Warning: file_put_contents(/var/www/vhosts/firenewt.net/esb.bible/httpdocs/app/dat/scroll/Lao.en/cache.txt): Failed to open stream: Permission denied in /var/www/vhosts/firenewt.net/esb.bible/httpdocs/app/funcs.inc line 923

[1] file:  (line ): handle_error()
[2] file: /var/www/vhosts/firenewt.net/esb.bible/httpdocs/app/funcs.inc (line 923): file_put_contents()
[3] file: /var/www/vhosts/firenewt.net/esb.bible/httpdocs/app/funcs.inc (line 1519): Scroll->load()
[4] file: /var/www/vhosts/firenewt.net/esb.bible/httpdocs/app/page/scroll.inc (line 639): new_scroll()
[5] file: /var/www/vhosts/firenewt.net/esb.bible/httpdocs/app/page.inc (line 177): require()
[6] file: /var/www/vhosts/firenewt.net/esb.bible/httpdocs/app/app.php (line 112): require()
[7] file: /var/www/vhosts/firenewt.net/esb.bible/httpdocs/index.php (line 20): require()
ESB | Dan 13 | PesOT, Lao.en
➖ »
«
➖ ➕
Peshitta OT
PesOT
Epistle to the Laodiceans (English)
Lao[EN]
←
Daniel
Dan
13
→
[1]ܐܝܼܬ̣ ܗ̄ܘܼܵܐ ܓܲܒ̣ܪܵܐ ܚܲܕܼ ܥܵܡܲܪ ܒܒ̣ܵܒܹܠ: ܫܡܹܗ ܝܘܿܝܵܩܝܼܡ. [No book]
[2]ܘܲܫܩܲܠ ܠܹܗ ܐܲܢ̄ܬ̇ܬ̣ܵܐ: ܘܲܫܡܵܗ̇ ܫܘܿܫܲܢ. ܒܲܪܬܹܗ ܕܗܲܠܩܵܢܵܐ: ܘܫܲܦܝܼܪܵܐ ܗ̄ܘܼܵܬ̣ ܛܵܒ̣: ܘܕܼܵܚ̇ܠܵܐ ܡ̣ܢ ܡܵܪܝܵܐ. [No book]
[3]ܘܐ̄ܢܵܫܹ̈ܝܗ̇. ܟܠܗܘܿܢ ܙܲܕ̇ܝܼܩܝܼܢ ܗ̄ܘܼܵܘ. ܘܐܲܠ̣ܦܘܼܗ̇ ܠܒܲܪܬ̣ܗܘܿܢ ܟܠܗܘܿܢ ܦܘܼܩܕܵܢܵܘ̈ܗܝ ܕܡܘܼܫܹܐ. [No book]
[4]ܘܗ̤ܘ ܝܘܿܝܵܩܝܼܡ ܒܲܥܠܵܗ̇ ܥܲܬ̇ܝܼܪ ܗ̄ܘܼܵܐ ܛܵܒ̣ ܣܘܿܓ̣ܵܐܐ. ܘܐܝܼܬ̣ ܗ̄ܘܼܵܐ ܠܹܗ ܦܲܪܕܲܝܣܵܐ ܚܕܲܪ ܒܲܝܬܹ̇ܗ. ܘܲܠܘܵܬܹܗ ܟܵܢ̇ܫܝܼܢ ܗ̄ܘܼܵܘ ܝܗ̄ܘܼ̈ܕܼܵܝܹܐ: ܡܸܛܠ ܕܲܡܝܲܬܲܪ ܗ̄ܘܼܵܐ ܡ̣ܢ ܟܠܗܘܿܢ. [No book]
