|
|
| [1]Audite, cæli, quæ loquor: audiat terra verba oris mei. |
[No book] |
| [2]Concrescat ut pluvia doctrina mea, fluat ut ros eloquium meum, quasi imber super herbam, et quasi stillæ super gramina. |
[No book] |
| [3]Quia nomen Domini invocabo: date magnificentiam Deo nostro. |
[No book] |
| [4]Dei perfecta sunt opera, et omnes viæ ejus judicia: Deus fidelis, et absque ulla iniquitate, justus et rectus. |
[No book] |
| [5]Peccaverunt ei, et non filii ejus in sordibus: generatio prava atque perversa. |
[No book] |
| [6]Hæccine reddis Domino, popule stulte et insipiens? numquid non ipse est pater tuus, qui possedit te, et fecit, et creavit te? |
[No book] |
| [7]Memento dierum antiquorum, cogita generationes singulas: interroga patrem tuum, et annuntiabit tibi: majores tuos, et dicent tibi. |
[No book] |
| [8]Quando dividebat Altissimus gentes, quando separabat filios Adam, constituit terminos populorum juxta numerum filiorum Israël. |
[No book] |
| [9]Pars autem Domini, populus ejus: Jacob funiculus hæreditatis ejus. |
[No book] |
| [10]Invenit eum in terra deserta, in loco horroris, et vastæ solitudinis: circumduxit eum, et docuit: et custodivit quasi pupillam oculi sui. |
[No book] |
| [11]Sicut aquila provocans ad volandum pullos suos, et super eos volitans, expandit alas suas, et assumpsit eum, atque portavit in humeris suis. |
[No book] |
| [12]Dominus solus dux ejus fuit, et non erat cum eo deus alienus: |
[No book] |
| [13]constituit eum super excelsam terram, ut comederet fructus agrorum: ut sugeret mel de petra, oleumque de saxo durissimo; |
[No book] |
| [14]butyrum de armento, et lac de ovibus cum adipe agnorum, et arietum filiorum Basan: et hircos cum medulla tritici, et sanguinem uvæ biberet meracissimum. |
[No book] |
| [15]Incrassatus est dilectus, et recalcitravit: incrassatus, impinguatus, dilatatus, dereliquit Deum factorem suum, et recessit a Deo salutari suo. |
[No book] |
| [16]Provocaverunt eum in diis alienis, et in abominationibus ad iracundiam concitaverunt. |
[No book] |
| [17]Immolaverunt dæmoniis et non Deo, diis quos ignorabant: novi recentesque venerunt, quos non coluerunt patres eorum: |
[No book] |
| [18]Deum qui te genuit dereliquisti, et oblitus es Domini creatoris tui. |
[No book] |
| [19]Vidit Dominus, et ad iracundiam concitatus est: quia provocaverunt eum filii sui et filiæ. |
[No book] |
| [20]Et ait: Abscondam faciem meam ab eis, et considerabo novissima eorum: generatio enim perversa est, et infideles filii. |
[No book] |
| [21]Ipsi me provocaverunt in eo qui non erat Deus, et irritaverunt in vanitatibus suis: et ego provocabo eos in eo qui non est populus, et in gente stulta irritabo illos. |
[No book] |
| [22]Ignis succensus est in furore meo, et ardebit usque ad inferni novissima: devorabitque terram cum germine suo, et montium fundamenta comburet. |
[No book] |
| [23]Congregabo super eos mala, et sagittas meas complebo in eis. |
[No book] |
| [24]Consumentur fame, et devorabunt eos aves morsu amarissimo: dentes bestiarum immittam in eos, cum furore trahentium super terram, atque serpentium. |
[No book] |
| [25]Foris vastabit eos gladius, et intus pavor, juvenem simul ac virginem, lactentem cum homine sene. |
[No book] |
| [26]Dixi: Ubinam sunt? cessare faciam ex hominibus memoriam eorum. |
[No book] |
