➖ »
«
➖ ➕
Peshitta OT
PesOT
The Book of Jubilees
Jub(YWO)
←
Epistle of Jeremiah
EpJ
6
   
[ܩܹܦܵܠܹܐܘܿܢ: ܘ.]
[1]ܦܸܚܡܵܐ ܕܐܸܓܲܪܬܵܐ ܕܫܲܕܲܪ ܐܹܪܲܡܝܵܐ ܠܲܫ̈ܒܲܝܵܐ ܕܐܸܫܬ̇ܒ̣ܝܼܘ ܠܒܵܒܹܠ: ܕܲܫܒ̣ܵܐ ܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܠܲܡܚܵܘܵܝܘܼ ܐܸܢܘܿܢ ܐܲܝܟ݂ ܕܐܸܬ̣ܦܩܸܕ݂ ܡ̣ܢ ܡܵܪܝܵܐ. ܡܸܛܠ ܚܛܵܗܹ̈ܐ ܕܲܚ̣ܛܲܝܬ̇ܘܿܢ ܩܕ݂ܵܡ ܡܵܪܝܵܐ ܐܸܫܬ̇ܒ̣ܝܼܬ̇ܘܿܢ ܠܒ̣ܵܒܹܠ: ܡ̣ܢ ܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ. [No book]
[2]ܡܵܐ ܕܥܲܠ̣ܬ̇ܘܿܢ ܠܒ̣ܵܒܹܠ: ܬܸܗܘܘܿܢ ܬܲܡܵܢ ܫܢܲـ̈ـܝܵܐ ܣܲܓ̇ܝܼܵܐ̈ܬ̣ܵܐ ܘܙܲܒ̣ܢܵܐ ܢܲܓ̇ܝܼܪܵܐ ܥܕܲܡܵܐ ܠܫܲܒ̣ܥܝܼܢ ܫܢ̈ܝܼܢ. ܘܡ̣ܢ ܒܵܬܲܪ ܫܲܒ̣ܥܝܼܢ ܫܢܝܼ̈ܢ ܐܲܦܸܩܟ݂ܘܿܢ ܡ̣ܢ ܬܲܡܵܢ ܒܲܫܠܵܡܵܐ. [No book]
[3]ܗܵܫܵܐ ܕܹܝܢ ܗܵܐ ܚܵܙܹ̇ܝܢ ܐ̄ܢܬ̇ܘܿܢ ܒܒ̣ܵܒܹܠ ܐܲܠܵܗܹ̈ܐ ܕܣܹܐܡܵܐ ܘܲܕ̇ܕܲܗܒ̣ܵܐ ܘܲܕ݂ܩܲܝܣܵܐ ܘܲܕ݂ܟܹܐܦܹ̈ܐ: ܕܡܸܫܬܲܩܠܝܼܢ ܥܲܠ ܟܲܬ̣̈ܦܵܬ̣ܵܐ: ܘܲܡܚܵܘܹ̇ܝܢ ܕܸܚ̈ܠܵܬ̣ܵܐ ܠܥܲܡܡܹ̈ܐ. [No book]
[4]ܐܸܙܕܲܗ̄ܪܘ ܗܵܟܹܝܠ ܕܲܠܡܵܐ ܐܵܦ ܐܲܢ̄ܬ̇ܘܿܢ ܬܸܬ̇ܕܲܡܘܿܢ ܠܗܘܿܢ ܠܥܲܡܡܹ̈ܐ. ܠܵܐ ܬܸܕ݂ܚ̄ܠܘܼܢ ܡܸܢܗܘܿܢ: ܘܠܵܐ ܬܙܘܼܥܘܼܢ. [No book]
[5]ܟܲܕ݂ ܬܸܚܙܘܿܢ ܟܸܢܫܹ̈ܐ ܣܲܓ̇ܝܼ̈ܐܹܐ ܩܕ݂ܵܡܲܝܗܘܿܢ ܘܒܸܣܬܲܪܗܘܿܢ ܕܣܵܓ̣ܕ̇ܝܼܢ ܠܗܘܿܢ: ܐܸܠܵܐ ܐܸܡܲܪܘ ܐܲܢ̄ܬ̇ܘܿܢ ܒܬܲܪ̈ܥܝܵܬ̣ܟ݂ܘܿܢ: ܠܵܟ݂ ܗ̄ܘܼ ܡܵܪܝܵܐ ܘܵܠܹ̇ܐ ܠܡܸܣܓܲܕ݂ ܒܲܠܚܘܿܕ݂. [No book]
[6]ܡܸܛܠ ܕܡܲܠܲܐܟܹܗ ܕܡܵܪܝܵܐ ܥܲܡܟ݂ܘܿܢ ܗ̄ܘܼ. ܘܗ̤ܘ ܢܸܬ̣ܒܲܥ ܢܲܦ̮̈ܫܵܬ̣ܟ݂ܘܿܢ. [No book]
[7]ܠܸܫܵܢܵܐ ܓܹܝܪ ܐܝܼܬ̣ ܠܗܘܿܢ ܕܲܓ̣ܠܝܼܦ ܒܝܲܕ݂ ܢܲܓܵܪܵܐ. ܘܲܩܪܝܼܡܝܼܢ ܒܕܲܗܒ̣ܵܐ ܘܲܒ̣ܣܹܐܡܵܐ. ܘܠܵܐ ܡܸܫܟ̇ܚܝܼܢ ܠܲܡܡܲܠܵܠܘܼ. ܡܸܛܠ ܕܲܣܪ̈ܝܼܩܹܐ ܐܸܢܘܿܢ ܘܡܝܼ̈ܬܹܐ. [No book]