[5]ܒܙܲܒ̣ܢܵܐ ܗܵܘܿ: ܩܵܡ̣ܘ ܬܪܹܝܢ ܩܲܫܝܼ̈ܫܹܐ ܒܥܲܡܵܐ. ܘܐܝܼܬܲܝܗܘܿܢ ܗ̄ܘܼܵܘ ܪܹ̈ܫܵܢܹܐ ܕܥܲܡܵܐ ܘܕܲܝܵܢܹ̈ܐ ܒܫܲܢ̄ܬܵܐ ܗܵܝ̇. ܕܲܥܠܲܝܗܘܿܢ ܡܲܠܸܠ̣ ܐܲܠܵܗܵܐ. ܕܡܸܢܗܘܿܢ ܢܵܦܹ̇ܩ ܪܘܼܫܥܵܐ ܡ̣ܢ ܒܵܒܹܠ. ܡܸܢܗܘܿܢ ܡ̣ܢ ܩܲܫܝܼܫܹ̈ܐ ܘܡ̣ܢ ܕܲܝܵܢܹ̈ܐ ܗܵܢ̇ܘܿܢ ܕܲܡܫܲܡܫܝܼܢ ܗ̄ܘܼܵܘ ܒܗܲܝܟ̇ܠܵܐ. [No book]
[6]ܗܸܢ̣ܘܿܢ ܗܵܠܹܝܢ ܐܵܬܹ̇ܝܢ ܗ̄ܘܼܵܘ ܐܲܡܝܼܢܵܐܝܼܬ̣ ܠܒܲܝܬܹ̇ܗ ܕܝܘܿܝܵܩܝܼܡ. ܘܐܵܬܹ̇ܝܢ ܗ̄ܘܼܵܘ ܟܠ ܐܲܝܠܹܝܢ ܕܐܝܼܬ̣ ܠܗܘܿܢ ܕܝܼܢܵܐ: ܘܡܸܬ̇ܬ̇ܕ̇ܝܼܢܲܢ. [No book]
[7]ܘܲܗܘ̤ܵܐ ܕܟܲܕܼ ܐܸܙܲܠ̣ ܟܠܹܗ ܥܲܡܵܐ ܒܦܸܠܓܹ̇ܗ ܕܝܵܘܡܵܐ: ܐܸܙܲܠ̄ܬ̣ ܗ̄ܘܼܵܬ̤ ܫܘܿܫܲܢ: ܗ̤ܝ ܘܛܲܠ̈ܝܵܬ̣ܵܗ̇ ܠܦܲܪܕܲܝܣܵܐ ܕܒܲܥܠܵܗ̇. [No book]
[8]ܘܚܵܙܹ̇ܝܢ ܗ̄ܘܼܵܘ ܠܵܗ̇ ܟܠ ܝܘܿܡ ܗܵܢ̇ܘܿܢ ܩܲܫܝܼܫܹ̈ܐ: ܟܲܕܼ ܡܗܲܠܟ̣ܵܐ ܗ̄ܘܼܵܬ̣ ܘܐܵܙܵܠ̄ܐ ܠܦܲܪܕܲܝܣܵܐ ܕܒܲܥܠܵܗ̇. [No book]
[9]ܘܪܲܓ̇ܘܼܗ̇: ܘܐܸܬ̣̱ܗܦܸܟ ܡܲܕܲܥܗܘܿܢ. ܘܐܲܪܟܸ̇ܢܘ ܥܲܝܢܲܝ̈ܗܘܿܢ: ܕܠܵܐ ܢܚܘܼܪܘܼܢ ܒܲܫܡܲܝܵܐ. ܘܠܵܐ ܢܸܬ̇ܕܲܟ̣ܪܘܼܢ ܬܘܼܒ̣ ܥܲܡ ܙܲܕ̇ܝܼܩܹ̈ܐ. [No book]
[10]ܘܪܲܓ̇ܘܼܗ̇ ܬܪ̈ܲܝܗܘܿܢ ܠܡܸܗܘܵܐ ܥܲܡܵܗ̇ ܐܲܝܟ ܐܘܼܪܚܵܐ ܕܢܸܫܹ̈ܐ. ܘܠܵܐ ܓܠ̣ܵܘ ܡܚܘܿܬ̣ܗܘܿܢ ܚܲܕܼ ܠܚܲܕܼ. [No book]
[11]ܡܸܛܠ ܕܨܵܒܹ̇ܝܢ ܗ̄ܘܼܵܘ ܠܡܸܗܘܵܐ ܥܲܡܵܗ̇ ܒܛܘܼܫܝܵܐ. [No book]
[12]ܘܢܵܛ̇ܪܝܼܢ ܗ̄ܘܼܵܘ ܠܵܗ̇ ܟܠܝܘܿܢ ܚܦܝܼܛܵܐܝܼܬ̣ ܠܡܸܚܙܝܵܗ̇. [No book]
[13]ܘܐܸܡ̣ܲܪܘ ܚܲܕܼ ܠܚܲܒ̣ܪܹܗ. ܢܹܐܙܲܠ ܠܲܢ ܡܸܟܵܐ. ܡܸܛܠ ܕܥܸܕܵܢܵܐ ܗܘ̤ܵܐ ܠܹܗ ܕܫܵܪܘܼܬ̣ܵܐ. ܘܲܢܦܲܩ̣ܘ ܠܡܹܐܙܲܠ ܐܲܟ̣ܚ̄ܕܼܵܐ: ܘܲܓ̣ܢܲܒ̣ܘ ܢܲܦ̮ܫܗܘܿܢ ܚܲܕܼ ܡ̣ܢ ܚܲܕܼ. [No book]
[14]ܘܲܥܛܲܦ̣ܘ ܬܪ̈ܲܝܗܘܿܢ ܟܲܕܼ ܠܵܐ ܝܵܕܼܥܝܼܢ. ܘܐܸܙܲܠ̣ܘ ܬܪ̈ܲܝܗܘܿܢ ܐܲܪܲܥܘ ܚܲܕܼ ܠܚܲܕܼ ܬܲܡܵܢ. ܘܟܲܕܼ ܒܗܸܬ̣ܘ ܠܗܘܿܢ ܒܡܸܕܸ̇ܡ ܕܲܥ̣ܒܲܕܼܘ ܚܲܕܼ ܠܚܲܕܼ ܒܢܸܟ̣ܠܵܐ: ܝܑܼܬܸܒ̣ܘ ܘܲܓ̣ܠܵܘ ܚܲܕܼ ܠܚܲܕܼ ܪܸܓܲܬ̣ܗܘܿܢ ܦܩܲܪܬܵܐ ܘܡܵܘܒ̇ܕܼܵܢܝܼܬ̣ܵܐ: ܕܐܲܝܟܲܢܵܐ ܪܲܓ̇ܘܼܗ̇ ܠܡܲܠܝܲܬ̣ ܢܲܟ̣ܦܘܼܬ̣. ܘܡ̣ܢ ܗܵܝܕܹ̇ܝܢ ܢܵܛ̇ܪܝܼܢ ܗ̄ܘܼܵܘ ܠܗܘܿܢ ܥܸܕܵܢܵܐ: ܕܢܸܫܟ̇ܚܘܼܢܵܗ̇ ܒܲܠܚܘܿܕܹܝܗ̇: ܘܲܢܨܲܥܪܘܼܢܵܗ̇ ܠܫܵܘܝܲܬ̣ ܕܘܼܟ̣ܪܵܢܵܐ ܛ̇ܒ̣ܵܐ. [No book]
