|
|
| [1]ܘܡܲܠܟܵܐ ܐܸܣܛܝܼܓ̣ܘܿܣ ܐܸܬ̇ܬܵܘܣܲܦ ܥܲܠ ܐܲܒ̣ܵܗܵܬܹ̈ܗ. ܘܩܲܒܸ̇ܠ ܟܘܿܪܸܫ ܦܵܪܣܵܝܵܐ ܡܲܠܟ̇ܘܼܬܹܗ. |
[No chap] |
| [2]ܘܕܼܵܢܝܼܐܹܝܠ ܐܝܼܬ̣ܵܘܗܝ ܗ̄ܘܼܵܐ ܐܝܼܩܵܪܹܗ ܥܲܡ ܕܡܲܠܟܵܐ. ܘܥܵܡܲܪ ܗ̄ܘܼܵܐ ܥܲܡ ܡܲܠܟܵܐ. ܘܡܫܲܒܲܚ ܗ̄ܘܼܵܐ ܡ̣ܢ ܟܠܗܘܿܢ ܪ̈ܵܚܡܵܘܗܝ ܕܡܲܠܟܵܐ. |
[No chap] |
| [3]ܐܝܼܬ̣ ܗ̄ܘܼܵܐ ܕܹܝܢ ܦܬܲܟ̣ܪܵܐ ܠܒ̣ܵܒ̣̈ܠܵܝܹܐ. ܘܲܫܡܹܗ ܗ̄ܘܼܵܐ ܒܹܝܠ. ܘܡܲܦܩܝܼܢ ܗ̄ܘܼܵܘ ܥܠܵܘܗܝ ܢܦܲܩܬ̣ܵܐ ܟܠܝܘܿܢ ܣܡܝܼܕܼܵܐ ܬܪܸܥܣܲܪ ܐܲܪ̈ܕ̇ܒ̣ܝܼܢ. ܘܕܸܟ̣ܪܹ̈ܐ ܐܲܪܒ̇ܥܝܼܢ. ܘܚܲܡܪܵܐ ܫܸܬ̣ ܡܲܬ̣ܪ̈ܝܼܢ. |
[No chap] |
| [4]ܘܗ̤ܘ ܡܲܠܟܵܐ ܕܵܚܹ̇ܠ ܗ̄ܘܼܵܐ ܠܹܗ. ܘܐܵܙܹ̇ܠ ܗ̄ܘܼܵܐ ܟܠ ܝܘܿܡ ܘܣܵܓܹ̇ܕܼ ܗ̄ܘܼܵܐ ܠܹܗ. ܘܕܼܵܢܝܼܐܹܝܠ ܣܵܓܹ̇ܕܼ ܗ̄ܘܼܵܐ ܠܐܲܠܵܗܵܐ. ܘܐܸܡܲܪ ܡܲܠܟܵܐ ܠܕܼܵܢܝܼܐܹܝܠ. ܡܸܛܠ ܡܵܢܵܐ ܠܵܐ ܣܵܓܹ̇ܕܼ ܐܲܢ̄ܬ̇ ܠܒܹܝܠ ܐܲܠܵܗܝ. |
[No chap] |
| [5]ܘܐܸܡܲܪ ܠܹܗ ܕܵܢܝܼܐܹܝܠ. ܠܵܐ ܣܵܓܹ̇ܕܼ ܐ̄ܢܵܐ ܠܨܲܠܡܵܐ ܘܠܲܦܬܲܟ̣ܪܵܐ ܘܠܲܓ̣ܠܝܼܦܵܐ ܡܸܛܠ ܕܲܥܒ̣ܵܕܼ ܐܝܼ̈ܕܲܝܵܐ ܗ̄ܘܼ ܕܲܒ̣ܢܲܝ̈ܢܵܫܵܐ. ܐܸܠܵܐ ܐܸܢܵܐ ܕܵܚܹ̇ܠ ܐ̄ܢܵܐ ܠܐܲܠܵܗܵܐ ܚܲܝܵܐ. ܗܵܘܿ ܕܲܥܒܲܕܼ ܫܡܲܝܵܐ ܘܐܲܪܥܵܐ. ܘܐܝܼܬ̣ܵܘܗܝ ܡܵܪܝܵܐ ܥܲܠ ܟܠ ܒܣܲܪ. ܠܹܗ ܗ̤ܘ ܣܵܓ̇ܕܼ ܐ̄ܢܵܐ. |
