|
|
| [1]ܠܵܐ ܬܸܚܙܸܐ ܬܵܘܪܹܗ ܕܐܲܚܘܼܟ݂ ܐܵܘ ܢܸܩܝܸܗ ܟܲܕ݂ ܛܵܥܹܝܢ ܘܬܲܗܡܸܐ ܡܸܢܗܘܿܢ: ܐܸܠܵܐ ܡܲܗܦܵܟ݂ܘܼ ܐܲܗܦܸܟ݂ ܐܸܢܘܿܢ ܠܹܗ. |
[No book] |
| [2]ܘܐܸܢ ܠܵܐ ܩܲܪܝܼܒ̣ ܠܵܟ݂ ܐܲܚܘܼܟ݂ ܘܠܵܐ ܝܵܕܲܥ ܐܲܢ̄ܬ̇ ܠܹܗ: ܐܲܥܸܠ ܐܸܢܘܿܢ ܠܓ̣ܵܘ ܒܲܝܬܵܟ݂: ܘܢܸܗܘܘܿܢ ܠܘܵܬ̣ܵܟ݂ ܥܕܲܡܵܐ ܕܬ̣ܵܒܲܥ ܠܗܘܿܢ ܐܲܚܘܼܟ݂: ܘܦܲܢܵܐ ܐܸܢܘܿܢ ܠܹܗ. |
[No book] |
| [3]ܗܵܟܲܢܵܐ ܥܒܸܕ݂ ܠܬ̣ܵܘܪܹܗ: ܘܠܚܡܵܪܹܗ: ܘܲܠܬܲܟ݂ܣܝܼܬܹܗ: ܘܗܵܟܲܢܵܐ ܥܒܸܕ݂ ܠܟ݂ܠ ܐܸܒܲܕ̇ܬ̣ܵܐ ܕܐܵܒ̇ܕܵܐ ܡܸܢܹܗ ܘܡܸܫܟܲܚ ܐܲܢ̄ܬ̇ ܠܵܗ̇: ܫܲܠܝܼܛ ܠܵܟ݂ ܕܬܲܗܡܸܐ. |
[No book] |
| [4]ܠܵܐ ܬܸܚܙܸܐ ܚܡܵܪܹܗ ܕܲܒ̣ܥܸܠܕ̇ܒ̣ܵܒ̣ܵܟ݂ ܐܵܘ ܬܵܘܪܹܗ ܟܲܕ݂ ܪܡܹܝܢ ܒܐܘܼܪܚܵܐ ܘܬܲܗܡܸܐ ܡܸܢܗܘܿܢ: ܐܸܠܵܐ ܡܩܵܡܘܼ ܐܲܩܝܼܡ ܐܸܢܘܿܢ ܥܲܡܹܗ. |
[No book] |
| [5]ܠܵܐ ܢܸܗܘܘܿܢ ܡܵܐܢܹ̈ܐ ܕܓܲܒ̣ܪܵܐ ܥܲܠ ܐܲܢ̄ܬ̇ܬ̣ܵܐ: ܘܠܵܐ ܢܸܠܒܲܫ ܓܲܒ̣ܪܵܐ ܡܵܐܢܹ̈ܐ ܕܐܲܢ̄ܬ̇ܬ̣ܵܐ: ܡܸܛܠ ܕܲܛܡܲܐ ܗ̄ܘ̣ ܩܕ݂ܵܡ ܡܵܪܝܵܐ ܐܲܠܵܗܵܟ݂ ܟܠܡ̇ܢ ܕܥܵܒܹܕ݂ ܗܵܠܹܝܢ. |
[No book] |
