|
|
| [1]ܒ̈ܢܲܝܵܐ ܐܲܢ̄ܬ̇ܘܿܢ ܕܡܵܪܝܵܐ ܐܲܠܵܗܟ݂ܘܿܢ: ܠܵܐ ܬܸܬ̣ܥܲܕ݂ܪܘܼܢ ܘܠܵܐ ܬܸܥܒ̇ܕ݂ܘܼܢ ܩܘܼ̈ܕ݂ܚܵܬ̣ܵܐ ܒܹܝܬ̣ ܥܲܝܢܲܝ̈ܟ̇ܘܿܢ ܥܲܠ ܡܝܼܬ̣ܵܐ. |
[No book] |
| [2]ܡܸܛܠ ܕܥܲܡܵܐ ܐܲܢ̄ܬ̇ ܩܲܕ̇ܝܼܫܵܐ ܠܡܵܪܝܵܐ ܐܲܠܵܗܵܟ݂: ܘܠܵܟ݂ ܓ̣ܒ̣ܵܐ ܡܵܪܝܵܐ ܐܲܠܵܗܵܟ݂ ܕܬܸܗܘܸܐ ܠܹܗ. ܥܲܡܵܐ ܚܲܒ̇ܝܼܒ̣ܵܐ: ܛܵܒ̣ ܡ̣ܢ ܟܠܗܘܿܢ ܥܲܡܡܹ̈ܐ ܕܥܲܠ ܐܲܦܲܝ̈ ܐܲܪܥܵܐ. |
[No book] |
| [3]ܠܵܐ ܬܹܐܟ݂ܠܘܼܢ ܟܠ ܕܲܛܡܲܐ. |
[No book] |
| [4]ܗܵܕܹܐ ܚܲܝܘܼܬ̣ܵܐ ܕܬܹܐܟ݂ܠܘܼܢ: ܬܵܘܪܵܐ: ܘܐܸܡܪܵܐ: ܘܢܸܩܝܵܐ: ܘܥܸܙܵܐ. |
[No book] |
| [5]ܘܐܲܝܠܵܐ: ܘܛܲܒ̣ܝܵܐ: ܘܝܲܚܡܘܼܪܵܐ: ܘܝܵܥܠܵܐ: ܘܪܲܝܡܵܐ: ܘܕܲܝܨܵܐ: ܘܐܲܪܢܵܐ. |
[No book] |
| [6]ܟܠ ܒܥܝܼܪܵܐ ܕܨܲܪܝܵܐ ܦܲܪܣܬ̣ܵܗ̇ ܘܲܦܠܝܼܓ̣ܵܐ ܠܲܬ̣ܪܹܝܢ ܘܡܸܬ̣ܓܵܘܪܪܵܐ: ܗܵܝ̇ ܐܲܟ݂ܘܿܠܘ. |
[No book] |
| [7]ܗܵܠܹܝܢ ܕܹܝܢ ܠܵܐ ܬܹܐܟ݂ܠܘܼܢ: ܡ̣ܢ ܐܲܝܠܹܝܢ ܕܡܸܬ̣ܓܵܘܪܪܝܼܢ: ܘܡ̣ܢ ܐܲܝܠܹܝܢ ܕܨܲܪ̈ܝܵܢ ܦܲܪ̈ܣܵܬ̣ܗܘܿܢ ܨ̈ܠܵܦܵܢ ܨ̈ܠܵܦܵܢ: ܓܲܡܠܵܐ: ܘܐܲܪܢܒ̣ܵܐ: ܘܲܣܓ̣ܵܣܵܐ: ܕܡܸܬ̣ܓܵܘܪܪܝܼܢ ܘܦܲܪ̈ܣܵܬ̣ܗܘܿܢ ܠܵܐ ܨܲܪ̈ܝܵܢ: ܛܲܡܐܝܼܢ ܐܸܢܘܿܢ ܠܟ݂ܘܿܢ. |
[No book] |
| [8]ܘܲܚܙܝܼܪܵܐ ܕܨܲܪܝܵܐ ܦܲܪܣܵܬܹܗ ܘܠܵܐ ܡܸܬ̣ܓܵܘܪܲܪ: ܛܡܲܐ ܗ̄ܘ̣ ܠܟ݂ܘܿܢ. ܡ̣ܢ ܒܸܣܪܗܘܿܢ ܠܵܐ ܬܹܐܟ݂ܠܘܼܢ: ܘܲܠܦܲܓ̣ܪ̈ܲܝܗܘܿܢ ܠܵܐ ܬܸܬ̣ܩܲܪܒ̣ܘܼܢ. |
[No book] |
| [9]ܘܗܵܠܹܝܢ ܐܲܟ݂ܘܿܠܘ ܡ̣ܢ ܟܠ ܕܐܝܼܬ̣ ܒܡܲـ̈ܝܵܐ: ܟܠ ܕܐܝܼܬ̣ ܠܹܗ ܓܸܦܹ̈ܐ ܘܲܩܠܵܦܹ̈ܐ ܐܲܟ݂ܘܿܠܘ. |
