➖ »
«
➖ ➕
Aleppo Codex (~920)
Alep
The Fragments of Papias
Papias
←
Deuteronomy
Deu
7
→
[1]כי יביאך יהוה אלהיך אל הארץ אשר אתה בא שמה לרשתה ונשל גוים רבים מפניך החתי והגרגשי והאמרי והכנעני והפרזי והחוי והיבוסי־שבעה גוים רבים ועצומים ממך [No book]
[2]ונתנם יהוה אלהיך לפניך־והכיתם החרם תחרים אתם לא תכרת להם ברית ולא תחנם [No book]
[3]ולא תתחתן בם בתך לא תתן לבנו ובתו לא תקח לבנך [No book]
[4]כי יסיר את בנך מאחרי ועבדו אלהים אחרים וחרה אף יהוה בכם והשמידך מהר [No book]
[5]כי אם כה תעשו להם־מזבחתיהם תתצו ומצבתם תשברו ואשירהם תגדעון ופסיליהם תשרפון באש [No book]
[6]כי עם קדוש אתה ליהוה אלהיך בך בחר יהוה אלהיך להיות לו לעם סגלה מכל העמים אשר על פני האדמה [No book]
[7]לא מרבכם מכל העמים חשק יהוה בכם־ויבחר בכם כי אתם המעט מכל העמים [No book]
[8]כי מאהבת יהוה אתכם ומשמרו את השבעה אשר נשבע לאבתיכם הוציא יהוה אתכם ביד חזקה ויפדך מבית עבדים מיד פרעה מלך מצרים [No book]
[9]וידעת כי יהוה אלהיך הוא האלהים האל הנאמן־שמר הברית והחסד לאהביו ולשמרי מצותו לאלף דור [No book]
[10]ומשלם לשנאיו אל פניו להאבידו לא יאחר לשנאו אל פניו ישלם לו [No book]
[11]ושמרת את המצוה ואת החקים ואת המשפטים אשר אנכי מצוך היום־לעשותם [No book]
[12]והיה עקב תשמעון את המשפטים האלה ושמרתם ועשיתם אתם־ושמר יהוה אלהיך לך את הברית ואת החסד אשר נשבע לאבתיך [No book]
[13]ואהבך וברכך והרבך וברך פרי בטנך ופרי אדמתך דגנך ותירשך ויצהרך שגר אלפיך ועשתרת צאנך על האדמה אשר נשבע לאבתיך לתת לך [No book]
[14]ברוך תהיה מכל העמים לא יהיה בך עקר ועקרה ובבהמתך [No book]
[15]והסיר יהוה ממך כל חלי וכל מדוי מצרים הרעים אשר ידעת לא ישימם בך ונתנם בכל שנאיך [No book]
[16]ואכלת את כל העמים אשר יהוה אלהיך נתן לך־לא תחוס עינך עליהם ולא תעבד את אלהיהם כי מוקש הוא לך [No book]
[17]כי תאמר בלבבך רבים הגוים האלה ממני איכה אוכל להורישם [No book]
[18]לא תירא מהם זכר תזכר את אשר עשה יהוה אלהיך לפרעה ולכל מצרים [No book]
[19]המסת הגדלת אשר ראו עיניך והאתת והמפתים והיד החזקה והזרע הנטויה אשר הוצאך יהוה אלהיך כן יעשה יהוה אלהיך לכל העמים אשר אתה ירא מפניהם [No book]
[20]וגם את הצרעה ישלח יהוה אלהיך בם עד אבד הנשארים והנסתרים־מפניך [No book]
[21]לא תערץ מפניהם כי יהוה אלהיך בקרבך אל גדול ונורא [No book]
[22]ונשל יהוה אלהיך את הגוים האל מפניך־מעט מעט לא תוכל כלתם מהר פן תרבה עליך חית השדה [No book]
[23]ונתנם יהוה אלהיך לפניך והמם מהומה גדלה עד השמדם [No book]
[24]ונתן מלכיהם בידך והאבדת את שמם מתחת השמים לא יתיצב איש בפניך עד השמדך אתם [No book]
[25]פסילי אלהיהם תשרפון באש לא תחמד כסף וזהב עליהם ולקחת לך־פן תוקש בו כי תועבת יהוה אלהיך הוא [No book]
[26]ולא תביא תועבה אל ביתך והיית חרם כמהו שקץ תשקצנו ותעב תתעבנו כי חרם הוא [No book]
Source: unbound.biola.edu
 Source: www.earlychristianwritings.com
Top