[No chap] |
| [6]ܘܐܸܡܲܪ ܡܲܠܟܵܐ ܠܕܵܢܝܼܐܹܝܠ ܠܵܐ ܡܸܬ̣ܚ̄ܙܹܐ ܠܵܟ ܕܒܹܝܠ ܚܲܝ ܗ̄ܘܼ. ܐܵܘ ܠܵܐ ܚܵܙܹ̇ܐ ܐܲܢ̄ܬ̇ ܕܗܵܐ ܐܵܟܹ̇ܠ ܘܫܵܬܹ̇ܐ ܟܠܝܘܿܡ. |
[No chap] |
| [7]ܗܵܝܕܹ̇ܝܢ ܕܵܢܝܼܐܹܝܠ ܓܚܸܟ ܘܐܸܡܲܪ ܠܡܲܠܟܵܐ. ܠܵܐ ܬܸܛܥܹܐ ܡܲܠܟܵܐ. ܗܵܢܵܐ ܓܹܝܪ ܡ̣ܢ ܠܓ̣ܵܘ ܕܛܝܼܢܵܐ ܗ̄ܘܼ: ܘܡ̣ܢ ܠܒܲܪ ܕܲܢܚܵܫܵܐ. ܘܡܸܕܸ̇ܡ ܡ̣ܢ ܝܵܘܡܵܘ̈ܗܝ ܠܵܐ ܐܸܟܲܠ̣ ܘܠܵܐ ܐܸܫܬܝܼ. |
[No chap] |
| [8]ܗܵܝܕܹ̇ܝܢ ܐܸܬ̣ܚܲܡܲܬ̣ ܡܲܠܟܵܐ. ܘܲܩ̣ܪܵܐ ܠܟ̣ܘܼܡܪ̈ܵܘܗܝ ܕܒܹܝܠ ܘܐܸܡܲܪ ܠܗܘܿܢ. ܐܸܢ ܠܵܐ ܬܹܐܡܪܘܼܢ ܠܝܼ ܕܡܲܢ̣ܘܼ ܐܵܟܸ̇ܠ ܢܦܲܩܬ̣ܵܐ ܗܵܕܹܐ ܟܠܵܗ̇. ܬܡܘܼܬ̣ܘܼܢ. |
[No chap] |
| [9]ܐܸܢ ܕܹܝܢ ܬܚܵܘܘܿܢܵܢܝ ܕܒܹܝܠ ܗ̤ܘ ܐܵܟܹ̇ܠ: ܢܡܘܼܬ̣ ܕܵܢܝܼܐܹܝܠ: ܕܓܲܕܸ̇ܦ ܥܲܠ ܒܹܝܠ. ܘܐܸܡܲܪ ܕܵܢܝܼܐܹܝܠ ܠܡܲܠܟܵܐ. ܢܸܗܘܸܐ ܐܲܝܟ ܡܸܠܬ̣ܵܟ ܡܲܠܟܵܐ. |
[No chap] |
| [10]ܗܵܘܹ̇ܝܢ ܗ̄ܘܼܵܘ ܕܹܝܢ ܟܘܼܡܪ̈ܵܘܗܝ ܕܒܹܝܠ ܫܲܒ̣ܥܝܼܢ: ܣܛܲܪ ܡ̣ܢ ܢܸܫܲܝ̈ܗܘܿܢ ܘܲܒ̣ܢܲܝ̈ܗܘܿܢ. ܘܐܸܬ̣ܵܐ ܡܲܠܟܵܐ ܗ̤ܘ ܘܕܼܵܢܝܼܐܹܝܠ ܠܒܲܝܬܹ̇ܗ ܕܒܹܝܠ. |
[No chap] |
| [11]ܘܐܵܡܪܝܼܢ ܟܘܼܡܪܹ̈ܐ ܠܡܲܠܟܵܐ. ܗܵܐ ܚܢܲܢ ܢܵܦܩܝܼܢܲܢ ܠܒܲܪ. ܐܲܢ̄ܬ̇ ܕܹܝܢ ܡܲܠܟܵܐ ܣܝܼܡ ܡܹܐܟ̣̈ܠܵܬ̣ܵܐ ܠܒܹܝܠ. ܘܲܡܙܘܿܓ̣ ܚܲܡܪܵܐ ܘܣܝܼܡ. ܘܐܲܚܘܿܕܼ ܬܲܪܥܵܐ ܘܲܚܬ̣ܘܿܡ ܒܥܸܙܲܩܬ̣ܵܟ. |