[8]ܘܐܲܝܟ݂ ܕܫܲܦܝܼܪ ܨܸܒ̣ܬܵܐ ܠܲܒ̣ܬ̣ܘܼܠܬܵܐ: ܗܵܟܲܢܵܐ ܫܵܩ̇ܠܝܼܢ ܕܲܗܒ̣ܵܐ. [No book]
[9]ܘܚܵܫܠܝܼܢ ܟܠܝܼ̈ܠܹܐ: ܘܣܵܝ̇ܡܝܼܢ ܒܪܹ̈ܫܹܐ ܕܐܲܠܵܗܲܝ̈ܗܘܿܢ. ܝܼܕ݂ܝܼܥܵܐ ܗ̄ܝܼ ܕܹܝܢ ܕܡܵܐ ܕܟ݂ܘܼܡܪ̈ܲܝܗܘܿܢ ܒܵܣܡܝܼܢ: ܡܪܝܼܡܝܼܢ ܕܲܗܒ̣ܵܐ ܘܣܹܐܡܵܐ ܡ̣ܢ ܐܲܠܵܗܲܝ̈ܗܘܿܢ: ܘܲܥܠܲܝܗܘܿܢ ܡܲܦܩܝܼܢ. [No book]
[10]ܘܝܵܗ̄ܒ̇ܝܼܢ ܡܸܢܹܗ ܡ̣ܢ ܥܒ̣ܵܕ݂ܵܐ ܠܙܵܢܝܼܬ̣ܵܐ. ܘܲܡܨܲܒ̇ܬ̣ܝܼܢ ܠܗܘܿܢ ܐܲܝܟ݂ ܒܢܲܝ̈ܢܵܫܵܐ ܒܲܠܒ̣ܘܼܫܹ̈ܐ: ܠܐܲܠܵܗܹ̈ܐ ܕܕܲܗܒ̣ܵܐ ܘܲܕ݂ܣܹܐܡܵܐ ܘܲܕ݂ܩܲܝܣܵܐ. [No book]
[11]ܗܸܢܘܿܢ ܕܹܝܢ ܠܵܐ ܡܸܬ̣ܦܲܪܩܝܼܢ ܡ̣ܢ ܫܘܼܚܬܵܐ ܘܡ̣ܢ ܚܒ̣ܵܠܵܐ. ܠܲܒ̣ܫܝܼܢ ܠܒ̣ܘܼܫܵܐ ܕܐܲܪܓ̇ܘܵܢܵܐ. [No book]
[12]ܘܡܵܪܩܝܼܢ ܐܲܦܲܝ̈ܗܘܿܢ ܡܸܛܠ ܚܸܠܵܐ ܕܣܵܠܹ̇ܩ ܥܠܲܝܗܘܿܢ ܡ̣ܢ ܒܲܝܬܵܐ. [No book]
[13]ܘܫܲܒ̣ܛܵܐ ܐܲܚܝܼܕ݂ ܐܲܝܟ݂ ܓܲܒ̣ܪܵܐ ܕܲܝܵܢܵܐ ܕܐܲܬ̣ܪܵܐ: ܗܵܢܵܐ ܕܠܲܐܝܠܹܝܢ ܕܚܵܛܹ̇ܝܢ ܒܹܗ ܠܡܵܘܒܵܕ݂ܘܼ ܠܵܐ ܡܸܫܟܲܚ. [No book]
[14]ܘܐܲܚܝܼܕ݂ ܚܲܪܒܵܐ ܒܝܲܡܝܼܢܹܗ: ܘܢܵܪܓܵܐ ܒܣܸܡܵܠܹܗ. ܘܢܲܦ̮ܫܹܗ ܡ̣ܢ ܩܪܵܒ̣ܵܐ ܘܡ̣ܢ ܠܸܣܛܵܝܹ̈ܐ ܠܵܐ ܡܸܫܟܲܚ ܠܲܡܫܵܘܙܵܒ̣ܘܼ ܕܡ̣ܢ ܗܵܠܹܝܢ ܢܸܬ̣ܝܲܕ݂ܥܘܼܢ ܕܠܵܐ ܗܘ̤ܵܘ ܐܲܠܵܗܹ̈ܐ. ܠܵܐ ܬܸܕ݂ܚ̄ܠܘܼܢ ܠܗܘܿܢ. [No book]
[15]ܐܲܝܟܲܢܵܐ ܓܹܝܪ ܕܡܵܐܢܵܐ ܕܦܲܚܵܪܵܐ ܡܵܐ ܕܐܸܬ̇ܬ̇ܒܲܪ ܠܲܝܬ̇ ܒܹܗ ܚܲܫܚܘܼ. [No book]
[16]ܗܵܟܲܢܵܐ ܐܸܢܘܿܢ ܐܲܠܵܗܲܝ̈ܗܘܿܢ. ܙܵܩ̇ܦܝܼܢ ܠܗܘܿܢ ܒܒ̣ܵـ̈ـܬܹ̇ܐ. ܥܝܢܲܝ̈ܗܘܿܢ ܡܲܠ̈ܝܵܢ ܥܲܦܪܵܐ: ܡ̣ܢ ܚܸܠܵܐ ܕܪܸ̈ܓ̣ܠܲܝܗܘܿܢ ܕܐܲܝܠܹܝܢ ܕܥܵܐܠܝܼܢ ܘܲܕ݂ܢܵܦܩܝܼܢ. [No book]
[17]ܘܐܲܝܟ݂ ܐ̄ܢܵܫ ܕܡܸܬ̣ܚܲܝܲܒ̣ ܡ̣ܢ ܡܲܠܟܵܐ: ܗܵܟܲܢܵܐ ܡܬܲܚܡܝܼܢ ܕܪ̈ܵܥܲܝܗܘܿܢ ܐܲܝܟ݂ ܡܚܲܝ̈ܒܹܐ ܠܡܵܘܬܵܐ. ܒܵܬܲܝ̈ܗܘܿܢ ܡܫܲܪܪܝܼܢ ܟܘܼܡܪ̈ܲܝܗܘܿܢ. ܘܐܵܚܕ̇ܝܼܢ ܒܣܘܼܟ̇ܪܹ̈ܐ ܘܲܒ̣ܡܘܼܟ݂̈ܠܹܐ: ܕܠܵܐ ܢܸܓ̣ܢܒ̣ܘܼܢ ܐܸܢܘܿܢ ܠܸܣܛܵܝܹ̈ܐ. [No book]
