➖ »
«
➖ ➕
Aleppo Codex (~920)
Alep
Peshitta OT
PesOT
←
Deuteronomy
Deu
22
→
[1]לא תראה את שור אחיך או את שיו נדחים והתעלמת מהם השב תשיבם לאחיך [1]ܠܵܐ ܬܸܚܙܸܐ ܬܵܘܪܹܗ ܕܐܲܚܘܼܟ݂ ܐܵܘ ܢܸܩܝܸܗ ܟܲܕ݂ ܛܵܥܹܝܢ ܘܬܲܗܡܸܐ ܡܸܢܗܘܿܢ: ܐܸܠܵܐ ܡܲܗܦܵܟ݂ܘܼ ܐܲܗܦܸܟ݂ ܐܸܢܘܿܢ ܠܹܗ.
[2]ואם לא קרוב אחיך אליך ולא ידעתו־ואספתו אל תוך ביתך והיה עמך עד דרש אחיך אתו והשבתו לו [2]ܘܐܸܢ ܠܵܐ ܩܲܪܝܼܒ̣ ܠܵܟ݂ ܐܲܚܘܼܟ݂ ܘܠܵܐ ܝܵܕܲܥ ܐܲܢ̄ܬ̇ ܠܹܗ: ܐܲܥܸܠ ܐܸܢܘܿܢ ܠܓ̣ܵܘ ܒܲܝܬܵܟ݂: ܘܢܸܗܘܘܿܢ ܠܘܵܬ̣ܵܟ݂ ܥܕܲܡܵܐ ܕܬ̣ܵܒܲܥ ܠܗܘܿܢ ܐܲܚܘܼܟ݂: ܘܦܲܢܵܐ ܐܸܢܘܿܢ ܠܹܗ.
[3]וכן תעשה לחמרו וכן תעשה לשמלתו וכן תעשה לכל אבדת אחיך אשר תאבד ממנו ומצאתה לא תוכל להתעלם [3]ܗܵܟܲܢܵܐ ܥܒܸܕ݂ ܠܬ̣ܵܘܪܹܗ: ܘܠܚܡܵܪܹܗ: ܘܲܠܬܲܟ݂ܣܝܼܬܹܗ: ܘܗܵܟܲܢܵܐ ܥܒܸܕ݂ ܠܟ݂ܠ ܐܸܒܲܕ̇ܬ̣ܵܐ ܕܐܵܒ̇ܕܵܐ ܡܸܢܹܗ ܘܡܸܫܟܲܚ ܐܲܢ̄ܬ̇ ܠܵܗ̇: ܫܲܠܝܼܛ ܠܵܟ݂ ܕܬܲܗܡܸܐ.
[4]לא תראה את חמור אחיך או שורו נפלים בדרך והתעלמת מהם הקם תקים עמו [4]ܠܵܐ ܬܸܚܙܸܐ ܚܡܵܪܹܗ ܕܲܒ̣ܥܸܠܕ̇ܒ̣ܵܒ̣ܵܟ݂ ܐܵܘ ܬܵܘܪܹܗ ܟܲܕ݂ ܪܡܹܝܢ ܒܐܘܼܪܚܵܐ ܘܬܲܗܡܸܐ ܡܸܢܗܘܿܢ: ܐܸܠܵܐ ܡܩܵܡܘܼ ܐܲܩܝܼܡ ܐܸܢܘܿܢ ܥܲܡܹܗ.
