➖ »
«
➖ ➕
Peshitta OT
PesOT
The Gospel of Barnabas
GspBar
←
Deuteronomy
Deu
23
→
[1]ܠܵܐ ܢܸܥܘܿܠ ܓܲܝܵܪܵܐ ܠܲܟ݂ܢܘܼܫܬܹ̇ܗ ܕܡܵܪܝܵܐ [No book]
[2]ܘܠܵܐ ܢܸܥܘܿܠ ܒܲܪ ܓܵܘܪܹ̈ܐ ܠܲܟ݂ܢܘܼܫܬܹ̇ܗ ܕܡܵܪܝܵܐ: ܐܲܦܠܵܐ ܥܲܠ ܥܸܣܪܵܐ ܕܵܪ̈ܝܼܢ ܢܸܥܘܿܠ ܠܲܟ݂ܢܘܼܫܬܹ̇ܗ ܕܡܵܪܝܵܐ. [No book]
[3]ܠܵܐ ܢܸܥܘܿܠ ܥܲܡܘܿܢܵܝܵܐ ܘܡܘܼܐܵܒ̣ܵܝܵܐ ܠܲܟ݂ܢܘܼܫܬܹ̇ܗ ܕܡܵܪܝܵܐ: ܐܵܦܠܵܐ ܠܕܵܪܵܐ ܥܣܝܼܪܵܝܵܐ ܢܸܥܠܘܼܢ ܠܲܟ݂ܢܘܼܫܬܹ̇ܗ ܕܡܵܪܝܵܐ ܠܥܵܠܲܡ. [No book]
[4]ܥܲܠ ܕܠܵܐ ܩܲܪܸܒ̣ܘ ܠܟ݂ܘܿܢ ܠܲܚܡܵܐ ܘܡܲـ̈ܝܵܐ ܒܐܘܼܪܚܵܐ ܟܲܕ݂ ܢܦܲܩܬ̇ܘܿܢ ܡ̣ܢ ܡܸܨܪܹܝܢ: ܘܥܲܠ ܕܐܸܓܲܪ ܥܠܲܝܟ ܠܒܸܠܥܵܡ ܒܲܪ ܒܥܘܿܪ ܡ̣ܢ ܦܝܼܬ̣ܘܿܪ ܕܐܵܪܵܡ ܢܲܗܪ̈ܝܼܢ: ܠܲܡܠܵܛܵܟ݂. [No book]
[5]ܘܠܵܐ ܨܒ̣ܵܐ ܡܵܪܝܵܐ ܐܲܠܵܗܵܟ݂ ܠܡܸܫܡܥܹܗ ܠܒܸܠܥܵܡ: ܘܐܲܗܦܸܟ݂ ܐܸܢܹܝܢ ܡܵܪܝܵܐ ܐܲܠܵܗܵܟ݂ ܠܵܘ̈ܟܵܬܹܗ ܠܒ̣ܘܼܪ̈ܟܵܬ̣ܵܐ: ܡܸܛܠ ܕܪܲܚܡܵܟ݂ ܡܵܪܝܵܐ ܐܲܠܵܗܵܟ݂. [No book]
[6]ܠܵܐ ܬܸܨܒܸܐ ܠܲܫܠܵܡܗܘܿܢ: ܘܲܠܛܵܒ̣ܵܬ̣̈ܗܘܿܢ ܟܠ ܝܵܘ̈ܡܲܝ ܚܲܝܲܝ̈ܟ ܠܥܵܠܲܡ. [No book]
[7]ܠܵܐ ܬܸܕ݂ܚܩܼܘܗܝ ܠܐܲܕ݂ܘܿܡܵܝܵܐ: ܡܸܛܠ ܕܐܲܚܘܼܟ݂ ܗ̄ܘ̣. ܘܠܵܐ ܬܸܕ݂ܚܩܝܼܘܗܝ ܠܡܸܨܪܵܝܵܐ: ܡܸܛܠ ܕܥܵܡܘܿܪܵܐ ܗ̤ܘܲܝܬ̇ ܒܐܲܪܥܹܗ. [No book]
[8]ܒܢܲـ̈ܝܵܐ ܕܡܸܬ̣ܝܲܠܕ̇ܝܼܢ ܠܗܘܿܢ ܒܕ݂ܵܪܵܐ ܬܠܝܼܬ̣ܵܝܵܐ: ܢܸܥܠܘܼܢ ܠܲܟ݂ܢܘܼܫܬܹ̇ܗ ܕܡܵܪܝܵܐ. [No book]