[18]ܘܲܫܪ̈ܵܓܹܐ ܣܲܓ̇ܝܼ̈ܐܹܐ ܡܲܢ̱ܗܪܝܼܢ ܠܗܘܿܢ ܠܐܲܝܠܹܝܢ ܕܥܲܝܢܲܝ̈ܗܘܿܢ ܠܵܐ ܚܵܙ̈ܝܵܢ. [No book]
[19]ܐܝܼܬܲܝܗܘܿܢ ܕܹܝܢ ܐܲܝܟ݂ ܩܵܪ̈ܝܵܬ̣ܵܐ ܕܡ̣ܢ ܒܲܝܬܵܐ. ܘܠܸܒ̇ܗܘܿܢ ܫܵܛܹ̇ܐ ܘܛܵܥܹ̇ܐ. ܘܡܸܬ̣ܚܲܒ̇ܠܝܼܢ ܡ̣ܢ ܝܲܕ݂ ܪ̈ܲܚܫܵܐ ܕܐܲܪܥܵܐ. ܘܡܸܬ̣ܐܲܟ݂ܠܝܼܢ ܗܸܢܘܿܢ ܘܲܠܒ̣ܘܼܫܗܘܿܢ. ܘܠܵܐ ܝܵܕ݂ܥܝܼܢ. [No book]
[20]ܕܲܡܫܲܚܪ̈ܵܢ ܐܲܦܲܝ̈ܗܘܿܢ ܘܐܘܼ̈ܟܵܡܵܢ ܡ̣ܢ ܬܸܢܵܢܵܐ ܕܣܵܠܹ̇ܩ ܡ̣ܢ ܒܲܝܬܵܐ ܥܲܠ ܓܘܼܫ̱ܡܗܘܿܢ. [No book]
[21]ܘܥܲܠ ܪܹ̈ܫܲܝܗܘܿܢ ܝܵܬ̣ܒ̇ܝܼܢ ܦܪ̈ܲܚܕ̇ܘܿܕܹܐ ܘܲܣܢܘܿܢ̈ܝܵܬ̣ܵܐ: ܘܢܲܥܒܹ̈ܐ ܐܲܟ݂ܚ̄ܕ݂ܵܐ ܘܐܵܦ ܓܘܼܡܪܵܪܹ̈ܐ. [No book]
[22]ܘܡ̣̤ܢ ܗܵܠܹܝܢ ܬܸܫܬܵܘܕ̇ܥܘܼܢ. ܕܠܵܐ ܗܘ̤ܵܘ ܐܲܠܵܗܹ̈ܐ. ܘܠܵܐ ܬܸܕ݂ܚ̄ܠܘܼܢ ܠܗܘܿܢ. [No book]
[23]ܕܲܗܒ̣ܵܐ ܓܹܝܪ ܕܲܩܪܝܼܡ ܥܠܲܝܗܘܿܢ ܠܫܘܼܦܪܵܐ: ܐܸܢܗ̤ܘ ܕܐ̄ܢܵܫ ܠܵܐ ܢܸܡ̱ܪܩܝܼܘܗܝ ܡ̣ܢ ܫܘܼܚܬܹ̇ܗ: ܠܵܐ ܡܲܒ̣ܪܸܩ. ܐܵܦܠܵܐ ܟܲܕ݂ ܡܸܬ̣ܦܲܫܪܝܼܢ ܗ̄ܘܼܵܘ ܡܲܪܓ̇ܫܝܼܢ ܗ̄ܘܼܵܘ. [No book]
[24]ܡܸܛܠ ܕܒܲܕ݂ܡܲـ̈ـܝܵܐ ܣܲܓ̇ܝܼ̈ܐܹܐ ܙܒ̣ܝܼܢܝܼܢ. ܘܪܘܼܚܵܐ ܠܲܝܬ̇ ܒܗܘܿܢ. [No book]
[25]ܥܲܠ ܟܲܬ̣̈ܦܵܬ̣ܵܐ ܡܸܫܬܲܩܠܝܼܢ. ܡܸܛܠ ܕܠܵܐ ܡܗܲܠܟ݂ܝܼܢ ܘܡܚܵܘܹܝܢ ܒܸܗܬܲܬ̣ܗܘܿܢ ܠܲܒ̣̈ܢܲܝ ܐ̄ܢܵܫܵܐ. ܢܸܒ̣ܗ̱ܬ̣ܘܼܢ ܕܹܝܢ ܐܵܦ ܡܫܲܡܫܵܢܲܝ̈ܗܘܿܢ. [No book]
[26]ܡܸܛܠ ܕܐܸܢ ܢܸܦܠܘܼܢ ܥܲܠ ܐܲܪܥܵܐ: ܠܵܐ ܡܸܫܟ̇ܚܝܼܢ ܠܲܡܩܵܡ ܐܵܦܠܵܐ ܐܸܢ ܐ̄ܢܵܫ ܢܸܙܩܘܿܦ ܐܸܢܘܿܢ: ܢܸܬ̇ܬ̇ܙܝܼܥܘܼܢ. ܐܵܦܠܵܐ ܐܸܢ ܡܸܨܛܠܸܐ: ܡܸܫܟܲܚ ܠܡܸܬ̇ܬ̇ܪܵܨܘܼ. ܐܸܠܵܐ ܐܲܝܟ݂ ܡܝܼ̈ܬܹܐ ܣܵܝܡܝܼܢ ܠܗܘܿܢ ܡܹܐܟ݂̈ܠܵܬ̣ܵܐ. [No book]
