝܠܵܐ: ܘܢܸܬ̇ܬ̇ܪܝܼܡ ܠܸܒܹ̇ܗ: ܘܢܲܪܡܸܐ ܣܲܓ̇ܝܼ̈ܐܝܼܢ: ܘܠܵܐ ܢܸܬ̣ܩܲܦ. |
| [No book] |
[13]ܘܢܸܗܦܘܿܟ ܡܲܠܟܵܐ ܕܓܲܪܒ̇ܝܵܐ: ܘܲܢܩܝܼܡ ܚܲܝܠܵܐ ܕܣܲܓ̇ܝܼ ܡ̣ܢ ܩܲܕܼܡܵܝܵܐ: ܘܲܠܫܘܼܠܵܡ ܙܲܒ̣ܢܵܐ: ܚܲܕܼ ܬܪܹܝܢ ܢܹܐܬܹܐ ܒܡܹܐܬ̣ܝܹܗ ܒܚܹܝܠ ܣܲܓ̇ܝܼ: ܘܲܒ̣ܦܲܪ̈ܵܫܝܼܢ ܬܲܩܝܼܦܝܼܢ. |
| [No book] |
[14]ܘܲܒ̣ܙܲܒ̣ܢܵܐ ܗܵܘܿ: ܣܲܓ̇ܝܼ̈ܐܹܐ ܢܩܘܼܡܘܼܢ ܥܲܠ ܡܲܠܟܵܐ ܕܓܲܪܒ̇ܝܵܐ: ܘܲܒ̣ܢܲܝ̈ ܥܵܘܼܠܵܐ ܥܲܡܵܟ ܢܸܬ̇ܬ̇ܪܝܼܡܘܼܢ ܠܲܡܩܵܡܘܼ ܚܸܙܘܵܐ ܘܢܸܣܬܲܚܦܘܼܢ. |
| [No book] |
[15]ܘܢܹܐܬܹܐ ܡܲܠܟܵܐ ܕܓܲܪܒ̇ܝܵܐ: ܘܢܲܟ̣ܡܸܢ ܟܡܹܐܢܹ̈ܐ ܘܢܸܟ̣ܒ̇ܘܿܫ ܚܸܣܢܝܼ̈ܢ ܬܲܩܝܼܦܝܼܢ: ܘܲܕܼܪܵܥܵܐ ܕܬܲܝܡܢܵܐ ܠܵܐ ܢܩܘܼܡ: ܡܸܛܠ ܕܠܲܝܬ̇ ܒܗܘܿܢ ܚܲܝܠܵܐ ܠܲܡܩܵܡ: ܘܲܢܩܘܼܡܘܼܢ ܓܒܲـ̈ـܝܵܐ ܕܥܲܡܵܐ: ܘܠܵܐ ܢܸܫܟ̇ܚܘܼܢ ܡܸܛܠ ܕܠܲܝܬ̇ ܒܗܘܿܢ ܚܲܝܠܵܐ ܠܲܡܩܵܡ. |
| [No book] |
[16]ܘܢܸܥܒܸ̇ܕܼ ܗܵܘܿ ܕܐܵܬ̣ܵܐ ܥܠܵܘܗܝ: ܐܲܝܟ ܨܸܒ̣ܝܵܢܹܗ: ܘܠܲܝܬ̇ ܕܲܢܩܘܼܡ ܩܘܼܕܼܡܵܘܗܝ: ܘܲܢܩܘܼܡ ܒܐܲܪܥܵܐ ܕܝܼܣܪܵܝܹܠ: ܘܬܸܫܬ̇ܠܸܡ ܒܐܝܼܕܼܵܘ̈ܗܝ. |
| [No book] |
[17]ܘܲܢܣܝܼܡ ܐܲܦܵܘ̈ܗܝ ܠܡܸܥܲܠ ܒܲܬ̣ܩܘܿܦ ܟܠ ܡܲܠܟ̇ـ̈ـܘܵܬ̣ܵܐ: ܘܟ̣ܠ ܥܲܡܹܗ ܢܸܥܒܲܪ: ܘܒܲܪܬ̣ ܐ̄ܢܵܫܵܐ ܬܸܬ̣̱ܝܼܗܸܒ̣ ܠܹܗ ܠܲܡܚܲܒܵܠܘܼܬܹܗ: ܘܠܵܐ ܬܩܘܼܡ ܘܠܵܐ ܬܸܗܘܹܐ ܕܝܼܠܹܗ. |
