➖ »
«
➖ ➕
Peshitta OT
PesOT
The Gospel of Peter
GspPet
←
Deuteronomy
Deu
34
   
[1]ܘܲܣܠܸܩ ܡܘܼܫܹܐ ܡ̣ܢ ܥܲܪܒ̣ܘܼܬ̣ ܡܘܼܐܵܒ̣ ܠܛܘܼܪܵܐ ܕܢܵܒ̣ܘܼ: ܠܪܹܫ ܪܵܡܬ̣ܵܐ ܕܠܘܼܩܒܲܠ ܐܝܼܪܝܼܚܘܼ: ܘܚܵܘܒܹܗ ܡܵܪܝܵܐ ܟܠܵܗ̇ ܐܲܪܥܵܐ ܕܚܸܠܥܵܕ݂: ܘܲܕ݂ܓ̣ܵܕ݂: ܘܲܥܕܲܡܵܐ ܠܕ݂ܵܢ. [No book]
[2]ܘܟ݂ܠܹܗ ܢܲܦ̮ܬܵܠܝܼ: ܘܟ݂ܠܵܗ̇ ܐܲܪܥܵܐ ܕܐܲܦܪܹܝܡ: ܘܲܕ݂ܡܢܲܫܹܐ: ܘܟ݂ܠܵܗ̇ ܐܲܪܥܵܐ ܕܲܝܗܘܼܕ݂ܵܐ: ܥܕܲܡܵܐ ܠܝܲܡܵܐ ܐ̄ܚܪܵܝܵܐ ܘܲܠܬܲܝܡܢܵܐ. [No book]
[3]ܘܲܠܟ݂ܵܟ݂ܵܪ ܕܒܲܦܩܲܥܬ̣ܵܐ ܕܐܝܼܪܝܼܚܘܼ ܩܪܝܼܬ̣ܵܐ ܕܕܸܩܠܹ̈ܐ: ܥܕܲܡܵܐ ܠܨܵܥܵܪ. [No book]
[4]ܘܐܸܡܲܪ ܠܹܗ ܡܵܪܝܵܐ: ܗܵܕܹܐ ܗ̄ܝܼ ܐܲܪܥܵܐ ܕܝܼܡܝܼܬ̣ ܠܐܲܒ̣ܪܵܗܵܡ: ܘܠܐܝܼܣܚܵܩ: ܘܲܠܝܲܥܩܘܿܒ̣: ܘܐܸܡܪܹܬ̣ ܕܲܠܙܲܪܥܟ݂ܘܿܢ ܐܸܬ̇ܠܝܼܗ̇. ܚܵܘܝܼܬ̣ܵܗ̇ ܠܵܟ݂ ܒܥܲܝܢܲܝ̈ܟ: ܘܲܠܬܲܡܵܢ ܠܵܐ ܬܸܥܘܿܠ. [No book]
[5]ܘܡܝܼܬ̣ ܬܲܡܵܢ ܡܘܼܫܹܐ ܥܲܒ̣ܕܹ̇ܗ ܕܡܵܪܝܵܐ ܒܐܲܪܥܵܐ ܕܡܘܿܐܵܒ̣: ܒܡܸܠܲܬ̣ ܦܘܼܡܹܗ ܕܡܵܪܝܵܐ. [No book]
[6]ܘܩܲܒ̣ܪܹܗ ܒܢܲܚܠܵܐ ܒܐܲܪܥܵܐ ܕܡܘܼܐܵܒ̣: ܠܘܼܩܒܲܠ ܒܹܝܬ̣ ܦܥܘܿܪ. ܘܠܵܐ ܝܼܕܲܥ ܐ̄ܢܵܫ ܩܲܒ̣ܪܹܗ ܥܕܲܡܵܐ ܠܝܵܘܡܵܢܵܐ. [No book]
[7]ܘܡܘܼܫܹܐ ܒܲܪ ܡܵܐܐ ܗ̄ܘ̣ܵܐ ܘܥܸܣܪܝܼܢ ܫܢ̈ܝܼܢ ܟܲܕ݂ ܡܝܼܬ̣: ܠܵܐ ܝܸܩܪܲܬ̤ ܥܲܝܢܹܗ: ܘܠܵܐ ܐܸܬ̣ܩܲܡܲܛܘ ܦܲܟܵܘ̈ܗܝ. [No book]
[8]ܘܲܒ̣ܟ݂ܵܐܘܼܗܝ ܒ̈ܢܲܝ ܝܼܣܪܵܝܹܠ ܠܡܘܼܫܹܐ ܒܥܲܪܝܼܒ̣ܘܼܬ̣ ܡܘܼܐܵܒ̣ ܬܠܵܬ̣ܝܼܢ ܝܵܘ̈ܡܝܼܢ: ܘܲܫܠܸܡܘ ܝܵܘ̈ܡܲܝ ܒܟ݂ܵܬ̣ܵܐ ܕܐܸܒ̣ܠܹܗ ܕܡܘܼܫܹܐ. [No book]
[9]ܘܝܼܫܘܿܥ ܒܲܪܢܘܿܢ ܐܸܬ̣ܡܠܝܼ ܪܘܼܚܵܐ ܕܚܸܟ݂ܡܬ̣ܵܐ: ܡܸܛܠ ܕܣܵܡ ܡܘܼܫܹܐ ܐܝܼܕ݂ܵܘ̈ܗܝ ܥܠܵܘܗܝ. ܘܫܵܡܥܝܼܢ ܗ̄ܘ̣ܵܘ ܠܹܗ ܒ̈ܢܲܝ ܝܼܣܪܵܝܹܠ: ܘܥܵܒ̣ܕ̇ܝܼܢ ܐܲܝܟ݂ ܕܦܲܩܸܕ݂ ܡܵܪܝܵܐ ܠܡܘܼܫܹܐ. [No book]
[10]ܘܬ̣ܘܼܒ̣ ܠܵܐ ܩܵܡ ܢܒ̣ܝܼܵܐ ܒܝܼܣܪܵܝܹܠ ܐܲܝܟ݂ ܡܘܼܫܹܐ: ܕܝܲܕ݂ܥܹܗ ܡܵܪܝܵܐ ܐܲܦܝܼ̈ܢ ܠܘܼܩܒܲܠ ܐܲܦ̈ܝܼܢ. [No book]
[11]ܒܟ݂ܠܗܹܝܢ ܐܵܬ̣̈ܘܵܬ̣ܵܐ ܘܬܸܕ݂ܡܪ̈ܵܬ̣ܵܐ ܕܫܲܕ̇ܪܹܗ ܡܵܪܝܵܐ ܠܡܸܥܒܲܕ݂ ܒܐܲܪܥܵܐ ܕܡܸܨܪܹܝܢ: ܠܦܸܪܥܘܼܢ ܘܲܠܟ݂ܠܗܘܿܢ ܥܲܒ̣ܕܵܘ̈ܗܝ ܘܲܠܟ݂ܠܵܗ̇ ܐܲܪܥܹܗ. [No book]
[12]ܘܲܠܟ݂ܠܵܗ̇ ܐܝܼܕ݂ܵܐ ܥܲܫܝܼܢܬܵܐ: ܘܲܠܟ݂ܠܹܗ ܚܸܙܘܵܐ ܪܲܒܵܐ: ܕܲܥܒܲܕ݂ ܡܘܼܫܹܐ ܠܥܹܝܢ ܟܠܹܗ ܝܼܣܪܵܝܹܠ. [No book]
Translation: M. R. James (1924)
Source: www.earlychristianwritings.com
Top