Warning: file_put_contents(/var/www/vhosts/firenewt.net/esb.bible/httpdocs/app/dat/scroll/Lao.en/cache.txt): Failed to open stream: Permission denied in /var/www/vhosts/firenewt.net/esb.bible/httpdocs/app/funcs.inc line 923

[1] file:  (line ): handle_error()
[2] file: /var/www/vhosts/firenewt.net/esb.bible/httpdocs/app/funcs.inc (line 923): file_put_contents()
[3] file: /var/www/vhosts/firenewt.net/esb.bible/httpdocs/app/funcs.inc (line 1519): Scroll->load()
[4] file: /var/www/vhosts/firenewt.net/esb.bible/httpdocs/app/page/scroll.inc (line 639): new_scroll()
[5] file: /var/www/vhosts/firenewt.net/esb.bible/httpdocs/app/page.inc (line 177): require()
[6] file: /var/www/vhosts/firenewt.net/esb.bible/httpdocs/app/app.php (line 112): require()
[7] file: /var/www/vhosts/firenewt.net/esb.bible/httpdocs/index.php (line 20): require()
ESB | Dan 7 | PesOT, Lao.en
➖ »
«
➖ ➕
Peshitta OT
PesOT
Epistle to the Laodiceans (English)
Lao[EN]
←
Daniel
Dan
7
→
[1]ܒܲܫܢܲܬ̣ ܚܕܼܵܐ ܠܒܹܠܛܫܵܨܲܪ ܡܲܠܟܵܐ ܕܒ̣ܵܒܹܠ: ܕܵܢܝܼܐܹܝܠ ܚܸܠܡܵܐ ܚܙ̣ܵܐ: ܘܚܸܙ̈ܘܲܝ ܪܹܫܹܗ ܥܲܠ ܡܲܫܟ̇ܒܹܗ: ܗܵܝܕܹ̇ܝܢ ܚܸܠܡܵܐ ܟ̣ܬܲܒ̣ ܘܪܹܫ ܡܸܠܵܘ̈ܗܝ ܐܸܡܲܪ. [No book]
[2]ܥܢ̣ܵܐ ܕܵܢܝܼܐܹܝܠ ܘܐܸܡܲܪ: ܚܵܙܹ̇ܐ ܗ̄ܘܹ̇ܝܬ̣ ܒܚܸܙܘܵܐ ܕܠܸܠܝܵܐ: ܘܗܵܐ ܐܲܪܒܲܥ ܪ̈ܘܼܚܲܝ ܫܡܲܝܵܐ ܡܓ̣ܝܼ̈ܚܵܢ ܠܝܲܡܵܐ ܪܲܒܵܐ. [No book]
[3]ܘܐܲܪܒܲܥ ܚܲܝ̈ܘܵܢ ܪܵܘܪ̈ܒ̣ܵܢ ܣܵܠ̈ܩܵܢ ܡ̣ܢ ܝܲܡܵܐ: ܘܲܡܫܲܓ̣ܢ̱̈ܝܵܢ ܚܕܼܵܐ ܡ̣ܢ ܚܕܼܵܐ. [No book]
[4]ܩܲܕܼܡܵܝܬܵܐ ܐܲܝܟ ܐܲܪܝܵܐ: ܘܓܸܦܹ̈ܐ ܕܢܸܫܪܵܐ ܐܝܼܬ̣ ܠܵܗ̇: ܚܵܙܹ̇ܐ ܗ̄ܘܹ̇ܝܬ̣ ܕܐܸܬ̣ܡܲܪܲܛܘ ܓܸܦܹܝ̈ܗ̇: ܘܐܸܬ̇ܬ̇ܪܝܼܡܲܬ̤ ܡ̣ܢ ܐܲܪܥܵܐ: ܘܥܲܠ ܪܸ̈ܓ̣ܠܹܝܗ̇ ܐܲܝܟ ܐ̄ܢܵܫܵܐ ܩܵܡܲܬ̤: ܘܠܸܒܵܐ ܕܐ̄ܢܵܫܵܐ ܐܸܬ̣̱ܝܼܗܸܒ̣ ܠܵܗ̇. [No book]
[5]ܘܚܲܝ̄ܘܬ̣ܵܐ ܕܬܲܪܬܹ̇ܝܢ ܕܵܡ̇ܝܵܐ ܠܕܸܒܵܐ: ܘܲܠܚܲܕܼܣܛܲܪ ܩܵܡܲܬ̤: ܘܲܬ̣ܠܵܬ̣ ܐܸܠܥܝܼ̈ܢ ܒܦܘܼܡܵܗ̇ ܒܹܝܬ̣ ܫܸܢܹܝ̈ܗ̇: ܘܗܵܟܲܢܵܐ ܐܵܡ̇ܪܝܼܢ ܠܵܗ̇: ܩܘܼܡܝ ܐܲܟ̣ܘܿܠܝ ܒܸܣܪܵܐ ܣܲܓ̇ܝܼܐܵܐ. [No book]
[6]ܒܵܬܲܪ ܗܵܠܹܝܢ ܚܵܙܹ̇ܐ ܗܘܹ̇ܝܬ̣ ܚܲܝ̄ܘܬ̣ܵܐ ܐ̄ܚܪܹܬ̣ܵܐ ܐܲܝܟ ܢܸܡܪܵܐ: ܘܐܝܼܬ̣ ܠܵܗ̇ ܓܸܦܹ̈ܐ ܐܲܪܒ̇ܥܵܐ ܕܦܵܪܲܚܬ̣ܵܐ ܥܲܠ ܓܲܒܹ̇ܝ̈ܗ̇: ܘܐܲܪܒ̇ܥܵܐ ܪܹ̈ܫܝܼܢ ܐܝܼܬ̣ ܠܵܗ̇ ܠܚܲܝ̄ܘܬ̣ܵܐ ܗܵܝ̇: ܘܫܘܼܠܛܵܢܵܐ ܐܸܬ̣̱ܝܼܗܸܒ̣ ܠܵܗ̇. [No book]