| [No book] |
[18]ܘܢܲܗܦܸܟ ܐܲܦܵܘ̈ܗܝ ܥܲܠ ܓܵܙܪ̈ܵܬ̣ܵܐ ܕܝܲܡܵܐ: ܘܢܸܟ̣ܒ̇ܘܿܫ ܣܲܓ̇ܝܼ̈ܐܹܐ: ܘܲܢܒܲܛܸܠ ܫܲܠܝܼܛܵܐ ܕܲܡܚܲܣܸܕܼ ܗ̄ܘܼܵܐ ܠܹܗ: ܘܚܸܣܕܹ̇ܗ ܢܲܗܦܸܟ ܠܹܗ. |
| [No book] |
[19]ܘܲܢܣܝܼܡ ܐܲܦܵܘ̈ܗܝ ܥܲܠ ܬܘܼܩܦܵܗ̇ ܕܐܲܪܥܵܐ: ܘܢܸܣܬ̇ܚܸܦ ܘܢܸܦܸܠ ܘܠܵܐ ܢܸܫܬ̇ܟܲܚ. |
| [No book] |
[20]ܘܲܢܩܘܼܡ ܥܲܠ ܡܲܬ̣ܩܢܹܗ: ܡܲܥܒܲܪ ܫܘܼܠܛܵܢ ܘܲܗܕܲܪ ܡܲܠܟ̇ـ̈ـܘܵܢ: ܘܲܒ̣ܝܵܘ̈ܡܵܬ̣ܵܐ ܙܥܘܿܪܹ̈ܐ ܢܸܬ̇ܬ̇ܒܲܪ: ܠܵܐ ܒܪܘܼܓ̣ܙܵܐ ܘܠܵܐ ܒܩܹܐܪܣܵܐ. |
| [No book] |
[21]ܘܲܢܩܘܼܡ ܥܲܠ ܐܲܬ̣ܪܹܗ ܚܲܠܵܫܵܐ: ܘܠܵܐ ܢܸܬ̣̱ܝܼܗܸܒ̣ ܥܠܵܘܗܝ ܗܕܲܪ ܡܲܠܟ̇ـ̈ـܘܵܬ̣ܵܐ ܒܫܵܪ̈ܥܵܬ̣ܵܐ. |
| [No book] |
[22]ܘܬ̣ܘܼܩܦܗܘܿܢ ܕܟܲܪ̈ܟܹܐ ܢܸܬ̣ܒ̇ܙܸܙ: ܘܢܸܬ̇ܬܲܒ̣ܪܘܼܢ ܡ̣ܢ ܩܕܼܵܡܵܘܗܝ ܐܵܦ ܡܕܲܒ̇ܪ̈ܵܢܹܐ ܕܲܕܼܝܵܬܹܩܹܐ. |
| [No book] |
[23]ܘܡ̣ܢ ܐܲܝܠܹܝܢ ܕܡܸܫܬܵܘܬ̇ܦܝܼܢ ܠܹܗ ܢܸܥܒ̇ܕܼܘܼܢ ܥܠܵܘܗܝ ܢܸܟ̣ܠܵܐ. |
| [No book] |
[24]ܘܢܸܣܲܒ̣ ܘܢܸܬ̣ܩܲܦ ܒܥܲܡܵܐ ܙܥܘܿܪܵܐ: ܘܲܒ̣ܫܲܡ̈ܝܼܢܹܐ ܕܲܡܕܝܼ̈ܢܵܬ̣ܵܐ: ܘܢܸܥܒܸ̇ܕܼ ܡܸܕܹ̇ܡ ܕܠܵܐ ܥ̣ܒܲܕܼܘ ܐܲܒ̣ܵܗܵܘ̈ܗܝ: ܘܐܲܒ̣ܵܗܹ̈ܐ ܕܐܲܒ̣ܵܗܵܘ̈ܗܝ: ܘܒܸܙܬ̣ܵܐ ܘܲܫܒ̣ܝܼܬ̣ܵܐ ܘܩܸܢܝܵܢܗܘܿܢ ܢܸܕܼܒܲܪ: ܘܥܲܠ ܟܲܪ̈ܟܲܝܗܘܿܢ ܢܸܬ̣ܚܲܫܲܒ̣ ܡܲܚܫ̈ܒ̣ܵܢ. |
| [No book] |