[27]ܡ̣ܢ ܕܸܒ̣ܚܵܬ̣̈ܗܘܿܢ ܕܹܝܢ ܕܲܡܩܲܪܒ̣ܝܼܢ ܠܗܘܿܢ: ܟܘܼܡܪܲܝܗܘܿܢ ܐܲܟ݂ܠܝܼܢ ܠܗܹܝܢ. ܘܢܸܫܲܝ̈ܗܘܿܢ ܡܸܬ̣ܠܲܥ̈ܒܵܢ ܡܸܢܗܹܝܢ. ܘܡܸܕܸ̇ܡ ܠܡܸܣܟܹ̇ܢܹ̈ܐ ܘܲܠܒ̣ܵܝܫܹ̈ܐ ܠܵܐ ܝܵܗ̄ܒ̇ܝܼܢ ܡ̣ܢ ܕܸܒ̣ܚܲܝ̈ܗܘܿܢ. [No book]
[28]ܘܐܲܢ̄ܬ̇ܬ̣ܵܐ ܒܟܸܦ̮ܣܵܗ̇ ܘܲܒ̣ܚܲܝܘܼܬ̣ܵܗ̇ ܘܲܒ̣ܛܲܢܦܘܼܬ̣ܵܗ̇ ܡܸܬ̣ܩܲܪܒ̣ܵܐ ܠܗܘܿܢ. ܬܸܕ̇ܥܘܼܢ ܕܹܝܢ ܡ̣ܢ ܗܵܠܹܝܢ ܕܠܵܐ ܗܘ̤ܵܘ ܐܲܠܵܗܹ̈ܐ. ܘܠܵܐ ܬܸܕ݂ܚ̄ܠܘܼܢ ܠܗܘܿܢ. [No book]
[29]ܐܲܝܟܲܢܵܐ ܓܹܝܪ ܢܸܬ̣ܩ̄ܪܘܿܢ ܐܲܠܵܗܹ̈ܐ: ܕܗܵܐ ܢܸܫܹ̈ܐ ܡܲܬ̣ܩ̈ܢܵܢ ܠܗܘܿܢ ܠܐܲܠܵܗܹ̈ܐ ܕܕܲܗܒ̣ܵܐ ܘܲܕ݂ܟܸܣܦܵܐ ܘܲܕ݂ܩܲܝܣܵܐ. [No book]
[30]ܘܲܒ̣ܡܵܘܬܲܒ̣ܗܘܿܢ ܟܘܼܡܪܹ̈ܐ ܡܵܘܬ̇ܒ̣ܝܼܢ ܠܗܘܿܢ: ܟܲܕ݂ ܡܨܲܪܹܝܢ ܢܲܚܬܲܝ̈ܗܘܿܢ: ܘܪܹ̈ܫܲܝܗܘܿܢ ܓܙܝܼܙܝܼܢ: ܘܲܓ̣ܙܝܼܙܝܼܢ ܕܲܩܢܲܝ̈ܗܘܿܢ ܘܲܓ̣ܪܝܼܥܝܼܢ: ܘܲܓ̣ܠܹܝܢ ܪܹ̈ܫܲܝܗܘܿܢ. [No book]
[31]ܘܢܵܗ̇ܡܝܼܢ ܒܲܩܥܵܬ̣ܵܐ ܩܕ݂ܵܡ ܐܲܠܵܗܲܝ̈ܗܘܿܢ ܐܲܝܟ݂ ܕܐ̄ܢܵܫܝܼ̈ܢ ܥܲܠ ܫܵܪܘܼܬ̣ ܡܝܼ̈ܬܹܐ. [No book]
[32]ܘܡ̣ܢ ܠܒ̣ܘܼܫܲܝ̈ܗܘܿܢ ܢܵܣܒ̇ܝܼܢ ܟܘܼܡܪܹ̈ܐ: ܘܡܲܠܒ̇ܫܝܼܢ ܢܸܫܲܝ̈ܗܘܿܢ ܘܲܒ̣ܢܲܝ̈ܗܘܿܢ. [No book]
[33]ܐܵܦܠܵܐ ܐܸܢ ܐ̄ܢܵܫ ܢܸܥܒܸ̇ܕ݂ ܠܗܘܿܢ ܒܝܼܫܬܵܐ ܐܵܘ ܛܵܒ̣ܬ̣ܵܐ: ܡܸܫܟ̇ܚܝܼܢ ܕܢܸܦ̱ܪܥܘܼܢܵܝܗܝ. ܐܵܦܠܵܐ ܡܲܠܟܵܐ ܡܸܫܟ̇ܚܝܼܢ ܕܲܢܩܝܼܡܘܼܢ ܐܵܘ ܕܢܸܥܒ̇ܕ݂ܘܼܢ. [No book]
[34]ܗܵܟܲܢܵܐ ܐܵܦܠܵܐ ܥܘܼܬ̣ܪܵܐ ܐܵܦܠܵܐ ܟܸܣܦܵܐ ܡܸܫܟ̇ܚܝܼܢ ܠܡܸܬܲܠ ܠܐ̄ܢܵܫ. ܘܐܸܢ ܐ̄ܢܵܫ ܢܵܕܲܪ ܠܗܘܿܢ ܢܸܕ݂ܪܵܐ ܘܠܵܐ ܢܸܦ̱ܪܥܝܼܘܗܝ: ܠܵܐ ܢܸܬ̣ܒ̇ܥܘܼܢܹܗ. [No book]
[35]ܠܒܲܪܢܵܫܵܐ ܡ̣ܢ ܡܵܘܬܵܐ ܠܵܐ ܢܸܦ̱ܪܩܘܼܢ ܘܠܵܐ ܠܲܒ̣ܨܝܼܪܵܐ ܡ̣ܢ ܥܲܫܝܼܢܵܐ ܢܦܲܨܘܿܢ. [No book]
[36]ܘܲܠܓܲܒ̣ܪܵܐ ܣܲܡܝܵܐ ܠܵܐ ܡܸܫܟ̇ܚܝܼܢ ܠܡܸܬܲܠ ܠܹܗ ܚܙܵܬ̣ܵܐ. ܘܲܠܒ̣ܵܝܫܵܐ ܡ̣ܢ ܐܲܢܲܢܩܹܐ ܠܵܐ ܢܲܦܩܘܼܢ. [No book]