[7]ܒܵܬܲܪ ܗܵܠܹܝܢ: ܚܵܙܹ̇ܐ ܗ̄ܘܹ̇ܝܬ̣ ܒܚܸܙܘܵܐ ܕܠܸܠܝܵܐ: ܚܲܝ̄ܘܼܬ̣ܵܐ ܪܒ̣ܝܼܥܬܵܐ: ܕܚܝܼܠܵܐ ܘܥܲܫܝܼܢܵܐ: ܘܬܲܩܝܼܦܵܐ ܝܲܬ̇ܝܼܪܵܐܝܼܬ̣ ܘܫܸܢܹ̈ܐ ܪܵܘܪ̈ܒ̣ܵܬ̣ܵܐ ܕܦܲܪܙܠܵܐ ܐܝܼܬ̣ ܠܵܗ̇: ܐܵܟ̣ܠܵܐ ܘܡܲܕ̇ܩܵܐ: ܘܡܸܕܹ̇ܡ ܕܡܵܘܬ̇ܪܵܐ ܒܪܸ̈ܓ̣ܠܹܝܗ̇ ܕܵܝ̇ܫܵܐ: ܘܗ̤ܝ ܡܫܲܓܢ̱ܝܵܐ ܡ̣ܢ ܟܠܗܹܝܢ ܚܲܝ̈ܘܵܬ̣ܵܐ ܕܲܩܕܼܵܡܹܝܗ̇: ܘܩܲܪ̈ܢܵܬ̣ܵܐ ܥܣܲܪܐܝܼܬ̣ ܠܵܗ̇. [No book]
[8]ܘܡܸܣܬܲܟܲܠ ܗ̄ܘܹ̇ܝܬ̣ ܒܩܲܪ̈ܢܵܬ̣ܵܗ̇: ܘܩܲܪܢܵܐ ܚܕܼܵܐ ܙܥܘܿܪܬܵܐ ܣܸܠܩܲܬ̤ ܡ̣ܢ ܒܲܝܢܵܬ̣ܗܹܝܢ: ܘܲܬ̣ܠܵܬ̣ ܡ̣ܢ ܩܲܪ̈ܢܵܬ̣ܵܐ ܩܲܕܼ̈ܡܵܝܵܬ̣ܵܐ ܐܸܬ̣ܥ̱ܩܲܪ ܡ̣ܢ ܩܕܼܵܡܹܝܗ̇: ܘܥܲܝܢܹ̈ܐ ܐܲܝܟ ܥܲܝܢܲܝ̈ ܒܲܪܢܵܫܵܐ ܒܩܲܪܢܵܐ ܗܵܝ̇: ܘܦܘܼܡܵܗ̇ ܡܡܲܠܸܠ ܪܵܘܪ̈ܒ̣ܵܬ̣ܵܐ. [No book]
[9]ܚܵܙܹ̇ܐ ܗ̄ܘܹ̇ܝܬ̣ ܟܘܼܪ̈ܣܵܘܵܬ̣ܵܐ ܐܸܬ̇ܬ̇ܣܝܼܡܘ: ܘܥܲܬ̇ܝܼܩ ܝܵܘ̈ܡܵܬ̣ܵܐ ܝܑܼܬܸܒ̣: ܠܒ̣ܘܼܫܹܗ ܐܲܝܟ ܬܲܠܓܵܐ ܚܸܘܵܪܵܐ: ܘܣܲܥܪܵܐ ܕܪܹܫܹܗ ܐܲܝܟ ܥܲܡܪܵܐ ܕܲܟ̣ܝܵܐ: ܟܘܼܪܣܝܹܗ ܫܲܠܗܹܒ̣ܝܼܬ̣ܵܐ ܕܢܘܼܪܵܐ: ܘܓ̣ܝܼܓ̣ܠܵܘ̈ܗܝ ܕܢܘܼܪܵܐ ܝܵܩܹܕ̇ܬܵܐ. [No book]
