Electronic Study Bible

➖ »	« ➖ ➕
Aleppo Codex (~920) Alep	Nestle-Aland Greek NT (1993) N/A GNT
← Deuteronomy Deu 17 →
[1]לא תזבח ליהוה אלהיך שור ושה אשר יהיה בו מום־כל דבר רע כי תועבת יהוה אלהיך הוא	[No book]
[2]כי ימצא בקרבך באחד שעריך אשר יהוה אלהיך נתן לך איש או אשה אשר יעשה את הרע בעיני יהוה אלהיך־לעבר בריתו	[No book]
[3]וילך ויעבד אלהים אחרים וישתחו להם ולשמש או לירח או לכל צבא השמים־אשר לא צויתי	[No book]
[4]והגד לך ושמעת ודרשת היטב־והנה אמת נכון הדבר נעשתה התועבה הזאת בישראל	[No book]
[5]והוצאת את האיש ההוא או את האשה ההוא אשר עשו את הדבר הרע הזה אל שעריך־את האיש או את האשה וסקלתם באבנים ומתו	[No book]
[6]על פי שנים עדים או שלשה עדים־יומת המת לא יומת על פי עד אחד	[No book]
[7]יד העדים תהיה בו בראשנה להמיתו ויד כל העם באחרנה ובערת הרע מקרבך	[No book]
[8]כי יפלא ממך דבר למשפט בין דם לדם בין דין לדין ובין נגע לנגע־דברי ריבת בשעריך וקמת ועלית־אל המקום אשר יבחר יהוה אלהיך בו	[No book]
[9]ובאת אל הכהנים הלוים ואל השפט אשר יהיה בימים ההם ודרשת והגידו לך את דבר המשפט	[No book]
[10]ועשית על פי הדבר אשר יגידו לך מן המקום ההוא אשר יבחר יהוה ושמרת לעשות ככל אשר יורוך	[No book]
[11]על פי התורה אשר יורוך ועל המשפט אשר יאמרו לך־תעשה לא תסור מן הדבר אשר יגידו לך־ימין ושמאל	[No book]
[12]והאיש אשר יעשה בזדון לבלתי שמע אל הכהן העמד לשרת שם את יהוה אלהיך או אל השפט־ומת האיש ההוא ובערת הרע מישראל	[No book]
[13]וכל העם ישמעו ויראו ולא יזידון עוד	[No book]
[14]כי תבא אל הארץ אשר יהוה אלהיך נתן לך וירשתה וישבתה בה ואמרת אשימה עלי מלך ככל הגוים אשר סביבתי	[No book]
[15]שום תשים עליך מלך אשר יבחר יהוה אלהיך בו מקרב אחיך תשים עליך מלך־לא תוכל לתת עליך איש נכרי אשר לא אחיך הוא	[No book]
[16]רק לא ירבה לו סוסים ולא ישיב את העם מצרימה למען הרבות סוס ויהוה אמר לכם לא תספון לשוב בדרך הזה עוד	[No book]
[17]ולא ירבה לו נשים ולא יסור לבבו וכסף וזהב לא ירבה לו מאד	[No book]
[18]והיה כשבתו על כסא ממלכתו־וכתב לו את משנה התורה הזאת על ספר מלפני הכהנים הלוים	[No book]
[19]והיתה עמו וקרא בו כל ימי חייו־למען ילמד ליראה את יהוה אלהיו לשמר את כל דברי התורה הזאת ואת החקים האלה לעשתם	[No book]
[20]לבלתי רום לבבו מאחיו ולבלתי סור מן המצוה ימין ושמאול־למען יאריך ימים על ממלכתו הוא ובניו בקרב ישראל	[No book]
Source: unbound.biola.edu	Author: Eberhard Nestle (1851–1913), Kurt Aland (1915–1994), Barbara Aland (b. 1937), et al. Source: sacred-texts.org See information...