| [6]ܘܟܲܕ݂ ܬܸܫܟܲܚ ܩܸܢܵܐ ܕܨܸܦܪܵܐ ܩܕ݂ܵܡܲܝܟ ܒܐܘܼܪܚܵܐ: ܒܟ݂ܠ ܐܝܼܠܵܢ ܐܵܘ ܥܲܠ ܐܲܪܥܵܐ: ܦܲܪ̈ܘܼܓܹܐ ܐܵܘ ܒ̈ܢܵܬ̣ܵܐ: ܘܐܸܡܵܐ ܩܲܦܝܼܦܵܐ ܥܲܠ ܦܲܪ̈ܘܼܓܹܐ: ܐܵܘ ܥܲܠ ܒ̈ܢܵܬ̣ܵܐ: ܠܵܐ ܬܸܣܲܒ̣ ܐܸܡܵܐ ܥܲܡ ܒܢܹ̈ܝܗ̇. |
[No book] |
| [7]ܐܸܠܵܐ ܡܲܦܪܵܚܘܼ ܐܲܦܪܲܚܹܝܗ̇ ܠܐܸܡܵܐ: ܘܲܒ̣ܢܹ̈ܝܗ̇ ܣܲܒ̣ ܠܵܟ݂: ܕܢܸܛܐܲܒ̣ ܠܵܟ݂ ܘܢܸܣܓ̇ܘܿܢ ܝܵܘ̈ܡܵܬ̣ܵܟ݂. |
[No book] |
| [8]ܘܡܵܐ ܕܒ̣ܵܢܹܐ ܐܲܢ̄ܬ̇ ܒܲܝܬܵܐ ܚܲܕ̇ܬܵܐ: ܥܒܸܕ݂ ܬܝܵܟ݂ܵܐ ܠܐܸܓܵܪܵܟ݂: ܕܠܵܐ ܢܦܸܠ ܡܸܢܹܗ ܐ̄ܢܵܫܵܐ: ܘܢܸܗܘܸܐ ܕܡܵܐ ܒܒܲܝܬܵܟ݂. |
[No book] |
| [9]ܠܵܐ ܬܸܙܪܘܿܥ ܟܪܵܒ̣ܵܟ݂ ܚܸܠܛܵܐ: ܕܠܵܐ ܬܸܬ̣ܩܲܕܲܫ ܥܠܲܠܬܹܗ ܕܙܲܪܥܵܐ ܕܙܵܪܲܥ ܐܲܢ̄ܬ̇ ܘܲܥܠܲܠܬܹܗ ܕܟܲܪܡܵܐ. |
[No book] |
| [10]ܠܵܐ ܬܸܕ݂ܒܲܪ ܦܲܕܵܢܵܐ ܒܬ̣ܵܘܪܵܐ ܘܒܲܚܡܵܪܵܐ ܐܲܟ݂ܚܕ݂ܵܐ. |
[No book] |
| [11]ܠܵܐ ܬܸܠܒܲܫ ܦܸܬ̣ܟܵܐ ܕܥܲܡܪܵܐ ܘܲܕ݂ܟܸܬܵܢܵܐ ܐܲܟ݂ܚܕ݂ܵܐ. |
[No book] |
| [12]ܓܕ݂ܝܼ̈ܠܵܬ̣ܵܐ ܥܒܸܕ݂ܠܵܟ݂ ܥܲܠ ܐܲܪܒܲܥ ܟܸܢܦܵܘ̈ܗܝ ܕܡܲܪܛܘܼܛܵܟ݂: ܕܡܸܬ̣ܟܲܣܸܐ ܐܲܢ̄ܬ̇. |
[No book] |
| [13]ܘܟܲܕ݂ ܢܸܣܲܒ̣ ܓܲܒ̣ܪܵܐ ܐܲܢ̄ܬ̇ܬ̣ܵܐ ܘܢܸܥܘܿܠ ܠܘܵܬ̣ܵܗ̇: ܘܢܸܣܢܹܝܗ̇. |
[No book] |