[25]ܘܲܥܕܲܡܵܐ ܠܙܲܒ̣ܢܵܐ: ܢܸܬ̇ܬ̇ܥܝܼܪ ܚܲܝܠܹܗ ܘܠܸܒܹ̇ܗ ܥܲܠ ܡܲܠܟܵܐ ܕܬܲܝܡܢܵܐ: ܒܚܹܝܠ ܪܲܒ̇ ܘܬܲܩܝܼܦ: ܘܡܲܠܟܵܐ ܕܬܲܝܡܢܵܐ ܢܸܬ̣ܓܲܪܲܓ̣ ܠܲܩܪܵܒ̣ܵܐ ܒܚܲܝܠܵܐ ܪܲܒܵܐ: ܘܢܸܥܫܲܢ ܪܵܘܪܒ̣ܵܐܝܼܬ̣ ܘܠܵܐ ܢܩܘܼܡ: ܡܸܛܠ ܕܢܸܬ̣ܚܲܫܒ̣ܘܼܢ ܥܠܵܘܗܝ ܡܲܚܫ̈ܒ̣ܵܢ. |
| [No book] |
[26]ܘܐܵܟ̣ܠܲܝ̈ ܦܲܛܒ̣ܵܓܹܗ ܢܸܬ̣ܒ̇ܪܘܼܢܹܗ: ܘܚܲܝܠܹܗ ܢܸܬ̣ܒܲܕܲܪ: ܘܢܸܦܠܘܼܢ ܚܪ̈ܝܼܒܹܐ ܣܲܓ̇ܝܼ̈ܐܹܐ. |
| [No book] |
[27]ܘܲܬ̣ܪ̈ܲܝܗܘܿܢ ܡܲܠ̈ܟܹ̇ܐ ܗܵܠܹܝܢ: ܠܸܒ̇ܗܘܿܢ ܠܒ̣ܝܼܫܬܵܐ: ܘܥܲܠ ܚܲܕܼ ܦܵܬ̣ܘܿܪܵܐ ܢܸܟ̣ܠܵܐ ܢܡܲܠܠܘܼܢ: ܘܠܵܐ ܢܲܨܠܚܘܼܢ: ܡܸܛܠ ܕܡܲܛܝܼ ܩܸܨܵܐ ܠܙܲܒ̣ܢܹܗ. |
| [No book] |
[28]ܘܢܸܗܦܘܿܟ ܠܐܲܪܥܹܗ ܒܚܹܝܠ ܣܲܓ̇ܝܼ: ܘܠܸܒܹ̇ܗ ܥܲܠ ܩܝܵܡܵܐ ܩܲܕ̇ܝܼܫܵܐ. |
| [No book] |
[29]ܘܢܸܥܒܸ̇ܕܼ ܐܲܝܟ ܕܲܒ̣ܩܲܕܼܡܵܝܬܵܐ: ܘܐܵܦ ܒܲܐ̄ܚܪܵܝܬܵܐ. |
| [No book] |
[30]ܘܢܹܐܬ̣̈ܝܵܢ ܥܠܵܘܗܝ ܡܲܫ̱ܪ̈ܝܵܬ̣ܵܐ ܕܟܹܬ̣ܼܵܝܹ̈ܐ ܘܢܸܬ̣ܒ̇ܪܘܼܢܹܗ: ܘܢܸܗܦܘܿܟ ܘܢܸܪܓܲܙ ܥܲܠ ܩܝܵܡܵܐ ܩܲܕ̇ܝܼܫܵܐ: ܘܢܸܬ̣ܒܲܝܲܢ ܒܐܲܝܠܹܝܢ ܕܲܫܒܲܩ̣ܘ ܩܝܵܡܵܐ ܩܲܕ̇ܝܼܫܵܐ. |
| [No book] |
[31]ܘܬܘܼܩܦܗܘܿܢ ܡܸܢܗܘܿܢ ܢܩܘܼܡ: ܘܲܢܛܲܢܦܘܼܢ ܡܲܩܕ̇ܫܵܐ ܥܲܫܝܼܢܵܐ: ܘܢܲܥܒ̇ܪܘܼܢ ܩܘܼܪ̈ܒܵܢܹܐ: ܘܢܸܬ̇ܠܘܼܢ ܛܲܢܦܘܼܬ̣ܸܵܐ ܠܲܚܒ̣ܵܠܵܐ. |
| [No book] |