[15]ܘܲܗܘ̤ܵܐ ܕܟܲܕܼ ܢܵܛ̇ܪܝܼܢ ܠܵܗ̇. ܚܙ̣ܵܐܘܼܗ̇ ܟܲܕܼ ܐܵܙܵܠ̄ܐ ܐܲܝܟ ܕܟ̣ܠܝܘܿܡ: ܐܲܝܟ ܐܸܬ̣ܡܵܠܝ ܘܐܲܝܟ ܕܲܡܢܵܬ̣ܡܵܠܝ. ܟܲܕܼ ܐܝܼܬ̣ ܗ̄ܘܼܵܐ ܥܲܡܵܗ̇ ܛܲܠ̈ܝܵܬ̣ܵܗ̇ ܬܲܪܬܹ̇ܝܢ. ܘܐܸܬ̣ܪܲܓ̣ܪ̱ܓܲܬ̤ ܠܡܸܣܚܵܐ ܬܲܡܵܢ ܒܦܲܪܕܲܝܣܵܐ: ܡܸܛܠ ܕܚܘܼܡܵܐ ܗ̄ܘܼܵܐ. [No book]
[16]ܘܬܸܙܲܠ̣ܘ ܗܵܢ̇ܘܿܢ ܩܲܫܝܼܫܹ̈ܐ. ܘܟ̣ܡܸܢ̣ܘ ܬܲܡܵܢ ܒܦܲܪܕܲܝܣܵܐ. ܘܐ̄ܢܵܫ ܐ̄ܚܪܹܝܢ ܠܲܝܬ̇ ܗ̄ܘܼܵܐ ܒܹܗ ܒܦܲܪܕܲܝܣܵܐ. ܐܸܠܵܐ ܐܸܢ ܬܪ̈ܲܝܗܘܿܢ ܗܵܢ̇ܘܿܢ ܩܲܫܝܼܫܹ̈ܐ. [No book]
[17]ܘܐܸܡܪܲܬ̤ ܫܘܿܫܲܢ ܠܛܲܠ̈ܝܵܬ̣ܵܗ̇. ܙܸܠܹ̈ܝܢ ܐܲܝܬܵܐܹܝ̈ܢ ܠܝܼ ܡܸܫܚܵܐ ܘܲܙܡܵܡܵܐ. ܘܬܲܪ̈ܥܹܐ ܕܦܲܪܕܲܝܣܵܐ ܐܲܚܘܿܕܹ̈ܝܢ ܥܕܲܡܵܐ ܕܐܸܣܚܸܐ. [No book]
[18]ܘܲܥܒܲܕܼ ܐܲܝܟ ܕܲܦܲܩܕܲܬ̤ ܐܸܢܹܝܢ ܘܐܸܚܲـ̈ـܕܼ ܬܲܪ̈ܥܹܐ ܕܦܲܪܕܲܝܣܵܐ: ܘܐܸܙܲܠ̈ ܕܢܲܝ̈ܬ̇ܝܵܢ ܡܸܕܸ̇ܡ ܕܐܸܬ̣ܦܩܸܕܼ. ܘܠܵܐ ܚܙܲܝ̈ ܐܸܢܘܿܢ ܠܗܘܿܢ ܠܗܵܢ̇ܘܿܢ ܩܲܫܝܼܫܹ̈ܐ ܕܲܛܫܹܝܢ ܗ̄ܘܼܵܘ ܬܲܡܵܢ. [No book]
[19]ܘܟܲܕܼ ܢܦܲܩ̣ ܛܲܠ̈ܝܵܬ̣ܵܗ̇ ܕܫܘܿܫܲܢ: ܪܗܸܛ̣ܘ ܥܠܹܝܗ̇ ܗܵܢ̇ܘܿܢ ܩܲܫܝܼܫܹ̈ܐ: ܘܐܸܡ̣ܲܪ ܠܵܗ̇. [No book]
[20]ܗܵܐ ܬܲܪ̈ܥܹܐ ܕܦܲܪܕܲܝܣܵܐ ܐܲܚܝܼܕܼܝܼܢ ܐܸܢܘܿܢ. ܘܐ̄ܢܵܫ ܠܲܝܬ̇ ܠܲܢ. ܐܸܠܵܐ ܡܸܛܠ ܕܡܸܪܲܓ̣ ܪܲܓ̣ܢܹܟ̣ܝ: ܕܡܲܟ̣ܝ ܥܲܡܲܢ. [No book]
[21]ܘܐܸܢ ܕܹܝܢ ܠܵܐ ܨܵܒܲܝܵܐ ܐܲܢ̄ܬ̇ܝ ܠܡܸܕܼܡܲܟ ܥܲܡܲܢ: ܡܲܣ̱ܗܕܼܝܼܢ ܚ̄ܢܲܢ ܥܠܲܝܟ̇ܝ ܫܘܼܩܪܵܐ: ܕܲܕܼܡܸܟ ܠܘܵܬܹܟ̣ܝ ܥܠܲܝܡܵܐ ܚܲܕܼ. ܡܸܛܠ ܗܵܢܵܐ ܫܲܕܲܪܬ̇ܝ ܐܸܢܹܝܢ ܠܛܲܠܝܵܬܹ̈ܟ̣ܝ ܡ̣ܢ ܠܘܵܬܹܟ̣ܝ. [No book]
[22]ܘܐܸܬ̣ܪܲܥܝܲܬ̤ ܫܘܿܫܲܢ ܘܐܸܡܪܲܬ̤. ܐܘܼܠܨܵܢܵܐ ܗ̄ܘܼ ܠܝܼ ܡ̣ܢ ܟܠ ܓܲܒ̇ܝܼ̈ܢ. ܘܐܸܢ ܓܹܝܪ ܗܵܕܹܐ ܐܸܥܒܸ̇ܕܼ: ܡܵܘܬܵܐ ܗ̄ܘܼ ܠܝܼ ܡ̣ܢ ܩܕܼܵܡ ܐܲܠܵܗܵܐ: ܥܲܠ ܕܨܲܥ̇ܪܹܬ̣ ܬܸܫܘܝܼܬܹܗ ܕܝܘܿܝܵܩܝܼܡ ܒܲܥܠܝ. ܘܐܸܢ ܠܵܐ ܐܸܥܒܸ̇ܕܼ: ܡܵܘܬܵܐ ܒܝܼܫܵܐ ܡ̣ܢ ܐܝܼܕܲܝ̈ܟ̇ܘܿܢ ܐܹܩܲܒܸ̇ܠ ܥܲܡ ܫܡܵܐ ܒܝܼܫܵܐ ܕܠܵܐ ܝܵܐܹ̇ܐ ܠܚܹܐܪܘܼܬ̣ܝ. ܘܒܸܗܬ̇ܬ̣ܵܐ ܐܸܫܒ̇ܘܿܩ ܠܟ̣ܠܵܗ̇ ܫܲܪܒܲܬ̣ܝ: ܡ̣ܢ ܣܵܗܕ̇ܘܼܬ̣ܵܐ ܕܫܘܼܩܪܵܐ ܕܓܲܒ̣ܪܹ̈ܐ ܥܵܘܵܠܹ̈ܐ. ܕܡܵܘܣ̈ܦܝܼܢ ܥܲܠ ܬܒ̣ܵܪܹܗ ܘܥܲܠ ܒܝܼܫܬܹ̇ܗ ܕܝܼܣܪܵܝܹܠ: ܒܒܸܙܚܵܐ ܒܹܝܬ̣ ܥܲܡܡܹ̈ܐ ܢܘܼܟ̣ܪ̈ܵܝܹܐ. [No book]
