➖ »
«
➖ ➕
Peshitta OT
PesOT
The Epistle of Barnabas
EpiBar
←
Deuteronomy
Deu
15
→
[1]ܘܒ̣ܵܬܲܪ ܫܒܲܥ ܫܢ̈ܝܼܢ ܥܒܸܕ݂ ܫܘܼܒ̣ܩܵܢܵܐ. [No book]
[2]ܘܗܵܢܵܘ ܙܸܕ݂ܩܹܗ ܕܫܘܼܒ̣ܩܵܢܵܐ: ܢܸܫܒ̇ܘܿܩ ܟܠ ܓܲܒ̣ܪܵܐ ܡܵܪܹܐ ܚܵܘܒܵܐ ܕܚܲܝܵܒ̣ ܠܹܗ ܚܲܒ̣ܪܹܗ: ܠܵܐ ܢܸܬ̣ܒܲܥ ܡ̣ܢ ܚܲܒ̣ܪܹܗ ܘܡ̣ܢ ܐܲܚܘܼܗܝ: ܡܸܛܠ ܕܐܸܬ̣ܩܪܝܼ ܫܘܼܒ̣ܩܵܢܵܐ ܠܡܵܪܝܵܐ. [No book]
[3]ܘܡ̣ܢ ܢܘܼܟ݂ܪܵܝܵܐ ܬܒܲܥ: ܘܡܸܕ݂ܡ ܕܐܝܼܬ̣ ܠܵܟ݂ ܠܘܵܬ̣ ܐܲܚܘܼܟ݂ ܫܒ̣ܘܿܩ. [No book]
[4]ܕܠܵܐ ܢܸܗܘܸܐ ܒܲܝܢܵܬ̣ܟ݂ܘܿܢ ܡܸܣܟܹ̇ܢܵܐ: ܡܸܛܠ ܕܲܡܒܲܪܵܟ݂ܘܼ ܢܒܲܪܟ݂ܵܟ݂ ܡܵܪܝܵܐ ܐܲܠܵܗܵܟ݂: ܒܐܲܪܥܵܐ ܕܝܵܗܹ̇ܒ̣ ܠܵܟ݂ ܡܵܪܝܵܐ ܐܲܠܵܗܵܟ݂ ܠܡܹܐܪܬܵܗ̇. [No book]
[5]ܘܐܸܢ ܬܸܫܡܲܥ ܒܩܵܠܹܗ ܕܡܵܪܝܵܐ ܐܲܠܵܗܵܟ݂: ܘܬܸܛܲܪ ܘܬܸܥܒܸ̇ܕ݂ ܗܵܢܵܐ ܟܠܹܗ ܦܘܼܩܕܵܢܵܐ ܕܲܡܦܲܩܸܕ݂ ܐ̄ܢܵܐ ܠܵܟ݂ ܝܵܘܡܵܢܵܐ. [No book]
[6]ܢܒܲܪܟ݂ܵܟ݂ ܡܵܪܝܵܐ ܐܲܠܵܗܵܟ݂ ܐܲܝܟ݂ ܕܐܸܡܲܪ ܠܵܟ݂. ܬܵܘܙܸܦ ܠܥܲܡܡܹ̈ܐ ܣܲܓܝܼ̈ܐܹܐ ܘܐܲܢ̄ܬ̇ ܠܵܐ ܬܹܐܙܲܦ. ܘܬܸܫܬܲܠܲܛ ܒܥܲܡܡܹ̈ܐ ܣܲܓ̇ܝܼ̈ܐܹܐ: ܘܒ̣ܵܟ݂ ܠܵܐ ܢܸܫܬܲܠܛܘܼܢ. [No book]
