➖ »
«
➖ ➕
Aleppo Codex (~920)
Alep
The Second Book of Clement
2Clem
←
Deuteronomy
Deu
29
→
[1]ויקרא משה אל כל ישראל ויאמר אלהם אתם ראיתם את כל אשר עשה יהוה לעיניכם בארץ מצרים לפרעה ולכל עבדיו ולכל ארצו [No book]
[2]המסות הגדלת אשר ראו עיניך־האתת והמפתים הגדלים ההם [No book]
[3]ולא נתן יהוה לכם לב לדעת ועינים לראות ואזנים לשמע עד היום הזה [No book]
[4]ואולך אתכם ארבעים שנה במדבר לא בלו שלמתיכם מעליכם ונעלך לא בלתה מעל רגלך [No book]
[5]לחם לא אכלתם ויין ושכר לא שתיתם־למען תדעו כי אני יהוה אלהיכם [No book]
[6]ותבאו אל המקום הזה ויצא סיחן מלך חשבון ועוג מלך הבשן לקראתנו למלחמה־ונכם [No book]
[7]ונקח את ארצם ונתנה לנחלה לראובני ולגדי־ולחצי שבט המנשי [No book]
[8]ושמרתם את דברי הברית הזאת ועשיתם אתם־למען תשכילו את כל אשר תעשון [No book]
[9]אתם נצבים היום כלכם לפני יהוה אלהיכם ראשיכם שבטיכם זקניכם ושטריכם כל איש ישראל [No book]
[10]טפכם נשיכם־וגרך אשר בקרב מחניך מחטב עציך עד שאב מימיך [No book]
[11]לעברך בברית יהוה אלהיך־ובאלתו אשר יהוה אלהיך כרת עמך היום [No book]
[12]למען הקים אתך היום לו לעם והוא יהיה לך לאלהים־כאשר דבר לך וכאשר נשבע לאבתיך לאברהם ליצחק וליעקב [No book]
[13]ולא אתכם לבדכם־אנכי כרת את הברית הזאת ואת האלה הזאת [No book]
[14]כי את אשר ישנו פה עמנו עמד היום לפני יהוה אלהינו ואת אשר איננו פה עמנו היום [No book]
[15]כי אתם ידעתם את אשר ישבנו בארץ מצרים ואת אשר עברנו בקרב הגוים אשר עברתם [No book]
[16]ותראו את שקוציהם ואת גלליהם־עץ ואבן כסף וזהב אשר עמהם [No book]
[17]פן יש בכם איש או אשה או משפחה או שבט אשר לבבו פנה היום מעם יהוה אלהינו ללכת לעבד את אלהי הגוים ההם פן יש בכם שרש פרה ראש־ולענה [No book]
[18]והיה בשמעו את דברי האלה הזאת והתברך בלבבו לאמר שלום יהיה לי־כי בשררות לבי אלך למען ספות הרוה את הצמאה [No book]
[19]לא יאבה יהוה סלח לו־כי אז יעשן אף יהוה וקנאתו באיש ההוא ורבצה בו כל האלה הכתובה בספר הזה ומחה יהוה את שמו מתחת השמים [No book]
[20]והבדילו יהוה לרעה מכל שבטי ישראל־ככל אלות הברית הכתובה בספר התורה הזה [No book]
[21]ואמר הדור האחרון בניכם אשר יקומו מאחריכם והנכרי אשר יבא מארץ רחוקה וראו את מכות הארץ ההוא ואת תחלאיה אשר חלה יהוה בה [No book]
[22]גפרית ומלח שרפה כל ארצה־לא תזרע ולא תצמח ולא יעלה בה כל עשב כמהפכת סדם ועמרה אדמה וצביים אשר הפך יהוה באפו ובחמתו [No book]
[23]ואמרו כל הגוים על מה עשה יהוה ככה לארץ הזאת מה חרי האף הגדול הזה [No book]
[24]ואמרו־על אשר עזבו את ברית יהוה אלהי אבתם אשר כרת עמם בהוציאו אתם מארץ מצרים [No book]
[25]וילכו ויעבדו אלהים אחרים וישתחוו להם אלהים אשר לא ידעום ולא חלק להם [No book]
[26]ויחר אף יהוה בארץ ההוא להביא עליה את כל הקללה הכתובה בספר הזה [No book]
[27]ויתשם יהוה מעל אדמתם באף ובחמה ובקצף גדול וישלכם אל ארץ אחרת כיום הזה [No book]
[28]הנסתרת־ליהוה אלהינו והנגלת לנו ולבנינו עד עולם־לעשות את כל דברי התורה הזאת [No book]
29[No verse] [No book]
Source: unbound.biola.edu
 Translation: Charles H. Hoole (1885)
Source: www.earlychristianwritings.com
Top