[32]ܘܐܲܝܠܹܝܢ ܕܡܲܥܠܹܝܢ ܥܲܠ ܩܝܵܡܵܐ: ܢܚܲܝܸܒ̣ ܐܸܢܘܿܢ. |
| [No book] |
[33]ܘܥܲܡܵܐ ܕܝܵܕܼܥܝܼܢ ܕܸܚ̱ܠܬ̣ܵܐ ܢܸܬ̣ܩ̄ܦܘܼܢ. ܘܙܲܕ̇ܝܼܩܵܘ̈ܗܝ ܕܥܲܡܵܐ ܢܲܠܦܘܼܢ ܠܣܲܓ̇ܝܼ̈ܐܹܐ: ܘܢܸܬ̇ܬܲܩܠܘܼܢ ܒܚܲܪܒܵܐ ܘܲܒ̣ܢܘܼܪܵܐ ܒܫܸܒ̣ܝܵܐ ܘܲܒ̣ܒܸܙܬ̣ܵܐ ܝܵܘܡ̈ܝܼܢ ܐܵܠܸܦ. |
| [No book] |
[34]ܘܡܵܐ ܕܐܸܣܬ̇ܚܸܦܘ: ܢܸܬ̣ܥܲܕ̇ܪܘܼܢ ܥܘܼܕܼܪܵܢܵܐ ܩܲܠܝܼܠ: ܘܢܸܬ̇ܬܵܘܣܦܘܼܢ ܥܠܲܝܗܘܿܢ ܣܲܓ̇ܝܼ ܒܦܵܠܓ̣ܘܼܬ̣ܵܐ. |
| [No book] |
[35]ܘܡ̣ܢ ܚܲܟ̇ܝܼܡܹ̈ܐ ܢܸܣܬܲܚܦܘܼܢ ܠܡܸܒ̣ܚܲܪ ܒܗܘܿܢ: ܘܲܠܡܸܬ̣ܒܲܝܵܢܘܼ ܥܲܠ ܩܸܨܵܐ: ܡܸܛܠ ܕܬ̣ܘܼܒ̣ ܐܝܼܬ̣ ܢܘܼܓ̣ܪܵܐ ܠܙܲܒ̣ܢܵܐ. |
| [No book] |
[36]ܘܢܸܥܒܸ̇ܕܼ ܡܲܠܟܵܐ ܐܲܝܟ ܨܸܒ̣ܝܵܢܹܗ: ܘܢܸܬ̇ܬ̇ܪܝܼܡ ܥܲܠ ܟܠ ܐܲܠܵܗ: ܘܥܲܠ ܐܵܠܵܗ ܐܲܠܵܗ̈ܝܼܢ ܢܡܲܠܸܠ ܪܵܘܪ̈ܒ̣ܵܢ: ܘܢܲܨܠܲܚ ܥܲܕܼ ܢܸܫܠܲܡ ܪܘܼܓ̣ܙܵܐ: ܡܸܛܠ ܕܦܵܣܝܼܩܬܵܐ ܐܸܬ̣ܥܲܒ̣ܕܲܬ̤. |
| [No book] |
[37]ܘܒܲܐܠܵܗܵܐ ܕܐܲܒ̣ܵܗܵܘ̈ܗܝ ܠܵܐ ܢܸܬ̣ܒܲܝܲܢ: ܘܥܲܠ ܪܸܓܲܬ̣ ܢܸܫܹ̈ܐ ܘܥܲܠ ܟܠ ܐܲܠܵܗ ܠܵܐ ܢܸܬ̣ܚܲܫܲܒ̣: ܐܸܠܵܐ ܥܲܠ ܟܠ ܢܸܬ̇ܬ̇ܪܝܼܡ. |
| [No book] |
[38]ܘܠܲܐܠܵܗܵܐ ܥܲܫܝܼܢܵܐ ܥܲܠ ܡܲܬ̣ܩܢܹܗ ܢܝܲܩܲܪ: ܒܕܲܗܒ̣ܵܐ ܘܲܒ̣ܟܸܣܦܵܐ: ܘܲܒ̣ܚܘܼܡܪܹ̈ܐ ܛܵـ̈ـܒ̣ܵܬ̣ܵܐ: ܘܲܒ̣ܪܸܓ̇ܬ̣ܵܐ. |
| [No book] |
