|
|
| [No book] |
[1]Hujus rei gratia, ego Paulus vinctus Christi Jesu, pro vobis gentibus, |
| [No book] |
[2]si tamen audistis dispensationem gratiæ Dei, quæ data est mihi in vobis: |
| [No book] |
[3]quoniam secundum revelationem notum mihi factum est sacramentum, sicut supra scripsi in brevi, |
| [No book] |
[4]prout potestis legentes intelligere prudentiam meam in mysterio Christi: |
| [No book] |
[5]quod aliis generationibus non est agnitum filiis hominum, sicuti nunc revelatum est sanctis apostolis ejus et prophetis in Spiritu, |
| [No book] |
[6]gentes esse cohæredes, et concorporales, et comparticipes promissionis ejus in Christo Jesu per Evangelium: |
| [No book] |
[7]cujus factus sum minister secundum donum gratiæ Dei, quæ data est mihi secundum operationem virtutis ejus. |
| [No book] |
[8]Mihi omnium sanctorum minimo data est gratia hæc, in gentibus evangelizare investigabiles divitias Christi, |
| [No book] |
[9]et illuminare omnes, quæ sit dispensatio sacramenti absconditi a sæculis in Deo, qui omnia creavit: |
| [No book] |
[10]ut innotescat principatibus et potestatibus in cælestibus per Ecclesiam, multiformis sapientia Dei, |
| [No book] |
[11]secundum præfinitionem sæculorum, quam fecit in Christo Jesu Domino nostro: |
| [No book] |
[12]in quo habemus fiduciam, et accessum in confidentia per fidem ejus. |
| [No book] |
[13]Propter quod peto ne deficiatis in tribulationibus meis pro vobis: quæ est gloria vestra. |
| [No book] |
[14]Hujus rei gratia flecto genua mea ad Patrem Domini nostri Jesu Christi, |
| [No book] |
[15]ex quo omnis paternitas in cælis et in terra nominatur, |
| [No book] |
[16]ut det vobis secundum divitias gloriæ suæ, virtute corroborari per Spiritum ejus in interiorem hominem, |
| [No book] |
[17]Christum habitare per fidem in cordibus vestris: in caritate radicati, et fundati, |
| [No book] |
[18]ut possitis comprehendere cum omnibus sanctis, quæ sit latitudo, et longitudo, et sublimitas, et profundum: |
| [No book] |
[19]scire etiam supereminentem scientiæ caritatem Christi, ut impleamini in omnem plenitudinem Dei. |
| [No book] |
[20]Ei autem, qui potens est omnia facere superabundanter quam petimus aut intelligimus, secundum virtutem, quæ operatur in nobis: |
| [No book] |
[21]ipsi gloria in Ecclesia, et in Christo Jesu, in omnes generationes sæculi sæculorum. Amen. |