| [14]ܘܢܸܓ̣ܘܿܪ ܒܵܬ̣ܪܵܗ̇ ܥܸܠܬ̣ܵܐ ܒܡܸܠܹ̈ܐ: ܘܢܲܦܸܩ ܥܠܹܝܗ̇ ܫܡܵܐ ܒܝܼܫܵܐ: ܘܢܹܐܡܲܪ ܐܲܢ̄ܬ̇ܬ̣ܵܐ ܗܵܕܹܐ ܢܸܣܒܹ̇ܬ̣: ܘܕܸܡܟܹ̇ܬ̣ ܠܘܵܬ̣ܵܗ̇ ܘܠܵܐ ܐܸܫܟ̇ܚܹܬ̣ ܠܵܗ̇ ܒܬ̣ܘ̈ܠܹܐ. |
[No book] |
| [15]ܢܸܣܲܒ̣ ܐܲܒ̣ܕܹܗ ܕܲܛܠܝܼܬ̣ܵܐ ܘܐܸܡܵܗ̇: ܘܢܲܦܩܘܼܢ ܐܸܢܘܿܢ ܠܲܒ̣ܬ̣ܘܼ̈ܠܹܝܗ̇ ܕܲܛܠܝܼܬ̣ܵܐ ܠܘܵܬ̣ ܣܵܒܹ̈ܐ ܕܲܩܪܝܼܬ̣ܵܐ ܠܬܲܪܥܵܐ. |
[No book] |
| [16]ܘܢܹܐܡܲܪ ܐܲܒ̣ܘܼܗܝ ܕܲܛܠܝܼܬ̣ܵܐ ܠܣܵܒܹ̈ܐ: ܒܪܲܬ̣ܝ ܝܸܗ̄ܒܹ̇ܬ̣ ܠܓܲܒ̣ܪܵܐ ܗܵܢܵܐ ܐܲܢ̄ܬ̇ܬ̣ܵܐ: ܘܲܣܢܵܗ̇. |
[No book] |
| [17]ܘܗܵܐ ܓܵܐܲܪ ܒܲܬ̣ܪܵܗ̇ ܥܸܠܬ̣ܵܐ ܒܡܸܠܹ̈ܐ: ܘܐܵܡܲܪ ܕܠܵܐ ܐܸܫܟ̇ܚܹܬ̣ ܒܬ̣ܘܼ̈ܠܹܐ: ܠܒܲܪܬ̣ܵܟ݂: ܘܗܵܠܹܝܢ ܒܬ̣ܘܼ̈ܠܹܐ ܕܲܒ̣ܪܲܬ̣ܝ: ܢܸܦܪܣܘܼܢ ܫܘܿܫܸܦܵܐ ܩܕ݂ܵܡ ܣܵܒܹ̈ܐ ܕܲܩܪܝܼܬ̣ܵܐ. |
[No book] |
| [18]ܘܢܸܕ݂ܒ̇ܪܘܼܢܹܗ ܣܵܒܹ̈ܐ ܕܲܩܪܝܼܬ̣ܵܐ ܠܓܲܒ̣ܪܵܐ ܗܵܘ̇ ܘܢܸܪܕ̇ܘܿܢܹܗ. |
[No book] |
| [19]ܘܲܢܚܲܣܪܘܼܢܹܗ ܡܵܐܐ ܕܟܸܣܦܵܐ: ܘܢܸܬ̇ܠܘܼܢ ܠܐܲܒ̣ܘܼܗ̇ ܕܲܛܠܝܼܬ̣ܵܐ: ܥܲܠ ܕܐܲܦܸܩ ܫܡܵܐ ܒܝܼܫܵܐ ܥܲܠ ܒܬ̣ܘܼܠܬܵܐ ܒܲܪܬ̣ ܝܼܣܪܵܝܹܠ: ܘܠܹܗ ܬܸܗܘܸܐ ܐܲܢ̄ܬ̇ܬ̣ܵܐ: ܘܠܵܐ ܢܸܫܬܲܠܲܛ ܠܡܸܫܒ̇ܩܵܗ̇ ܟܠܗܘܿܢ ܝܵܘ̈ܡܵܘܗܝ. |
[No book] |
