|
|
| [1]ܘܦܲܩܸܕ݂ ܡܘܼܫܹܐ ܘܣܵܒܹ̈ܐ ܕܝܼܣܪܵܝܹܠ ܠܥܲܡܵܐ ܘܐܸܡܲܪܘ ܠܗܘܿܢ: ܛܲܪܘ ܟܠܗܘܿܢ ܦܘܼܩ̈ܕܵܢܹܐ ܕܲܢܦܲܩܸܕ݂ ܐ̄ܢܵܐ ܠܟ݂ܘܿܢ ܝܵܘܡܵܢܵܐ. |
[No book] |
| [2]ܒܝܵܘܡܵܐ ܕܥܵܒ̣ܪܝܼܢ ܐ̄ܢܬ̇ܘܿܢ ܝܘܿܪܕܢܲܢ: ܠܐܲܪܥܵܐ ܕܝܵܗܹ̇ܒ̣ ܠܵܟ݂ ܡܵܪܝܵܐ ܐܲܠܵܗܵܟ݂: ܐܲܩܝܼܡ ܠܵܟ݂ ܟܹܐܦܹ̈ܐ ܪܵܘܪ̈ܒ̣ܵܬ̣ܵܐ: ܘܐܲܟ݂ܠܸܫ ܐܸܢܹܝܢ ܒܟܸܠܫܵܐ. |
[No book] |
| [3]ܘܲܟ݂ܬ̣ܘܿܒ̣ ܥܠܲܝܗܹܝܢ ܟܠܗܘܿܢ ܦܸܬ̣ܓ̣ܵܡܹ̈ܐ ܕܢܵܡܘܿܣܵܐ ܗܵܢܵܐ: ܡܵܐ ܕܲܥܒܲܪܬ̇ ܝܘܿܪܕܢܲܢ: ܕܬܸܥܘܿܠ ܠܐܲܪܥܵܐ ܕܝܵܗܹ̇ܒ̣ ܠܵܟ݂ ܡܵܪܝܵܐ ܐܲܠܵܗܵܟ݂: ܐܲܪܥܵܐ ܕܡܲܪܕ̇ܝܵܐ ܚܲܠܒ̣ܵܐ ܘܕܸܒ̣ܫܵܐ: ܐܲܝܟ݂ ܕܐܸܡܲܪ ܠܵܟ݂ ܡܵܪܝܵܐ ܐܲܠܵܗܵܟ݂ ܕܐܲܒ̣ܵܗܲܝ̈ܟ. |
[No book] |
| [4]ܘܡܵܐ ܕܲܥܒܲܪܬ̇ܘܿܢ ܝܘܿܪܕܢܲܢ: ܐܲܩܝܼܡܘ ܟܹܐܦܹ̈ܐ ܗܵܠܹܝܢ ܕܲܡܦܲܩܸܕ݂ ܐ̄ܢܵܐ ܠܟ݂ܘܿܢ ܝܵܘܡܵܢܵܐ ܒܛܘܸܪܵܐ ܕܲܓ̣ܒܸܠ: ܘܐܲܟ݂ܠܸܫ ܐܸܢܹܝܢ ܒܟ݂ܠܫܵܐ. |
[No book] |
| [5]ܘܲܒ̣ܢܝܼ ܬܲܡܵܢ ܡܲܕ݂ܒ̇ܚܵܐ ܠܡܵܪܝܵܐ ܐܲܠܵܗܵܟ݂: ܡܲܕ݂ܒ̇ܚܵܐ ܕܟܹܐܦܹ̈ܐ: ܘܠܵܐ ܬܲܪܡܸܐ ܥܠܲܝܗܹܝܢ ܦܲܪܙܠܵܐ. |
[No book] |
| [6]ܐܸܠܵܐ ܒܟܹܐܦܹ̈ܐ ܫܠܲܡܠ̈ܡܵܬ̣ܵܐ ܒܢܝܼ ܡܲܕ݂ܒ̇ܚܹܗ ܕܡܵܪܝܵܐ ܐܲܠܵܗܵܟ݂: ܘܐܲܣܸܩ ܥܠܵܘܗܝ ܝܲܩ̈ܕܹ̇ܐ ܫܲܠܡܹ̈ܐ: ܩܕ݂ܵܡ ܡܵܪܝܵܐ ܐܲܠܵܗܵܟ݂. |
[No book] |
| [7]ܘܕܲܒܲܚ ܫܲܠܡܹ̈ܐ: ܘܐܲܟ݂ܘܿܠ ܬܲܡܵܢ: ܘܲܚܕ݂ܝܼ ܩܕ݂ܵܡ ܡܵܪܝܵܐ ܐܲܠܵܗܵܟ݂. |
[No book] |