[23]ܐܸܠܵܐ ܦܲܩܵܚ ܠܝܼ ܕܐܹܡܘܼܬ̣ ܡ̣ܢ ܐܝܼܕܲܝ̈ܟ̇ܘܿܢ ܒܥܵܘܼܠܵܐ: ܘܠܵܐ ܐܸܚܛܸܐ ܩܘܼܕܼܡܲܬ̣ ܐܲܠܵܗܵܐ: ܗܵܘܿ ܕܡܸܕܸ̇ܡ ܠܵܐ ܛܵܥܹ̇ܐ ܠܹܗ. ܟܲܕܼ ܡܗܲܝܡܢܵܐ ܐ̄ܢܵܐ ܒܹܗ: ܕܐܵܦ ܡ̣ܢ ܐܝܼܕܲܝ̈ܟ̇ܘܿܢ ܢܦܲܨܝܢܝ. [No book]
[24]ܘܲܩܥܵܬ̤ ܒܩܵܠܵܐ ܪܵܡܵܐ ܫܘܿܫܲܢ: ܥܲܠ ܐܘܼܠܨܵܢܵܗ̇ ܕܡ̣ܢ ܐܝܼ̈ܕܲܝ ܓܲܒ̣ܪܹܐ ܦܲܩܪܹ̈ܐ. ܘܲܩ̣ܥܵܘ ܐܵܦ ܗܸܢܘܿܢ ܩܲܫܝܼܫܹ̈ܐ ܠܩܘܼܒ̣ܠܵܗ̇. [No book]
[25]ܘܲܪܗܸܛ̣ ܚܲܕܼ ܡܸܢܗܘܿܢ: ܘܲܦ̣ܬܲܚ ܬܲܪ̈ܥܹܐ ܕܦܲܪܕܲܝܣܵܐ. [No book]
[26]ܘܲܗܘ̤ܵܐ ܕܟܲܕܼ ܐܸܫܬ̇ܡܲܠ ܩܵܠܵܐ ܗܵܢܵܐ ܒܦܲܪܕܲܝܣܵܐ: ܒܢܲܝ̈ ܒܲܝܬܵܗ̇ ܕܫܘܼܫܲܢ: ܪܗܸܛ̣ܘ: ܘܥܲܠ̣ܘ ܒܲܥܓܲܠ ܕܢܸܚܙܘܿܢ ܡܵܢܵܐ ܓܲܕܼܫܵܗ̇. [No book]
[27]ܘܟܲܕܼ ܟܸܢܫܲܬ̤ ܟܠܵܗ̇ ܐ̄ܢܵܫܘܼܬ̣ܵܗ̇ ܕܫܘܿܫܲܢ: ܫܲܪܝܼܘ ܗܵܢ̇ܘܿܢ ܩܲܫܝܼܫܹ̈ܐ ܕܢܲܣܗ̱ܕܼܘܼܢ ܥܠܹܝܗ̇ ܥܵܘܼܠܵܐ. ܕܗܵܟܲܢܵܐ ܟܲܕܼ ܥܵܒ̣ܪܝܼܢ ܚ̄ܢܲܢ ܠܒܲܪ ܡ̣ܢ ܦܲܪܕܲܝܣܵܐ: ܐܲܕܼܝܼܩܢ ܕܢܸܚܙܹܐ ܦܲܪܕܲܝܣܵܐ. ܘܲܚ̣ܙܲܝܢ ܠܫܘܿܫܲܢ: ܟܲܕܼ ܕܲܡܝܼܟ ܥܲܡܵܗ̇ ܥܠܲܝܡܵܐ ܚܲܕܼ. ܘܲܪܗܸܛܢ ܠܡܹܐܚܲܕܼ ܐܸܢܘܿܢ. ܘܠܵܐ ܐܸܬ̣ܡ̱ܨܝܼܢ ܠܡܹܐܚܕܹܗ ܠܗܵܘܿ ܥܠܲܝܡܵܐ: ܡܸܛܠ ܕܥܲܫܝܼܢ ܗ̄ܘܼܵܐ ܡܸܢܲܢ. ܟܲܕܼ ܫܡܲܥ̣ܘ ܕܹܝܢ ܡܸܠܲܝ̈ܗܘܿܢ ܕܩܲܫܝܼܫܹ̈ܐ ܟܠܵܗ̇ ܐ̄ܢܵܫܘܼܬ̣ܵܗ̇ ܕܫܘܿܫܲܢ: ܒܗܸܬ̣ܘ ܥܲܠ ܡܸܕܸ̇ܡ ܕܐܸܡܲܪܘ ܕܥܸܒ̣ܕܲܬ̤. [No book]
[28]ܘܲܗܘ̤ܵܐ ܠܝܵܘܡܵܐ ܐ̄ܚܪܹܢܵܐ: ܐܸܬ̣ܟܲܢܲܫܘ ܥܲܡܵܐ ܟܠܹܗ ܠܘܵܬ̣ ܝܘܿܝܵܩܝܼܡ ܒܵܥܠܵܗ̇: ܕܲܢܥܲܩܒ̣ܘܼܢ ܥܠܹܝܗ̇ ܥܲܠ ܫܘܿܫܲܢ. ܘܐܸܢ ܫܲܪܝܼܪܵܐܝܼܬ̣ ܥܸܒ̣ܕܲܬ̤ ܛܲܢܦܘܼܬ̣ܵܐ ܗܵܕܹܐ: ܘܨܲܥܪܲܬ̤ ܬܸܫܘܝܼܬܹܗ ܕܝܘܿܝܵܩܝܼܡ ܒܲܥܠܵܗ̇: ܬܡܘܼܬ̣. ܘܐܸܬ̣ܵܘ ܐܵܦ ܩܲܫܝܼܫܹ̈ܐ ܗܵܢ̇ܘܿܢ ܬܪ̈ܲܝܗܘܿܢ: ܕܢܸܥܫ̄ܩܘܼܢܵܗ̇ ܥܵܘܵܠܵܐܝܼܬ̣. [No book]
[29]ܘܐܸܡܲܪ ܩܕܼܵܡ ܥܲܡܵܐ ܟܠܹܗ. ܫܲܕܲܪܘ ܒܵܬܲܪ ܫܘܿܫܲܢ ܒܲܪܬܹܗ ܕܗܲܠܩܵܢܵܐ: ܐܲܢ̄ܬ̇ܬܹܗ ܕܝܘܿܝܵܩܝܼܡ. ܘܫܲܕܲܪܘ ܒܵܬ̣ܪܵܗ̇. [No book]