[39]ܘܢܸܥܒܲܪ ܠܟܲܪ̈ܟܹܐ ܥܲܫ̈ܝܼܢܹܐ ܥܲܠ ܐܲܠܵܗܹ̈ܐ ܢܘܼܟ̣ܪ̈ܵܝܹܐ: ܕܢܸܚܙܹܐ ܘܢܸܫܠܲܛ ܒܣܲܓ̇ܝܼ̈ܐܹܐ: ܘܐܲܪܥܵܐ ܢܦܲܠܸܓ̣ ܒܲܕܼܡܲܝܵܐ. |
| [No book] |
[40]ܘܲܒ̣ܥܸܕܵܢ ܩܸܨܵܐ ܢܸܬ̣ܟܲܬܲܫ ܥܲܡܹܗ ܡܲܠܟܵܐ ܕܬܲܝܡܢܵܐ: ܘܢܸܬ̇ܬ̇ܙܝܼܥ ܥܠܵܘܗܝ ܡܲܠܟܵܐ ܕܓܲܪܒ̇ܝܵܐ: ܒܙܵܘ̈ܓܹ̇ܐ ܘܲܒ̣ܦܲܪ̈ܵܫܹܐ: ܘܒܸܐܠܦܹ̈ܐ ܣܲܓ̇ܝܼ̈ܐܵܬ̣ܵܐ: ܘܢܸܥܘܿܠ ܒܐܲܪܥܵܐ. |
| [No book] |
[41]ܘܢܸܡܛܸܐ ܠܐܲܪܥܵܐ ܕܝܼܣܪܵܝܹܠ: ܘܣܲܓ̇ܝܼ̈ܐܹܐ ܢܸܬ̣ܩܲܛܠܘܼܢ: ܘܗܵܠܹܝܢ ܢܸܬ̣ܦܲܨܘܿܢ ܡ̣ܢ ܐܝܼܕܼܵܘ̈ܗܝ: ܐܲܕܼܘܿܡ ܘܡܘܼܐܵܒ̣: ܘܫܲܪܟܵܐ ܕܲܒ̣ܢܲܝ̈ ܥܲܡܘܿܢ. |
| [No book] |
[42]ܘܢܵܘܫܸܛ ܐܝܼܕܹܗ ܒܐܲܬ̣ܪ̈ܵܘܵܬ̣ܵܐ: ܘܐܲܪܥܵܐ ܕܡܸܨܪܹܝܢ ܠܵܐ ܬܸܫܬܵܘܙܲܒ̣ ܡ̣ܢ ܐܝܼܕܼܵܘ̈ܗܝ. |
| [No book] |
[43]ܘܢܸܫܠܲܛ ܒܹܝܬ̣ ܓܲܙܵܐ ܕܕܲܗܒ̣ܵܐ ܘܲܕܼܣܹܐܡܵܐ ܘܲܕܼܟ̣ܠ ܪܸܓܲܬ̣ ܡܸܨܪܹܝܢ: ܘܠܹܘܒ̣ܵܝܹ̈ܐ ܘܟ̣ܘܼܫܵܝܹ̈ܐ ܢܸܗܘܘܿܢ ܒܥܘܼܕܼܪܵܢܹܗ. |
| [No book] |
[44]ܘܛܵـ̈ـܒܹ̇ܐ ܢܣܲܪܗܒ̣ܘܢܹܗ ܡ̣ܢ ܡܲܕܢ̱ܚܵܐ ܘܡ̣ܢ ܓܲܪܒ̇ܝܵܐ: ܘܢܸܦܘܿܩ ܒܚܸܡܬ̣ܵܐ ܪܲܒ̇ܬ̣ܵܐ ܠܡܸܚܪܲܒ̣ ܘܲܠܡܵܘܒܵܕܼܘܼ ܠܣܲܓ̇ܝܼ̈ܐܹܐ. |
| [No book] |
[45]ܘܢܸܩܘܿܫ ܡܲܫܟ̇ܢܹܗ ܒܐܲܬ̣ܪܵܐ ܫܲܦܝܵܐ: ܒܹܝܬ̣ ܝܲܡܵܐ ܠܛܘܼܪܵܐ: ܘܢܸܛܲܪ ܩܘܼܕܼܫܹܗ ܘܢܸܡܛܸܐ ܥܸܕܵܢ ܩܸܨܹܗ: ܘܠܵܐ ܢܸܗܘܹܐ ܠܹܗ ܡܥܲܕ̇ܪܵܢܵܐ. |