| [8]ܘܲܟ݂ܬ̣ܘܿܒ̣ ܥܲܠ ܟܹܐܦܹ̈ܐ ܗܵܠܹܝܢ ܟܠܗܘܿܢ ܦܸܬ̣ܓ̣ܵܡܹ̈ܐ ܕܢܵܡܘܿܣܵܐ ܗܵܢܵܐ: ܘܦܲܪܸܫ ܐܸܢܘܿܢ ܛܵܒ̣. |
[No book] |
| [9]ܘܐܸܡܲܪ ܡܘܼܫܹܐ: ܘܟ݂ܵܗ̈ܢܹܐ: ܘܠܹܘܵܝܹ̈ܐ: ܠܟ݂ܠܗܘܿܢ ܒ̈ܢܲܝ ܝܼܣܪܵܝܹܠ: ܨܘܼܬ̣ ܘܲܫܡܲܥ ܝܼܣܪܵܝܹܠ: ܝܵܘܡܵܢܵܐ ܗܵܘܹܐ ܐܲܢ̄ܬ̇ ܥܲܡܵܐ ܠܡܵܪܝܵܐ ܐܲܠܵܗܵܟ݂. |
[No book] |
| [10]ܫܡܲܥ ܒܩܵܠܹܗ ܕܡܵܪܝܵܐ ܐܲܠܵܗܵܟ݂: ܘܲܥܒܸܕ݂ ܦܘܼܩ̈ܕܵܢܵܘܗܝ: ܘܢܵܡܘܿܣܵܘ̈ܗܝ: ܕܲܡܦܲܩܸܕ݂ ܐ̄ܢܵܐ ܠܵܟ݂ ܝܵܘܡܵܢܵܐ. |
[No book] |
| [11]ܘܦܲܩܸܕ݂ ܡܘܼܫܹܐ ܠܥܲܡܵܐ ܒܝܵܘܡܵܐ ܗܵܘ̇: ܘܐܸܡܲܪ ܠܗܘܿܢ. |
[No book] |
| [12]ܗܵܠܹܝܢ ܢܩܘܼܡܘܼܢ ܥܲܠ ܛܘܼܪܵܐ ܕܓܲܪܙܝܼܡ: ܠܲܡܒܲܪܵܟ݂ܘܼܬܹܗ ܠܥܲܡܵܐ: ܡܵܐ ܕܲܥܒܲܪܬ̇ܘܿܢ ܝܘܿܪܕܢܲܢ: ܫܸܡܥܘܿܢ: ܘܠܹܘܝܼ: ܘܲܝܗܘܿܕ݂ܵܐ: ܘܐܝܼܣܵܟ݂ܵܪ: ܘܝܵܘܣܸܦ: ܘܒܸܢܝܵܡܹܝܢ. |
[No book] |
| [13]ܘܗܵܠܹܝܢ ܢܩܘܼܡܘܼܢ ܠܲܡܠܵܛ ܒܛܘܼܪܵܐ ܕܲܓ̣ܒܸܠ: ܪܘܼܒܹܝܠ: ܘܓ̣ܵܕ݂: ܘܐܵܫܹܝܪ: ܘܲܙܒ̣ܘܿܠܘܿܢ ܘܕ݂ܵܢ: ܘܢܲܦ̮ܬܵܠܝܼ. |
[No book] |
| [14]ܘܢܸܥܢܘܿܥ ܘܢܹܐܡܪܘܼܢ ܠܥܲܡܵܐ ܟܠܹܗ ܕܝܼܣܪܵܝܹܠ ܒܩܵܠܵܐ ܪܵܡܵܐ. |
[No book] |
| [15]ܠܝܼܛ: ܗ̄ܘ̣ ܓܲܒ̣ܪܵܐ ܕܢܸܥܒܸ̇ܕ݂ ܓܠܝܼܦܹ̈ܐ ܘܲܢܣܝܼܟܹ̈ܐ: ܕܛܲܡܐܝܼܢ ܐܸܢܘܿܢ ܩܕ݂ܵܡ ܡܵܪܝܵܐ: ܥܒ̣ܵܕ݂ ܐܝܼ̈ܕܲܝܵܐ ܕܢܲܓܵܪܵܐ: ܘܲܢܣܝܼܡ ܒܣܸܬ̣ܪܵܐ. ܘܢܸܥܢܘܿܢ ܟܠܹܗ ܥܲܡܵܐ ܘܢܹܐܡܪܘܼܢ: ܐܵܡܹܝܢ. |
[No book] |
| [16]ܠܵܝܼܛ ܗ̄ܘ̣ ܡ̇ܢ ܕܲܢܨܲܚܸܐ ܠܐܲܒ̣ܘܼܗܝ ܘܠܐܸܡܹܗ: ܘܢܹܐܡܲܪ ܟܠܹܗ ܥܲܡܵܐ: ܐܵܡܹܝܢ. |