[30]ܘܐܸܬܲܬ̣̤ ܗ̤ܝ ܘܟ̣ܠܵܗ̇ ܫܲܪܒ̇ܬ̣ܵܗ̇: ܘܟ̣ܠܗܘܿܢ ܝܵܕܼܘܿܥܹ̈ܝܗ̇ ܘܪ̈ܵܚܡܹܝܗ̇. ܘܩܵܡܲܬ̣ ܡܸܨܥܲܬ̣ ܟܠܹܗ ܟܸܢܫܵܐ ܕܥܲܡܵܐ. [No book]
[31]ܘܐܲܢ̄ܬ̇ܬ̣ܵܐ ܫܲܦܝܼܪܵܐ ܗ̄ܘܼܵܬ̣ ܒܚܸܙܘܵܗ̇ ܛܵܒ̣. ܘܡܲܟ̇ܝܼܟ̣ܵܐ ܝܲܬ̇ܝܼܪ ܡ̣ܢ ܟܠܗܹܝܢ ܢܸܫܹ̈ܐ. ܘܢܲܟ̣ܦܵܐ ܗ̄ܘܼܵܬ̣ ܛܵܒ̣ ܬܲܟ̣ܣܝܼܬ̣ܵܗ̇. [No book]
[32]ܘܟܲܕܼ ܚ̣ܙܵܐܘܼܗ̇ ܗܵܢ̇ܘܿܢ ܪ̈ܲܫܝܼܥܹܐ. ܦ̣ܩܲܕܼܘ ܕܢܸܓ̣ܠܘܿܢܵܗ̇ ܬܲܚܦܝܼܬ̣ܵܗ̇. ܕܐܵܦܸܢ ܒܲܚܙܵܬ̣ܵܗ̇ ܢܸܣܒ̇ܥܘܼܢܹܗ ܠܫܘܼܦܪܵܗ̇. [No book]
[33]ܒܵܟܹ̇ܝܢ ܗ̄ܘܼܵܘ ܕܹܝܢ ܟܠܗܘܿܢ ܕܚܵܙܹ̇ܝܢ ܗ̄ܘܼܵܘ ܠܵܗ̇ ܥܲܡ ܟܠܵܗ̇ ܐ̄ܢܵܫܘܼܬ̣ܵܗ̇. [No book]
[34]ܘܟܲܕܼ ܟܸܢܫܵܐ ܣܲܓ̇ܝܼܐܵܐ ܚܕܼܝܼܪ ܗ̄ܘܼܵܐ ܠܵܗ̇: ܥܲܠ̣ܘ ܗܵܢ̇ܘܿܢ ܩܲܫܝܼܫܹ̈ܐ ܬܪ̈ܲܝܗܘܿܢ. ܘܐܲܣܗܸܕܼܘ ܥܠܹܝܗ̇ ܫܘܼܩܪܵܐ. ܘܣܵܡ̣ܘ ܐܝܼܕܲܝ̈ܗܘܿܢ ܥܲܠ ܪܹܫܵܗ̇ ܕܫܘܿܫܲܢ ܘܐܵܡ̇ܪܝܼܢ: ܕܗܵܕܹܐ ܥܲܡ ܥܠܲܝܡܵܐ ܚܲܕܼ ܚ̣ܙܲܝܢܵܗ̇ ܟܲܕܼ ܕܲܡܝܼܟ̣ܵܐ. [No book]
[35]ܘܗ̤ܝ ܫܘܿܫܲܢ ܟܲܕܼ ܡܲܪܝܼܪܵܐ ܢܲܦ̮ܫܵܗ̇ ܥܲܠ ܡܸܕܸ̇ܡ ܕܓܲܕܼܫܵܗ̇: ܫܸܩܠܲܬ̤ ܥܲܝܢܹ̈ܝܗ̇ ܠܲܫܡܲܝܵܐ ܠܘܵܬ̣ ܡܵܪܝܵܐ. ܡܸܛܠ ܕܠܸܒܵܗ̇ ܣܝܼܡ ܗ̄ܘܼܵܐ ܠܘܵܬ̣ ܐܲܠܵܗܵܐ. [No book]
[36]ܘܐܸܡܲܪܘ ܗܵܢ̇ܘܿܢ ܩܲܫܝܼܫܹ̈ܐ ܬܪ̈ܲܝܗܘܿܢ. ܕܟܲܕܼ ܡܗܲܠܟ̣ܝܼܢ ܚ̄ܢܲܢ ܐܸܬ̣ܡܵܠܝ ܠܒܲܪ ܡ̣ܢ ܦܲܪܕܲܝܣܵܐ: ܐܸܬܲܬ̤ ܫܘܿܫܲܢ ܘܬܲܪܬܹ̇ܝܢ ܛܲܠ̈ܝܵܬ̣ܵܗ̇ ܥܲܡܵܗ̇. ܘܥܲܠܹ̈ܝܢ ܠܦܲܪܕܲܝܣܵܐ. ܘܫܲܕܲܪܲܬ̤ ܐܸܢܹܝܢ ܠܐܲܡ̈ܗܵܬ̣ܵܗ̇: ܘܐܸܚܕܲܬ̤ ܬܲܪ̈ܥܹܐ ܕܦܲܪܕܲܝܣܵܐ. [No book]
[37]ܘܐܸܬ̣ܵܐ ܠܘܵܬ̣ܵܗ̇ ܥܲܠܝܡܵܐ ܚܲܕܼ ܗܵܘܿ ܕܲܡܛܲܫܲܝ ܗ̄ܘܼܵܐ ܠܵܗ̇. ܘܲܕܼܡܸܟ ܥܲܡܵܗ̇. [No book]
[38]ܚܢܲܢ ܕܹܝܢ ܥܲܠ̣ܢ ܗ̄ܘܲܝܢ ܠܲܢ ܠܓ̣ܵܘ ܦܲܪܕܲܝܣܵܐ. ܘܲܚܙܲܝܢ ܫܘܼܩܪܵܐ. ܘܲܪܗܸܛ̣ܢ ܥܠܲܝܗܘܿܢ. ܘܐܸܫܟܲܚ̣ܢ ܐܸܢܘܿܢ ܟܲܕܼ ܕܲܡܟ̇ܝܼܢ. [No book]
[39]ܠܗܵܘܿ ܕܹܝܢ ܥܠܲܝܡܵܐ ܠܵܐ ܐܸܫܟܲܚܢ ܠܡܹܐܚܕܹܗ. ܡܸܛܠ ܕܥܲܫܝܼܢ ܗ̄ܘܼܵܐ ܡܸܢܲܢ. ܘܲܦܬܲܚ̣ ܬܲܪܥܵܐ ܕܦܲܪܕܲܝܣܵܐ: ܘܲܥܪܲܩ̣. [No book]