[37]ܥܲܠ ܐܲܪ̈ܡܠܵܬ̣ܵܐ ܠܵܐ ܡܪܲܚܡܝܼܢ ܘܠܵܐ ܠܝܲܬ̣ܡܹ̈ܐ ܡܲܛܐ̱ܒ̣ܝܼܢ. ܘܠܵܐ ܠܡܸܣܟܹ̇ܢܹ̈ܐ ܡܦܲܪܢܣܝܼܢ. [No book]
[38]ܠܟܹܐܦܹ̈ܐ ܕܫܲـ̈ـܕ݂ܝܵܢ ܒܛܘܼܪܵܐ ܕܵܡܹ̇ܝܢ ܐܲܠܵܗܹ̈ܐ ܕܩܲܝܣܵܐ ܘܲܕ݂ܣܹܐܡܵܐ ܘܲܕ̇ܕܲܗܒ̣ܵܐ. ܡܫܲܡܫܵܢܲܝ̈ܗܘܿܢ ܕܹܝܢ ܢܸܒ̣ܗ̱ܬ̣ܘܼܢ: ܕܝܵܕ݂ܥܝܼܢ ܕܚܲܫܚܘܼ ܠܲܝܬ̇ ܒܗܘܿܢ. ܘܡܲܛܥܹܝܢ ܒܗܘܿܢ ܠܲܒ̣ܢܲܝ̈ܢܵܫܵܐ. [No book]
[39]ܐܲܝܟܲܢܵܐ ܢܸܬ̣ܝܲܕ݂ܥܘܼܢ ܕܐܲܠܵܗܹ̈ܐ ܐܸܢܘܿܢ. [No book]
[40]ܕܗܵܐ ܐܵܦ ܟܲܠܕ݂ܵܝܹ̈ܐ ܫܵܝ̇ܛܝܼܢ ܠܗܘܿܢ. ܕܡܵܐ ܕܲܚܙ̣ܵܘ ܦܹܐܩܵܐ ܕܠܵܐ ܡܸܫܟܲܚ ܠܲܡܡܲܠܵܠܘܼ: ܡܩܲܪܒ̣ܝܼܢ ܠܹܗ ܠܘܵܬ̣ ܐܲܦܲܝ̈ ܬܲܪܥܵܐ. ܘܒ̣ܵܥܹ̇ܝܢ ܕܲܢܡܲܠܸܠ: ܘܢܸܩܪܹܐ ܐܲܝܟ݂ ܕܡܸܫܟܲܚ ܠܡܸܕܲܥ. [No book]
[41]ܘܠܵܐ ܡܸܫܟ̇ܚܝܼܢ ܗܵܢ̇ܘܿܢ ܕܢܸܕ̇ܥܘܼܢ ܠܡܸܫܒܲܩ ܐܸܢܘܿܢ. ܣܘܼܟܵܠܵܐ ܓܹܝܪ ܠܲܝܬ̇ ܒܗܘܿܢ. [No book]
[42]ܢܸܫܹ̈ܐ ܕܹܝܢ ܡܨܲܒ̇ـ̈ـܬ̣ܵܢ ܒܚܲܒ̣ܠܹ̈ܐ ܘܝܵܬ̣̈ܒܵܢ ܒܐܘܼܪ̈ܚܵܬ̣ܵܐ. ܘܣܵܝ̈ܡܵܢ ܒܸܣܡܹ̈ܐ ܦܹܐܪܹ̈ܐ. [No book]
[43]ܡܵܐ ܕܹܝܢ ܕܐܸܬ̣ܢܲܓ̣ܕܲܬ̤ ܚܕ݂ܵܐ ܡܸܢܗܹܝܢ ܡ̣ܢ ܐ̄ܢܵܫ ܡ̣ܢ ܥܵܒ̣ܘܿܪܹ̈ܐ ܕܬܸܫܟܲܒ̣ ܥܲܡܹܗ: ܡܚܲܣܕ݂ܵܐ ܠܲܚܒ̣ܵܪܬ̣ܵܗ̇ ܘܐܵܡ̇ܪܵܐ. ܕܠܵܐ ܐܲܫ̱ܘܝܹܟ݂ܝ ܐܲܟ݂ܘܿܬ̣ܝ. ܐܵܦܠܵܐ ܚܲܒ̣ܠܵܗ̇ ܐܸܬ̣ܦܣܸܩ. [No book]
[44]ܟܠ ܡܸܕܸ̇ܡ ܕܹܝܢ ܕܡܸܬ̣ܥ̱ܒܸܕ݂ ܠܗܘܿܢ ܣܪܝܼܩ ܗ̄ܘܼ. ܐܲܝܟܲܢܵܐ ܗܵܟܹܝܠ ܢܸܣ̱ܗܕ݂ܘܼܢ ܥܠܲܝܗܘܿܢ: ܕܐܲܠܵܗܹ̈ܐ ܐܸܢܘܿܢ. ܐܵܘ ܐܲܝܟܲܢܐ ܢܸܬ̣ܩܪܘܿܢ ܐܲܠܵܗܹ̈ܐ. [No book]
[45]ܕܒ̣ܐܝܼ̈ܕܲܝ ܢܲܓܵܪܵܐ ܘܩܲܝܢܵܝܵܐ ܐܸܬ̣ܥ̱ܒܸܕ݂ܘ. ܐܸܠܵܐ ܐܲܝܟ݂ ܕܨܵܒ̇ܝܼܢ ܐܘܼܡܵܢܲܝ̈ܗܘܿܢ ܥܵܒ̣ܕܝܼܢ ܠܗܘܿܢ. [No book]
[46]ܐܵܦ ܗܵܢܘܿܢ ܕܹܝܢ ܐܘܼܡܵܢܲܝ̈ܗܘܿܢ ܠܵܐ ܡܟܲܬ̇ܪܝܼܢ ܙܲܒ̣ܢܵܐ ܣܲܓ̇ܝܼܵܐܐ. [No book]