[5]לא יהיה כלי גבר על אשה ולא ילבש גבר שמלת אשה כי תועבת יהוה אלהיך כל עשה אלה [5]ܠܵܐ ܢܸܗܘܘܿܢ ܡܵܐܢܹ̈ܐ ܕܓܲܒ̣ܪܵܐ ܥܲܠ ܐܲܢ̄ܬ̇ܬ̣ܵܐ: ܘܠܵܐ ܢܸܠܒܲܫ ܓܲܒ̣ܪܵܐ ܡܵܐܢܹ̈ܐ ܕܐܲܢ̄ܬ̇ܬ̣ܵܐ: ܡܸܛܠ ܕܲܛܡܲܐ ܗ̄ܘ̣ ܩܕ݂ܵܡ ܡܵܪܝܵܐ ܐܲܠܵܗܵܟ݂ ܟܠܡ̇ܢ ܕܥܵܒܹܕ݂ ܗܵܠܹܝܢ.
[6]כי יקרא קן צפור לפניך בדרך בכל עץ או על הארץ אפרחים או ביצים והאם רבצת על האפרחים או על הביצים־לא תקח האם על הבנים [6]ܘܟܲܕ݂ ܬܸܫܟܲܚ ܩܸܢܵܐ ܕܨܸܦܪܵܐ ܩܕ݂ܵܡܲܝܟ ܒܐܘܼܪܚܵܐ: ܒܟ݂ܠ ܐܝܼܠܵܢ ܐܵܘ ܥܲܠ ܐܲܪܥܵܐ: ܦܲܪ̈ܘܼܓܹܐ ܐܵܘ ܒ̈ܢܵܬ̣ܵܐ: ܘܐܸܡܵܐ ܩܲܦܝܼܦܵܐ ܥܲܠ ܦܲܪ̈ܘܼܓܹܐ: ܐܵܘ ܥܲܠ ܒ̈ܢܵܬ̣ܵܐ: ܠܵܐ ܬܸܣܲܒ̣ ܐܸܡܵܐ ܥܲܡ ܒܢܹ̈ܝܗ̇.
[7]שלח תשלח את האם ואת הבנים תקח לך למען ייטב לך והארכת ימים [7]ܐܸܠܵܐ ܡܲܦܪܵܚܘܼ ܐܲܦܪܲܚܹܝܗ̇ ܠܐܸܡܵܐ: ܘܲܒ̣ܢܹ̈ܝܗ̇ ܣܲܒ̣ ܠܵܟ݂: ܕܢܸܛܐܲܒ̣ ܠܵܟ݂ ܘܢܸܣܓ̇ܘܿܢ ܝܵܘ̈ܡܵܬ̣ܵܟ݂.
[8]כי תבנה בית חדש ועשית מעקה לגגך ולא תשים דמים בביתך כי יפל הנפל ממנו [8]ܘܡܵܐ ܕܒ̣ܵܢܹܐ ܐܲܢ̄ܬ̇ ܒܲܝܬܵܐ ܚܲܕ̇ܬܵܐ: ܥܒܸܕ݂ ܬܝܵܟ݂ܵܐ ܠܐܸܓܵܪܵܟ݂: ܕܠܵܐ ܢܦܸܠ ܡܸܢܹܗ ܐ̄ܢܵܫܵܐ: ܘܢܸܗܘܸܐ ܕܡܵܐ ܒܒܲܝܬܵܟ݂.
[9]לא תזרע כרמך כלאים פן תקדש המלאה הזרע אשר תזרע ותבואת הכרם [9]ܠܵܐ ܬܸܙܪܘܿܥ ܟܪܵܒ̣ܵܟ݂ ܚܸܠܛܵܐ: ܕܠܵܐ ܬܸܬ̣ܩܲܕܲܫ ܥܠܲܠܬܹܗ ܕܙܲܪܥܵܐ ܕܙܵܪܲܥ ܐܲܢ̄ܬ̇ ܘܲܥܠܲܠܬܹܗ ܕܟܲܪܡܵܐ.
[10]לא תחרש בשור ובחמר יחדו [10]ܠܵܐ ܬܸܕ݂ܒܲܪ ܦܲܕܵܢܵܐ ܒܬ̣ܵܘܪܵܐ ܘܒܲܚܡܵܪܵܐ ܐܲܟ݂ܚܕ݂ܵܐ.
