Warning: file_put_contents(/var/www/vhosts/firenewt.net/esb.bible/httpdocs/app/dat/scroll/Lao.en/cache.txt): Failed to open stream: Permission denied in /var/www/vhosts/firenewt.net/esb.bible/httpdocs/app/funcs.inc line 923

[1] file:  (line ): handle_error()
[2] file: /var/www/vhosts/firenewt.net/esb.bible/httpdocs/app/funcs.inc (line 923): file_put_contents()
[3] file: /var/www/vhosts/firenewt.net/esb.bible/httpdocs/app/funcs.inc (line 1519): Scroll->load()
[4] file: /var/www/vhosts/firenewt.net/esb.bible/httpdocs/app/page/scroll.inc (line 639): new_scroll()
[5] file: /var/www/vhosts/firenewt.net/esb.bible/httpdocs/app/page.inc (line 177): require()
[6] file: /var/www/vhosts/firenewt.net/esb.bible/httpdocs/app/app.php (line 112): require()
[7] file: /var/www/vhosts/firenewt.net/esb.bible/httpdocs/index.php (line 20): require()
ESB | Dan 9 | PesOT, Lao.en
➖ »
«
➖ ➕
Peshitta OT
PesOT
Epistle to the Laodiceans (English)
Lao[EN]
←
Daniel
Dan
9
→
[1]ܒܲܫܢܲܬ̣ ܚܕܼܵܐ ܕܕܲܪܝܵܘܵܫ ܒܲܪ ܐܲܚܫܝܼܪܲܫ ܡ̣ܢ ܙܲܪܥܵܐ ܕܡܵܕܼܵܝܹ̈ܐ: ܕܐܲܡ̣ܠܸܟ ܒܡܲܠܟ̇ܘܼܬ̣ܵܐ ܕܟܲܠܕܼܵܝܹ̈ܐ. [No book]