[No chap] |
| [12]ܘܩܲܕܸ̇ܡ ܘܬ̣ܵܐ ܒܨܲܦܪܵܐ. ܐܸܢ ܠܵܐ ܬܸܫܟܲܚ ܠܟ̣ܠܗܹܝܢ ܡܹܐܟ̣̈ܠܵܬ̣ܵܐ ܕܐܸܟܲܠ ܐܸܢܹܝܢ ܒܹܝܠ: ܢܡܘܼܬ̣ ܚܢܲܢ: ܘܐܸܢܗ̤ܘ ܕܐܸܟܲܠ ܐܸܢܹܝܢ ܒܹܝܠ: ܢܡܘܼܬ̣ ܕܵܢܝܼܐܹܝܠ ܗܵܘܿ ܕܓܲܕܸ̇ܦ ܥܠܲܝܢ. |
[No chap] |
| [13]ܗܸܢ̣ܘܿܢ ܕܹܝܢ ܡܸܛܠ ܕܲܬ̣ܟ̣ܝܼܠܝܼܢ ܗ̄ܘܼܵܘ ܕܲܥܒ̣ܝܼܕܼ ܠܗܘܿܢ ܡܲܥܠܵܢܵܐ ܒܛܘܼܫܝܵܐ ܬܚܹܝܬ̣ ܦܵܬ̣ܘܿܪܵܐ: ܘܒܹܗ ܥܵܐ̇ܠܝܼܢ ܗ̄ܘܼܵܘ ܘܢܵܦܩܝܼܢ. ܘܐܵܟ̣ܠ̇ܝܼܢ ܗ̄ܘܼܵܘ ܟܠ ܡܸܕܸ̇ܡ ܕܡܸܬ̇ܬ̇ܣܝܼܡ ܗ̄ܘܼܵܐ ܠܹܗ ܠܒܹܝܠ. ܘܫܵܩ̇ܠܝܼܢ ܗ̄ܘܼܵܘ ܡܸܕܸ̇ܡ ܕܝܵܬܲܪ. |
[No chap] |
| [14]ܟܲܕܼ ܕܹܝܢ ܢܦܲܩ̣ܘ ܟܘܼܡܪܹ̈ܐ ܕܒܹܝܠ: ܐܲܝܬ̇ܝܼ ܡܲܠܟܵܐ ܡܹܐܟ̣̈ܠܵܬ̣ܵܐ ܘܲܡ̣ܠܵܐ ܦܵܬ̣ܘܿܪܵܐ. ܘܣܵܡ̣ ܩܕܼܵܡ ܒܹܝܠ. ܘܲܡ̣ܠܵܐ ܡܵܐܢܹ̈ܐ ܚܲܡܪܵܐ ܐܲܝܟ ܥܝܵܕܼܗܘܿܢ. ܘܲܢܦܲܩ̣ ܘܐܸܡܲܪ ܕܵܢܝܼܐܹܝܠ ܠܲܛܠܵܘ̈ܗܝ. ܐܲܝܬܵܘ ܠܝܼ ܩܸܛܡܵܐ. ܘܐܲܝܬ̇ܝܼܘ ܠܹܗ ܩܸܛܡܵܐ. ܘܥܲܪܒܹ̇ܗ ܒܥܲܪܒܵܠܵܐ ܩܕܼܵܡܵܘܗܝ ܕܡܲܠܟܵܐ ܒܟ̣ܠܹܗ ܒܲܝܬܵܐ ܕܒܹܝܠ. ܘܲܚܙܵܐ ܡܲܠܟܵܐ ܘܲܢܦܲܩ̣. ܘܐܸܚܲܕܼ ܬܲܪܥܵܐ. ܘܚܲܬ̣ܡܹܗ ܡܲܠܟܵܐ ܒܥܸܙܲܩܬܹܗ ܘܲܒ̣ܥܸܙܩܲܬ̣ ܕܵܢܝܼܐܹܝܠ. |
[No chap] |