[11]לא תלבש שעטנז צמר ופשתים יחדו [11]ܠܵܐ ܬܸܠܒܲܫ ܦܸܬ̣ܟܵܐ ܕܥܲܡܪܵܐ ܘܲܕ݂ܟܸܬܵܢܵܐ ܐܲܟ݂ܚܕ݂ܵܐ.
[12]גדלים תעשה לך על ארבע כנפות כסותך אשר תכסה בה [12]ܓܕ݂ܝܼ̈ܠܵܬ̣ܵܐ ܥܒܸܕ݂ܠܵܟ݂ ܥܲܠ ܐܲܪܒܲܥ ܟܸܢܦܵܘ̈ܗܝ ܕܡܲܪܛܘܼܛܵܟ݂: ܕܡܸܬ̣ܟܲܣܸܐ ܐܲܢ̄ܬ̇.
[13]כי יקח איש אשה ובא אליה ושנאה [13]ܘܟܲܕ݂ ܢܸܣܲܒ̣ ܓܲܒ̣ܪܵܐ ܐܲܢ̄ܬ̇ܬ̣ܵܐ ܘܢܸܥܘܿܠ ܠܘܵܬ̣ܵܗ̇: ܘܢܸܣܢܹܝܗ̇.
[14]ושם לה עלילת דברים והוצא עליה שם רע ואמר את האשה הזאת לקחתי ואקרב אליה ולא מצאתי לה בתולים [14]ܘܢܸܓ̣ܘܿܪ ܒܵܬ̣ܪܵܗ̇ ܥܸܠܬ̣ܵܐ ܒܡܸܠܹ̈ܐ: ܘܢܲܦܸܩ ܥܠܹܝܗ̇ ܫܡܵܐ ܒܝܼܫܵܐ: ܘܢܹܐܡܲܪ ܐܲܢ̄ܬ̇ܬ̣ܵܐ ܗܵܕܹܐ ܢܸܣܒܹ̇ܬ̣: ܘܕܸܡܟܹ̇ܬ̣ ܠܘܵܬ̣ܵܗ̇ ܘܠܵܐ ܐܸܫܟ̇ܚܹܬ̣ ܠܵܗ̇ ܒܬ̣ܘ̈ܠܹܐ.
[15]ולקח אבי הנער ואמה והוציאו את בתולי הנער אל זקני העיר־השערה [15]ܢܸܣܲܒ̣ ܐܲܒ̣ܕܹܗ ܕܲܛܠܝܼܬ̣ܵܐ ܘܐܸܡܵܗ̇: ܘܢܲܦܩܘܼܢ ܐܸܢܘܿܢ ܠܲܒ̣ܬ̣ܘܼ̈ܠܹܝܗ̇ ܕܲܛܠܝܼܬ̣ܵܐ ܠܘܵܬ̣ ܣܵܒܹ̈ܐ ܕܲܩܪܝܼܬ̣ܵܐ ܠܬܲܪܥܵܐ.
[16]ואמר אבי הנער אל הזקנים את בתי נתתי לאיש הזה לאשה־וישנאה [16]ܘܢܹܐܡܲܪ ܐܲܒ̣ܘܼܗܝ ܕܲܛܠܝܼܬ̣ܵܐ ܠܣܵܒܹ̈ܐ: ܒܪܲܬ̣ܝ ܝܸܗ̄ܒܹ̇ܬ̣ ܠܓܲܒ̣ܪܵܐ ܗܵܢܵܐ ܐܲܢ̄ܬ̇ܬ̣ܵܐ: ܘܲܣܢܵܗ̇.