[No book] |
| [10]ܘܟ݂ܠ ܕܠܲܝܬ̇ ܠܹܗ ܘܲܩܠܵܦܹ̈ܐ ܠܵܐ ܬܹܐܟ݂ܠܘܼܢ: ܛܡܲܐ ܗ̄ܘ̣ ܠܟ݂ܘܿܢ. |
[No book] |
| [11]ܘܟ݂ܠ ܦܵܪܲܚܬ̣ܵܐ ܕܕܲܟ݂ܝܵܐ ܐܲܟ݂ܘܿܠܘ. |
[No book] |
| [12]ܘܗܵܠܹܝܢ ܠܵܐ ܬܹܐܟ݂ܠܘܼܢ ܡܸܢܗܘܿܢ: ܢܸܫܪܵܐ ܘܕܲܝܬ̣ܵܐ ܘܢܲܥܒ̣ܵܐ ܒܓܸܢܣܲܝ̈ܗܘܿܢ. |
[No book] |
| [13]ܘܢܲܥܵܡܵܐ: ܘܢܸܨܵܐ ܒܓܸܢܣܲܝ̈ܗܘܿܢ. |
[No book] |
| [14]ܘܥܘܿܕ݂ܵܐ: ܘܫܵܠܹܐ ܢܘܼܢܹ̈ܐ: ܘܩܲܦܘܼܦܵܐ. |
[No book] |
| [15]ܘܟ݂ܘܼܟ̇ܒ̣ܝܼ: ܘܩܵܩܵܐ: ܘܲܫܪܲܩܪܵܩܵܐ. |
[No book] |
| [16]ܘܚܘܼܪܒ̣ܵܐ: ܘܐܲܢܦܵܐ ܒܓܸܢܣܲܝ̈ܗܘܿܢ. |
[No book] |
| [17]ܘܬܲܪܢܵܓ̣ܘܿܠ ܒܲܪܵܐ: ܘܛܵܘܣܵܐ. |
[No book] |
| [18]ܘܟ݂ܠܹܗ ܝܲܠܕܵܐ ܕܦܵܪܲܚܬ̣ܵܐ ܗܵܕܹܐ ܛܡܲܐ ܗ̄ܘ̣ ܠܟ݂ܘܿܢ: ܠܵܐ ܢܸܬ̣ܐܲܟ݂ܠܘܼܢ. |
[No book] |
| [19]ܘܟ݂ܠ ܦܵܪܲܚܬ̣ܵܐ ܕܕܲܟ݂ܝܵܐ ܐܲܟ݂ܘܿܠܘ. |
[No book] |
| [20]ܘܠܵܐ ܬܹܐܟ݂ܠܘܼܢ ܟܠ ܕܲܛܡܲܐ: ܐܸܠܵܐ ܠܥܵܡܘܿܪܵܐ ܕܲܒ̣ܩܘܼܪ̈ܝܵܟ݂ ܗܲܒܲܝܗܝ ܢܹܐܟ݂ܠܝܼܘܗܝ. |
[No book] |
| [21]ܐܵܘ ܙܲܒܸ̇ܢܲܝܗܝ ܠܢܘܼܟ݂ܪܵܝܵܐ: ܡܸܛܠ ܕܥܲܡܵܐ ܐܲܢܬ̇ ܩܲܕ̇ܝܼܫܵܐ ܠܡܵܪܝܵܐ ܐܲܠܵܗܵܟ݂. ܠܵܐ ܬܒܲܫܸܠ ܓܲܕ݂ܝܵܐ ܒܚܲܠܒ̣ܵܐ ܕܐܸܡܹܗ. |
[No book] |
| [22]ܡܥܲܣܵܪܘܼ ܥܲܝܲܪܘ ܟܠܵܗ̇ ܥܠܲܠܬ̣ܵܐ ܕܙܲܪܥܟ݂ܘܿܢ ܕܡܲܦܩܵܐ ܐܲܪܥܟ݂ܘܿܢ ܫܢܵܐ ܒܲܫܢܵܐ. |
[No book] |
| [23]ܘܐܲܟ݂ܘܿܠ ܩܕ݂ܵܡ ܡܵܪܝܵܐ ܐܲܠܵܗܵܟ݂: ܒܐܲܬ̣ܪܵܐ ܕܓ̣ܵܒܹ̇ܐ ܠܡܲܫܪܵܝܘܼ ܫܡܹܗ ܬܲܡܵܢ: ܡܲܥܣܵܪܹ̈ܐ ܕܲܥܒ̣ܘܼܪܵܟ݂ ܘܲܕ݂ܚܲܡܪܵܟ݂: ܘܲܕ݂ܡܸܫܚܵܟ݂: ܘܒ̣ܘܼܟ݂ܪܹ̈ܐ ܕܬ̣ܵܘܪ̈ܲܝܟ ܘܲܕ݂ܥܵܢܵܟ݂: ܘܬܹܐܠܲܦ ܠܡܸܕ݂ܚܲܠ ܩܕ݂ܵܡ ܡܵܪܝܵܐ ܐܲܠܵܗܵܟ݂ ܟܠܗܘܿܢ ܝܵܘ̈ܡܵܬ̣ܵܐ. |