[40]ܠܗܵܕܹܐ ܕܹܝܢ ܐܸܚܲܕܼܢܵܗ̇: ܘܫܲܐܸܠܢܵܗ̇ ܕܡܲܢ̣ܘܼ ܗܵܘܿ ܥܠܲܝܡܵܐ ܕܕܲܡܝܼܟ ܗ̄ܘܼܵܐ ܥܲܡܹܟ̣ܝ. ܘܠܵܐ ܨܒ̣ܵܬ̤ ܕܬ̣ܵܘܕܹ̇ܐ ܠܲܢ ܥܠܵܘܗܝ ܡܲܢ̣ܘܼ. ܗܵܠܹܝܢ ܡܲܣ̱ܗܕܼܝܼܢܲܢ ܥܠܹܝܗ̇ ܩܕܼܵܡܲܝܟ̇ܘܿܢ. [No book]
[41]ܘܗܲܝܡܢܲܬ̤ ܐܸܢܘܿܢ ܟܠܵܗ̇ ܟܢܘܼܫܬܵܐ: ܐܲܝܟ ܕܲܠܩܲܫܝܼܫܹ̈ܐ ܕܥܲܡܵܐ ܘܐܲܝܟ ܕܲܠܕܲܝܵܢܹ̈ܐ. ܘܚܲܒ̣ܘܼܗ̇ ܠܫܘܿܫܲܢ ܠܡܵܘܬܵܐ. ܐܲܝܟܲܢܵܐ ܕܢܸܕܼܚ̈ܠܵܢ ܟܠܗܹܝܢ ܢܸܫܹ̈ܐ: ܘܬ̣ܘܼܒ̣ ܠܵܐ ܢܸܥ̈ܒ̇ܕܼܵܢ ܐܲܝܟ ܒܸܗܬ̇ܬ̣ܵܐ ܗܵܕܹܐ ܠܗܹܝܢ ܘܲܠܫܲܪܒܲܬ̣ܗܹܝܢ. [No book]
[42]ܘܲܓ̣ܥܵܬ̤ ܫܘܿܫܲܢ ܒܩܵܠܵܐ ܪܵܡܵܐ ܘܐܸܡܪܲܬ̤. ܐܲܠܵܗܵܐ ܕܐܝܼܬ̣ܵܘܗܝ ܝܵܕܼܘܿܥܵܐ ܕܟ̣ܠ ܡܸܕܹ̇ܡ: ܘܟܲܣ̈ܝܵܬ̣ܵܐ ܓܲܠ̈ܝܵܢ ܐܸܢܹܝܢ ܩܕܼܵܡܵܘܗܝ. ܗܵܘ̇ ܕܝܵܕܲܥ ܕܲܥܬ̣ܝܼ̈ܕܼܵܢ ܥܲܕܼܠܵܐ ܢܸܗܘ̈ܝܵܢ. [No book]
[43]ܗ̤ܘ ܢܸܚܙܹܐ ܕܲܒ̣ܕܲܓܵܠܘܼܬ̣ܵܐ ܥܲܫ̣ܩܘܼܢܝ ܗܵܠܹܝܢ. ܘܗܵܐ ܡܵܝ̇ܬܵܐ ܐ̄ܢܵܐ ܟܲܕܼ ܠܵܐ ܥܸܒ̣ܕܹ̇ܬ̣ ܡܸܕܹ̇ܡ ܕܗܵܠܹܝܢ ܐܲܣܗܸܕܼܘ ܥܠܲܝ. ܐܸܠܵܐ ܥܲܠ ܗܵܕܹܐ ܕܠܵܐ ܥܸܒ̣ܕܹ̇ܬ̣ ܠܗܘܿܢ ܨܸܒ̣ܝܵܢܵܐ ܕܡܸܕܹ̇ܡ ܕܫܲܐ̣ܠܘܼܢܝ. [No book]
[44]ܘܲܫ̣ܡܲܥ ܡܵܪܝܵܐ ܒܩܵܠܵܗ̇ ܕܫܘܿܫܲܢ. [No book]
[45]ܘܟܲܕܼ ܢܵܦ̇ܩܵܐ ܠܲܡܡܵܬ̣: ܒܲܥܓܲܠ ܫܲܕܲܪ ܐܲܠܵܗܵܐ ܪܘܼܚܹܗ ܩܲܕ̇ܝܼܫܬܵܐ: ܥܲܠ ܛܲܠܝܵܐ ܙܥܘܿܪܵܐ ܕܲܫܡܹܗ ܕܵܢܝܼܐܹܝܠ. ܕܲܗܘ̤ܵܐ ܒܲܪ ܬܲܪܬܲܥܸܣܪܹ̈ܐ ܫܢ̈ܝܼܢ. [No book]
[46]ܘܲܩܥ̣ܵܐ ܒܩܵܠܵܐ ܪܵܡܵܐ ܘܐܸܡ̣ܲܪ. ܡܚܲܣܲܝ ܐ̄ܢܵܐ ܕܡܵܐ ܕܗܵܕܹܐ. ܡܸܛܠ ܕܕܲܟ̣ܝܵܐ ܗ̄ܝܼ ܡ̣ܢ ܗܵܕܹܐ ܛܲܢܦܘܼܬ̣ܵܐ. [No book]
[47]ܘܗܸܦܟܲܬ̤ ܟܠܵܗ̇ ܟܢܘܼܫܬܵܐ ܠܘܵܬܹܗ: ܘܐܵܡ̇ܪܝܼܢ ܠܹܗ. ܡܵܢܲܐܗ̄ܝܼ ܡܸܠܬ̣ܵܐ ܗܵܕܹܐ ܕܡܲܠܸܠ̣ܬ̇. [No book]
[48]ܘܗ̤ܘ ܟܲܕܼ ܩܵܐܹ̇ܡ ܒܲܝܢܵܬ̣ܗܘܿܢ ܐܸܡܲܪ. ܗܵܟܲܢܵܐ ܣܲܟ̣ܠܝܼܢ ܐ̄ܢܬ̇ܘܿܢ ܒܢܲܝ̈ ܝܑܼܣܪܵܝܹܠ ܕܠܵܐ ܕܵܝܢܝܼܢ ܐ̄ܢܬ̇ܘܿܢ ܒܙܲܕ̇ܝܼܩܘܼܬ̣ܵܐ ܠܲܒ̣̈ܢܵܬ̣ ܝܑܼܣܪܵܝܹܠ. [No book]
[49]ܗܦܘܿܟ̣ܘ ܠܟ̣ܘܿܢ ܟܠܟ̣ܘܿܢ ܠܒܹܝܬ̣ ܕܝܼܢܵܐ. ܒܕܲܓܵܠܘܼܬ̣ܵܐ ܓܹܝܪ ܚܲܝܸܒ̣ܬ̇ܘܿܢܵܗ̇ ܠܗܵܕܹܐ. [No book]
[50]ܘܗܸܦܟܲܬ̤ ܟܠܵܗ̇ ܟܢܘܼܫܬܵܐ ܠܒܹܝܬ̣ ܕܝܼܢܵܐ. [No book]