| [15]ܘܟ̣ܘܼܡܪܹ̈ܐ ܐܸܙܲܠ̣ܘ ܒܠܸܠܝܵܐ ܐܲܝܟ ܕܲܡܥܵܕܼܝܼܢ ܗ̄ܘܼܵܘ ܗܸܢ̣ܘܿܢ ܘܢܸܫܲܝ̈ܗܘܿܢ ܘܲܒ̣ܢܲܝ̈ܗܘܿܢ. ܘܐܸܟܲܠ̣ܘ ܗ̄ܘܼܵܘ ܟܠܡܸܕܸ̇ܡ ܕܣܝܼܡ ܗ̄ܘܼܵܐ ܠܹܗ ܠܒܹܝܠ. ܘܐܸܫܬ̇ܝܼܘ ܚܲܡܪܵܐ. |
[No chap] |
| [16]ܘܩܲܕܸ̇ܡ ܡܲܠܟܵܐ ܒܨܲܦܪܵܐ: ܘܕܼܵܢܝܼܐܹܝܠ ܥܲܡܹܗ. ܘܐܸܙܲܠ̣ܘ ܠܬܲܡܵܢ. |
[No chap] |
| [17]ܘܐܸܡܲܪ ܡܲܠܟܵܐ ܠܕܼܵܢܝܼܐܹܝܠ: ܩܲܝܵܡܝܼܢ ܚܵܬ̣ܡܹ̈ܐ: ܕܵܢܝܼܐܹܝܠ. ܘܐܸܡ̣ܲܪ ܕܵܢܝܼܐܹܝܠ: ܩܲܝܵܡܝܼܢ ܡܵܪܝ ܡܲܠܟܵܐ. |
[No chap] |
| [18]ܘܲܗܘ̤ܵܐ ܕܟܲܕܼ ܦ̣ܬܲܚ ܬܲܪܥܵܐ: ܐܲܕܼܝܼܩ ܡܲܠܟܵܐ ܥܲܠ ܦܵܬ̣ܘܿܪܵܐ. ܘܲܚܙ̣ܵܐ ܕܐܲܟ̣ܝܼܠ ܟܠܡܸܕܸ̇ܡ ܕܐܸܬ̇ܬ̇ܣܝܼܡ ܗ̄ܘܼܵܐ ܠܒܹܝܠ. ܘܝܲܗ̄ܒܼ ܩܵܠܵܐ ܪܵܡܵܐ ܥܲܠ ܬܲܪܥܵܐ ܡ̣ܢ ܠܒܲܪ. ܘܐܸܡܲܪ ܪܲܒ̇ ܐܲܢ̄ܬ̇ ܒܹܝܠ. ܘܠܲܝܬ̇ ܠܘܵܬ̣ܵܟ ܢܸܟ̣ܠܵܐ ܐܵܦܠܵܐ ܩܲܠܝܼܠ. |
[No chap] |
| [19]ܗܵܝܕܹ̇ܝܢ ܕܵܢܝܼܐܹܝܠ ܓܚܸܟ ܘܐܲܚܕܹ̇ܗ ܠܡܲܠܟܵܐ ܕܠܵܐ ܢܸܥܘܿܠ ܠܓ̣ܵܘ ܥܲܕܼ ܫܵܥܬ̣ܵܐ. ܘܐܸܡܲܪ ܕܵܢܝܼܐܹܝܠ ܠܡܲܠܟܵܐ. ܚܘܼܪ ܡܵܪܝ ܡܲܠܟܵܐ: ܘܐܸܬ̣ܒܲܩܵܐ ܒܐܲܪܥܵܐ. ܥܸܩ̈ܒ̣ܵܬ̣ܵܐ ܗܵܠܹܝܢ ܕܡܲܢ ܐܝܼܬܲܝܗܹܝܢ. |
[No chap] |
| [20]ܘܐܸܡܲܪ ܡܲܠܟܵܐ ܚܵܙܹ̇ܐ ܐ̄ܢܵܐ ܒܐܲܪܥܵܐ ܥܸܩ̈ܒ̣ܵܬ̣ܵܐ ܕܓܲܒ̣ܪܹ̈ܐ ܘܲܕܼܢܸܫܹ̈ܐ ܘܕܲܛ̈ܠܵܝܹܐ. ܗܵܝܕܹ̇ܝܢ ܐܸܬ̣ܚܲܡܲܬ̣ ܡܲܠܟܵܐ. |
