Electronic Study Bible

➖ »	« ➖ ➕
Aleppo Codex (~920) Alep	The Works of Flavius Josephus Josephus
← Deuteronomy Deu 22 →
[1]לא תראה את שור אחיך או את שיו נדחים והתעלמת מהם השב תשיבם לאחיך	[No book]
[2]ואם לא קרוב אחיך אליך ולא ידעתו־ואספתו אל תוך ביתך והיה עמך עד דרש אחיך אתו והשבתו לו	[No book]
[3]וכן תעשה לחמרו וכן תעשה לשמלתו וכן תעשה לכל אבדת אחיך אשר תאבד ממנו ומצאתה לא תוכל להתעלם	[No book]
[4]לא תראה את חמור אחיך או שורו נפלים בדרך והתעלמת מהם הקם תקים עמו	[No book]
[5]לא יהיה כלי גבר על אשה ולא ילבש גבר שמלת אשה כי תועבת יהוה אלהיך כל עשה אלה	[No book]
[6]כי יקרא קן צפור לפניך בדרך בכל עץ או על הארץ אפרחים או ביצים והאם רבצת על האפרחים או על הביצים־לא תקח האם על הבנים	[No book]
[7]שלח תשלח את האם ואת הבנים תקח לך למען ייטב לך והארכת ימים	[No book]
[8]כי תבנה בית חדש ועשית מעקה לגגך ולא תשים דמים בביתך כי יפל הנפל ממנו	[No book]
[9]לא תזרע כרמך כלאים פן תקדש המלאה הזרע אשר תזרע ותבואת הכרם	[No book]
[10]לא תחרש בשור ובחמר יחדו	[No book]
[11]לא תלבש שעטנז צמר ופשתים יחדו	[No book]
[12]גדלים תעשה לך על ארבע כנפות כסותך אשר תכסה בה	[No book]
[13]כי יקח איש אשה ובא אליה ושנאה	[No book]
[14]ושם לה עלילת דברים והוצא עליה שם רע ואמר את האשה הזאת לקחתי ואקרב אליה ולא מצאתי לה בתולים	[No book]
[15]ולקח אבי הנער ואמה והוציאו את בתולי הנער אל זקני העיר־השערה	[No book]
[16]ואמר אבי הנער אל הזקנים את בתי נתתי לאיש הזה לאשה־וישנאה	[No book]
[17]והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר	[No book]
[18]ולקחו זקני העיר ההוא את האיש ויסרו אתו	[No book]
[19]וענשו אתו מאה כסף ונתנו לאבי הנערה־כי הוציא שם רע על בתולת ישראל ולו תהיה לאשה לא יוכל לשלחה כל ימיו	[No book]
[20]ואם אמת היה הדבר הזה לא נמצאו בתולים לנער	[No book]
[21]והוציאו את הנער אל פתח בית אביה וסקלוה אנשי עירה באבנים ומתה־כי עשתה נבלה בישראל לזנות בית אביה ובערת הרע מקרבך	[No book]
[22]כי ימצא איש שכב עם אשה בעלת בעל ומתו גם שניהם־האיש השכב עם האשה והאשה ובערת הרע מישראל	[No book]
[23]כי יהיה נער בתולה מארשה לאיש ומצאה איש בעיר ושכב עמה	[No book]
[24]והוצאתם את שניהם אל שער העיר ההוא וסקלתם אתם באבנים ומתו־את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבך	[No book]
[25]ואם בשדה ימצא האיש את הנער המארשה והחזיק בה האיש ושכב עמה ומת האיש אשר שכב עמה־לבדו	[No book]
[26]ולנער לא תעשה דבר אין לנער חטא מות כי כאשר יקום איש על רעהו ורצחו נפש־כן הדבר הזה	[No book]
[27]כי בשדה מצאה צעקה הנער המארשה ואין מושיע לה	[No book]
[28]כי ימצא איש נער בתולה אשר לא ארשה ותפשה ושכב עמה ונמצאו	[No book]
[29]ונתן האיש השכב עמה לאבי הנער־חמשים כסף ולו תהיה לאשה תחת אשר ענה־לא יוכל שלחה כל ימיו	[No book]
30[No verse]	[No book]
Source: unbound.biola.edu	Author: Flavius Josephus Translation: William Whiston, L.A. (1737) See information...