[10]ܢܲܗܪܵܐ ܕܢܘܼܪܵܐ ܪܵܕܹܐ ܘܢܵܦܹ̇ܩ ܡ̣ܢ ܩܕܼܵܡܵܘܗܝ: ܐܵܠܹܦ ܐܲܠܦܝܼ̈ܢ ܡܫܲܡܫܝܼܢ ܠܹܗ: ܘܪܸܒ̇ܘܿ ܪܸ̈ܒ̇ܘܵܢ ܩܵܝ̇ܡܝܼܢ ܩܕܼܵܡܵܘܗܝ: ܕܲܝܵܢܵܐ ܝܑܼܬܸܒ̣: ܘܣܸܦܪܹ̈ܐ ܐܸܬ̣ܦܬܲܚܘ. [No book]
[11]ܚܵܙܹ̇ܐ ܗ̄ܘܹ̇ܝܬ̣ ܕܐܸܬ̣ܩܲܠܠܹܬ̤ ܚܲܝ̄ܘܬ̣ܵܐ ܗܵܝ̇: ܘܐܸܒܲܕ ܓܘܼܫܡܵܗ̇: ܘܐܸܬ̣ܝܲܗ̄ܒܲܬ̤ ܠܝܲܩܕܵܢܵܐ ܕܢܘܼܪܵܐ. [No book]
[12]ܘܫܲܪܟ̇ܗܹܝܢ ܕܚܲܝ̈ܘܵܬ̣ܵܐ ܐܸܫܬ̇ܩܸܠ ܡ̣ܢ ܫܘܼܠܛܵܢܗܹܝܢ: ܘܢܘܼܓ̣ܪܵܐ ܘܚܲܝܹ̈ܐ ܐܸܬ̣ܝܼܗܸܒ̣ ܠܗܹܝܢ ܥܲܕܼ ܙܒܲܢ ܘܥܸܕܵܢ. [No book]
[13]ܚܵܙܹ̇ܐ ܗ̄ܘܹ̇ܝܬ̣ ܥܲܠ ܥܢܵܢܲܝ̈ ܫܡܲܝܵܐ ܐܲܝܟ ܒܲܪ ܐ̄ܢܵܫ̈ܝܼܢ ܐܸܬ̣ܵܐ: ܘܲܡ̣ܛܵܐ ܥܕܲܡܵܐ ܠܥܬ̇ܝܼܩ ܝܵܘ̈ܡܵܬ̣ܵܐ: ܘܲܩܕܼܵܡܵܘܗܝ ܩܲܪܒ̣ܘܼܗܝ. [No book]
[14]ܘܠܹܗ ܝܲܗ̄ܒ̣ ܫܘܼܠܛܵܢܵܐ: ܘܐܝܼܩܵܪܵܐ ܘܡܲܠܟ̇ܘܼܬ̣ܵܐ: ܕܟ̣ܠܗܘܿܢ ܥܲܡܡܹ̈ܐ ܘܐܸܡ̈ܘܵܬ̣ܵܐ ܘܠܸܫܵܢܹ̈ܐ ܠܹܗ ܢܸܦ̱ܠܚܘܼܢ: ܫܘܼܠܛܵܢܹܗ ܫܘܼܠܛܵܢ ܥܵܠܲܡ ܘܠܵܐ ܥܵܒܲܪ: ܘܡܲܠܟ̇ܘܼܬܹܗ ܠܵܐ ܡܸܬ̣ܚܲܒ̇ܠܵܐ. [No book]
[15]ܐܸܬ̣ܟܲܪܝܲܬ̤ ܪܘܼܚܝ ܐܸܢܵܐ ܕܵܢܝܼܐܹܝܠ ܒܓܼܵܘ ܡܲܫܟܲܒ̣ܝ: ܘܚܸܙ̈ܘܲܝ ܪܹܫܝ ܕܲܠܚܘܼܢܝ. [No book]
[16]ܘܩܸܪܒܹ̇ܬ̣ ܠܘܵܬ̣ ܚܲܕܼ ܡ̣ܢ ܡܫܲܡܫܵܢܹ̈ܐ: ܘܥܲܠ ܫܪܵܪܵܐ ܥܲܩܸܒ̣ܬܹ̇ܗ ܥܲܠ ܗܵܠܹܝܢ ܟܠܗܹܝܢ: ܘܐܸܡܲܪ ܠܝܼ ܒܲܫܪܵܪܵܐ: ܘܲܦܫܵܪ ܡܸܠܲܝ̈ ܐܵܘܕ̇ܥܲܢܝ. [No book]