[47]ܐܲܝܟܲܢܵܐ ܗܵܟܹܝܠ ܡܸܫܟ̇ܚܵܐ ܕܗܵܢܘܿܢ ܕܲܥ̣ܒܲܕ݂ܘ ܢܸܗܘܘܿܢ ܐܲܠܵܗܹ̈ܐ. ܫܒܲܩ̣ܘ ܓܹܝܪ ܕܲܓܵܠܘܼܬ̣ܵܐ ܘܚܸܣܕܵܐ ܠܐܲܝܠܹܝܢ ܕܡܸܬ̣ܝܲܠܕ̇ܝܼܢ. [No book]
[48]ܡܵܐ ܓܹܝܪ ܕܢܹܐܬܹܐ ܥܠܲܝܗܘܿܢ ܩܪܵܒ̣ܵܐ ܘܒ̣ܝܼܫܬܵܐ: ܡܸܬ̣ܪܲܥܹܝܢ ܟܘܼܡܪ̈ܲܝܗܘܿܢ ܒܝܢܲܝܗܘܿܢ ܠܢܲܦ̮ܫܗܘܿܢ: ܕܐܲܝܟܵܐ ܢܛܲܫܘܼܢ ܐܸܢܘܿܢ ܥܲܡܗܘܿܢ. [No book]
[49]ܐܲܝܟܲܢܵܐ ܗܵܟܹܝܠ ܠܵܐ ܘܵܠܹܐ ܠܡܸܕܲܥ ܕܠܵܐ ܗܘ̤ܵܘ ܐܲܠܵܗܹ̈ܐ: ܐܸܠܵܐ ܥܒ̣ܵܕ݂ ܐܝܼ̈ܕܲܝܵܐ ܕܐ̄ܢܵܫܵܐ. ܘܠܵܐ ܡܫܵܘܙܒ̣ܝܼܢ ܢܲܦ̮ܫܗܘܿܢ ܡ̣ܢ ܩܪܵܒ̣ܵܐ: ܐܵܦܠܐ ܡ̣ܢ ܒܝܼܫܬܵܐ. [No book]
[50]ܥܒ̣ܝܼ̈ܕܹܐ ܓܹܝܪ ܕܩܲܝܣܵܐ ܘܲܕ݂ܟܸܣܦܵܐ ܘܲܕ̇ܕܲܗܒ̣ܵܐ: ܢܸܬ̣ܝܲܕ݂ܥܘܼܢ ܠܐܲܚܪܵܝܬܵܐ ܠܟܠܗܘܿܢ ܥܲܡܡܹ̈ܐ ܕܕܲܓܵܠܘܼܬ̣ܵܐ ܐܸܢܘܿܢ. ܠܡܲܠܟܵܐ ܕܹܝܢ ܓܲܠܝܵܐܝܼܬ̣ ܢܸܬ̣ܚܙܹܐ: ܕܠܵܐ ܗܘ̤ܵܘ ܐܲܠܵܗܹ̈ܐ. ܐܸܠܵܐ ܥܒ̣ܵܕ݂ ܐܝܼ̈ܕܲܝܵܐ ܕܲܒ̣ܢܲܝ̈ܢܵܫܵܐ. ܘܡܸܕܸ̇ܡ ܡ̣ܢ ܥܒ̣ܵܕܹ̈ܐ ܕܐܲܠܵܗܵܐ ܠܲܝܬ̇ ܒܗܘܿܢ. [No book]
[51]ܗܵܐ ܠܟ݂ܠ ܐ̄ܢܵܫ ܝܼܕ݂ܝܼܥܵܐ ܗ̄ܝܼ ܗܵܕܹܐ: ܕܠܵܐ ܗ̄ܘܼܵܘ ܐܲܠܵܗܹ̈ܐ. [No book]
[52]ܡܸܛܠ ܕܡܲܠܟܵܐ ܥܲܠ ܐܲܪܥܵܐ ܠܵܐ ܢܩܝܼܡܘܿܢ ܘܠܵܐ ܕܢܲܒ̣ܐ̱ܫܘܼܢ ܘܢܸܦ̱ܪܩܘܼܢ ܡܸܫܟ̇ܚܝܼܢ. ܘܡܸܛܪܵܐ ܠܲܒ̣ܢܲܝ̈ ܐ̄ܢܵܫܵܐ ܠܵܐ ܢܸܬ̇ܠܘܼܢ. [No book]
[53]ܕܝܼܢܵܐ ܕܹܝܢ ܠܵܐ ܢܕ݂ܘܼܢܘܼܢ ܐܵܦܠܵܐ ܕܢܲܦ̮ܫܗܘܿܢ. ܐܵܦܠܵܐ ܠܲܛܠܝܼܡܵܐ ܢܸܫܟ̇ܚܘܼܢ ܠܲܡܦܲܨܵܝܘܼ ܡ̣ܢ ܡܲܢ ܕܥܲܫܝܼܢ ܡܸܢܹܗ: ܡܸܛܠ ܕܠܵܐ ܡܸܫܟ̇ܚܝܼܢ. [No book]
[54]ܘܠܵܐ ܐܲܝܟ݂ ܢܲܥܒܹ̈ܐ ܒܹܝܬ̣ ܫܡܲܝܵܐ ܠܐܲܪܥܵܐ ܦܵܪܚܝܼܢ ܒܐܵܐܲܪ. ܗܵܐ ܓܹܝܪ ܡܵܐ ܕܢܸܦܠܲܬ̤ ܢܘܼܪܵܐ ܒܒܲܝܬܵܐ ܕܐܲܠܵܗܹ̈ܐ: ܟܘܼܡܪ̈ܲܝܗܘܿܢ ܥܵܪܩܝܼܢ ܢܵܦ̇ܩܝܼܢ ܠܒܲܪ. ܘܲܡܫܵܘܙܒ̣ܝܼܢ ܢܲܦ̮ܫܗܘܿܢ. ܗܸܢܘܿܢ ܕܹܝܢ ܐܲܝܟ݂ ܩܵܪ̈ܝܵܬ̣ܵܐ ܒܲܡܨܲܥܬ̣ܵܐ ܝܵܩܕ̇ܝܼܢ. [No book]
[55]ܠܘܼܩܒܲܠ ܡܲܠܟܵܐ ܕܹܝܢ ܐܵܘ ܩܕ݂ܵܡ ܩܪܲܒ̣ܬ̣ܵܢܵܐ ܠܵܐ ܢܩܘܼܡܘܼܢ. [No book]
