➖ »
«
➖ ➕
Peshitta OT
PesOT
Hegesippus
Hegesippus
←
Ecclesiastes
Ecc
6
→
[1]ܐܝܼܬ̣ ܒܝܼܫܬܵܐ ܕܲܚܙܹ̇ܝܬ̣ ܬܚܹܝܬ̣ ܫܸܡܫܵܐ: ܘܣܲܓ̇ܝܼܐܵܐ ܗ̄ܝܼ ܥܲܠ ܒܢܲܝ̈ܢܵܫܵܐ. [No book]
[2]ܓܲܒ̣ܪܵܐ ܕܢܸܬܸ̇ܠ ܠܹܗ ܐܲܠܵܗܵܐ ܥܘܼܬ̣ܪܵܐ ܘܢܸܟ̣ܣܹ̈ܐ ܘܐܝܼܩܵܪܵܐ. ܘܠܵܐ ܚܲܣܝܼܪ ܠܢܲܦ̮ܫܹܗ ܡܸܕܹ̇ܡ ܡ̣ܢ ܟܠ ܡܵܐ ܕܪܵܐܹ̇ܓ̣. ܘܠܵܐ ܐܲܫ̣ܠܛܹܗ ܐܲܠܵܗܵܐ ܠܡܹܐܟܲܠ ܡܸܢܹܗ. ܐܸܠܵܐ ܓܒܲܪ ܢܘܼܟ̣ܪܵܝ ܢܹܐܟ̣ܠܝܼܘܗܝ ܡ̣ܢ ܒܵܬ̣ܪܹܗ. ܗܵܢܵܐ ܗܸܒ̣ܠܵܐ ܘܲܟܼܪܝܼܗܘܼܬ̣ܵܐ ܗ̄ܝܼ. [No book]
[3]ܐܸܢ ܢܵܘܠܸܕܼ ܓܲܒ̣ܪܵܐ ܡܵܐܐ: ܘܲܫܢ̈ܝܼܢ ܣܲܓ̇ܝܼ̈ܐܵܢ ܢܸܚܸܐ: ܘܢܸܣܓ̇ܘܿܢ ܝܵܘ̈ܡܵܬ̣ܵܐ ܕܲܫܢܵܘ̈ܗܝ: ܘܢܲܦ̮ܫܹܗ ܠܵܐ ܬܸܣܒܲܥ ܡ̣ܢ ܛܵܒ̣ܵـ̈ـܬ̣ܵܐ: ܘܐܵܦ ܩܒ̣ܘܼܪܬܵܐ ܠܵܐ ܬܸܗܘܹܐ ܠܹܗ. ܐܸܡ̇ܪܹܬ̣ ܕܛܵܒ̣ ܗ̄ܘܼ ܡܸܢܹܗ ܚܲܝܛܵܐ. [No book]
[4]ܡܸܛܠ ܕܲܒ̣ܗܸܒ̣ܠܵܐ ܐܸܬ̣ܵܐ. ܘܲܒ̣ܚܸܫܘܿܟ̣ܵܐ ܢܹܐܙܲܠ. ܘܲܒ̣ܚܸܫܘܿܟ̣ܵܐ ܫܡܹܗ ܢܸܬ̣ܟܲܣܸܐ. [No book]
[5]ܐܵܦ ܫܸܡܫܵܐ ܠܵܐ ܚܙ̣ܵܐ: ܘܠܵܐ ܝܼܕܲܥ. ܢܚܝܼ ܠܗܵܢܵܐ ܛܵܒ̣ ܡ̣ܢ ܕܲܠܗܵܢܵܐ. [No book]
[6]ܘܐܸܠܘܼ ܚܝ̣ܵܐ ܐܵܠܹܦ ܫܢ̈ܝܼܢ ܕܬܲܪܬܹ̇ܝܢ ܙܲܒ̣ܢ̈ܝܼܢ: ܘܛܵܒ̣ܬ̣ܵܐ ܠܵܐ ܚܙ̣ܵܐ. ܕܲܠܡܵܐ ܠܵܐ ܗ̄ܘܼܵܐ ܠܚܲܕܼ ܐܲܬ̣ܪܵܐ ܐܵܙܹ̇ܠ ܟܠ. [No book]
[7]ܟܠ ܕܥܵܡܹ̇ܠ ܐ̄ܢܵܫܵܐ ܒܦܘܼܡܹܗ: ܘܢܲܦ̮ܫܹܗ ܠܵܐ ܡܲܠܝܵܐ. [No book]
[8]ܡܸܛܠ ܕܐܝܼܬ̣ ܝܘܼܬ̣ܪܵܢܵܐ ܠܚܲܟ̇ܝܼܡܵܐ ܡ̣ܢ ܕܲܠܣܲܟ̣ܠܵܐ. ܠܡܵܢܵܐ: ܕܡܸܣܟܹ̇ܢܵܐ ܝܵܕܲܥ ܠܡܹܐܙܲܠ ܠܚܲܝܹ̈ܐ. [No book]
[9]ܛܵܒ̣ ܚܸܙܘܵܐ ܕܥܲܝܢܹ̈ܐ ܡ̣ܢ ܗܠܲܟ̣ܬ̣ܵܐ ܕܢܲܦ̮ܫܵܐ. [No book]
[10]ܡܸܕܹ̇ܡ ܕܲܗܘ̤ܵܐ ܡ̣ܢ ܩܕܼܝܼܡ: ܐܸܬ̣ܩܪܝܼ ܫܡܹܗ. ܘܐܸܬ̣̱ܝܼܕܲܥ ܕܗ̤ܘ ܒܲܪܢܵܫܵܐ. ܘܠܵܐ ܡܸܫܟܲܚ ܠܲܡܕܼܵܢ ܥܲܡ ܡ̇ܢ ܕܬܲܩܝܼܦ ܡܸܢܹܗ. [No book]
[11]ܡܸܛܠ ܕܐܝܼܬ̣ ܦܸܬ̣ܓ̣ܵܡܹ̈ܐ ܣܲܓ̇ܝܼ̈ܐܹܐ ܕܡܲܣܓܹ̇ܝܢ ܗܸܒ̣ܠܵܐ. ܡܵܢܵܐ ܝܘܼܬ̣ܪܵܢܵܐ ܐܝܼܬ̣ ܠܒܲܪܢܵܫܵܐ. [No book]
Source: www.earlychristianwritings.com
Top