[2]ܒܲܫܢܲܬ̣ ܚܕܼܵܐ ܠܡܲܠܟ̇ܘܼܬܹܗ: ܐܸܢܵܐ ܕܵܢܝܼܐܹܝܠ ܐܸܬ̣ܒܲܝܢܹ̇ܬ̣ ܒܣܸܦܪܵܐ ܒܡܸܢܝܵܢ ܫ̈ܢܲܝܵܐ: ܚܙܹ̇ܝܬ̣ ܕܲܗܘ̤ܵܐ ܦܸܬ̣ܓ̣ܵܡܹܗ ܕܡܵܪܝܵܐ ܕܐܸܡܲܪ ܐܹܪܲܡܝܵܐ ܢܒ̣ܝܼܵܐ: ܟܲܕܼ ܫܠܸܡ̣ ܠܚܘܼܪܒܵܗ̇ ܕܐܘܿܪܸܫܠܸܡ ܫܲܒ̣ܥܝܼܢ ܫܢ̈ܝܼܢ. [No book]
[3]ܐܲܪܝܼܡܹ̇ܬ̣ ܐܲܦܲܝ̈ ܩܕܼܵܡ ܡܵܪܝܵܐ ܐܲܠܵܗܵܐ: ܠܡܸܒ̣ܥܵܐ ܒܲܨܠܘܿܬ̣ܵܐ ܘܲܒ̣ܬܲܟ̣ܫܲܦ̮ܬܵܐ: ܘܲܒ̣ܨܵܘܡܵܐ: ܘܲܒ̣ܣܲܩܵܐ: ܘܲܒ̣ܩܸܛܡܵܐ. [No book]
[4]ܘܨܲܠܝܼܬ̣ ܩܕܼܵܡ ܡܵܪܝܵܐ ܐܲܠܵܗܝ: ܘܐܵܘܕ̇ܝܼܬ̣ ܘܐܸܡ̇ܪܹܬ̣: ܒܒ̣ܵܥܘܼ ܡܵܪܝܵܐ ܐܲܠܵܗܵܐ ܪܲܒܵܐ ܘܲܕܼܚܝܼܠܵܐ: ܢܵܛܲܪ ܩܝܵܡܵܐ ܘܛܲܝܒ̇ܘܼܬ̣ܵܐ ܠܪ̈ܵܚܡܵܘܗܝ: ܘܠܲܐܝܠܹܝܢ ܕܢܵܛ̇ܪܝܼܢ ܦܘܼܩ̈ܕܵܢܵܘܗܝ. [No book]
[5]ܚ̣ܛܲܝܢ ܘܐܲܣ̣ܟܸ̇ܠܢ: ܘܐܲܪܫܲܠܸܡ ܘܲܡܪܲܕܼܢ: ܘܲܣܛܲܝܢ ܡ̣ܢ ܦܘܼܩ̈ܕܵܢܲܝܟ: ܘܡ̣ܢ ܕܝܼܢܲܝ̈ܟ. [No book]
[6]ܘܠܵܐ ܫ̣ܡܲܥܢ ܠܥܲܒ̣ܕܲܝ̈ܟ ܢܒ̣̈ܝܹܐ ܕܡܲܠܸܠ̣ܘ ܒܲܫܡܵܟ: ܥܲܠ ܡܲܠ̈ܟܝܼܢ ܘܪܵܘܪ̈ܒ̣ܵܢܲܝܢ: ܘܥܲܠ ܐܲܒ̣ܵܗܲܝ̈ܢ: ܘܥܲܠ ܟܠܹܗ ܥܲܡܵܐ ܕܐܲܪܥܵܐ. [No book]
[7]ܕܝܼܠܵܟ ܡܵܪܝܵܐ ܙܵܟ̣ܘܼܬ̣ܵܐ: ܘܕܼܝܼܠܲܢ ܒܸܗܬܲܬ̣ ܐܲܦܹ̈ܐ ܐܲܝܟ ܕܝܵܘܡܵܢܵܐ: ܠܐ̄ܢܵܫܲܝ̈ ܝܑܼܗܘܼܕܼܵܐ: ܘܲܠܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܘܲܠܟ̣ܠܵܗ̇ ܝܑܼܣܪܵܝܹܠ ܕܩܲܪܝܼܒ̣ܝܼܢ ܘܲܕܼܪܲܚܝܼܩܝܼܢ: ܒܟ̣ܠ ܐܲܪ̈ܥܵܬ̣ܵܐ ܕܒܲܕܲܪܬ̇ ܐܸܢܘܿܢ ܠܬܲܡܵܢ: ܒܥܵܘܼܠܗܘܿܢ ܕܐܲܥ̣ܠܝܼܘ ܒܵܟ. [No book]
[8]ܡܵܪܝܵܐ ܕܝܼܠܲܢ ܒܸܗܬܲܬ̣ ܐܲܦܹ̈ܐ: ܠܡܲܠܟܲܝ̈ܢ: ܘܲܠܪܵܘܪ̈ܒ̣ܵܢܲܝܢ: ܘܠܲܐܒ̣ܵܗܲܝ̈ܢ: ܥܲܠ ܕܲܚܛܲܝܢ ܠܵܟ. [No book]