[56]ܐܲܝܟܲܢܵܐ ܗܵܟܹܝܠ ܢܸܬ̣ܝܲܕ݂ܥܘܼܢ ܐܵܘ ܢܸܬ̣ܗܲܝܡܢܘܼܢ ܕܐܲܠܵܗܹ̈ܐ ܐܸܢܘܿܢ. ܕܗܵܐ ܐܵܦܠܵܐ ܡ̣ܢ ܓܲܢܵܒܹ̈ܐ ܐܵܦܠܵܐ ܡ̣ܢ ܠܸܣܛܵܝܹ̈ܐ ܡܨܹܝܢ ܕܲܢܫܵܘܙܒ̣ܘܼܢ ܢܲܦ̮ܫܗܘܿܢ: ܐܲܠܵܗܹ̈ܐ ܕܩܲܝܣܵܐ ܘܲܕ݂ܟܸܣܦܵܐ ܘܲܕ̇ܕܲܗܒ̣ܵܐ. [No book]
[57]ܕܗܵܐ ܐܲܝܠܹܝܢ ܕܥܲܫܝܼܢܝܼܢ ܘܚܲܝܠܬ̣ܵܢܝܼܢ: ܫܵܩ̇ܠܝܼܢ ܕܲܗܒ̣ܵܐ ܘܟܸܣܦܵܐ ܘܲܠܒ̣ܘܼܫܵܐ ܕܲܥܠܲܝܗܘܿܢ ܘܐܵܙ̇ܠ̄ܝܼܢ. ܘܐ̄ܢܵܫ ܡܸܢܗܘܿܢ ܠܵܐ ܡܸܫܟܲܚ ܡܥܲܕܲܪ ܢܲܦ̮ܫܹܗ. [No book]
[58]ܡܝܲܬܲܪ ܗ̄ܘܼ ܕܹܝܢ ܡܸܢܗܘܿܢ ܡܲܠܟܵܐ ܐܲܝܢܵܐ ܕܲܡܚܵܘܹܐ ܓܲܢ̄ܒܵܪܘܼܬ̣ܵܐ. ܘܡܵܐܢܵܐ ܕܚܘܼܫܵܚܵܐ ܕܐܝܼܬ̣ ܒܒܲܝܬܵܐ ܕܡܸܬ̣ܚܲܫܲܚ ܒܹܗ ܡܵܪܹܗ: ܝܲܬ̇ܝܼܪ ܡ̣ܢ ܐܲܠܵܗܹ̈ܐ ܕܕܲܓܵܠܘܼܬ̣ܵܐ. ܘܲܡܝܲܬܲܪ ܗ̄ܘܼ ܬܲܪܥܵܐ ܕܢܵܛܲܪ ܠܡܵܪܹܗ: ܝܲܬ̇ܝܼܪ ܡ̣ܢ ܐܲܠܵܗܹ̈ܐ ܕܕܲܓܵܠܘܼܬ̣ܵܐ. [No book]
[59]ܫܸܡܫܵܐ ܕܹܝܢ ܘܣܲܗܪܵܐ ܘܟ݂ܵܘܟ̇ܒܹ̈ܐ: ܐܝܼܬܲܝܗܘܿܢ ܡܲܢ̱ܗܪ̈ܵܢܹܐ ܒܲܫܡܲܝܵܐ ܥܲܠ ܐܲܪܥܵܐ. ܘܡܸܫܬܲܕ̇ܪܝܼܢ ܠܨܸܒ̣̈ܘܵܬ̣ܗܘܿܢ ܘܡܸܫܬܲܡܥܝܼܢ. [No book]
[60]ܐܵܦ ܒܲܪܩܵܐ ܡܵܐ ܕܐܲܒ̣ܪܸܩ: ܗܕ݂ܝܼܪ ܗ̄ܘܼ ܛܵܒ̣. ܗܵܟܲܢܵܐ ܐܵܦ ܪܘܼܚܵܐ ܕܢܵܫ̇ܒܵܐ ܒܟ݂ܠܹܗ ܟܘܼܪܵܐ. [No book]
[61]ܘܲܥܢܵܢܹ̈ܐ ܡܵܐ ܕܐܸܬ̣ܦܩܸܕ݂ܘ ܡ̣ܢ ܐܲܠܵܗܵܐ ܕܢܹܐ̈ܙܵܠ̄ܢ ܘܢܲܝ̈ܬ̇ܝܵܢ ܡܸܛܪܵܐ ܥܲܠ ܟܠܵܗ̇ ܬܹܒܝܠ: ܐܵܙܵܠ̄ܢ ܘܲܡܫܲܠ̈ܡܵܢ ܡܸܕܸ̇ܡ ܕܡܸܬ̣ܦܲܩ̈ܕܵܢ. [No book]
[62]ܘܐܵܦ ܢܘܼܪܵܐ ܕܡܸܫܬܲܕ̇ܪܵܐ ܡ̣ܢ ܠܥܸܠ ܕܬ̣ܵܘܩܸܕ݂ ܛܘܼܪܹ̈ܐ ܘܪ̈ܵܡܵܬ̣ܵܐ ܘܥܵܒܹ̈ܐ: ܥܵܒ̣ܕܵܐ ܡܸܕܸ̇ܡ ܕܐܸܬ̣ܦܩܸܕ݂ ܠܵܗ̇. ܗܵܠܝܢ ܕܹܝܢ ܐܵܦܠܵܐ ܒܲܕ݂ܡܘܼܬ̣ܵܐ: ܐܵܦܠܵܐ ܒܚܲܝܠܵܐ: ܘܠܵܐ ܒܲܥܒ̣ܵܕ݂ܵܐ ܕܵܡܹ̇ܝܢ ܠܚܲܕ݂ ܡ̣ܢ ܗܵܠܹܝܢ ܥܒ̣ܵܕܹ̈ܐ. [No book]