[51]ܘܐܸܡܲܪܘ ܠܹܗ ܗܵܢܘܿܢ ܩܲܫܝܼܫܹ̈ܐ ܠܕܼܵܢܝܼܐܹܝܠ. ܬܵܐ ܬܸܒ̣ ܒܲܝܢܵܬܲܢ: ܘܐܸܡܲܪ ܠܲܢ. ܢܸܚܙܹܐ ܕܠܵܟ ܝܲܗ̄ܒ̣ ܐܲܠܵܗܵܐ ܩܲܫܝܼܫܘܼܬ̣ܵܐ. ܘܐܸܡܲܪ ܕܵܢܝܼܐܹܝܠ ܠܟ̣ܠܵܗ̇ ܟܢܘܼܫܬܵܐ. ܦܪܘܼܫܘ ܐܸܢܘܿܢ ܠܝܼ ܚܲܕܼ ܡ̣ܢ ܚܲܕܼ: ܠܗܵܠܹܝܢ ܩܲܫ̈ܝܼܫܹܐ. ܘܗܵܝܕܹ̇ܝܢ ܐܹܕ̇ܘܼܢ ܐܸܢܘܿܢ ܐܲܝܟ ܕܝܲܗ̄ܒ̣ ܠܝܼ ܐܲܠܵܗܵܐ. ܘܐܹܚܵܘܸܐ ܕܲܒ̣ܥܵܘܼܠܵܐ ܐܲܣܗܸܕܼܘ ܥܲܠ ܫܘܿܫܲܢ ܫܘܼܩܪܵܐ. [No book]
[52]ܘܦܸܪܫܲܬ̤ ܐܸܢܘܿܢ ܟܢܘܼܫܬܵܐ ܚܲܕܼ ܡ̣ܢ ܚܲܕܼ ܘܲܩ̣ܪܵܐ ܠܚܲܕܼ ܡܸܢܗܘܿܢ: ܘܐܸܡ̣ܲܪ ܠܹܗ. ܓܲܒ̣ܪܵܐ ܐܲܢ̄ܬ̇ ܕܲܥܬܸܩ̣ܬ̇ ܒܝܵܘ̈ܡܵܬ̣ܵܐ ܒܝܼ̈ܫܹܐ. ܗܵܫܵܐ ܕܹܝܢ ܩ̣ܪܸܒ̣ܘ ܚܛܵܗܲܝ̈ܟ: ܗܵܢ̇ܘܿܢ ܕܥܵܒܹ̇ܕܼ ܗ̄ܘܲܝܬ̇ ܡ̣ܢ ܩܕܼܵܡ ܙܲܒ̣ܢܵܐ. [No book]
[53]ܕܕܼܵܐܹ̇ܝܢ ܗ̄ܘܲܝܬ̇ ܕܝܼܢܹ̈ܐ ܕܥܵܘܼܠܵܐ. ܘܲܠܙܲܕ̇ܝܼܩܹ̈ܐ ܡܚܲܝܸܒ̣ ܗ̄ܘܲܝܬ̇. ܘܡܵܘܒܸ̇ܕܼ ܗ̄ܘܲܝܬ̇ ܠܡܲܟ̇ܝܼ̈ܟܹܐ. ܘܲܠܙܲܟܵܝܹ̈ܐ ܠܵܐ ܡܙܲܟܸ̇ܐ ܗ̄ܘܲܝܬ̇. [No book]
[54]ܗܵܫܵܐ ܕܹܝܢ ܐܸܡܲܪ ܠܝܼ ܗܵܕܹܐ: ܩܕܼܵܡ ܟܠܵܗ̇ ܟܢܘܼܫܬܵܐ ܗܵܕܹܐ: ܬܚܹܝܬ̣ ܐܲܝܢܵܐ ܡ̣ܢ ܐܝܼܠܵܢܹ̈ܐ ܚܙܲܝܬ̇ ܠܗܵܕܹܐ ܘܲܠܗܵܘܿ ܥܠܲܝܡܵܐ ܟܲܕܼ ܕܲܡܟ̇ܝܼܢ ܐܲܟ̣ܚ̄ܕܼܵܐ. ܐܵܡܲܪ ܠܹܗ ܗܵܘܿ ܩܲܫܝܼܫܵܐ: ܬܚܹܝܬ̣ ܦܸܣܬ̇ܩܵܐ. [No book]
[55]ܐܵܡܲܪ ܠܹܗ ܕܵܢܝܼܐܹܝܠ. ܗܵܕܹܐ ܕܹܝܢ ܕܲܥ. ܕܐܸܢ ܒܲܫܪܵܪܵܐ ܕܲܓܸ̇ܠܬ̇: ܒܪܹܫܵܟ ܣܵܠ̇ܩܵܐ. ܥܬ̣ܝܼܕܼ ܗ̄ܘܼ ܓܹܝܪ ܡܲܠܲܐܟܹܗ ܕܐܲܠܵܗܵܐ: ܕܩܲܒܸ̇ܠ ܦܘܼܩܕܵܢܵܐ ܡ̣ܢ ܩܕܼܵܡ ܐܲܠܵܗܵܐ: ܕܢܸܨܪܹܝܟ ܡ̣ܢ ܪܹܫ ܠܪܹܫ. [No book]
[56]ܘܒ̣ܵܬܲܪܟܸ̇ܢ ܩ̣ܪܵܐ ܠܗܵܘܿ ܐ̄ܚܪܹܢܵܐ ܚܲܒ̣ܪܹܗ: ܘܐܸܡܲܪ ܠܹܗ ܘܐܵܦ ܠܗܵܘܿ. ܙܲܪܥܹܗ ܕܲܟ̣ܢܲܥܢ ܘܠܵܐ ܕܲܝܗܘܿܕܼܵܐ: ܫܘܼܦܪܵܐ ܗ̄ܘܼ ܕܗܵܕܹܐ ܫܲܥ̣ܒ̇ܕܼܵܟ: ܘܪܸܓ̇ܬ̣ܵܗ̇ ܗܲܦܟܲܬ̤ ܠܸܒܵܟ. [No book]
[57]ܗܵܟܲܢܵܐ ܥܵܒ̣ܕ̇ܝܼܢ ܐܲܢ̄ܬ̇ܘܿܢ ܠܲܒ̣̈ܢܵܬ̣ ܝܑܼܣܪܵܝܹܠ: ܒܲܕܼܠܵܐ ܥܵܒ̣̈ܕܵܢ ܗ̄ܘܲܝ̈ ܨܸܒ̣ܝܵܢܲܝ̈ܟ̇ܘܿܢ ܒܝܼ̈ܫܹܐ ܡ̣ܢ ܕܸܚܠܲܬ̣ܗܹܝܢ. [No book]
[58]ܐܲܢ̄ܬ̇ ܕܹܝܢ ܐܸܡܲܪ ܠܝܼ ܩܕܼܵܡ ܟܠܵܗ̇ ܟܢܘܼܫܬܵܐ ܗܵܕܹܐ: ܬܚܹܝܬ̣ ܐܲܝܢܵܐ ܡ̣ܢ ܐܝܼܠܵܢܹ̈ܐ: ܚܙܲܝܬ̇ܘܿܢ ܐܸܢܘܿܢ ܠܗܵܕܹܐ ܘܲܠܗܵܘܿ ܥܠܲܝܡܵܐ ܕܕܲܡܟ̇ܝܼܢ ܐܲܟ̣ܚ̄ܕܼܵܐ. ܥܢ̣ܵܐ ܘܐܸܡܲܪ ܩܕܼܵܡ ܟܠܵܗ̇ ܟܢܘܼܫܬܵܐ: ܬܚܹܝܬ̣ ܪܘܼܡܵܢܵܐ. [No book]