[9]ܕܡܵܪܝܵܐ ܐܲܠܵܗܵܐ ܪ̈ܲܚܡܹܐ ܘܫܘܼܒ̣ܩܲܢ ܚܛܵܗܹ̈ܐ ܕܲܡܪܲܕܼܢ ܒܹܗ. [No book]
[10]ܘܠܵܐ ܫ̣ܡܲܥܢ ܒܩܵܠܹܗ ܕܡܵܪܝܵܐ ܐܲܠܵܗܲܢ: ܠܲܡܗܲܠܵܟ̣ܘܼ ܒܢܵܡܘܿܣܵܘ̈ܗܝ ܕܝܲܗ̄ܒ̣ ܩܕܼܵܡܲܝܢ ܒܝܲܕܼ ܥܲܒ̣ܕܵܘ̈ܗܝ ܢܒ̣ܝܹ̈ܐ. [No book]
[11]ܘܟ̣ܠܹܗ ܝܑܼܣܪܵܝܹܠ ܥ̣ܒܲܪܘ ܥܲܠ ܢܵܡܘܿܣܵܟ: ܘܲܣ̣ܛܵܘ ܘܠܵܐ ܫܡܲܥܘ ܒܩܵܠܵܟ: ܘܐܲܝܬ̇ܝܼܬ̇ ܥܠܲܝܗܘܿܢ ܠܵܘ̈ܛܵܬ̣ܵܐ ܘܡܵܘ̈ܡܵܬ̣ܵܐ: ܕܲܟ̣ܬ̣ܝܼ̈ܒ̣ܵܢ ܒܢܵܡܘܿܣܹܗ ܕܡܘܼܫܹܐ ܥܲܒ̣ܕܹ̇ܗ ܕܐܲܠܵܗܵܐ: ܥܲܠ ܕܲܚܛܲܝܢ ܩܕܼܵܡܵܘܗܝ. [No book]
[12]ܘܐܲܩܝܼܡ ܡܸܠܵܘ̈ܗܝ ܕܡܲܠܸܠ ܥܠܲܝܢ: ܘܥܲܠ ܕܲܝܵܢܲܝ̈ܢ ܕܕܼܵܢܘܼܢ: ܠܡܲܝܬܵܝܘܼ ܥܠܲܝܢ ܒܝܼܫܬܵܐ ܪܲܒ̇ܬ̣ܵܐ: ܕܠܵܐ ܐܸܬ̣ܥܲܒ̣ܕܲܬ̤ ܐܲܟ̣ܘܵܬ̣ܵܗ̇ ܬܚܹܝܬ̣ ܫܡܲܝܵܐ: ܐܲܝܟ ܕܐܸܬ̣ܥܲܒ̣ܕܲܬ̤ ܒܐܘܿܪܸܫܠܸܡ. [No book]
[13]ܐܲܝܟ ܕܲܟ̣ܬ̣ܝܼܒ̣ ܒܢܵܡܘܿܣܵܐ ܕܡܘܼܫܹܐ: ܟܠܵܗ̇ ܒܝܼܫܬܵܐ ܗܵܕܹܐ ܐܸܬܲܬ̤ ܥܠܲܝܢ: ܘܠܵܐ ܨܲܠܝܼܢ ܩܕܼܵܡ ܡܵܪܝܵܐ ܐܲܠܵܗܲܢ: ܕܲܢܬ̣ܘܼܒ̣ ܡ̣ܢ ܥܵܘܼܠܲܢ: ܘܢܸܣܬܲܟܲܠ ܗܲܝܡܵܢܘܼܬ̣ܵܟ: ܘܐܲܥܝܼܪ ܡܵܪܝܵܐ ܒܝܼܫܬܵܐ ܘܐܲܝܬ̇ܝܵܗ̇ ܥܠܲܝܢ. [No book]
[14]ܡܸܛܠ ܕܙܲܕ̇ܝܼܩ ܗ̄ܘܼ ܡܵܪܝܵܐ ܐܲܠܵܗܲܢ ܒܟ̣ܠܗܘܿܢ ܥܒ̣ܵܕܼܵܘ̈ܗܝ ܕܲܥ̣ܒܲܕܼ: ܘܠܵܐ ܫܡܲܥܢ ܒܩܵܠܹܗ. [No book]
[15]ܡܸܟܹ̇ܝܠ ܡܵܪܝܵܐ ܐܲܠܵܗܲܢ: ܕܐܲܦܸܩ̣ܬ̇ ܠܥܲܡܵܟ ܡ̣ܢ ܐܲܪܥܵܐ ܕܡܸܨܪܹܝܢ ܒܐܝܼܕܼܵܐ ܥܲܫܝܼܢܬܵܐ: ܘܲܥ̣ܒܲܕ̇ܬ̇ ܠܵܟ ܫܡܵܐ ܐܲܝܟ ܕܝܵܘܡܵܢܵܐ: ܚܛܲܝܢ ܘܐܲܪܫܲܥ̣ܢ. [No book]