[No chap] |
| [21]ܘܐܸܚܲܕܼ ܐܸܢܘܿܢ ܠܟ̣ܘܼܡܪܹ̈ܐ ܘܲܠܢܸܫܲܝ̈ܗܘܿܢ ܘܠܲܒ̣ܢܲܝ̈ܗܘܿܢ. ܘܚܵܘܝܼܘܗܝ ܠܡܲܠܟܵܐ ܡܲܥܠܵܢܵܐ ܕܐܝܼܬ̣ ܗ̄ܘܼܵܐ ܠܗܘܿܢ ܒܛܘܼܫܝܵܐ: ܗܵܘܿ ܕܒܹܗ ܥܵܐ̇ܠܹܝܢ ܗ̄ܘܼܵܘ ܘܢܵܦ̇ܩܝܼܢ. ܘܐܵܟ̣ܠܝܼܢ ܗ̄ܘܼܵܘ ܟܠ ܡܸܕܸ̇ܡ ܕܡܸܬ̇ܬ̇ܣܝܼܡ ܗ̄ܘܼܵܐ ܠܒܹܝܠ ܥܲܠ ܦܵܬ̣ܘܿܪܵܐ. |
[No chap] |
| [22]ܘܩܲܛܸܠ ܐܸܢܘܿܢ ܡܲܠܟܵܐ ܠܟ̣ܠܗܘܿܢ. ܘܲܠܒܹ̇ܝܠ ܝܲܗ̄ܒܹ̇ܗ ܡܵܘܗܲܒ̣ܬ̣ܵܐ ܠܕܼܵܢܝܼܐܹܝܠ. ܘܬܲܒ̣ܪܹܗ ܕܵܢܝܼܐܹܝܠ: ܘܲܣܚܲܦ̣ ܗܲܝܟ̇ܠܹܗ. |
[No chap] |
| [23]ܐܝܼܬ̣ ܗ̄ܘܼܵܐ ܕܹܝܢ ܬܘܼܒ̣ ܬܲܡܵܢ ܬܲܢܝܼܢܵܐ ܪܲܒܵܐ. ܘܣܵـ̇ـܓ̣ܕ̇ܝܼܢ ܗ̄ܘܼܵܘ ܠܹܗ ܒܵܒ̣̈ܠܵܝܹܐ. |
[No chap] |
| [24]ܘܐܸܡ̣ܲܪ ܡܲܠܟܵܐ ܠܕܼܵܢܝܼܐܹܝܠ. ܗܵܫܵܐ ܥܲܠ ܗܵܢܵܐ ܠܵܐ ܡܸܫܟܲܚ ܐܲܢ̄ܬ̇ ܕܬܹܐܡܲܪ ܥܠܵܘܗܝ ܕܠܵܐ ܗ̄ܘܼܵܐ ܐܲܠܵܗܵܐ ܗ̄ܘܼ. ܣܓ̣ܘܿܕܼ ܠܹܗ ܡܸܛܠ ܕܐܲܠܵܗܵܐ ܗ̄ܘܼ ܚܲܝܵܐ. |
[No chap] |
| [25]ܘܐܸܡ̣ܲܪ ܕܵܢܝܼܐܹܝܠ ܠܡܲܠܟܵܐ. ܐܸܢܵܐ ܠܡܵܪܝܵܐ ܗ̄ܘܼ ܐܲܠܵܗܵܐ ܣܵܓܹ̇ܕܼ ܐ̄ܢܵܐ. ܡܸܛܠ ܕܗܘ̤ܝܘܼ ܐܲܠܵܗܵܐ ܚܲܝܵܐ. |
[No chap] |
| [26]ܐܲܢ̄ܬ̇ ܕܹܝܢ ܡܲܠܟܵܐ ܗܲܒ̣ܠܝܼ ܫܘܼܠܛܵܢܵܐ ܥܠܵܘܗܝ. ܘܐܸܢܵܐ ܩܵܛܹ̇ܠ ܐ̄ܢܵܐ ܠܹܗ ܠܬܲܢܝܼܢܵܐ ܗܵܢܵܐ ܕܠܵܐ ܣܲܝܦܵܐ ܘܲܕܼܠܵܐ ܚܘܼܛܪܵܐ. ܘܐܸܡܲܪ ܠܹܗ ܡܲܠܟܵܐ ܝܑܼܗܝܼܒ̣ ܠܵܟ. |