[7]ܘܐܸܢ ܢܸܗܘܸܐ ܒܲܝܢܵܬ̣ܟ݂ܘܿܢ ܡܸܣܟܹܢܵܐ ܚܲܕ݂ ܡ̣ܢ ܐܲܚܲܝ̈ܟ̇ܘܿܢ: ܒܲܚܕ݂ܵܐ ܡ̣ܢ ܩܘܼܪ̈ܝܼܟ݂ܘܿܢ: ܒܐܲܪܥܵܐ ܕܝܵܗܹ̇ܒ̣ ܠܵܟ݂ ܡܵܪܝܵܐ ܐܲܠܵܗܵܟ݂: ܠܵܐ ܬܲܥܫܸܢ ܠܸܒܵܟ݂: ܘܠܵܐ ܬܹܐܚܘܿܕ݂ ܐܝܼܕ݂ܵܟ݂ ܡ̣ܢ ܐܲܚܘܼܟ݂ ܡܸܣܟܹ̇ܢܵܐ. [No book]
[8]ܐܸܠܵܐ ܦܬܲܚ ܠܹܗ ܐܝܼܕ݂ܵܟ݂: ܘܐܵܘܙܸܦܲܝܗܝ ܡܸܕܸ̇ܡ ܕܚܲܣܝܼܪ ܠܹܗ. [No book]
[9]ܐܸܙܕܲܗ̄ܪ ܕܲܠܡܵܐ ܢܸܗܘܸܐ ܦܸܬ̣ܓ̣ܵܡܵܐ ܕܥܵܘܠܵܐ ܒܠܸܒܵܟ݂: ܘܬܹܐܡܲܪ. ܩܸܪܒܲܬ̤ ܫܲܢ̄ܬܵܐ ܕܫܵܒ̣ܘܿܥܵܐ ܫܲܢ̄ܬܵܐ ܕܫܘܼܒ̣ܩܵܢܵܐ: ܘܬܸܒ̣ܐܲܫ ܥܲܝܢܵܟ݂ ܒܐܲܚܘܼܟ݂ ܡܸܣܟܹ̇ܢܵܐ ܘܠܵܐ ܬܸܬܸ̇ܠ ܠܹܗ: ܘܢܸܩܪܸܐ ܥܠܲܝܟ ܠܡܵܪܝܵܐ: ܘܢܸܗܘܸܐ ܥܠܲܝܟ ܚܛܵܗܵܐ. [No book]
[10]ܐܸܠܵܐ ܗܲܒ̣ ܠܹܗ: ܘܠܵܐ ܢܸܒ̣ܐܲܫ ܠܸܒܵܟ݂ ܡܵܐ ܕܝܵܗܹ̇ܒ̣ ܐܲܢ̄ܬ̇ ܠܹܗ. ܕܡܸܛܠ ܦܸܬ̣ܓ̣ܵܡܵܐ ܗܵܢܵܐ: ܢܒܲܪܟ݂ܵܟ݂ ܡܵܪܝܵܐ ܐܲܠܵܗܵܟ݂ ܒܟ݂ܠܗܘܿܢ ܥܒ̣ܵܕܲܝ̈ܟ ܘܲܒ̣ܟ݂ܠ ܡܸܕܸ̇ܡ ܕܡܵܘܫܸܛ ܐܲܢ̄ܬ̇ ܐܝܼܕ݂ܵܟ݂. [No book]
[11]ܠܵܐ ܓܹܝܪ ܓܵܡܲܪ ܡܸܣܟܹ̇ܢܵܐ ܡ̣ܢ ܓܵܘ ܐܲܪܥܵܐ: ܡܸܛܠ ܗܵܢܵܐ ܡܦܲܩܸܕ݂ ܐ̄ܢܵܐ ܠܵܟ݂ ܘܐܵܡܲܪ ܐ̄ܢܵܐ ܠܵܟ݂: ܕܬܸܦܬܲܚ ܐܝܼܕ݂ܵܟ݂ ܠܐܲܚܘܼܟ݂ ܡܸܣܟܹ̇ܢܵܐ ܘܲܠܒ̣ܵܝܫܵܐ ܕܒܲܐܪܥܵܟ݂. [No book]