[17]ܘܐܸܡܲܪ ܠܝܼ: ܗܵܠܹܝܢ ܚܲܝ̈ܘܵܬ̣ܵܐ ܪܵܘܪ̈ܒ̣ܵܬ̣ܵܐ ܐܲܪܒܲܥ ܕܲܚ̣ܙܲܝܬ̇: ܐܲܪܒ̇ܥܵܐ ܡܲܠܟ̇ܝܼ̈ܢ ܢܩܘܼܡܘܿܢ ܡ̣ܢ ܐܲܪܥܵܐ. [No book]
[18]ܘܲܢܩܲܒ̇ܠܘܼܢ ܡܲܠܟ̇ܘܼܬ̣ܵܐ ܩܲܕ̇ܝܼܫܹ̈ܐ ܕܲܡܪܲܝܡܵܐ: ܘܢܹܐܪܬ̇ܘܼܢܵܗ̇ ܠܡܲܠܟ̇ܘܼܬ̣ܵܐ ܠܥܵܠܲܡ ܘܲܠܥܵܠܲܡ ܥܵܠܡܝܼܢ. [No book]
[19]ܗܵܝܕܹ̇ܝܢ ܨܒܹ̇ܝܬ̣ ܠܲܡܥܲܩܵܒ̣ܘܼ ܥܲܠ ܚܲܝ̄ܘܬ̣ܵܐ ܪܒ̣ܝܼܥܵܝܬܵܐ: ܕܲܡܫܲܓܢ̱ܝܵܐ ܗ̄ܘܼܵܬ̣ ܡ̣ܢ ܟܠܗܹܝܢ: ܘܲܕܼܚܝܼܠܵܐ ܪܵܘܪܒ̣ܵܐܝܼܬ̣: ܫܸܢܹ̈ܝܗ̇ ܕܦܲܪܙܠܵܐ: ܘܛܸܦܪܹ̈ܝܗ̇ ܕܲܢܚܵܫܵܐ: ܐܵܟ̣ܠܵܐ ܘܡܲܕ̇ܩܵܐ: ܘܡܸܕܸ̇ܡ ܕܡܵܘܬ̇ܪܵܐ ܒܪܸ̈ܓ̣ܠܹܝܗ̇ ܕܵܝ̇ܫܵܐ. [No book]
[20]ܘܥܲܠ ܩܲܪ̈ܢܵܬ̣ܵܐ ܥܣܲܪ ܕܲܒ̣ܪܹܫܵܗ̇: ܘܥܲܠ ܐ̄ܚܪܹܬ̣ܵܐ ܕܣܸܠܩܲܬ̤ ܡ̣ܢ ܒܲܝܢܵܬ̣ܗܹܝܢ:ܘܲܢܦܲܠ ܡ̣ܢ ܩܕܼܵܡܹܝܗ̇ ܬܠܵܬ̣: ܘܩܲܪܢܵܐ ܗܵܝ̇ ܥܲܝܢܹ̈ܐ ܐܝܼܬ̣ ܠܵܗ̇: ܘܦܘܼܡܵܗ̇ ܡܡܲܠܸܠ ܪܵܘܪ̈ܒ̣ܵܢ: ܘܚܸܙܘܵܗ̇ ܪܲܒ̇ ܡ̣ܢ ܕܚܲܒ̣ܪ̈ܵܬ̣ܵܗ̇. [No book]
[21]ܚܵܙܹ̇ܐ ܗ̄ܘܹ̇ܝܬ̣ ܩܲܪܢܵܐ ܗܝ̇ ܥܵܒ̣ܕܵܐ ܩܪܵܒ̣ܵܐ ܥܲܡ ܩܲܕ̇ܝܼܫܹ̈ܐ: ܘܡܲܨܝܵܐ ܚܲܝܠܗܘܿܢ. [No book]
[22]ܥܕܲܡܵܐ ܕܐܸܬ̣ܵܐ ܥܲܬ̇ܝܼܩ ܝܵܘ̈ܡܵܬ̣ܵܐ: ܘܕܼܝܼܢܵܐ ܝܲܗ̄ܒ̣ ܠܩܲܕ̇ܝܼܫܹ̈ܐ ܕܲܡܪܲܝܡܵܐ: ܘܙܲܒ̣ܢܵܐ ܡ̣ܛܵܐ: ܘܡܲܠܟ̇ܘܼܬ̣ܵܐ ܝܑܼܪܸܬ̣ܘ ܩܲܕ̇ܝܼܫܹ̈ܐ. [No book]