[No book] |
| [24]ܘܐܸܢ ܣܲܓ̇ܝܼܐܵܐ ܗ̄ܝܼ ܡܸܢܵܟ݂ ܐܘܼܪܚܵܐ: ܘܠܵܐ ܡܸܫܟܲܚ ܐܲܢ̄ܬ̇ ܠܡܸܫܩܠܹܗ: ܡܸܛܠ ܕܪܲܚܝܼܩ ܗ̄ܘ̣ ܡܸܢܵܟ݂ ܐܲܬ̣ܪܵܐ ܕܓ̣ܵܒܹ̇ܐ ܡܵܪܝܵܐ ܐܲܠܵܗܵܟ݂ ܠܡܲܫܪܵܝܘܼ ܫܡܹܗ ܬܲܡܵܢ: ܡܵܐ ܕܒܲܪܟ݂ܵܟ݂ ܡܵܪܝܵܐ ܐܲܠܵܗܵܟ݂. |
[No book] |
| [25]ܙܲܒܸ̇ܢܲܝܗܝ ܒܟܸܣܦܵܐ: ܘܨܘܿܪ ܟܸܣܦܵܐ ܒܐܝܼܕ݂ܵܟ݂: ܘܙܸܠ ܠܐܲܬ̣ܪܵܐ ܕܓ̣ܵܒܹ̇ܐ ܡܵܪܝܵܐ ܐܲܠܵܗܵܟ݂. |
[No book] |
| [26]ܘܲܙܒܸܢ ܒܟܸܣܦܵܐ ܟܠ ܕܪܵܓܵܐ ܢܲܦ̮ܫܵܟ݂: ܡ̣ܢ ܬܵܘܪܹ̈ܐ: ܘܡ̣ܢ ܥܵـ̈ܢܹܐ: ܘܡ̣ܢ ܚܲܡܪܵܐ ܘܡ̣ܢ ܫܲܟ݂ܪܵܐ: ܘܡ̣ܢ ܟܠ ܕܫܵܐܠܵܐ ܠܵܟ݂ ܢܲܦ̮ܫܵܟ݂: ܘܐܲܟ݂ܘܿܠ ܬܲܡܵܢ ܩܕ݂ܵܡ ܡܵܪܝܵܐ ܐܲܠܵܗܵܟ݂: ܘܲܚܕ݂ܝܼ ܐܲܢ̄ܬ̇ ܘܒܲܝܬܵܟ݂. |
[No book] |
| [27]ܘܠܹܘܵܝܵܐ ܕܲܒ̣ܩܘܼܪ̈ܝܵܟ݂ ܠܵܐ ܬܸܫܒ̇ܩܝܼܘܗܝ: ܡܸܛܠ ܕܠܲܝܬ̇ ܠܹܗ ܝܵܪܬ̇ܘܼܬ̣ܵܐ ܘܦܵܠܓܘܼܬ̣ܵܐ ܥܲܡܵܟ݂. |
[No book] |
| [28]ܘܡ̣ܢ ܒܵܬܲܪ ܬܠܵܬ̣ ܫܢ̈ܝܼܢ: ܐܲܦܸܩ ܟܠܹܗ ܡܲܥܣܵܪܵܐ ܕܲܥܠܲܠܬ̣ܵܟ݂ ܒܫܲܢ̄ܬܵܐ ܗܵܝ̇: ܫܒ̣ܘܿܩ ܒܩܘܼܪ̈ܝܵܟ݂. |
[No book] |
| [29]ܘܢܹܐܬܸܐ ܠܹܘܵܝܵܐ ܕܠܲܝܬ̇ ܠܹܗ ܝܵܪܬ̇ܘܼܬ̣ܵܐ ܘܦܵܠܓܘܼܬ̣ܵܐ ܥܲܡܵܟ݂: ܘܐܲܝܢܵܐ ܕܡܸܬ̣ܦܢܸܐ ܠܘܵܬ̣ܝ: ܘܝܲܬ̣ܡܵܐ: ܘܐܲܪܡܲܠܬܵܐ ܕܲܒ̣ܩܘܼܪ̈ܝܵܟ݂: ܘܢܹܐܟ݂ܠܘܼܢ ܘܢܸܣܒ̇ܥܘܼܢ. ܕܲܢܒܲܪܟ݂ܵܟ݂ ܡܵܪܝܵܐ ܐܲܠܵܗܵܟ݂ ܒܟ݂ܠܹܗ ܥܒ̣ܵܕ݂ܵܐ ܕܐܝܼܕܲܝ̈ܟ ܕܬܸܥܒܸ̇ܕ݂. |
[No book] |