|
|
| [1]בעת ההוא אמר יהוה אלי פסל לך שני לוחת אבנים כראשנים ועלה אלי ההרה ועשית לך ארון עץ |
[No book] |
| [2]ואכתב על הלחת את הדברים אשר היו על הלחת הראשנים אשר שברת ושמתם בארון |
[No book] |
| [3]ואעש ארון עצי שטים ואפסל שני לחת אבנים כראשנים ואעל ההרה ושני הלחת בידי |
[No book] |
| [4]ויכתב על הלחת כמכתב הראשון את עשרת הדברים אשר דבר יהוה אליכם בהר מתוך האש ביום הקהל ויתנם יהוה אלי |
[No book] |
| [5]ואפן וארד מן ההר ואשם את הלחת בארון אשר עשיתי ויהיו שם כאשר צוני יהוה |
[No book] |
| [6]ובני ישראל נסעו מבארת בני יעקן־מוסרה שם מת אהרן ויקבר שם ויכהן אלעזר בנו תחתיו |
[No book] |
| [7]משם נסעו הגדגדה ומן הגדגדה יטבתה ארץ נחלי מים |
[No book] |
| [8]בעת ההוא הבדיל יהוה את שבט הלוי לשאת את ארון ברית יהוה־לעמד לפני יהוה לשרתו ולברך בשמו עד היום הזה |
[No book] |
| [9]על כן לא היה ללוי חלק ונחלה־עם אחיו יהוה הוא נחלתו כאשר דבר יהוה אלהיך לו |
[No book] |
| [10]ואנכי עמדתי בהר כימים הראשנים־ארבעים יום וארבעים לילה וישמע יהוה אלי גם בפעם ההוא־לא אבה יהוה השחיתך |
[No book] |
| [11]ויאמר יהוה אלי קום לך למסע לפני העם ויבאו ויירשו את הארץ אשר נשבעתי לאבתם לתת להם |
[No book] |
| [12]ועתה ישראל־מה יהוה אלהיך שאל מעמך כי אם ליראה את יהוה אלהיך ללכת בכל דרכיו ולאהבה אתו ולעבד את יהוה אלהיך בכל לבבך ובכל נפשך |
[No book] |
| [13]לשמר את מצות יהוה ואת חקתיו אשר אנכי מצוך היום־לטוב לך |
[No book] |
| [14]הן ליהוה אלהיך השמים ושמי השמים הארץ וכל אשר בה |
[No book] |
| [15]רק באבתיך חשק יהוה לאהבה אותם ויבחר בזרעם אחריהם בכם מכל העמים־כיום הזה |
[No book] |
| [16]ומלתם את ערלת לבבכם וערפכם־לא תקשו עוד |
[No book] |
| [17]כי יהוה אלהיכם־הוא אלהי האלהים ואדני האדנים האל הגדל הגבר והנורא אשר לא ישא פנים ולא יקח שחד |
[No book] |
| [18]עשה משפט יתום ואלמנה ואהב גר לתת לו לחם ושמלה |
[No book] |
| [19]ואהבתם את הגר כי גרים הייתם בארץ מצרים |
[No book] |
| [20]את יהוה אלהיך תירא אתו תעבד ובו תדבק ובשמו תשבע |
[No book] |
| [21]הוא תהלתך והוא אלהיך־אשר עשה אתך את הגדלת ואת הנוראת האלה אשר ראו עיניך |
[No book] |
| [22]בשבעים נפש ירדו אבתיך מצרימה ועתה שמך יהוה אלהיך ככוכבי השמים לרב |
[No book] |