[9]ܘܟܲܕ݂ ܬܸܦܘܿܩ ܒܡܲܫܪܝܼܬ̣ܵܐ ܥܲܠ ܒܥܸܠܕ̇ܒ̣ܵܒܲܝ̈ܟ: ܐܸܙܕܲܗ̄ܪ ܡ̣ܢ ܟܠܡܸܕܸ̇ܡ ܕܒ̣ܝܼܫ. [No book]
[10]ܘܐܸܢ ܢܸܗܘܸܐ ܒܵܟ݂ ܓܲܒ̣ܪܵܐ ܕܠܵܐ ܗ̄ܘ̣ܵܐ ܕܟܸܐ ܡ̣ܢ ܩܸܪܝܵܐ ܕܠܸܠܝܵܐ: ܢܸܦܘܿܩ ܠܹܗ ܠܒܲܪ ܡ̣ܢ ܡܲܫܪܝܼܬ̣ܵܐ: ܘܠܵܐ ܢܸܥܘܿܠ ܠܓ̣ܵܘ ܡܲܫܪܝܼܬ̣ܵܐ. [No book]
[11]ܘܲܠܥܸܕܵܢ ܪܲܡܫܵܐ ܢܸܣܚܸܐ ܒܡܲـ̈ܝܵܐ: ܘܡܵܐ ܕܥܸܪܒܲܬ̤ ܫܸܡܫܵܐ ܢܸܥܘܿܠ ܠܓ̣ܵܘ ܡܲܫܪܝܼܬ̣ܵܐ. [No book]
[12]ܘܐܲܬ̣ܪܵܐ ܢܸܗܘܸܐ ܝܼܕ݂ܝܼܥ ܠܵܟ݂ ܠܒܲܪ ܡ̣ܢ ܡܲܫܪܝܼܬ̣ܵܐ: ܘܦܘܿܩ ܠܬܲܡܵܢ ܠܡܲܝ̈ ܪܸ̈ܓ̣ܠܲܝܟ. [No book]
[13]ܘܣܸܟ̇ܬ̣ܵܐ ܬܸܗܘܸܐ ܠܵܟ݂ ܥܲܠ ܙܲܝܢܵܟ݂: ܘܡܵܐ ܕܝܵܬܹ̇ܒ̣ ܐܲܢ̄ܬ̇ ܠܡܲܝ̈ ܪܸ̈ܓ̣ܠܲܝܟ: ܗ̤ܘܲܝܬ̇ ܚܵܦܲܪ ܒܵܗ̇: ܘܲܗ̤ܘܲܝܬ̇ ܡܟܲܣܸܐ ܬܸܒ̣ܪܵܟ݂. [No book]
[14]ܡܸܛܠ ܕܡܵܪܝܵܐ ܐܲܠܵܗܵܟ݂ ܡܗܲܠܸܟ݂ ܒܓ̣ܵܘ ܡܲܫܪܝܼܬ̣ܵܟ݂: ܕܲܢܦܲܨܹܝܟ݂ ܘܢܲܫܠܸܡ ܒܥܸܠܕ̇ܒ̣ܵܒܲܝ̈ܟ ܩܕ݂ܵܡܲܝܟ: ܘܬܸܗܘܸܐ ܡܲܫܪܝܼܬ̣ܵܟ݂ ܩܲܕ̇ܝܼܫܵܐ: ܕܠܵܐ ܢܸܚܙܸܐ ܒܵܟ݂ ܨܒ̣ܘܼܬ̣ܵܐ ܕܲܡܦܲܪܣܝܵܐ: ܘܢܸܗܦܘܿܟ݂ ܠܹܗ ܡܸܢܟ݂ܘܿܢ. [No book]
[15]ܠܵܐ ܬܲܫܠܸܡ ܥܲܒ̣ܕܵܐ ܠܡܵܪܹܗ ܕܥܵܪܹܩ ܠܘܵܬ̣ܵܟ݂ ܡ̣ܢ ܡܵܪܹܗ. [No book]
[16]ܐܸܠܵܐ ܥܲܡܵܟ݂ ܢܸܬܸ̇ܒ̣ ܒܐܲܬ̣ܪܵܐ ܕܨܵܒܹܐ: ܒܲܚܕ݂ܵܐ ܡ̣ܢ ܩܘܼܪ̈ܝܵܟ݂ ܐܲܬܲܪ ܕܫܲܦܝܼܪ ܠܹܗ. ܘܠܵܐ ܬܸܥܠܒ̣ܝܼܘܗܝ. [No book]
[17]ܠܵܐ ܬܸܗܘܸܐ ܙܵܢܝܼܬ̣ܵܐ ܡ̣ܢ ܒ̈ܢܵܬ̣ ܝܼܣܪܵܝܹܠ: ܘܐܵܦܠܵܐ ܢܸܗܘܸܐ ܕܲܡܙܲܢܸܐ ܡ̣ܢ ܒ̈ܢܲܝ ܝܼܣܪܵܝܹܠ. [No book]
