|
|
| [1]Si fuerit causa inter aliquos, et interpellaverint judices: quem justum esse perspexerint, illi justitiæ palmam dabunt: quem impium, condemnabunt impietatis. |
[No book] |
| [2]Sin autem eum, qui peccavit, dignum viderint plagis: prosternent, et coram se facient verberari. Pro mensura peccati erit et plagarum modus: |
[No book] |
| [3]ita dumtaxat, ut quadragenarium numerum non excedant: ne fœde laceratus ante oculos tuos abeat frater tuus. |
[No book] |
| [4]Non ligabis os bovis terentis in area fruges tuas. |
[No book] |
| [5]Quando habitaverint fratres simul, et unus ex eis absque liberis mortuus fuerit, uxor defuncti non nubet alteri: sed accipiet eam frater ejus, et suscitabit semen fratris sui: |
[No book] |
| [6]et primogenitum ex ea filium nomine illius appellabit, ut non deleatur nomen ejus ex Israël. |
[No book] |
| [7]Sin autem noluerit accipere uxorem fratris sui, quæ ei lege debetur, perget mulier ad portam civitatis, et interpellabit majores natu, dicetque: Non vult frater viri mei suscitare nomen fratris sui in Israël, nec me in conjugem sumere. |
[No book] |
| [8]Statimque accersiri eum facient, et interrogabunt. Si responderit: Nolo eam uxorem accipere: |
[No book] |
| [9]accedet mulier ad eum coram senioribus, et tollet calceamentum de pede ejus, spuetque in faciem illius, et dicet: Sic fiet homini, qui non ædificat domum fratris sui. |
[No book] |
| [10]Et vocabitur nomen illius in Israël, Domus discalceati. |
[No book] |
| [11]Si habuerint inter se jurgium viri duo, et unus contra alterum rixari cœperit, volensque uxor alterius eruere virum suum de manu fortioris, miseritque manum, et apprehenderit verenda ejus: |
[No book] |
| [12]abscides manum illius, nec flecteris super eam ulla misericordia. |
[No book] |
| [13]Non habebis in sacculo diversa pondera, majus et minus: |
[No book] |
| [14]nec erit in domo tua modius major, et minor. |
[No book] |
| [15]Pondus habebis justum et verum, et modius æqualis et verus erit tibi: ut multo vivas tempore super terram, quam Dominus Deus tuus dederit tibi. |
[No book] |
| [16]Abominatur enim Dominus tuus eum qui facit hæc, et aversatur omnem injustitiam. |
[No book] |
| [17]Memento quæ fecerit tibi Amalec in via quando egrediebaris ex Ægypto: |
[No book] |
| [18]quomodo occurrerit tibi, et extremos agminis tui, qui lassi residebant, ceciderit, quando tu eras fame et labore confectus: et non timuerit Deum. |
[No book] |
| [19]Cum ergo Dominus Deus tuus dederit tibi requiem, et subjecerit cunctas per circuitum nationes in terra, quam tibi pollicitus est: delebis nomen ejus sub cælo. Cave ne obliviscaris. |
[No book] |