| [27]Sed propter iram inimicorum distuli: ne forte superbirent hostes eorum, et dicerent: Manus nostra excelsa, et non Dominus, fecit hæc omnia. |
[No book] |
| [28]Gens absque consilio est, et sine prudentia. |
[No book] |
| [29]Utinam saperent, et intelligerent, ac novissima providerent. |
[No book] |
| [30]Quomodo persequatur unus mille, et duo fugent decem millia? nonne ideo, quia Deus suus vendidit eos, et Dominus conclusit illos? |
[No book] |
| [31]Non enim est Deus noster ut dii eorum: et inimici nostri sunt judices. |
[No book] |
| [32]De vinea Sodomorum, vinea eorum, et de suburbanis Gomorrhæ: uva eorum, uva fellis, et botri amarissimi. |
[No book] |
| [33]Fel draconum vinum eorum, et venenum aspidum insanabile. |
[No book] |
| [34]Nonne hæc condita sunt apud me, et signata in thesauris meis? |
[No book] |
| [35]Mea est ultio, et ego retribuam in tempore, ut labatur pes eorum: juxta est dies perditionis, et adesse festinant tempora. |
[No book] |
| [36]Judicabit Dominus populum suum, et in servis suis miserebitur: videbit quod infirmata sit manus, et clausi quoque defecerunt, residuique consumpti sunt. |
[No book] |
| [37]Et dicet: Ubi sunt dii eorum, in quibus habebant fiduciam? |
[No book] |
| [38]de quorum victimis comedebant adipes, et bibebant vinum libaminum: surgant, et opitulentur vobis, et in necessitate vos protegant. |
[No book] |
| [39]Videte quod ego sim solus, et non sit alius Deus præter me: ego occidam, et ego vivere faciam: percutiam, et ego sanabo, et non est qui de manu mea possit eruere. |
[No book] |
| [40]Levabo ad cælum manum meam, et dicam: Vivo ego in æternum. |
[No book] |
| [41]Si acuero ut fulgur gladium meum, et arripuerit judicium manus mea: reddam ultionem hostibus meis, et his qui oderunt me retribuam. |
[No book] |
| [42]Inebriabo sagittas meas sanguine, et gladius meus devorabit carnes; de cruore occisorum, de captivitate, nudati inimicorum capitis. |
[No book] |
| [43]Laudate, gentes, populum ejus, quia sanguinem servorum suorum ulciscetur: et vindictam retribuet in hostes eorum, et propitius erit terræ populi sui. |
[No book] |
| [44]Venit ergo Moyses, et locutus est omnia verba cantici hujus in auribus populi, ipse et Josue filius Nun. |
[No book] |
| [45]Complevitque omnes sermones istos, loquens ad universum Israël, |
[No book] |
| [46]et dixit ad eos: Ponite corda vestra in omnia verba, quæ ego testificor vobis hodie: ut mandetis ea filiis vestris custodire et facere, et implere universa quæ scripta sunt legis hujus: |
[No book] |
| [47]quia non incassum præcepta sunt vobis, sed ut singuli in eis viverent: quæ facientes longo perseveretis tempore in terra, ad quam, Jordane transmisso, ingredimini possidendam. |
[No book] |
| [48]Locutusque est Dominus ad Moysen in eadem die, dicens: |
[No book] |
| [49]Ascende in montem istum Abarim, id est, transitum, in montem Nebo, qui est in terra Moab contra Jericho: et vide terram Chanaan, quam ego tradam filiis Israël obtinendam, et morere in monte. |
[No book] |
| [50]Quem conscendens jungeris populis tuis, sicut mortuus est Aaron frater tuus in monte Hor, et appositus populis suis: |
[No book] |
| [51]quia prævaricati estis contra me in medio filiorum Israël ad aquas contradictionis in Cades deserti Sin: et non sanctificastis me inter filios Israël. |
[No book] |
| [52]E contra videbis terram, et non ingredieris in eam, quam ego dabo filiis Israël. |
[No book] |