[16]ܡܵܪܝܵܐ: ܐܲܝܟ ܟܠܵܗ̇ ܙܲܕ̇ܝܼܩܘܼܬ̣ܵܟ ܕܲܥ̣ܒܲܕ̇ܬ̇ ܥܲܡܲܢ: ܢܸܗܦܘܿܟ ܪܘܼܓ̣ܙܵܟ ܘܚܸܡܬ̣ܵܟ ܡ̣ܢ ܡܕܼܝܼܢ̄ܬܵܐ ܐܘܿܪܸܫܠܸܡ: ܘܡ̣ܢ ܛܘܼܪܵܟ ܩܲܕ̇ܝܼܫܵܐ: ܡܸܛܠ ܕܒܲܚܛܵܗܲܝ̈ܢ ܘܲܒ̣ܥܵܘܼܠܵܐ ܕܐܲܒ̣ܵܗܲܝ̈ܢ: ܥܲܡܵܟ ܐܸܬ̣ܒܲܕܲܪ ܒܟ̣ܠ ܐܲܬܲܪ: ܘܲܗܘ̤ܵܬ̣ ܐܘܿܪܸܫܠܸܡ ܚܸܣܕܵܐ ܠܟ̣ܠܗܘܿܢ ܥܲܡܡܹ̈ܐ. [No book]
[17]ܡܸܟܹ̇ܝܠ ܫܡܲܥ ܐܲܠܵܗܵܐ ܒܲܨܠܘܿܬܹܗ ܕܥܲܒ̣ܕܵܟ ܘܲܒ̣ܬܲܟ̣ܫܲܦ̮ܬܲܢ: ܘܐܲܢܗܲܪ ܐܲܦܲܝ̈ܢ ܒܡܲܩܕ̇ܫܵܟ ܕܲܚ̣ܪܸܒ̣: ܡܸܛܠ ܫܡܵܟ ܡܵܪܝܵܐ. [No book]
[18]ܐܲܪܟܸ̇ܢ ܐܲܠܵܗܝ ܐܸܕܼܢܵܟ ܘܲܫܡܲܥ: ܘܲܦܬܲܚ ܥܲܝ̈ܢܲܝܟ ܘܲܚܙܝܼ: ܚܲܪ̈ܒ̣ܵܬܲܢ ܘܨܵܕܼܝܵـ̈ـܬܲܢ: ܘܲܡܕܼܝܼܢ̄ܬܵܐ ܕܐܸܬ̣ܩܪܝܼ ܫܡܵܟ ܥܠܹܝܗ̇: ܠܵܐ ܗ̄ܘܼܵܐ ܓܹܝܪ ܥܲܠ ܙܲܕ̇ܝܼܩܘܼܬܲܢ ܬܟ̣ܝܼܠܝܼܢܲܢ: ܘܲܡܨܲܠܹܝܢܲܢ ܩܕܼܵܡܲܝܟ: ܐܸܠܵܐ ܥܲܠ ܪ̈ܲܚܡܲܝܟ ܣܲܓ̇ܝܼ̈ܐܹܐ. [No book]
[19]ܡܵܪܝܵܐ ܫܡܲܥ: ܡܵܪܝܵܐ ܚܲܣܵܢ: ܡܵܪܝܵܐ ܨܘܼܬ̣ ܘܲܥܒܸܕܼ: ܘܠܵܐ ܬܵܘܚܲܪ ܡܸܛܠ ܫܡܵܟ ܐܲܠܵܗܝ: ܕܲܫܡܵܟ ܐܸܬ̣ܩܪܝܼ ܥܲܠ ܡܕܼܝܼܢ̄ܬܵܐ ܘܥܲܠ ܥܲܡܵܟ. [No book]
[20]ܘܥܲܕܼ ܐܸܢܵܐ ܡܨܲܠܹܐ ܘܡܵܘܕܹ̇ܐ ܚܵܘ̈ܒܲܝ: ܘܚܵܘ̈ܒܲܝ ܥܲܡܝ ܝܑܼܣܪܵܝܹܠ: ܘܪܵܡܹ̇ܐ ܐ̄ܢܵܐ ܬܲܟ̣ܫܲܦ̮ܬ̇ܝ ܩܕܼܵܡ ܡܵܪܝܵܐ ܐܲܠܵܗܵܐ: ܥܲܠ ܛܘܼܪܹܗ ܩܲܕ̇ܝܼܫܵܐ ܕܐܲܠܵܗܝ. [No book]
[21]ܘܥܲܕܼ ܐܸܢܵܐ ܡܡܲܠܸܠ ܒܲܨܠܘܿܬ̣ܵܐ: ܘܓܲܒ̣ܪܵܐ ܓܲܒ̣ܪܝܹܠ ܕܲܚܙܹ̇ܝܬ̣ ܒܚܸܙܘܵܐ ܡ̣ܢ ܩܕܼܝܼܡ: ܦܪܲܚ ܡܸܦܪܲܚ: ܘܛܲܣ ܘܐܸܬ̣ܵܐ ܡ̣ܢ ܫܡܲܝܵܐ: ܘܲܩ̣ܪܸܒ̣ ܠܘܵܬ̣ܝ ܒܙܲܒ̣ܢܵܐ ܕܩܘܼܪܒܵܢܵܐ ܕܪܲܡܫܵܐ. [No book]