[12]ܘܟܲܕ݂ ܢܸܙܕܲܒܲܢ ܠܵܟ݂ ܐܲܚܘܼܟ݂ ܥܸܒ̣ܪܵܝܵܐ ܐܵܘ ܥܸܒ̣ܪܵܝܬܵܐ: ܫܸܬ̣ ܫܢ̈ܝܼܢ ܢܸܦܠܚܵܟ݂: ܘܲܠܫܲܢ̄ܬܵܐ ܕܲܫܒܲܥ ܫܒ̣ܘܿܩܲܝܗܝ ܒܲܪ ܚܹܐܪܹ̈ܐ ܡ̣ܢ ܠܘܵܬ̣ܵܟ݂. [No book]
[13]ܘܡܵܐ ܕܫܵܒܹ̇ܩ ܐܲܢ̄ܬ̇ ܠܹܗ ܒܲܪ ܚܹܐܪܹ̈ܐ ܡ̣ܢ ܠܘܵܬ̣ܵܟ݂: ܠܵܐ ܬܸܫܒ̇ܩܝܼܘܗܝ ܣܪܝܼܩܵܐܝܼܬ̣. [No book]
[14]ܐܸܠܵܐ ܦܪܘܿܫ ܘܗܲܒ̣ ܠܹܗ ܡ̣ܢ ܥܵܢܵܟ݂: ܘܡ̣ܢ ܬܵܘܪ̈ܲܝܟ: ܘܡ̣ܢ ܐܸܕܪܵܟ݂: ܘܡ̣ܢ ܡܲܥܨܲܪܬܵܟ݂. ܡ̣ܢ ܡܸܕܸ̇ܡ ܕܝܲܗ̄ܒ̣ ܠܵܟ݂ ܡܵܪܝܵܐ ܐܲܠܵܗܵܟ݂ ܗܲܒ̣ ܠܹܗ. [No book]
[15]ܘܐܸܬ̄ܕܲܟ݂ܪ ܕܥܲܒ̣ܕܵܐ ܗ̤ܘܲܝܬ̇ ܒܡܸܨܪܹܝܢ: ܘܦܲܪܩܵܟ݂ ܡܵܪܝܵܐ ܐܲܠܵܗܵܟ݂: ܡܸܛܠ ܗܵܢܵܐ ܡܦܲܩܸܕ݂ ܐ̄ܢܵܐ ܠܵܟ݂ ܦܸܬ̣ܓ̣ܵܡܵܐ ܗܵܢܵܐ ܝܵܘܡܵܢܵܐ. [No book]
[16]ܘܐܸܢ ܢܹܐܡܲܪ ܠܵܟ݂ ܠܵܐ ܢܵܦܹܩ ܐ̄ܢܵܐ ܡ̣ܢ ܠܘܵܬ̣ܵܟ݂: ܡܸܛܠ ܕܲܪܚܸܡܬܵܟ݂ ܘܲܠܒܲܝܬܵܟ݂: ܘܦܲܩܵܚ ܠܝܼ ܥܲܡܵܟ݂. [No book]
[17]ܣܲܒ̣ ܡܲܩܒ̣ܵܐ ܩܘܿܒ̣ ܐܸܕ݂ܢܹܗ ܥܲܠ ܬܲܪܥܵܐ ܘܢܸܗܘܸܐ ܠܵܟ݂ ܥܲܒ̣ܕܵܐ ܠܥܵܠܲܡ. ܘܐܵܦ ܠܐܲܡܬ̣ܵܟ݂ ܗܵܟܲܢܵܐ ܬܸܥܒܸ̇ܕ݂ ܠܵܗ̇. [No book]