[18]ܠܵܐ ܬܲܥܸܠ ܐܲܓܲܪ ܙܵܢܝܼܬ̣ܵܐ ܘܲܕ݂ܡܲܝ̈ ܟܲܠܒܵܐ ܠܒܲܝܬܹ̇ܗ ܕܡܵܪܝܵܐ ܐܲܠܵܗܵܟ݂ ܠܟ݂ܠ ܢܕܲܪ: ܡܸܛܠ ܕܛܲܡܐܝܼܢ ܐܸܢܘܿܢ ܩܕ݂ܵܡ ܡܵܪܝܵܐ ܐܲܠܵܗܵܟ݂ ܬܪ̈ܲܝܗܘܿܢ. [No book]
[19]ܠܵܐ ܬܪܲܒܸ̇ܐ ܥܲܠ ܐܲܚܘܼܟ݂ ܪܸܒ̇ܝܼܬ̣ܵܐ ܕܟܸܣܦܵܐ: ܘܪܸܒ̇ܝܼܬ̣ܵܐ ܕܲܥܒ̣ܘܼܪܵܐ: ܘܪܸܒ̇ܝܼܬ̣ܵܐ ܕܟ݂ܠܡܸܕܸ̇ܡ ܕܪܵܒܹ̈ܐ. [No book]
[20]ܥܲܠ ܢܘܼܟ݂ܪܵܝܵܐ ܪܲܒܵܐ: ܘܥܲܠ ܐܲܚܘܼܟ݂ ܠܵܐ ܬܪܲܒܸ̇ܐ: ܕܲܢܒܲܪܟ݂ܵܟ݂ ܡܵܪܝܵܐ ܐܲܠܵܗܵܟ݂ ܒܟ݂ܠܡܸܕܸ̇ܡ ܕܡܵܘܫܸܛ ܐܲܢ̄ܬ̇ ܐܝܼܕ݂ܵܟ݂: ܒܐܲܪܥܸܵܐ ܕܥܵܐܹ̇ܠ ܐܲܢ̄ܬ̇ ܠܵܗ̇ ܠܡܹܐܪܬܵܗ̇. [No book]
[21]ܘܐܸܢ ܢܵܕܲܪ ܐܲܢ̄ܬ̇ ܢܸܕ݂ܪܵܐ ܠܡܵܪܝܵܐ ܐܲܠܵܗܵܟ݂: ܠܵܐ ܬܫܵܘܚܲܪ ܠܡܸܦܪܥܹܗ: ܡܸܛܠ ܕܡܸܬ̣ܒܲܥ ܬܵܒܲܥ ܠܹܗ ܡܵܪܝܵܐ ܡܸܢܵܟ݂: ܘܗܵܘܹ̇ܐ ܥܠܲܝܟ ܚܛܵܗܵܐ. [No book]
[22]ܘܐܸܢ ܠܵܐ ܨܵܒܹ̇ܐ ܐܲܢ̄ܬ̇ ܠܡܸܕܲܪ: ܠܵܐ ܗܵܘܹ̇ܐ ܥܠܲܝܟ ܚܛܵܗܵܐ. [No book]
[23]ܡܸܕܸ̇ܡ ܕܲܢܦܲܩ ܡ̣ܢ ܣܦ̈ܘܵܬ̣ܵܟ݂ ܛܲܪ ܘܲܥܒܸܕ݂: ܐܲܝܟ݂ ܕܲܢܕܲܪܬ̇ ܠܡܵܪܝܵܐ ܐܲܠܵܗܵܟ݂: ܦܘܼܪܫܵܢܵܐ ܕܡܲܠܸܠܬ̇ ܒܦܘܼܡܵܟ݂. [No book]
[24]ܘܡܵܐ ܕܥܵܐܹ̇ܠ ܐܲܢ̄ܬ̇ ܠܟܲܪܡܵܐ ܕܚܲܒ̣ܪܵܟ݂: ܐܲܟ݂ܘܿܠ ܥܸܢܒܹ̈ܐ ܕܣܵܒ̣ܥܵܐ ܢܲܦ̮ܫܵܟ݂: ܘܲܒ̣ܡܵܐܢܵܟ݂ ܠܵܐ ܬܲܪܡܸܐ. [No book]
[25]ܘܡܵܐ ܕܥܵܐܹ̇ܠ ܐܲܢ̄ܬ̇ ܠܩܵܝܑܹܡܬ̣ܵܐ ܕܚܲܒ̣ܪܵܟ݂: ܡܠܘܿܓ̣ ܫܸـ̈ܒܹܐ ܒܐܝܼܕ݂ܵܟ݂: ܘܡܲܓ̣ܠܵܐ ܠܵܐ ܬܢܝܼܦ ܥܲܠ ܩܵܝܑܹܡܬ̣ܵܐ ܕܚܲܒ̣ܪܵܟ݂. [No book]
Translation: Charles H. Hoole (1885)
Source: www.earlychristianwritings.com
Top