[17]והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר [17]ܘܗܵܐ ܓܵܐܲܪ ܒܲܬ̣ܪܵܗ̇ ܥܸܠܬ̣ܵܐ ܒܡܸܠܹ̈ܐ: ܘܐܵܡܲܪ ܕܠܵܐ ܐܸܫܟ̇ܚܹܬ̣ ܒܬ̣ܘܼ̈ܠܹܐ: ܠܒܲܪܬ̣ܵܟ݂: ܘܗܵܠܹܝܢ ܒܬ̣ܘܼ̈ܠܹܐ ܕܲܒ̣ܪܲܬ̣ܝ: ܢܸܦܪܣܘܼܢ ܫܘܿܫܸܦܵܐ ܩܕ݂ܵܡ ܣܵܒܹ̈ܐ ܕܲܩܪܝܼܬ̣ܵܐ.
[18]ולקחו זקני העיר ההוא את האיש ויסרו אתו [18]ܘܢܸܕ݂ܒ̇ܪܘܼܢܹܗ ܣܵܒܹ̈ܐ ܕܲܩܪܝܼܬ̣ܵܐ ܠܓܲܒ̣ܪܵܐ ܗܵܘ̇ ܘܢܸܪܕ̇ܘܿܢܹܗ.
[19]וענשו אתו מאה כסף ונתנו לאבי הנערה־כי הוציא שם רע על בתולת ישראל ולו תהיה לאשה לא יוכל לשלחה כל ימיו [19]ܘܲܢܚܲܣܪܘܼܢܹܗ ܡܵܐܐ ܕܟܸܣܦܵܐ: ܘܢܸܬ̇ܠܘܼܢ ܠܐܲܒ̣ܘܼܗ̇ ܕܲܛܠܝܼܬ̣ܵܐ: ܥܲܠ ܕܐܲܦܸܩ ܫܡܵܐ ܒܝܼܫܵܐ ܥܲܠ ܒܬ̣ܘܼܠܬܵܐ ܒܲܪܬ̣ ܝܼܣܪܵܝܹܠ: ܘܠܹܗ ܬܸܗܘܸܐ ܐܲܢ̄ܬ̇ܬ̣ܵܐ: ܘܠܵܐ ܢܸܫܬܲܠܲܛ ܠܡܸܫܒ̇ܩܵܗ̇ ܟܠܗܘܿܢ ܝܵܘ̈ܡܵܘܗܝ.
[20]ואם אמת היה הדבר הזה לא נמצאו בתולים לנער [20]ܘܐܸܢ ܡ̣ܢ ܩܘܼܫܬܵܐ ܗܘ̤ܵܬ̣ ܡܸܠܬ̣ܵܐ ܗܵܕܹܐ: ܘܠܵܐ ܐܸܫܬ̇ܟܲܚܘ ܒܬ̣ܘܼ̈ܠܹܐ ܠܲܛܠܝܼܬ̣ܵܐ.
[21]והוציאו את הנער אל פתח בית אביה וסקלוה אנשי עירה באבנים ומתה־כי עשתה נבלה בישראל לזנות בית אביה ובערת הרע מקרבך [21]ܢܲܦܩܘܼܢܵܗ̇ ܠܲܛܠܝܼܬ̣ܵܐ ܠܬܲܪܥܵܐ ܕܒܹܝܬ̣ ܐܲܒ̣ܘܼܗ̇: ܘܢܸܪܓ̇ܡܘܼܢܵܗ̇ ܒܟܹܐܦܹ̈ܐ ܐ̄ܢܵܫܲܝ̈ ܩܪܝܼܬ̣ܵܐ ܘܲܬ̣ܡܘܼܬ̣: ܥܲܠ ܕܥܸܒ̣ܕܲܬ̤ ܒܸܗܬ̇ܬ̣ܵܐ ܒܝܼܣܪܵܝܹܠ: ܘܙܲܢܝܲܬ̤ ܒܹܝܬ̣ ܐܲܒ̣ܘܼܗ̇. ܘܒܲܥܲܪܘ ܒܝܼܫܬܵܐ ܡ̣ܢ ܒܲܝܢܵܬ̣ܟ݂ܘܿܢ.