[No chap] |
| [27]ܘܲܫ̣ܩܲܠ ܕܵܢܝܼܐܹܝܠ ܙܲܦ̮ܬܵܐ ܘܣܲܥܪܵܐ ܘܬܲܪܒܵܐ. ܘܒܲܫܸܠ̣ ܐܸܢܘܿܢ ܐܲܟ̣ܚ̄ܕܼܵܐ. ܘܲܥܒܲܕܼ ܡܸܢܗܘܿܢ ܐܹܣܦܹܝܪܹ̈ܐ. ܘܲܫ̣ܕܼܵܐ ܐܸܢܹܝܢ ܒܦܘܼܡܹܗ ܕܬܲܢܝܼܢܵܐ. ܘܲܒ̣ܠܲܓ̣ ܐܸܢܹܝܢ ܬܲܢܝܼܢܵܐ. ܘܐܸܬ̣ܒܲܙܲܥ ܘܡܝܼܬ̣. ܘܐܸܡ̣ܲܪ ܕܵܢܝܼܐܹܝܠ. ܗܵܐ ܚܙܵܘ ܕܸܚ̈ܠܵܬ̣̱ܟ̣ܘܿܢ ܒܵܒ̣̈ܠܵܝܹܐ. |
[No chap] |
| [28]ܘܲܗܘ̤ܵܐ ܕܟܲܕܼ ܫ̣ܡܲܥܘ ܒܵܒ̣̈ܠܵܝܹܐ: ܐܸܬ̣ܒ̇ܐܸܫ ܠܗܘܿܢ ܛܵܒ̣. ܘܐܸܬ̣ܟܲܢܲܫܘ ܥܲܠ ܡܲܠܟܵܐ. ܘܐܸܬ̣̱ܗܦܸܟ̣ܘ ܥܠܵܘܗܝ ܘܐܵܡ̇ܪܝܼܢ ܚܲܕܼ ܠܚܲܕܼ: ܝܗ̄ܘܼܕܼܵܝܵܐ ܗܘ̤ܵܐ ܠܹܗ ܡܲܠܟܵܐ. ܠܒܹܝܠ ܬܲܒܲܪ: ܘܲܠܬܲܢܝܼܢܵܐ ܗܵܐ ܩ̣ܛܲܠ. ܘܲܠܟ̣ܘܼܡܪܹ̈ܐ ܩܲܛܸܠ̣ ܐܸܢܘܿܢ. |
[No chap] |
| [29]ܘܐܸܬ̣ܵܘ ܠܘܵܬ̣ ܡܲܠܟܵܐ ܘܐܵܡ̇ܪܝܼܢ ܠܹܗ. ܐܵܘ ܐܲܫܠܸܡ ܠܲܢ ܠܕܼܵܢܝܼܐܹܝܠ: ܘܐܸܠܵܐ ܩܵـ̇ـܛܠܝܼܢܲܢ ܠܵܟ ܘܲܠܒܲܝܬܵܟ. |
[No chap] |
| [30]ܘܲܚܙ̣ܵܐ ܡܲܠܟܵܐ ܕܩܵܡ̣ܘ ܠܗܘܿܢ ܥܠܵܘܗܝ ܟܠܗܘܿܢ ܐܲܟ̣ܚ̄ܕܼܵܐ: ܘܐܸܬ̣ܐ̱ܠܸܨ ܠܹܗ. ܘܐܵܠܨܵܐܝܼܬ̣ ܐܲܫ̱ܠܡܹܗ ܠܗܘܿܢ ܠܕܼܵܢܝܼܐܹܝܠ. ܘܗܸܢ̣ܘܿܢ ܕܹܝܢ ܕܲܒ̣ܪܘܼܗܝ ܠܕܼܵܢܝܼܐܹܝܠ. |
[No chap] |
| [31]ܘܐܸܙܲܠܘ ܐܲܪܡܝܘܼܗܝ ܒܓ̣ܘܼܒܵܐ ܕܐܲܪ̈ܝܵܘܵܬ̣ܵܐ. ܘܲܗܘ̤ܵܐ ܬܲܡܵܢ ܫܬܵܐ ܝܵܘ̈ܡܝܼܢ ܕܢܸܟ̣ܦ̄ܢܘܼܢ ܐܲܪ̈ܝܵܘܵܬ̣ܵܐ ܘܢܹܐܟ̣ܠܘܼܢܹܗ. |
