➖ »
«
➖ ➕
Aleppo Codex (~920)
Alep
The Didache
Didache
←
Deuteronomy
Deu
14
→
[1]בנים אתם ליהוה אלהיכם לא תתגדדו ולא תשימו קרחה בין עיניכם־למת [No book]
[2]כי עם קדוש אתה ליהוה אלהיך ובך בחר יהוה להיות לו לעם סגלה מכל העמים אשר על פני האדמה [No book]
[3]לא תאכל כל תועבה [No book]
[4]זאת הבהמה אשר תאכלו שור שה כשבים ושה עזים [No book]
[5]איל וצבי ויחמור ואקו ודישן ותאו וזמר [No book]
[6]וכל בהמה מפרסת פרסה ושסעת שסע שתי פרסות מעלת גרה בבהמה־אתה תאכלו [No book]
[7]אך את זה לא תאכלו ממעלי הגרה וממפריסי הפרסה השסועה את הגמל ואת הארנבת ואת השפן כי מעלה גרה המה ופרסה לא הפריסו־טמאים הם לכם [No book]
[8]ואת החזיר כי מפריס פרסה הוא ולא גרה־טמא הוא לכם מבשרם לא תאכלו ובנבלתם לא תגעו [No book]
[9]את זה תאכלו מכל אשר במים כל אשר לו סנפיר וקשקשת תאכלו [No book]
[10]וכל אשר אין לו סנפיר וקשקשת לא תאכלו־טמא הוא לכם [No book]
[11]כל צפור טהרה תאכלו [No book]
[12]וזה אשר לא תאכלו מהם הנשר והפרס והעזניה [No book]
[13]והראה ואת האיה והדיה למינה [No book]
[14]ואת כל ערב למינו [No book]
[15]ואת בת היענה ואת התחמס ואת השחף ואת הנץ למינהו [No book]
[16]את הכוס ואת הינשוף והתנשמת [No book]
[17]והקאת ואת הרחמה ואת השלך [No book]
[18]והחסידה והאנפה למינה והדוכיפת והעטלף [No book]
[19]וכל שרץ העוף טמא הוא לכם לא יאכלו [No book]
[20]כל עוף טהור תאכלו [No book]
[21]לא תאכלו כל נבלה לגר אשר בשעריך תתננה ואכלה או מכר לנכרי־כי עם קדוש אתה ליהוה אלהיך לא תבשל גדי בחלב אמו [No book]
[22]עשר תעשר את כל תבואת זרעך היצא השדה שנה שנה [No book]
[23]ואכלת לפני יהוה אלהיך במקום אשר יבחר לשכן שמו שם מעשר דגנך תירשך ויצהרך ובכרת בקרך וצאנך למען תלמד ליראה את יהוה אלהיך־כל הימים [No book]
[24]וכי ירבה ממך הדרך כי לא תוכל שאתו־כי ירחק ממך המקום אשר יבחר יהוה אלהיך לשום שמו שם כי יברכך יהוה אלהיך [No book]
[25]ונתתה בכסף וצרת הכסף בידך והלכת אל המקום אשר יבחר יהוה אלהיך בו [No book]
[26]ונתתה הכסף בכל אשר תאוה נפשך בבקר ובצאן וביין ובשכר ובכל אשר תשאלך נפשך ואכלת שם לפני יהוה אלהיך ושמחת אתה וביתך [No book]
[27]והלוי אשר בשעריך לא תעזבנו כי אין לו חלק ונחלה עמך [No book]
[28]מקצה שלש שנים תוציא את כל מעשר תבואתך בשנה ההוא והנחת בשעריך [No book]
[29]ובא הלוי כי אין לו חלק ונחלה עמך והגר והיתום והאלמנה אשר בשעריך ואכלו ושבעו־למען יברכך יהוה אלהיך בכל מעשה ידך אשר תעשה [No book]
Source: unbound.biola.edu
 Translation: Charles H. Hoole (1894)
Source: sacred-texts.com
Top