[22]כי ימצא איש שכב עם אשה בעלת בעל ומתו גם שניהם־האיש השכב עם האשה והאשה ובערת הרע מישראל [22]ܘܟܲܕ݂ ܢܸܫܬܟܲܚ ܓܲܒ̣ܪܵܐ ܕܕ݂ܵܡܹܟ݂ ܥܲܡ ܐܲܢ̄ܬܲܬ̣ ܓܲܒ̣ܪܵܐ: ܡܸܬ̣ܩܛܵܠܘܼ ܢܸܬ̣ܩܲܛܠܘܼܢ ܬܪ̈ܲܝܗܘܿܢ: ܓܲܒ̣ܪܵܐ ܕܲܕ݂ܡܸܟ݂ ܥܲܡܵܗ̇: ܐܵܦ ܗܝ̤ ܐܲܢ̄ܬ̇ܬ̣ܵܐ. ܘܒܲܥܲܪܘ ܒܝܼܫܬܵܐ ܡ̣ܢ ܝܼܣܪܵܝܹܠ.
[23]כי יהיה נער בתולה מארשה לאיש ומצאה איש בעיר ושכב עמה [23]ܘܐܸܢ ܬܸܗܘܸܐ ܥܠܲܝܡܬ̣ܵܐ ܒܬ̣ܘܼܠܬܵܐ ܕܲܡܟ݂ܝܼܪܵܐ ܠܓܲܒ̣ܪܵܐ: ܘܢܸܫܟܚܚܝܼܗ̇ ܓܲܒ̣ܪܵܐ ܐ̄ܚܪܹܢܵܐ ܒܲܩܪܝܼܬ̣ܵܐ: ܘܢܸܕ݂ܡܲܡ ܥܲܡܵܗ̇.
[24]והוצאתם את שניהם אל שער העיר ההוא וסקלתם אתם באבנים ומתו־את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבך [24]ܐܲܦܸܩܘ ܐܸܢܘܿܢ ܠܲܬ̣ܪ̈ܲܝܗܘܿܢ ܠܬܲܪܥܵܐ ܕܲܩܪܝܼܬ̣ܵܐ ܗܵܝ̇: ܘܲܪܓ̣ܘܿܡܘ ܐܸܢܘܿܢ ܒܟܹܐܦܹ̈ܐ: ܘܲܢܡܘܼܬ̣ܘܼܢ: ܥܲܠ ܕܠܵܐ ܒܲܓ̣ܢܲܬ̤ܗܵܝ̇ ܥܠܲܝܡܬ̣ܵܐ ܒܲܩܪܝܼܬ̣ܵܐ: ܘܗܵܘ̇ ܓܲܒ̣ܪܵܐ ܥܲܠ ܕܨܲܥܲܪ ܐܲܢ̄ܬܲܬ̣ ܚܲܒ̣ܪܹܗ. ܘܒܲܥܲܪܘ ܒܝܼܫܬܵܐ ܡ̣ܢ ܒܲܝܢܵܬ̣ܟ݂ܘܿܢ.
[25]ואם בשדה ימצא האיש את הנער המארשה והחזיק בה האיש ושכב עמה ומת האיש אשר שכב עמה־לבדו [25]ܘܐܸܢ ܒܚܲܩܠܵܐ ܐܸܫܟܲܚ ܓܲܒ̣ܪܵܐ ܥܠܲܝܡܬ̣ܵܐ ܕܲܡܟ݂ܝܼܪܵܐ: ܘܐܲܚܕܵܗ̇ ܒܲܩܛܝܼܪܵܐ: ܘܲܕ݂ܡܸܟ݂ ܥܲܡܵܗ̇: ܢܸܬ̣ܩܛܸܠ ܓܲܒ̣ܪܵܐ ܕܲܕ݂ܡܸܟ݂ ܥܲܡܵܗ̇ ܒܲܠܚܘܿܕܵܘܗܝ.
