|
|
| [1]Non habebunt sacerdotes et Levitæ, et omnes qui de eadem tribu sunt, partem et hæreditatem cum reliquo Israël, quia sacrificia Domini, et oblationes ejus comedent, |
[No book] |
| [2]et nihil aliud accipient de possessione fratrum suorum: Dominus enim ipse est hæreditas eorum, sicut locutus est illis. |
[No book] |
| [3]Hoc erit judicium sacerdotum a populo, et ab his qui offerunt victimas: sive bovem, sive ovem immolaverint, dabunt sacerdoti armum ac ventriculum: |
[No book] |
| [4]primitias frumenti, vini, et olei, et lanarum partem ex ovium tonsione. |
[No book] |
| [5]Ipsum enim elegit Dominus Deus tuus de cunctis tribubus tuis, ut stet, et ministret nomini Domini, ipse, et filii ejus in sempiternum. |
[No book] |
| [6]Si exierit Levites ex una urbium tuarum ex omni Israël in qua habitat, et voluerit venire, desiderans locum quem elegerit Dominus, |
[No book] |
| [7]ministrabit in nomine Domini Dei sui, sicut omnes fratres ejus Levitæ, qui stabunt eo tempore coram Domino. |
[No book] |
| [8]Partem ciborum eamdem accipiet, quam et ceteri: excepto eo, quod in urbe sua ex paterna ei successione debetur. |
[No book] |
| [9]Quando ingressus fueris terram, quam Dominus Deus tuus dabit tibi, cave ne imitari velis abominationes illarum gentium. |
[No book] |
| [10]Nec inveniatur in te qui lustret filium suum, aut filiam, ducens per ignem: aut qui ariolos sciscitetur, et observet somnia atque auguria, nec sit maleficus, |
[No book] |
| [11]nec incantantor, nec qui pythones consulat, nec divinos, aut quærat a mortuis veritatem. |
[No book] |
| [12]Omnia enim hæc abominatur Dominus, et propter istiusmodi scelera delebit eos in introitu tuo. |
[No book] |
| [13]Perfectus eris, et absque macula cum Domino Deo tuo. |
[No book] |
| [14]Gentes istæ, quarum possidebis terram, augures et divinos audiunt: tu autem a Domino Deo tuo aliter institutus es. |
[No book] |
| [15]Prophetam de gente tua et de fratribus tuis, sicut me, suscitabit tibi Dominus Deus tuus: ipsum audies, |
[No book] |
| [16]ut petisti a Domino Deo tuo in Horeb, quando concio congregata est, atque dixisti: Ultra non audiam vocem Domini Dei mei, et ignem hunc maximum amplius non videbo, ne moriar. |
[No book] |
| [17]Et ait Dominus mihi: Bene omnia sunt locuti. |
[No book] |
| [18]Prophetam suscitabo eis de medio fratrum suorum similem tui: et ponam verba mea in ore ejus, loqueturque ad eos omnia quæ præcepero illi. |
[No book] |
| [19]Qui autem verba ejus, quæ loquetur in nomine meo, audire noluerit, ego ultor existam. |
[No book] |
| [20]Propheta autem qui arrogantia depravatus voluerit loqui in nomine meo, quæ ego non præcepi illi ut diceret, aut ex nomine alienorum deorum, interficietur. |
[No book] |
| [21]Quod si tacita cogitatione responderis: Quomodo possum intelligere verbum, quod Dominus non est locutus? |
[No book] |
| [22]hoc habebis signum: quod in nomine Domini propheta ille prædixerit, et non evenerit: hoc Dominus non est locutus, sed per tumorem animi sui propheta confinxit: et idcirco non timebis eum. |
[No book] |