| [20]ܘܐܸܢ ܡ̣ܢ ܩܘܼܫܬܵܐ ܗܘ̤ܵܬ̣ ܡܸܠܬ̣ܵܐ ܗܵܕܹܐ: ܘܠܵܐ ܐܸܫܬ̇ܟܲܚܘ ܒܬ̣ܘܼ̈ܠܹܐ ܠܲܛܠܝܼܬ̣ܵܐ. |
[No book] |
| [21]ܢܲܦܩܘܼܢܵܗ̇ ܠܲܛܠܝܼܬ̣ܵܐ ܠܬܲܪܥܵܐ ܕܒܹܝܬ̣ ܐܲܒ̣ܘܼܗ̇: ܘܢܸܪܓ̇ܡܘܼܢܵܗ̇ ܒܟܹܐܦܹ̈ܐ ܐ̄ܢܵܫܲܝ̈ ܩܪܝܼܬ̣ܵܐ ܘܲܬ̣ܡܘܼܬ̣: ܥܲܠ ܕܥܸܒ̣ܕܲܬ̤ ܒܸܗܬ̇ܬ̣ܵܐ ܒܝܼܣܪܵܝܹܠ: ܘܙܲܢܝܲܬ̤ ܒܹܝܬ̣ ܐܲܒ̣ܘܼܗ̇. ܘܒܲܥܲܪܘ ܒܝܼܫܬܵܐ ܡ̣ܢ ܒܲܝܢܵܬ̣ܟ݂ܘܿܢ. |
[No book] |
| [22]ܘܟܲܕ݂ ܢܸܫܬܟܲܚ ܓܲܒ̣ܪܵܐ ܕܕ݂ܵܡܹܟ݂ ܥܲܡ ܐܲܢ̄ܬܲܬ̣ ܓܲܒ̣ܪܵܐ: ܡܸܬ̣ܩܛܵܠܘܼ ܢܸܬ̣ܩܲܛܠܘܼܢ ܬܪ̈ܲܝܗܘܿܢ: ܓܲܒ̣ܪܵܐ ܕܲܕ݂ܡܸܟ݂ ܥܲܡܵܗ̇: ܐܵܦ ܗܝ̤ ܐܲܢ̄ܬ̇ܬ̣ܵܐ. ܘܒܲܥܲܪܘ ܒܝܼܫܬܵܐ ܡ̣ܢ ܝܼܣܪܵܝܹܠ. |
[No book] |
| [23]ܘܐܸܢ ܬܸܗܘܸܐ ܥܠܲܝܡܬ̣ܵܐ ܒܬ̣ܘܼܠܬܵܐ ܕܲܡܟ݂ܝܼܪܵܐ ܠܓܲܒ̣ܪܵܐ: ܘܢܸܫܟܚܚܝܼܗ̇ ܓܲܒ̣ܪܵܐ ܐ̄ܚܪܹܢܵܐ ܒܲܩܪܝܼܬ̣ܵܐ: ܘܢܸܕ݂ܡܲܡ ܥܲܡܵܗ̇. |
[No book] |
| [24]ܐܲܦܸܩܘ ܐܸܢܘܿܢ ܠܲܬ̣ܪ̈ܲܝܗܘܿܢ ܠܬܲܪܥܵܐ ܕܲܩܪܝܼܬ̣ܵܐ ܗܵܝ̇: ܘܲܪܓ̣ܘܿܡܘ ܐܸܢܘܿܢ ܒܟܹܐܦܹ̈ܐ: ܘܲܢܡܘܼܬ̣ܘܼܢ: ܥܲܠ ܕܠܵܐ ܒܲܓ̣ܢܲܬ̤ܗܵܝ̇ ܥܠܲܝܡܬ̣ܵܐ ܒܲܩܪܝܼܬ̣ܵܐ: ܘܗܵܘ̇ ܓܲܒ̣ܪܵܐ ܥܲܠ ܕܨܲܥܲܪ ܐܲܢ̄ܬܲܬ̣ ܚܲܒ̣ܪܹܗ. ܘܒܲܥܲܪܘ ܒܝܼܫܬܵܐ ܡ̣ܢ ܒܲܝܢܵܬ̣ܟ݂ܘܿܢ. |
[No book] |