[No chap] |
| [32]ܐܝܼܬ̣ ܗ̄ܘܼܵܐ ܕܹܝܢ ܒܹܗ ܒܓ̣ܘܼܒܵܐ ܗܵܘܿ ܐܲܪ̈ܝܵܘܵܬ̣ܵܐ ܫܲܒ̣ܥܵܐ. ܘܝܵܗ̄ܒ̇ܝܼܢ ܗ̄ܘܼܵܘ ܠܗܘܿܢ ܬܪܹܝܢ ܦܲܓ̣ܪ̈ܝܼܢ ܒܝܵܘܡܵܐ: ܘܲܬ̣ܪܹܝܢ ܕܸܟ̣ܪ̈ܝܼܢ. ܘܲܒ̣ܗܵܢ̇ܘܿܢ ܝܵܘ̈ܡܵܬ̣ܵܐ ܠܵܐ ܝܲܗ̄ܒ̣ܘ ܠܗܘܿܢ ܡܸܕܸ̇ܡ ܕܢܹܐܟ̣ܠܘܼܢ: ܕܢܸܟ̣ܦ̄ܢܘܼܢ ܘܢܹܐܟ̣ܠܘܼܢܹܗ ܠܕܼܵܢܝܼܐܹܝܠ. |
[No chap] |
| [33]ܐܝܼܬ̣ ܗ̄ܘܼܵܐ ܕܹܝܢ ܚܲܒ̣ܩܘܿܩ ܢܒ̣ܝܼܵܐ ܒܲܝܗܘܼܕܼ: ܘܒܲܫܸܠ̣ ܗ̄ܘܼܵܐ ܒܘܼܫܵܠܵܐ. ܘܦܲܬ̇ ܦܸ̈ܬܹ̇ܐ ܒܥܲܪܒ̣ܵܐ ܘܐܲܪܡܝܼ ܒܵܗ̇. ܘܐܸܙܲܠ̣ ܕܢܵܘܒܸ̇ܠ ܠܚܲܩܠܵܐ ܠܚܵܨ̈ܘܿܕܹܐ. |
[No chap] |
| [34]ܘܐܸܡ̣ܲܪ ܠܹܗ ܡܲܠܲܐܟܹܗ ܕܡܵܪܝܵܐ. ܙܸܠ ܐܵܘܒܸ̇ܠ ܡܹܐܟ̣ܘܼܠܬܵܐ ܗܵܕܹܐ ܕܲܥܠܲܝܟ ܠܕܼܵܢܝܼܐܹܝܠ: ܕܲܪܡܸܐ ܒܓ̣ܘܼܒܵܐ ܕܐܲܪ̈ܝܵܘܵܬ̣ܵܐ ܒܒ̣ܵܒܹܠ. |
[No chap] |
| [35]ܘܐܸܡܲܪ ܚܲܒ̣ܩܘܿܩ ܡܵܪܝ ܠܵܐ ܚܲܙ̣ܝܵܐ ܠܝܼ ܒܵܒܹܠ. ܘܲܠܓ̣ܘܼܒܵܐ ܠܵܐ ܝܵܕܲܥ ܐ̄ܢܵܐ ܠܹܗ. ܘܐܲܪܡܝܼ ܡܲܠܲܐܟ̣ܵܐ ܐܝܼܕܹܗ ܥܲܠ ܪܹܫܹܗ ܕܚܲܒ̣ܩܘܿܩ. |
[No chap] |
| [36]ܘܫܲܩܠܹܗ ܒܣܲܥܪܵܐ ܕܪܹܫܹܗ. ܘܣܵܡܹܗ ܒܒ̣ܵܒܹܠ ܠܥܸܠ ܡ̣ܢ ܓܘܼܒܵܐ ܒܥܘܼܙܵܐ ܕܪܘܼܚܵܐ ܕܩܘܼܕܼܫܵܐ. |
[No chap] |