[22]ܘܐܸܬ̣ܵܐ ܘܡܲܠܸܠ ܥܲܡܝ: ܘܐܸܡ̣ܲܪ ܠܝܼ: ܕܵܢܝܼܐܹܝܠ: ܗܵܫܵܐ ܕܐܲܠܦܵܟ ܕܬܸܣܬܲܟܲܠ. [No book]
[23]ܒܪܹܫ ܨܠܘܿܬ̣ܵܟ: ܢܸܦܲܩ ܦܸܬ̣ܓ̣ܵܡܵܐ: ܘܐܸܢܵܐ ܐܸܬܹ̇ܝܬ̣ ܠܲܡܚܵܘܵܝܘܼܬ̣ܵܟ: ܡܸܛܠ ܕܲܪܓ̣ܝܼܓ̣ ܐܲܢ̄ܬ̇: ܐܸܬ̣ܒܲܝܲܢ ܒܦܸܬ̣ܓ̣ܵܡܵܐ: ܘܐܸܣܬܲܟܲܠ ܒܚܸܙܘܵܐ. [No book]
[24]ܫܲܒ̣ܥܝܼܢ ܫܵܒ̣ܘܿܥܝܼ̈ܢ ܢܸܬ̇ܬ̇ܢܝܼܚܘܼܢ ܥܲܠ ܥܲܡܵܟ ܘܥܲܠ ܩܪܝܼܬ̣ܵܐ ܕܩܘܼܕܼܫܵܟ: ܠܡܸܫܠܲܡ ܚܵܘ̈ܒܹ̇ܐ ܘܲܠܡܸܓܡܲܪ ܚܛܵܗܹ̈ܐ: ܠܫܘܼܒ̣ܩܵܢ ܥܵܘܼܠܵܐ: ܘܲܠܡܲܝܬܵܝܘܼ ܙܸܕܼܩܵܐ ܕܡ̣ܢ ܥܵܠܲܡ: ܘܲܠܡܸܫܠܲܡ ܚܸܙܘܵܐ ܘܲܢܒ̣ܝܹ̈ܐ: ܘܠܲܡܫܝܼܚܵܐ ܩܕܼܘܿܫ ܩܘܼܕܼܫ̈ܝܼܢ. [No book]
[25]ܘܬܸܕܲܥ ܘܬܸܣܬܲܟܲܠ: ܡ̣ܢ ܡܲܦܩܵܢܵܗ̇ ܕܡܸܠܬ̣ܵܐ ܠܡܸܗܦܲܟ ܘܠܲܡܒܲܢܵܝܘܼ ܠܐܘܿܪܸܫܠܸܡ: ܘܲܠܡܹܐܬ̣ܵܐ ܡܫܝܼܚܵܐ ܡܲܠܟܵܐ: ܫܵܒ̣ܘܿܥܹ̈ܐ ܫܲܒ̣ܥܵܐ: ܘܫܵܒ̣ܘܿܥܹ̈ܐ ܫܬ̇ܝܼܢ ܘܲܬ̣ܪܹܝܢ: ܢܸܗܦܘܿܟ ܘܢܸܒ̣ܢܸܐ ܠܐܘܿܪܸܫܠܸܡ ܫܘܼܩܹ̈ܝܗ̇ ܘܲܦܠܵܛܵـ̈ـܘܵܬ̣ܵܗ̇: ܠܫܘܼܠܵܡ ܙܲܒ̣ܢܹ̈ܐ. [No book]
[26]ܘܒ̣ܵܬܲܪ ܫܵܒ̣ܘܿܥܹ̈ܐ ܫܬ̇ܝܼܢ ܘܲܬ̣ܪܹܝܢ: ܢܸܬ̣ܩ̄ܛܲܠ ܡܫܝܼܚܵܐ ܘܠܵܐ ܐܝܼܬ̣ ܠܵܗ̇: ܘܲܩܪܝܼܬ̣ܵܐ ܕܩܘܼܕܼܫܵܐ ܬܸܬ̣ܚܲܒܲܠ ܥܲܡ ܡܲܠܟܵܐ ܕܐܵܬܹ̇ܐ: ܘܚܲܪܬ̣ܵܗ̇ ܒܲܓ̣ܪܘܼܦܝܵܐ: ܘܲܥܕܲܡܵܐ ܠܚܲܪܬ̣ܵܐ ܕܲܩܪܵܒ̣ܵܐ ܕܦܵܣܝܼ̈ܩܵܬ̣ܵܐ ܕܲܚܒ̣ܵܠܵܐ. [No book]
[27]ܘܲܢܥܲܫܸܢ ܕܝܼܵܬܹܩܹܐ ܠܣܲܓ̇ܝܼ̈ܐܹܐ: ܫܵܒ̣ܘܿܥܵܐ ܚܲܕܼ ܘܦܸܠܓܘܼܬ̣ ܫܵܒ̣ܘܿܥܵܐ: ܘܲܢܒܲܛܸܠ ܕܸܒ̣ܚ̱ܬ̣ܵܐ ܘܩܘܼܪܒܵܢܵܐ: ܘܥܲܠ ܟܸܢܦܹܝ̈ܗ̇ ܕܛܲܢܦܘܼܬ̣ܵܐ ܚܒ̣ܵܠܵܐ: ܥܕܲܡܵܐ ܠܲܓ̣ܡܘܼܪܝܵܐ ܕܦܵܣܝܼ̈ܩܵܬ̣ܵܐ ܬܸܬ̇ܢܝܼܚ ܥܲܠ ܚܒ̣ܵܠܵܐ. [No book]
 
Top