[63]ܡܸܛܠ ܗܵܢܵܐ ܐܲܝܟܢܵܐ ܢܸܬ̣ܩܪܘܿܢ ܐܵܘ ܢܸܣܒ̇ܪܘܿܢ ܥܠܲܝܗܘܿܢ ܕܐܲܠܵܗܹ̈ܐ ܐܸܢܘܿܢ: ܕܗܵܐ ܠܵܐ ܡܸܫܟ̇ܚܝܼܢ ܐܵܦܠܵܐ ܕܝܼܢܵܐ ܕܲܢܕ݂ܘܼܢܘܼܢ: ܘܠܵܐ ܕܢܲܛ̱ܐܒ̣ܘܼܢ ܘܠܵܐ ܕܢܲܒ̣ܐ̱ܫܘܼܢ ܠܲܒ̣ܢܲܝ̈ ܐ̄ܢܵܫܵܐ. [No book]
[64]ܕܲܥܘ ܗܵܟܹܝܠ ܕܠܵܐ ܗܘ̤ܵܘ ܐܲܠܵܗܹ̈ܐ. ܘܠܵܐ ܬܸܕ݂ܚ̄ܠܘܼܢ ܠܗܘܿܢ. [No book]
[65]ܠܵܐ ܓܹܝܪ ܕܲܢܒܲܪܟ݂ܘܼܢ ܠܡܲܠܟܵܐ ܡܸܫܟ̇ܚܝܼܢ: ܘܠܵܐ ܕܲܢܠܘܼܛܘܼܢ. [No book]
[66]ܘܐܵܬ̣̈ܘܵܬ̣ܵܐ ܠܥܲܡܡܹ̈ܐ ܒܲܫܡܲܝܵܐ ܠܵܐ ܢܚܵܘܘܿܢ. ܘܐܵܦܠܵܐ ܐܲܝܟ݂ ܫܸܡܫܵܐ ܢܲܕ݂ܢ̱ܚܘܼܢ ܢܘܼܗ̱ܪܗܘܿܢ. ܘܠܵܐ ܡܲܢ̱ܗܪܝܼܢ ܐܲܝܟ݂ ܣܲܗܪܵܐ. [No book]
[67]ܚܲܝ̈ܘܵܬ̣ܵܐ ܕܒܲܪܵܐ ܡܝܲܬ̇ܪ̈ܵܢ ܐܸܢܹܝܢ ܡܸܢܗܘܿܢ. ܕܗܵܠܹܝܢ ܡܸܫ̈ܟ̇ܚܵܢ ܕܢܸܥ̱ܪ̈ܩܵܢ ܘܲܢܫܵܘ̈ܙܒ̣ܵܢ ܢܲܦ̮ܫܗܹܝܢ. [No book]
[68]ܡܸܕܸ̇ܡ ܕܹܝܢ ܠܵܐ ܡܸܬ̣ܚܙܹܐ ܠܲܢ ܕܐܲܠܵܗܹ̈ܐ ܐܸܢܘܿܢ. ܡܸܛܠ ܗܵܢܵܐ ܠܵܐ ܬܸܕ݂ܚ̄ܠܘܼܢ ܡܸܢܗܘܿܢ. [No book]
[69]ܐܲܝܟ݂ ܥܲܪܙܵܠܵܐ ܓܹܝܪ ܕܡܲܩܛܝܵܐ ܕܡܸܕܸ̇ܡ ܠܵܐ ܢܵܛܲܪ: ܗܵܟܲܢܵܐ ܐܸܢܘܿܢ: ܐܵܦ ܐܲܠܵܗܲܝ̈ܗܘܿܢ ܕܩܲܝܣܵܐ ܘܲܕ݂ܟܸܣܦܵܐ ܘܲܕ̇ܕܲܗܒ̣ܵܐ. ܠܲܝܬ̇ ܒܗܘܿܢ ܝܘܼܬ̣ܪܵܢ. [No book]
[70]ܘܐܲܝܟ݂ ܗܲܛܛܵܐ ܕܲܒ̣ܓܲܢ̄ܬ̣ܵܐ: ܕܟ݂ܠ ܦܵܪܲܚܬ̣ܵܐ ܥܠܵܘܗܝ ܝܵܬ̣ܒܵܐ: ܗܵܟܲܢܵܐ ܐܸܢܘܿܢ. ܘܲܠܡܝܼܬ̣ܵܐ ܕܲܫܘܸܐ ܒܚܸܫܘܿܟ݂ܵܐ: ܗܵܟܲܢܵܐ ܕܵܡܹ̇ܝܢ ܐܲܠܵܗܲܝ̈ܗܘܿܢ ܕܩܲܝܣܵܐ ܘܲܕ݂ܟܸܣܦܵܐ ܘܲܕ̇ܕܲܗܒ̣ܵܐ. [No book]
[71]ܡ̣ܢ ܐܲܪܓ̇ܘܵܢܵܐ ܓܹܝܪ ܘܡ̣ܢ ܫܝܼܫܵܐ ܕܲܥܠܲܝܗܘܿܢ ܕܡܸܬ̣ܚܲܒܲܠ: ܬܸܕ̇ܥܘܼܢ ܕܠܵܐ ܗܘ̤ܘ ܐܲܠܵܗܹ̈ܐ. ܐܵܦ ܗܸܢܘܿܢ ܕܹܝܢ ܠܚܲܪܬܵܐ ܠܥܵܠܲܡ ܢܸܬ̣ܚܲܒ̇ܠܘܼܢ ܘܢܸܗܘܘܿܢ ܠܚܸܣܕܵܐ ܒܐܲܪܥܵܐ. [No book]
[72]ܛܵܒ̣ ܕܹܝܢ ܠܓܲܒ̣ܪܵܐ ܙܲܕ̇ܝܼܩܵܐ ܕܠܲܝܬ̇ ܒܹܗ ܦܬܲܟ݂ܪܵܐ: ܕܪܲܚܝܼܩ ܡ̣ܢ ܚܸܣܕܵܐ: ܘܲܡܣܲܟܹ̇ܐ ܠܡܵܪܝܵܐ ܐܲܠܵܗܵܐ. [No book]
Author: Enoch the Prophet
Source: www.YahwehsWord.org
Top