[23]ܘܗܵܟܲܢܵܐ ܐܸܡܲܪ ܠܝܼ: ܚܲܝ̄ܘܬ̣ܵܐ ܪܒ̣ܝܼܥܵܝܬܵܐ: ܡܲܠܟ̇ܘܼܬ̣ܵܐ ܪܒ̣ܝܼܥܵܝܬܵܐ ܬܸܗܘܹܐ ܒܐܲܪܥܵܐ: ܘܬܸܬ̣ܝܲܬܲܪ ܥܲܠ ܟܠܗܹܝܢ ܡܲܠܟ̈ܘܵܬ̣ܵܐ: ܘܬܹܐܟ̣ܘܿܠ ܐܲܪܥܵܐ ܟܠܵܗ̇ ܘܲܬ̇ܕܼܘܼܫܝܼܗ̇ ܘܬܲܕ̇ܩܝܼܗ̇. [No book]
[24]ܘܩܲܪ̈ܢܵܬ̣ܵܐ ܥܣܲܪ: ܡ̣ܢ ܡܲܠܟ̇ܘܼܬ̣ܵܐ ܥܸܣܪܵܐ ܡܲܠܟ̇ܝܼ̈ܢ ܢܩܘܼܡܘܼܢ: ܘܐܲܚܪܹܢܵܐ ܢܩܘܼܡ ܒܵܬܲܪܗܘܿܢ: ܘܗ̤ܘ ܢܸܬ̣ܝܲܬܲܪ ܡ̣ܢ ܩܲܕܼܡܵܝܹ̈ܐ: ܘܲܬ̣ܠܵܬ̣ܵܐ ܡܲܠܟ̇ܝܼ̈ܢ ܢܡܲܟܸ̇ܟ. [No book]
[25]ܘܡܸܠܹ̈ܐ ܥܲܠ ܡܪܲܝܡܵܐ ܢܡܲܠܸܠ: ܘܥܲܠ ܩܲܕ̇ܝܼܫܹ̈ܐ ܕܲܡܪܲܝܡܵܐ ܢܸܟ̣ܠܵܐ: ܘܢܸܣܒܲܪ ܠܲܡܚܲܠܵܦܘܼ ܙܲܒ̣ܢܹ̈ܐ ܘܢܵܡܘܿܣܹ̈ܐ: ܘܢܸܬ̣ܝܲܗ̄ܒ̇ܘܼܢ ܒܐܝܼܕܹܗ: ܥܲܕܼ ܥܸܕܵܢ ܥܸܕܵܢܝܼ̈ܢ: ܘܦܸܠܓ̇ܘܼܬ̣ ܥܸܕܵܢ. [No book]
[26]ܘܕܲܝܵܢܵܐ ܝܑܼܬܸܒ̣ ܘܫܘܼܠܛܵܢܹܗ ܫܩܲܠ̣ܘ ܡܸܢܹܗ: ܕܲܢܚܲܒ̇ܠܘܼܢܹܗ ܘܢܵܘܒ̇ܕܼܘܼܢܹܗ ܥܕܲܡܵܐ ܠܣܵܘܦܵܐ ܕܡܲܠܟ̇ܘܼܬ̣ܵܐ. [No book]
[27]ܘܫܘܼܠܛܵܢܵܐ ܘܪܲܒ̇ܘܼܬ̣ܵܐ ܘܡܲܠܟ̇ܘܼܬ̣ܵܐ ܕܲܬ̣ܚܹܝܬ̣ ܫܡܲܝܵܐ: ܐܸܬ̣ܝܲܗ̄ܒܲܬ̤ ܠܥܲܡܵܐ ܩܲܕ̇ܝܼܫܵܐ ܕܲܡܪܲܝܡܵܐ: ܡܲܠܟ̇ܘܼܬܹܗ ܡܲܠܟ̇ܘܼܬ̣ ܥܵܠܲܡ: ܘܟ̣ܠ ܫܘܼܠܛܵܢܝܼ̈ܢ ܠܹܗ ܢܸܦ̱ܠܚܘܼܢ ܘܢܸܫܬܲܡܥܘܼܢ. [No book]
[28]ܥܕܲܡܵܐ ܠܗܵܪܟܵܐ ܣܵܘܦܵܗ̇ ܕܡܸܠܬ̣ܵܐ: ܐܸܢܵܐ ܕܵܢܝܼܐܹܝܠ ܣܲܓ̇ܝܼ ܪܸ̈ܥܝܵܢܲܝ ܕܲܠܚ̣ܘܼܢܝ: ܘܙܝܼܘܲܝ̈ ܐܸܫܬܲܢܝܼܘ ܥܠܲܝ: ܘܡܸܠܬ̣ܵܐ ܒܠܹܒ̇ܝ ܢܸܛ̇ܪܹܬ̣. [No book]
 
Top