[26]ולנער לא תעשה דבר אין לנער חטא מות כי כאשר יקום איש על רעהו ורצחו נפש־כן הדבר הזה [26]ܘܠܲܥܠܲܝܡܬ̣ܵܐ ܠܵܐ ܬܸܥܒ̇ܕ݂ܘܼܢ ܠܵܗ̇ ܡܸܕܸ̇ܡ: ܡܸܛܠ ܕܠܵܐ ܚܲܝܵܒ̣ܵܐ ܥܠܲܝܡܬ̣ܵܐ ܚܛܵܗܵܐ ܕܡܵܘܬܵܐ. ܐܲܝܟ݂ ܕܩܵܐܹ̇ܡ ܓܹܝܪ ܓܲܒ̣ܪܵܐ ܥܲܠ ܓܲܒ̣ܪܹܗ ܘܩܵܛܸܠ ܠܹܗ: ܗܵܟܲܢܵܐ ܗ̄ܝܼ ܨܒ̣ܘܼܬ̣ܵܐ ܗܵܕܹܐ.
[27]כי בשדה מצאה צעקה הנער המארשה ואין מושיע לה [27]ܡܸܛܠ ܕܲܒ̣ܚܲܩܠܵܐ ܗ̄ܘ̣ ܐܸܫܟ̇ܚܵܗ̇: ܘܒܲܓ̣ܥܲܬ̤ ܥܠܲܝܡܬ̣ܵܐ ܕܲܡܟ݂ܝܼܪܵܐ: ܘܠܲܝܬ̇ ܕܲܡܦܲܨܸܐ ܠܵܗ̇.
[28]כי ימצא איש נער בתולה אשר לא ארשה ותפשה ושכב עמה ונמצאו [28]ܘܐܸܢ ܢܸܫܟܲܚ ܓܲܒ̣ܪܵܐ ܥܠܲܝܡܬ̣ܵܐ ܒܬ̣ܘܼܠܬܵܐ ܕܠܵܐ ܗܘ̣ܵܬ̤ ܡܟ݂ܝܼܪܵܐ: ܘܢܹܐܚܕ̇ܝܼܗ̇ ܢܸܕ݂ܡܲܟ݂ ܥܲܡܵܗ̇: ܘܢܸܫܬܲܟ݂ܚܘܼܢ.
[29]ונתן האיש השכב עמה לאבי הנער־חמשים כסף ולו תהיה לאשה תחת אשר ענה־לא יוכל שלחה כל ימיו [29]ܢܸܬܸ̇ܠ ܓܲܒ̣ܪܵܐ ܗܵܘ̇ ܕܲܕܸܡܸܟ݂ ܥܲܡܵܗ̇ ܠܐܲܒ̣ܘܼܗ̇ ܕܲܥܠܲܝܡܬ̣ܵܐ ܚܲܡܫܝܼܢ ܕܟܸܣܦܵܐ ܠܐܲܒ̣ܘܼܗ̇: ܘܠܹܗ ܬܸܗܘܸܐ ܐܲܢ̄ܬ̇ܬ̣ܵܐ ܚܠܵܦ ܕܨܲܥܪܵܗ̇: ܘܠܵܐ ܢܸܫܬܲܠܲܛ ܠܡܸܫܒ̇ܩܵܗ̇ ܟܠ ܝܵܘ̈ܡܲܝ ܚܲܝܵܘ̈ܗܝ.
30[No verse] [30]ܠܵܐ ܢܸܣܲܒ̣ ܓܲܒ̣ܪܵܐ ܐܲܢ̄ܬܲܬ̣ ܐܲܒ̣ܘܗܝ: ܘܠܵܐ ܢܸܓ̣ܠܸܐ ܟܸܢܦܵܐ ܕܐܲܒ̣ܘܼܗܝ.
Source: unbound.biola.edu
Top