[59]ܐܵܡܲܪ ܠܹܗ ܕܵܢܝܼܐܹܝܠ. ܒܲܫܪܵܪܵܐ ܥܵܘܼܠܵܐ ܡܲܠܸܠ̣ܬ̇ ܩܕܼܵܡ ܡܵܪܝܵܐ ܥܲܠ ܗܵܕܹܐ ܚܲܠܵܫܬܵܐ. ܘܨܵܒܹ̇ܝܢ ܐ̄ܢܬ̇ܘܿܢ ܠܡܹܐܫܲܕܼ ܕܡܵܐ ܙܲܟܵܝܵܐ ܒܥܵܘܼܠܵܐ. ܗܵܫܵܐ ܕܹܝܢ ܒܝܼܫܬܵܟ ܒܪܹܫܵܟ ܣܵܠ̇ܩܵܐ. ܐܲܝܟ ܕܲܟ̣ܬ̣ܝܼܒ̣ ܒܢܵܡܘܿܣܵܐ ܕܡܘܼܫܹܐ. ܗܵܐ ܓܹܝܪ ܡܲܠܲܐܟܹܗ ܕܐܲܠܵܗܵܐ ܐܸܫܬܲܠܲܚ ܥܠܲܝܟ. ܘܐܲܚܝܼܕܼ ܚܲܪܒܵܐ ܒܐܝܼܕܹܗ: ܕܢܸܨܪܹܝܟ ܡ̣ܢ ܪܹܫ ܠܪܹܫ. ܘܢܵܘܒܸ̇ܕܼ ܠܲܬ̣ܪ̈ܲܝܟ̇ܘܿܢ ܐܲܟ̣ܚ̄ܕܼܵܐ. ܘܲܥܢܵܬ̤ ܟܠܵܗ̇ ܟܢܘܼܫܬܵܐ ܒܩܵܠܵܐ ܪܵܡܵܐ: ܘܐܸܡܲܪܘ ܐܲܟ̣ܚ̄ܕܼܵܐ. ܫܘܼܒ̣ܚܵܐ ܠܐܲܠܵܗܵܐ ܕܐܲܚܝܼ ܠܟ̣ܠ ܕܗܲܝܡܸܢܘ ܒܲܫܡܹܗ: ܘܐܲܟܸ̇ܣ ܐܸܢܘܿܢ ܕܵܢܝܼܐܹܝܠ ܒܲܠܛܘܼܡܝܵܐ ܕܲܛܠܲܡ̣ܘ. [No book]
[60]ܘܲܩܥܵܬ̤ ܟܠܵܗ̇ ܟܢܘܼܫܬܵܐ ܒܩܵܠܵܐ ܪܵܡܵܐ ܐܲܟ̣ܚ̄ܕܼܵܐ. ܘܫܲܒܲܚ̣ܘ ܠܐܲܠܵܗܵܐ ܓܵܠܹ̇ܐ ܟܲܣ̈ܝܵܬ̣ܵܐ: ܕܝܵܗܹ̇ܒ̣ ܠܙܲܟܵܝܵܐ ܐܲܝܟ ܙܲܟܵܝܘܼܬܹܗ. ܘܦܵܪܲܥ ܠܥܵܘܿܠܵܐ: ܘܝܵܗܹ̇ܒ̣ ܐܘܼܪܚܹܗ ܒܪܹܫܹܗ. [No book]
[61]ܘܩܵܡܲܬ̤ ܥܠܲܝܗܘܿܢ ܟܠܵܗ̇ ܟܢܘܼܫܬܵܐ: ܘܲܥ̣ܒܲܕܼܘ ܠܗܘܿܢ ܐܲܝܟ ܦܘܼܩܕܵܢܹܗ ܕܡܘܼܫܹܐ. [No book]
[62]ܘܩܲܛܸܠ̣ܘ ܐܸܢܘܿܢ. ܘܐܲܗܦܸܟ ܠܗܘܿܢ ܡܵܪܝܵܐ ܦܘܼܪܥܵܢܘܼܬ̣ܵܐ ܒܝܼܫܬܵܐ ܐܲܝܟ ܕܫܵܘܹ̇ܝܢ ܗ̄ܘܼܵܘ. ܘܲܚܝܵܐ ܕܡܵܐ ܙܲܟܵܝܵܐ ܒܝܵܘܡܵܐ ܗܵܘܿ. [No book]
[63]ܗܲܠܩܵܢܵܐ ܕܹܝܢ ܘܐܲܢ̄ܬ̇ܬܹܗ: ܚܕܼܝܼܘ ܒܒܲܪܬ̣ܗܘܿܢ ܫܘܿܫܲܢ ܐܲܢ̄ܬ̇ܬܹܗ ܕܝܘܿܝܵܩܝܼܡ: ܕܠܵܐ ܐܸܫܬܲܟܲܚ ܒܵܗ̇ ܣܘܼܪܚܵܢܵܐ. ܘܫܲܒܲܚ̣ܘ ܠܐܲܠܵܗܵܐ ܟܠܹܗ ܥܲܡܵܐ: ܘܟ̣ܠܵܗ̇ ܫܲܪܒ̇ܬ̣ܵܗ̇ ܕܫܘܫܲܢ: ܕܐܸܫܬ̇ܩܸܠ ܫܡܵܐ ܒܝܼܫܵܐ ܕܣܘܼܪܚܵܢܵܐ ܡܸܢܗܘܿܢ. [No book]
[64]ܕܵܢܝܼܐܹܝܠ ܕܹܝܢ ܝܵܪܹܒ̣ ܗ̄ܘܼܵܐ: ܘܛܵܐܸܒ̣ ܩܕܼܵܡ ܟܠܵܗ̇ ܫܲܪܒ̇ܬ̣ܵܐ ܕܫܘܿܫܲܢ ܘܲܒ̣ܥܲܝ̈ܢܲܝ ܟܠܵܗ̇ ܟܢܘܼܫܬܵܐ ܕܝܼܣܪܵܝܹܠ. ܘܲܒ̣ܟ̣ܠܙܒܲܢ ܥܵܒܹ̇ܕܼ ܗ̄ܘܼܵܐ ܕܝܼܢܵܐ ܘܙܲܕ̇ܝܼܩܘܼܬ̣ܵܐ ܒܥܲܡܹܗ. ܘܐܸܬ̣ܡܲܠܲܠ ܫܡܵܐ ܕܬܸܫܒ̈ܚܵܬܹܗ ܒܟ̣ܠܹܗ ܥܲܡܵܐ: ܥܲܡ ܟܲܣ̈ܝܵܬ̣ܵܐ ܘܲܣܬ̇ܝܼܪ̈ܵܬ̣ܵܐ: ܕܐܸܬ̣ܒܲܕܲܩ ܠܹܗ. [No book]
 
Top