[18]ܘܠܵܐ ܢܸܬ̣ܒ̇ܐܸܫ ܒܥܲܝܢܲܝ̈ܟ ܡܵܐ ܕܫܵܒܹ̇ܩ ܐܲܢ̄ܬ̇ ܠܹܗ ܒܲܪ ܚܹܐܪܹ̈ܐ ܡ̣ܢ ܠܘܵܬ̣ܵܟ݂: ܡܸܛܠ ܕܚܲܕ݂ ܬܪܹܝܢ ܒܐܲܓ̣ܪܵܐ ܕܐܲܓ̣ܝܼܪܵܐ ܦܲܠܚܵܟ݂ ܫܸܬ̣ ܫܢ̈ܝܼܢ: ܘܲܢܒܲܪܟ݂ܵܟ݂ ܡܵܪܝܵܐ ܐܲܠܵܗܵܟ݂ ܒܟ݂ܠܡܸܕܸ̇ܡ ܕܥܵܒܹ̇ܕ݂ ܐܲܢ̄ܬ̇. [No book]
[19]ܟܠ ܒܙܼܟ݂ܪܵܐ ܕܡܸܬ̣ܝܼܠܸܕ݂ ܒܬ̣ܵܘܪ̈ܲܝܟ: ܘܲܒ̣ܥܵـ̈ܢܵܟ݂ ܕܸܟ݂ܪܵܐ: ܩܲܕܸ̇ܫ ܠܡܵܪܝܵܐ ܐܲܠܵܗܵܟ݂: ܠܵܐ ܬܸܦܠܘܿܚ ܒܒܘܼܟ݂ܪܹ̈ܐ ܕܬ̣ܵܘܪ̈ܲܝܟ: ܘܠܵܐ ܬܸܓܘܿܙ ܒܘܼܟ݂ܪܹ̈ܐ ܕܥܵܢܵܟ݂. [No book]
[20]ܐܸܠܵܐ ܩܕ݂ܵܡ ܡܵܪܝܵܐ ܐܲܠܵܗܵܟ݂ ܐܲܟ݂ܘܿܠܲܝܗܝ ܕܲܫܢܵܐ ܒܲܫܢܵܐ: ܒܐܲܬ̣ܪܵܐ ܕܓ̣ܵܒܹܐ ܡܵܪܝܵܐ ܐܲܠܵܗܵܟ݂: ܐܲܢ̄ܬ̇ ܘܒܲܝܬܵܟ݂. [No book]
[21]ܘܐܸܢ ܢܸܗܘܸܐ ܒܹܗ ܡܘܼܡܵܐ: ܐܵܘ ܢܸܬ̣ܚܓܲܪ ܐܵܘ ܢܸܬ̣ܥܵܘܲܪ: ܐܵܘ ܟܠ ܡܘܼܡ ܕܲܣܢܸܐ: ܠܵܐ ܬܩܲܪܒ̣ܝܼܘܗܝ ܠܡܵܪܝܵܐ ܐܲܠܵܗܵܟ݂. [No book]
[22]ܐܸܠܵܐ ܒܩܘܼܪ̈ܝܵܟ݂ ܐܲܟ݂ܘܿܠܲܝܗܝ: ܕܲܛܡܲܐ ܘܕܲܕ݂ܟ݂ܐ ܐܲܟ݂ܚܕ݂ܵܐ: ܐܲܝܟ݂ ܛܲܒ̣ܝܵܐ ܘܐܲܝܟ݂ ܐܲܝܠܵܐ ܬܹܐܟ݂ܠܝܼܘܗܝ. [No book]
[23]ܒܲܠܚܘܿܕ݂ ܕܡܵܐ ܠܵܐ ܬܹܐܟ݂ܠܘܼܢ: ܐܸܠܵܐ ܥܲܠ ܐܲܪܥܵܐ ܐܲܫܘܿܕܲܝܗܝ ܐܲܝܟ݂ ܡܲـ̈ܝܵܐ. [No book]
Translation: Charles H. Hoole (1885)
Source: www.earlychristianwritings.com
Top