| [37]ܘܲܩ̣ܪܵܐ ܚܲܒ̣ܩܘܿܩ ܘܐܸܡ̣ܲܪ: ܕܵܢܝܼܐܹܝܠ ܕܵܢܝܼܐܹܝܠ ܩܘܼܡ ܫܩܘܿܠ ܫܵܪܘܼܬ̣ܵܐ ܗܵܕܹܐ ܕܫܲܕܲܪ ܠܵܟ ܐܲܠܵܗܵܐ. |
[No chap] |
| [38]ܘܐܸܡ̣ܲܪ ܕܵܢܝܼܐܹܝܠ: ܐܸܬ̇ܕܲܟ̣ܪܲܢܝ ܐܲܠܵܗܵܐ. ܘܠܵܐ ܫ̣ܒܲܩ ܪ̈ܵܚܡܵܘܗܝ ܡܹܢܝ. ܝܵܕܲܥ ܐ̄ܢܵܐ ܓܹܝܪ ܕܠܵܐ ܫܵܒܹ̇ܩ ܐܲܢ̄ܬ̇ ܠܐܲܝܠܹܝܢ ܕܪܵܚ̇ܡܝܼܢ ܠܵܟ. |
[No chap] |
| [39]ܘܩܵܡ̣ ܕܵܢܝܼܐܹܝܠ ܘܐܸܟܲܠ. ܘܫܲܩ̣ܠܹܗ ܡܲܠܲܐܟ̣ܵܐ ܠܚܲܒ̣ܩܘܿܩ ܒܵܗ̇ ܒܫܵܥܬ̣ܵܐ. ܘܐܲܩܝܼܡܹܗ ܒܐܲܬ̣ܪܵܐ ܕܫܲܩ̣ܠܹܗ ܗ̄ܘܼܵܐ ܡ̣ܢ ܩܕܼܝܼܡ. |
[No chap] |
| [40]ܘܐܸܬ̣ܵܐ ܡܲܠܟܵܐ ܠܝܵܘܡܵܐ ܫܒ̣ܝܼܥܵܝܵܐ ܠܡܸܒ̣ܟܵܐ ܥܲܠ ܕܵܢܝܼܐܹܝܠ. ܡܸܛܠ ܕܟܸܪܝܲܬ̤ ܗ̄ܘ̣ܵܬ̣ ܠܹܗ ܥܲܠ ܕܵܢܝܼܐܹܝܠ. ܘܐܸܬ̣ܵܐ ܠܘܵܬ̣ ܓܘܼܒܵܐ: ܘܐܲܕܼܝܼܩ ܒܓ̣ܘܼܒܵܐ: ܘܲܚܙ̣ܵܝܗܝ ܠܕܼܵܢܝܼܐܹܝܠ ܟܲܕܼ ܝܵܬܹ̇ܒ̣. |
[No chap] |
| [41]ܘܝܲܗ̄ܒ̣ ܩܵܠܵܐ ܪܵܡܵܐ. ܘܐܸܡ̣ܲܪ ܪܲܒ̇ ܗ̄ܘܼ ܐܲܠܵܗܹܗ ܕܕܼܵܢܝܼܐܹܝܠ. |
[No chap] |
| [42]ܘܐܲܣܩ̣ܘܼܗܝ ܡ̣ܢ ܓܘܼܒܵܐ ܠܕܼܵܢܝܼܐܹܝܠ ܘܠܲܒ̣ܥܸܠܕ̇ܒ̣ܵܒ̣ܵܘ̈ܗܝ ܕܕܼܵܢܝܼܐܹܝܠ ܗܵܢ̇ܘܿܢ ܕܐܸܟܲܠ̣ܘ ܩܲܪ̈ܨܵܘܗܝ: ܘܒ̣ܵܥܹ̇ܝܢ ܗ̄ܘܼܵܘ ܠܡܸܩܛܠܹܗ ܐܲܪܡܝܼܘ ܐܸܢܘܿܢ ܒܓ̣ܘܼܒܵܐ. ܘܒ̣ܵܗ̇ ܒܫܵܥܬ̣ܵܐ ܐܸܟܲܠ̣ܘ ܐܸܢܘܿܢ ܐܲܪ̈ܝܵܘܵܬ̣ܵܐ ܩܕܼܵܡܵܘܗܝ ܕܡܲܠܟܵܐ ܘܲܩܕܼܵܡ ܕܵܢܝܼܐܹܝܠ. |
[No chap] |