[No book] |
| [17]ܠܝܼܛ ܗ̄ܘ̣ ܡ̇ܢ ܕܲܢܫܲܢܸܐ ܬܚܘܼܡܵܐ ܕܚܲܒ̣ܪܹܗ: ܘܢܹܐܡܲܪ ܟܠܹܗ ܥܲܡܵܐ ܐܵܡܹܝܢ. |
[No book] |
| [18]ܠܝܼܛ ܗ̄ܘ̣ ܡ̇ܢ ܕܢܲܛܥܸܐ ܥܘܝܼܪܵܐ ܒܐܘܼܪܚܵܐ: ܘܢܹܐܡܲܪ ܟܠܹܗ ܥܲܡܵܐ: ܐܵܡܹܝܢ. |
[No book] |
| [19]ܠܝܼܛ ܗ̄ܘ̣ ܟܠ ܕܢܸܨܠܸܐ ܕܝܼܢܵܐ ܕܥܵܡܘܿܪܵܐ: ܘܲܕ݂ܝܵܬ̣ܡܵܐ: ܘܕܲܐܪܡܲܠܬܵܐ: ܘܢܹܐܡܲܪ ܟܠܹܗ ܥܲܡܵܐ: ܐܵܡܹܝܢ. |
[No book] |
| [20]ܠܝܼܛ ܗ̄ܘ̣ ܟܠ ܕܢܸܕ݂ܡܲܟ݂ ܥܲܡ ܐܲܢ̄ܬܲܬ̣ ܐܲܒ̣ܘܼܗܝ: ܘܢܸܓ̣ܠܸܐ ܟܸܢܦܵܐ ܕܐܲܒ̣ܘܼܗܝ: ܘܢܹܐܡܲܪ ܟܠܹܗ ܥܲܡܵܐ: ܐܵܡܹܝܢ. |
[No book] |
| [21]ܠܝܼܛ ܗ̄ܘ̣ ܟܠ ܕܢܸܕ݂ܡܲܟ݂ ܥܲܡ ܟܠ ܒܥܝܼܪܵܐ: ܘܢܹܐܡܲܪ ܟܠܹܗ ܥܲܡܵܐ: ܐܵܡܹܝܢ. |
[No book] |
| [22]ܠܝܼܛ ܗ̄ܘ̣ ܟܠ ܕܢܸܕ݂ܡܲܟ݂ ܥܲܡ ܚܵܬܹܗ: ܒܲܪܬ̣ ܐܲܒ̣ܘܼܗܝ: ܐܵܘ ܒܲܪܬ̣ ܐܸܡܹܗ: ܘܢܹܐܡܲܪ ܟܠܹܗ ܥܲܡܵܐ: ܐܵܡܹܝܢ. |
[No book] |
| [23]ܠܝܼܛ ܗ̄ܘ̣ ܟܠ ܕܢܸܕ݂ܡܲܟ݂ ܥܲܡ ܚܡܵܬܹܗ: ܘܢܹܐܡܲܪ ܟܠܹܗ ܥܲܡܵܐ: ܐܵܡܹܝܢ. |
[No book] |
| [24]ܠܝܼܛ ܗ̄ܘ̣ ܟܠ ܕܢܸܡܚܸܐ ܠܚܲܒ̣ܪܹܗ ܒܣܸܬ̣ܪܵܐ: ܘܢܹܐܡܲܪ ܟܠܹܗ ܥܲܡܵܐ: ܐܵܡܹܝܢ. |
[No book] |
| [25]ܠܝܼܛ ܗ̄ܘ̣ ܟܠ ܕܢܸܣܲܒ̣ ܫܘܼܚܕܵܐ: ܠܡܸܩܛܲܠ ܢܲܦ̮ܫܵܐ ܕܲܕ݂ܡܵܐ ܙܲܟܵܝܵܐ: ܘܢܹܐܡܲܪ ܟܠܹܗ ܥܲܡܵܐ: ܐܵܡܹܝܢ. |
[No book] |
| [26]ܠܝܼܛ ܗ̄ܘ̣ ܟܠ ܕܠܵܐ ܢܩܘܼܡ ܥܲܠ ܦܸܬ̣ܓ̣ܵܡܵܘ̈ܗܝ ܕܢܵܡܘܿܣܵܐ ܗܵܢܵܐ: ܘܢܸܒܸ̇ܕ݂ ܐܸܢܘܿܢ: ܘܢܹܐܡܲܪ ܟܠܹܗ ܥܲܡܵܐ: ܐܵܡܹܝܢ. |
[No book] |