| [25]ܘܐܸܢ ܒܚܲܩܠܵܐ ܐܸܫܟܲܚ ܓܲܒ̣ܪܵܐ ܥܠܲܝܡܬ̣ܵܐ ܕܲܡܟ݂ܝܼܪܵܐ: ܘܐܲܚܕܵܗ̇ ܒܲܩܛܝܼܪܵܐ: ܘܲܕ݂ܡܸܟ݂ ܥܲܡܵܗ̇: ܢܸܬ̣ܩܛܸܠ ܓܲܒ̣ܪܵܐ ܕܲܕ݂ܡܸܟ݂ ܥܲܡܵܗ̇ ܒܲܠܚܘܿܕܵܘܗܝ. |
[No book] |
| [26]ܘܠܲܥܠܲܝܡܬ̣ܵܐ ܠܵܐ ܬܸܥܒ̇ܕ݂ܘܼܢ ܠܵܗ̇ ܡܸܕܸ̇ܡ: ܡܸܛܠ ܕܠܵܐ ܚܲܝܵܒ̣ܵܐ ܥܠܲܝܡܬ̣ܵܐ ܚܛܵܗܵܐ ܕܡܵܘܬܵܐ. ܐܲܝܟ݂ ܕܩܵܐܹ̇ܡ ܓܹܝܪ ܓܲܒ̣ܪܵܐ ܥܲܠ ܓܲܒ̣ܪܹܗ ܘܩܵܛܸܠ ܠܹܗ: ܗܵܟܲܢܵܐ ܗ̄ܝܼ ܨܒ̣ܘܼܬ̣ܵܐ ܗܵܕܹܐ. |
[No book] |
| [27]ܡܸܛܠ ܕܲܒ̣ܚܲܩܠܵܐ ܗ̄ܘ̣ ܐܸܫܟ̇ܚܵܗ̇: ܘܒܲܓ̣ܥܲܬ̤ ܥܠܲܝܡܬ̣ܵܐ ܕܲܡܟ݂ܝܼܪܵܐ: ܘܠܲܝܬ̇ ܕܲܡܦܲܨܸܐ ܠܵܗ̇. |
[No book] |
| [28]ܘܐܸܢ ܢܸܫܟܲܚ ܓܲܒ̣ܪܵܐ ܥܠܲܝܡܬ̣ܵܐ ܒܬ̣ܘܼܠܬܵܐ ܕܠܵܐ ܗܘ̣ܵܬ̤ ܡܟ݂ܝܼܪܵܐ: ܘܢܹܐܚܕ̇ܝܼܗ̇ ܢܸܕ݂ܡܲܟ݂ ܥܲܡܵܗ̇: ܘܢܸܫܬܲܟ݂ܚܘܼܢ. |
[No book] |
| [29]ܢܸܬܸ̇ܠ ܓܲܒ̣ܪܵܐ ܗܵܘ̇ ܕܲܕܸܡܸܟ݂ ܥܲܡܵܗ̇ ܠܐܲܒ̣ܘܼܗ̇ ܕܲܥܠܲܝܡܬ̣ܵܐ ܚܲܡܫܝܼܢ ܕܟܸܣܦܵܐ ܠܐܲܒ̣ܘܼܗ̇: ܘܠܹܗ ܬܸܗܘܸܐ ܐܲܢ̄ܬ̇ܬ̣ܵܐ ܚܠܵܦ ܕܨܲܥܪܵܗ̇: ܘܠܵܐ ܢܸܫܬܲܠܲܛ ܠܡܸܫܒ̇ܩܵܗ̇ ܟܠ ܝܵܘ̈ܡܲܝ ܚܲܝܵܘ̈ܗܝ. |
[No book] |
| [30]ܠܵܐ ܢܸܣܲܒ̣ ܓܲܒ̣ܪܵܐ ܐܲܢ̄ܬܲܬ̣ ܐܲܒ̣ܘܗܝ: ܘܠܵܐ ܢܸܓ̣ܠܸܐ ܟܸܢܦܵܐ ܕܐܲܒ̣ܘܼܗܝ. |
[No book] |